日航咖啡室 (已結業)

05年4月4日響庋食dinner buffet.食物種量唔算太多,但都叫做夠.味道方面,ok啦.最特別係個海鮮豆漿粥,自己揀配料俾佢煲,幾鮮味.生蠔方面,我同女朋友都唔太鍾意食的,拎左4隻返黎, 一人食左一隻....覺得有點怪味,唔知係我地食唔慣定點...結果剩返兩隻都唔食了.生蠔refill得幾快.而女朋友鍾意食的那款蛋糕,佢只拎左一舊,第2次再出去拎都已經冇了,refill左第款了... 三文魚刺身都切得幾肥幾好食.其他食物就ok啦,唔算太差,但又未算好好. 海景方面,由於有條橋遮住,同埋唔係對正,即使我地坐窗口位都,只能望到少少海. 由於全場爆滿的關係,幾多人,覺得嘈左少少. 干均二百三十幾蚊(原價二百六十八,而家有8折),叫做合理啦.但下次我會試下第間.....

好耐之前係名仕餐廳食lunch buffet, d朱古力cake 好好味. 今次係到買個take away,試一試得唔得.栗子拿破崙偏甜,唔太討好.Chocolate Mousse Cake好濃朱古力,好滑,正! 不過$26一小磚,都幾貴.

3/9因為爺爺生日所以來訂蛋糕,問果女侍應有咩款選擇,果女侍應指住雪櫃話係敢多款.但雪櫃真係得幾款,問佢有無相睇下其他款,之後等左好一陣間,唔知佢去邊到,拿了一張舊舊地的紙給我看,得幾款同雪櫃果d一樣,敢是但啦,訂了一個雜果芝士蛋糕1kg($350),我問hkbank白金係咪有8折,佢話係,之後埋單原來要收10%service charge,嘩有無攪錯呀,我來訂蛋糕都無食野都要service charge $310!!4/9來拿蛋糕,果女侍應係敢意比我睇一睇,果賣相真係好一般,果盒仲好薄,好似唔係好穩陣,連袋都無個,拿到去酒樓一打開先發覺個蛋糕果底部無兜兜住就敢擺落去果盒到,完全無野固定果位,真係非常之唔安全.好啦,到食蛋糕,我姑姐就話唔錯lee個特別d,上次港麗果個就普通d(栗子蛋糕),小熊就話味道好普通,我就覺得賣相+味道+價錢= 唔掂,同上次港麗果個無得比,my brother & cousin今次都無返兜就知唔得啦,所以都無下次.

再次去呢度食dinner buffet，今次主題係"葡國澳門"，雖然呢度選擇唔多﹐但印像中覺得都唔錯，可惜今次失望而回去到好爆場，full 哂，但食完後我覺得佢唔值咁full食物同之前大同小異，一樣唔多選擇，但質素就明顯下降。首先，沙律得好少款又求其，得雜果沙律、薯仔沙律、凱撒沙律、牛肉沙律、葡式菠菜沙律，食左牛肉沙律，一般，其他見到都唔想食(賣相好差﹐正如我之前所說整得都頗求其)﹐冷盤仲有食左生牛肉刺身配芥末汁﹐呢個反而有驚喜﹐另外叫左手卷﹐係即整的﹐有三文魚、吞拿魚、蟹子揀﹐我好少會食手卷、sushi呢d野﹐不過係見到冇咩好食所以先食…佢d款式除左同以往一樣少外，仲要都冇乜點轉﹐所以又係食返果d野…意粉、生炒骨、咖哩雞、炒時菜、白汁龍利柳、燴牛尾、關東煮(唉﹐真係同半年前甚至係一年前一模一樣)，味道真係好一般，冇咩驚喜，仲有，雖然話今次主題係"葡國澳門"﹐但切合呢個主題0既食物唔多，豬扒包︰豬扒味道唔錯﹐法包夠脆，配埋洋蔥都幾好食﹔豬骨煲︰唔好食，得個鹹字﹔葡式炒飯﹐黃禁禁﹐得d提子乾同埋唔知咩一粒粒﹐好少料，但甜甜地都幾好食﹔水蟹鮑魚粥︰粥底夠棉但偏淡﹐而且杰左少少﹔跟住就好似冇

食物唔算多款式﹐但普遍質素唔錯,環境舒適﹐服務有禮﹐食物味道都幾好淥麵檔野d雲吞好大粒,d蝦好爽口,d麵好彈牙,食完一碗又一碗但甜品選擇少左d

見佢做緊75 折,咪book 位同朋友試下喇~! 當日鬼咁死多人,全場full 晒不特止,仲要開埋入面既房,見佢咁多人幫襯,我估d 食物應該有番咁上下,75 折后都要二百幾蚊喎~ 果然超出我expectation, d 三文魚刺身又新鮮而且好搶手,又快refill;生蠔ok; 又有龍蝦仔,亞拉斯加蟹皇腳,大大條既東星班;芝士焗青口;燒牛柳,香草羊扒; 甜品款式又多, Tiramisu, Chocolate Mousse, Mango Cream Cake, 好好味,簡直值回票價有突, 仲有阿叉師傅即場整燒餅,轉來轉去,唔食都有得睇~

自助餐食物款式(包括甜品)不多, 質素一般, 加添速度不快(可能因為"銷量"不高的關係), 要差不多290元一位唔係咁抵. 最特別的只有"颯"小龍蝦(其實是crayfish)和蟹等.