日航咖啡室 (已結業)

上次看雜誌, 知道這裡做1月份生日Promo(按年齡折扣), 所以上星期四(11/1)男朋友在這裡為我慶祝生日...刺身都算新鮮! 長腳蟹OK.粉麵檔- 鮮蝦雲吞好大粒意粉檔- 意粉師傅D態度唔係好得. 意粉味道唔夠酸...鐵板燒- 有多款德國腸及牛扒, 但味道略咸.印度食品檔- 有油酥餅及拉茶. 第一次試薑味拉茶, 勁重薑味, 所以好辣.甜品方面, 大部份都係細細杯, 味道OK, 但Cake就唔多選擇, 試了那個白森林蛋糕, 好香酒味.服務態度唔錯, 收碟速度十分快. 食物選擇唔多, 所以下次未必再食!

去食自助餐, 初時見到呢隻蝦, 好開心, 諗住好好味.點知好難去殼的. 肉又好少, 肉想算鮮甜. 叫scampi.

看見雜誌推介, 與同事們興高采烈一起去食。$308一位, 匯豐咭9折。去到, 個場都幾清靜。出去行了一圈, 食物選擇少到爆。刺身都ok既。生蠔就真係唔得啦, 削到爆。壽司種類少, 什麼腐皮壽司等。有個係食海鮮, 自己選擇想要既海鮮, 叫師傅整熟。煎牛扒都唔錯, 我跟同事都每人食了幾舊, 可以同師傅講要幾多成熟, 同埋覺得個漢堡扒幾好味, 仲有個磨姑汁都唔錯。失望既係, 冇芝士食, 又冇燒牛肉食。有得食意粉, 自己選擇汁, 同料。仲有個黑菌炸雲吞併士多啤梨汁, 都幾特別。酥皮湯細細碗都ok。甜品細細碗, 都ok既, 但冇乜點食到。食左個意大利芝士蛋糕, 唔好食既, 個底又有水wo。但個格仔餅整得幾好食, 同埋個軟心朱古力都不錯。整體黎講, 都ok既, 但以308蚊一位, 選擇咁少, 下次唔會再黎囉。

同男朋友去這裏食Lunch Buffet, 因為用信用卡積分換飛的。所以不抱太大期望。我幾喜愛食沙律，這裡的配料都幾多及新鮮。仲有成支意大利黑醋任倒添。雖然不是陳醋，但係都幾美味。頭盤食物有一般的生蠔魚生。魚生係放係櫃內，有師傅切給你的。須不見人人爭住食，但係師傅只切十分細塊，而且每人只給很少份量。壽司的款式亦一般。食凍蝦，要抹手，濕紙巾不是每人都有，是要問侍應索取的!有一個自選配料後，師傅即炒的部份。這部份的食物一般。鈔出來無味的。甜品部份一般。有手煎pancake。同意軟雪榚太普通，只得甜味。離開時見到，午餐BUFFET要$175一位，要比呢個價錢，咁有無需要食呢度。

今日同女朋友去這裏食Lunch Buffet, 因沒有預先Book位所以被安排坐到不近食物攤檔果邊, 食物有Tiramisu, 朱古力蛋榚, 最意想不到竟然有車仔麵及生滾粥, 馬來西亞拉茶、薄餅,拉茶有濃烈薑味好難飲, 生蠔好瘦但不是就咁擺上蠔殼果D, 但Refill得好慢, 魚生及拖羅都幾新鮮, 湯有忌廉粟米湯及西洋菜陳腎湯,個人覺得最好吃是Tiramisu同Souffle, 同埋用個好細既砵仔載住的焦糖燉蛋, 其餘的都是乏善足陳, 最Cheap既都是D雪榚車式的軟雪榚, 連牛奶公司的都不如, 佰幾蚊食D咁既野真係好唔抵, 總括來講可以用一個字形容"Cheap"。

o黎呢度食buffet 當慶祝生日，自從裝修完畢好似加o左價，加上日航buffet 都算出名，可以試下$338 再加一，要有D 要求唔算太過份掛有我最鍾意o既鐵板燒，但講真佢個整法唔係太似真o既鐵板燒... 可能係太趕掛。人客先執夠一碟再畀廚師整，跟住佢畀個牌仔你轉頭拎，呢個安排幾好；有得揀既主要係兩種牛肉，同埋龍利/ 蝦/ 魷魚同埋一D 菜呀菇呀咁除左呢個仲有刺身，不過得三種揀，但尚算新鮮；仲有個灼海線，有龍蝦仔/ 瀨尿蝦/ 蝦/ 青口呢D 揀，D 龍蝦仔幾得再講下其他，普通熱盤只可以算係合格，個羊髀冇乜味道；甜品有我鍾意既pancake，不過只算不過不失，甜品都還可以，雪糕係軟雪糕不過得一種揀收碟收得好快，不過個頻率真係快得有D 令人透不過氣來...整體而言，還可以，值唔值就見仁見智啦...

久仰大名的日航buffet由天星漫步過去都幾遠其實應該搭車唔駛慢慢搵據說餐廳剛裝修過不久加上落地大玻璃的確感覺相當新淨亦都因為咁所以加返價喇唯一是食物區出入口有數個樽頸位常常塞人比較不方便食物選擇不算很多可是款款都有心幾乎每一檔都有廚師負責刺身只有拖羅三文和鯛魚都相當新鮮份量亦不少師傅特別推介喬麥冷麵加上特製冷麵湯真的值得推介冷盤有一啖一隻的小生蠔小龍蝦青口同長蟹腳蟹腳全部已切開一半用叉亦可食到另外仲有海鮮檔自挑瀨尿蝦鮮蝦蜆螺魚等交俾師傅一煲白灼仲有自選材料既鐵板燒一般肉同海鮮之外仲有生果一齊燒再加埋自選醬汁交俾師傅好多人排隊要等起碼十分鐘先有得食另外還有據說每天用上四小時熬成的龍蝦海鮮湯的確相當濃郁各檔口的海鮮全部都相當新鮮而且質素不俗愛海鮮的值得一試相反沙律和熱葷卻未見特別除左一度登場既椒鹽瀨尿蝦(又係海鮮)其他都未能提起太大興趣甜品選擇都算豐富有即製的pancake和軟心朱古力蛋糕其他的cheesecake同小杯甜品都有新意有水準整體來說水準相當不俗食到九點三仍見到食物不停refill服務方面由於隔離檯有一檯似乎是貴賓/家屬的客人其他客人一般都備受冷落廚師的則很有禮貌可能飯前看過

尋晚farewell 老細, 8個人book 左星期一黎呢度食dinner buffet7:15 黎到, 已有頗多人, 環境幾好, 感覺幾闊落不過食物真係唔掂......$268+10% per head...salad 好少choice, 個樣唔多新鮮...冷盤竟然連生蠔、魚生呢d 最basic 既都無...(連手卷都係用smoked salmon), 只有小量的龍蝦、凍蝦(超級細隻)同蟹腳(一出即刻俾人搶晒)......熱葷都係d 好普通的菜式, 其中燒牛肉同燒羊架算ok, 有個海鮮湯counter, 自己選海鮮跟住交低俾佢\煮, 不過d海鮮又係small size......甜品又是超級唔掂...無choice... tiramisu個底好濕(我估係醮舷太多coffee...), 直情出水, 我同同事講話我自己都整得好食過佢\...cheese cake無cheese 味...總之全部都唔掂, 唔明點解可以收$268+10% per head!!!

我abt 2年前食過buffet, 係真係cheap cheap o地, 好少food, 魚生只係得三文魚!甜品種類極少, d cheesecake, tarimisu 好遲sin出, 一出即俾人搶哂!

6/10/2005正如下面嗰位人兄話齋，呢度而家逢一至四都有折，每位$212，加埋一就大概要$233一位。由於好耐之前黎過，覺得幾正，但係今次再黎，真既有失望既感覺，因為發覺款式不多，魚生只係得兩種：三文魚同吞拿魚，甜品種類亦唔多（我記得以前黎時甜品真既有好多．．），總之一切都只有失望！好在佢既衞生程度真係唔錯，質素亦ok，至不致令我有後悔感！不過真係好爆呀，好多人好嘈．．．

逢一至四晚都有折，＄２１２一位，星期四晚都幾爆場。食物總類不算多，但環境衛生不錯。換碟速度都算快。有兩杯飲品免費提供。熱葷味道不俗，但甜品款式不多。

佢夜晚個buffet o係有折架,$23x一位,公價la個buffet以海鮮做主題,不過d蟹腳就超細隻,寒酸左d,d蠔就不過不失.佢仲有d類似海鮮鍋o既野,係由你揀海鮮,有師傅即刻幫你煮頭盤真係少左d,得d terrine同水牛芝士沙律見得下人.除左中西日式外,仲有d印度野,不過竟然炒公仔麵都有,你估翠華咩.至於甜品,有個mango mousse cake幾正,有幾層清蛋糕,餅底,mousse,食落唔太膩

已是上個星期的飯局，幫舊公司招呼客人，佢地住在日航，所以飯局也安排在這裡。因為都是多年朋友，唔想咁拘謹，選了自助餐，仲要係客人提議的。以前來說，日航地位幾高的，不過之後有多間酒店迎頭趕上，現在的日航，都係一班尾，二班頭，淨計裝修、傢私及地點都輸蝕晒。午市自助餐都算多野食，沙律是大路選擇，不算出色，當然比起Cafe Too或Harbourside都無得比；冷盤的蠔是大大隻的美國貨，味道不算很好，不過都幾新鮮；魚生壽司檯選擇不多，亦不吸引，客人及我們也沒有拿過來吃；有幾個屋台樣子的食物檔，可以拿咖哩又或是炸物的選擇。仲有燒牛肉，肉質不錯，算是水準比較好的一個熱盤。其他熱盤的豬/牛/羊/雞/魚是大路水準，不算好亦不能說是差；甜品有六/七款選擇，不知如何，吃的人不多，拿到最後很多都是沒有人吃過的樣子，幾款吃過，比較好吃的算是tiramisu。食物水準普普通通，唯一好處是人客不多，絕對不會有搶吃的情況，如果食得落的話，在無壓力底下，食到唔食，包保回本。唔使我埋單，價錢好似是二百二十蚊一個人左右，估佢應該係198加一咁上下。以一餐商務午餐來說，當然不算貴。

雖然食物唔多,但每樣都好好食特別係d甜品,真係超好味呀--> 蛋白梳乎里,雲石芝士蛋糕,麵包布甸,雜果撻係最好食架!!冷盤都ok,我同個師傅講要三文魚,話係4人分量,佢仲好有禮貌咁話比一條我,魚生非常新鮮, 但d生蠔就細隻左d,同埋唔夠多,每次refill得十幾廿隻,好似要搶至有得食咁...而熱盤既choice 都唔多,但都ok架,尤其係個意大利菜湯同xo醬炒拉麵,鹽燒大蝦係比較出色架星期一至四有8折架,但我果日去係星期五,所以覺得幾貴,因為野食唔係好多...但都值得一試既

昨晚與家人到日航吃自助餐以為此酒店的糕點及日式食物會做得很好，點知去到見到魚生只得三文魚及吞拿鱼兩款而壽司只得十幾件好似係街賣四元一件的模樣，糕點就只得幾款旦糕沒有特色可言，其他的食份量放出來亦很小，而冷盆蟹脚亦只得幾件另外的食物就很普通例如妙公仔面、蒸魚、咖喱魚、炸雞、雲吞面、南瓜湯、碗仔翅；而較為似樣的食物就有日式炸物、関 東煮、燒牛肉、鮑魚粒泡飯及生果就有幾款，總括而言就是大失所望唔底食。