日本野 (已結業)

之前喺fb見過d post有講過呢間，話好抵。但今日嚟到就有少少失望。首先價錢方面，如果係食魚生，其實同出邊一般嘅價錢差唔多 7x 8x蚊，只係因為佢有杯餐飲跟🍹食物方面係我覺得最失望嘅地方🥺三文魚蟹子丼嘅三文魚色澤好暗啞，睇落去唔係太juicy，厚薄就正常唔會話啖啖肉嘅感覺。蟹子方面都算多，但上面過多芝麻🤨同個丼本身有少少唔係好夾另外壽司亦都好普通。但佢呢度嘅三文魚同油甘魚都幾好食嘅，新鮮嘅，但重點係佢下面舊飯好似乒乓波咁硬🤔🤔🤔所以有啲我都淨係食咗上面嘅魚生。講到佢個味增湯，非常非常淡味，好似溝咗好多水咁😪但佢個溫泉蛋都幾好嘅半生熟程度做得幾好不過應該係出面買番泥😂我哋另外叫咗雞肉銅鑼燒，又係一個失望。。。我覺得自己係食緊炒雞肉椰菜🐔佢完全一啲蛋漿都冇，純粹上面嘅銅鑼燒汁用嚟調味😔希望呢間野嘅廚房以後有所改善。。。

剛放完新年假，朋友話旺角有間日本嘢好抵食，佢話要帶我一齊去食Lunch ，餐廳坐位舒適，服務員都好nice。我哋每人order咗一份定食，一份係魚生餐，有我最喜歡的三文魚，鮮味十足，入口即溶，真係好肥美，八爪魚爽口彈牙，甜蝦非常鮮甜，油甘魚及北寄貝都好新鮮，仲有味噌湯、温泉蛋及壽司飯都係$108，真係好抵喎。另一份係壽司定食$88，有三文魚、油甘魚、北寄貝、八爪魚、玉子壽司各一件及三件加洲卷，再加上味噌湯，温泉蛋及豬骨湯烏冬，烏冬爽口彈牙，吸入豬骨湯，真係好好味，我覺得比魚生定食更抵。朋友見到隔離枱食緊吉列牛，佢話都好想食，咁我哋又order咗一份，餐廳用上霜降牛小排做吉列牛，油份均勻，肉質鮮嫩，放上熱石板上烤一會，增加牛的香味，外脆內嫩，好味到停唔到口，食到抱住個肚都係四百多元，真係好抵，值得再試！

朋友突然日本菜癮起，帶左我黎呢間日本野食lunch😊Set lunch超抵食，五十幾蚊就有交易👏我叫左個咖哩吉列豬扒飯（少飯）配熱齋啡，朋友叫左刺身拼盤定食飲可樂～跟餐salad面頭仲俾左D蟹子同蟹棒，一D都唔馬虎👍自己本身不嬲都幾中意食日式咖哩，甜甜地唔太辣，好好送飯😁吉列豬扒塊皮唔會太厚，一入口就化開豬扒裡面既肉質鬆化😋朋友叫既刺身拼盤定食都好豐盛好吸引，刺身好新鮮一D腥味都無👍👍三文魚夠晒肥美👏壽司飯用左好香同口感偏黏既靚靚日本珍珠米，另外仲有滑脟脟既溫泉蛋，撈飯好有蛋香，一流！😎呢個價錢唔駛加一食到呢個質素既日本野，性價比真心高！！🎊

之前見好多foodie都食呢間日本野 都想試好耐🙊 我地lunch去原來都有得叫晚市menu😂 不過留意返只有lunch set免加一😂個set都包左湯/沙律. 和牛壽喜燒 . $198份量超多好足料又熱辣辣 d牛好大塊😆 豆腐好滑仲有好多蔬菜 湯底幾濃又甜甜哋 最鍾意撈埋烏冬食 兩個人食啱啱好. 石燒吉烈霜降牛小排 . $188呢個定食配左飯同溏心蛋/溫泉蛋 d吉烈牛望落幾靚 外皮幾脆 每邊煎15秒就夠啦 仲有d燒汁同粗鹽點下 味道唔錯. 刺身拼盤 . $88有三文魚 北寄貝 甜蝦 八爪魚各兩件 正常發揮 不過甜蝦可以大隻d😂. 芝士年糕 . $28熱辣辣幾好食 有兩件 入面係流心 食落又唔太漏😌

石燒吉列牛定食配糖心蛋：已經吉列炸好外皮的牛肉，外層脆卜卜，而且牛肉色澤均勻，鮮紅色的牛肉略帶脂肪，在石燒爐上喜歡燒幾成熟自由決定，大家都大廚上身一樣！又有得食又有得玩，最重要係非常好食！不得不提的是特製醬汁，將牛肉燒好後沾上秘製醬汁更加惹味，甜甜香香的牛肉入口即溶超強！招牌菜式果然名不虛傳！追加+厚燒玉子鰻魚：果然是厚切玉子，玉子中包含鰻魚，喜歡吃蛋又喜歡吃鰻魚的你不可錯過！而且，最上層加上滿滿的蟹子，賣相已經非常吸引，旁邊另上日本沙律醬配松露醬，配搭一流！追加+和風柚子雞翼：一客有五隻，廚師絕不吝嗇柚子蜜，每隻雞翼上都塗料滿滿的柚子蜜，雞翼揸得恰到好處，外脆內軟，還有雞汁流出，推薦！追加+鹽燒原隻虎蝦：即叫即製，虎蝦大隻不在講，肉質非常爽脆鮮甜，不加任何香料保留大蝦原汁原味，啖啖肉非常滿足！想不到日式餐廳也可以吃到海鮮的原味道呢！咖喱牛肋條烏冬：日式咖喱汁甜甜的是我最愛，牛肋條分量十足，配合咖喱很好吃。烏冬是日本稻庭烏冬，烏冬完全吸收咖喱汁，入口非常濃郁。這碗烏冬份量很多，大家一定吃到飽！

日本菜從來都係香港人嘅至愛❤️女仔對生冷野又愛又恨男仔又可以食香口嘅炸物今次試吓旺角呢一間日本野🌟裝修座位及擺設充滿和式🔸石燒吉列霜降和牛小排霜降和牛小排脂肪非常平均吉列粉漿薄而且金黃色而且用餐嘅用具都非常講究石版燒過嘅和牛因為有吉列粉醬所以一口咬落去外脆內軟跟餐嘅雞蛋可以揀溫泉蛋或糖心蛋呢一點非常體貼❤️方便唔食生蛋嘅朋友　🔸特選刺身拼盤定食喺午餐嘅Menu入面最吸引我嘅一定係呢個入面刺身包羅萬有上枱嘅時候我都覺得非常驚喜❤️成份刺身份量都幾多👍🏻🔸蒲燒鰻魚定食蒲燒鰻魚大條而且非常厚鰻魚份量非常足夠送飯🔸厚燒鰻魚玉子燒 （追加小食）鬆軟嘅玉子燒入面包住厚厚嘅鰻魚玉子燒味道好啱香港人口味，唔會太甜玉子燒口感同鰻魚非常配合再加埋諗住鍾意食嘅木魚碎🔸鹽燒原隻大虎蝦（追加小食）大虎蝦嘅size好大隻，成隻手掌咁大大虎蝦唔會得好乾身而且蝦頭有好多蝦膏😋

三文魚刺身一客有5片的三文魚刺身，厚厚的很鮮味！而且份量都算多，對得起個價錢火炙芝士三文魚壽司超厚的芝士，加上沙律醬個燒焦了的三文魚，好味！海膽壽司呢度既海膽真係唔錯，係腥味而且份量係超級多！甜甜的火炙芝士蟹棒超大棒的芝士蟹棒，甜甜的好好味，火灸過既芝士蟹棒更加match個味道牡丹蝦刺身超鮮甜的牡丹蝦，夠哂大隻同埋新鮮，加上個蝦頭都食得，好好味值得推薦。三文魚籽多到爆出黎既三文魚籽壽司！！完全唔腥，好鬼yummy

呢間餐廳都幾得意，個店名就係叫日本野，位於旺角既日本野，位置都幾方便，食物既種類都唔少，有燒肉，定食，丼，刺身等等今次我叫左既係石燒霜降牛小排，午餐黎講都唔算貴，出面食個板燒牛都係差唔多價我加左套餐所以會有埋個麵豉湯同飯呢個牛小排一共就有8塊，係自己燒的，即燒即食一放上去就聽到滋的一聲，幾咁清脆同埋香氣沖哂過黎！味道的確唔錯，係中上的水準，完全對得起呢個價加埋飯一齊食就可以減少個個油膩既感覺加左個帆立貝刺身，都幾大粒，而且鮮味一流！

/ /今日去開旺角，見到呢間日本野好吸引！有時候都要滿足下自己嘅！極上七品刺身 $328三文魚、油甘魚、牡丹蝦、活赤貝、帆立貝、海膽、八爪魚🐙呢個價錢來講，都唔算好貴！刺身好新鮮，最鍾意係佢夠凍另外再加左半板海膽，好新鮮！有海膽食真係好興奮😍仲叫咗幾件火炙壽司🍣一份有兩件火炙帆立貝 $52火灸三文魚 $26兩個都燒得啱啱好，好有油香同埋上面嘅沙律醬，好滑好juicy!🐮石燒吉列霜降牛小排另外可以再加$18追加日本飯、昆布湯呢個吉列牛小排好嫩口油脂分布好平均，食落好Juicy大概燒30秒左右就可以燒另一邊

路經旺角 朋友想食日本野 見到價錢經濟 二話不說就入咗去坐叫咗兩個lunch set 加其他刺身小食角切魚生井-個set仲有味噌湯同埋沙律 好暖胃 刺身井分量十足 刺身同飯既份量都比出面一般多 有三文魚 吞拿魚 玉子等等 啖啖都可以大半刺身 小半飯 超級滿足 賣相亦都好靚 似足出面百幾二百蚊個個級數刺身拼盤set-有三文魚，油甘魚，吞拿魚，甜蝦 三爪魚 呢個價錢出面真係好難食到咁好味既食材 又新鮮又肥美 大家都讚不絕口帆立貝刺身-全部都係厚切 件件新鮮肥美 食落口勁滿足 超正火灸三文魚-三文魚超肥美 食落口勁豐富石爐燒牛-有得食有得玩 有個石燒爐比你慢慢燒 牛好靚 燒完基本上汁都唔洗已經好好食 份量好多 恰到好處 真係好味

旺角有間日本野,真係店名叫日本野日本菜,日式料理店,呢度係居酒屋風格無晚市真係好傷,咁今次過黎支持下佢啦樓上鋪黎既,都係個句,訂左位比較好遲D晚市開返一定爆場沙律,小吃,大阪燒,串燒,刺身,壽司卷物,石燒牛芝士煎餃子 $58有五隻,餃子浸在芝士汁之上,餃子感覺似炸全隻都香脆,吃起沾滿芝士醬汁,單調平凡既餃子,即刻味道豐富起來,咬開餡料不多,純粹食脆感同濃郁芝士味,配酒飲一杯石燒霜降牛小排 $148,加28蚊有湯同飯有別於炸牛扒,係牛肉切片直接上自己係熱石板上煎熟食定食上,一碗大米飯,一碗湯鹽,蒜辣醬.燒汁,我個人最建議煎個陣加鹽燒最簡單味道係最好食,或者加燒汁做汁燒牛肉大約有十片牛肉,切得有點厚度每面係板上燒1分鐘左右就剛好5分熟我自己會燒好放左碟上加燒汁另外一種係加鹽,一種牛肉兩種食法汁燒配飯食最下飯,牛小排夠油花,食起黎嫩嫩得黎夠肉味,油花豐富,夠香夠油#日本野 #JapaneseDelight #樓上鋪 #旺角餐廳#黃店  #黃色經濟圈 #旺角 #西洋菜南街 2A號 #銀城廣場 9樓

個糖心蛋真係令我忍唔住食人生第一篇食評 以為自己食緊泥膠 啲牛呢 不論石燒定火鍋都好韌 完全咬唔開 三文魚又唔新鮮 玉子燒同牛舌又冇 鰻魚又咸 值得一讚就係個火焰三文魚壽司 都算放得落口嘅

這間日式燒肉是自己在熱石上燒的，我和幾個朋友分別每人都叫了一個套餐再加了兩個小食，一個點了日式刺身飯、一個點了炸雞配飯，他們說都不太好吃，相反，我和另一個朋友則點了燒牛肉套餐，我們兩個都覺得燒牛肉很好吃，牛肉脂肪均勻，在熱石上每邊燒幾秒就可以食，就是肉有點太小，定食配一碗日本米飯，溫泉蛋/糖心蛋和昆布湯。朋友選的是吉列牛肉，也很好食，配有不同調味料。每個人大概$198，也算是性價比高的燒肉。👍🏻日本野地址：旺角西洋菜南街2A號銀城廣場9樓

特選壽司拼盤定食，份量多，包括有加州卷、玉子壽司、北寄貝壽司、玻璃蝦壽司、章紅魚壽司、三文魚壽司、芥末、酸薑、溫泉蛋、蟹籽沙律、味噌湯、烏冬；加州卷味道正宗，表面鋪滿美乃滋、蟹籽，內有蟹柳、青瓜、玉子；玉子壽司味道香甜；玻璃蝦壽司肉質爽口；章紅魚壽司、三文魚壽司肉質肥美、滑嫩；酸薑口味道酸辣適中；溫泉蛋，蛋香味濃；蟹籽沙律，好足料，包括有蟹柳、蟹籽、青瓜、美乃滋；味噌湯味道濃郁；烏冬，口感煙韌，配料包括有鳴門卷、粟米。海鮮大阪燒，表面鋪滿海苔粉、柴魚片、美乃滋、日式炒麵醬，內有大量高麗菜、魷魚、鮮蝦、大蜆，材料豐富，味道咸甜。八爪魚刺身 5件，肉質薄身，味道鮮甜。海膽壽司，肉質滑溜，入口即化，味道甘甜。明太子沙律壽司，明太子口感爽脆，味道咸鮮，配以美乃滋食用，味道更佳。腐皮壽司，豆味濃香，甜度適中，食落好Juicy。北寄貝壽司、活赤貝壽司，食落好新鮮，食落鮮味十足。

呢間好多人都推薦呢間，所以我專登過嚟食，平靚正現在疫情關係未有晚市，唯有出嚟食lunch，所以餐廳都俾客人點晚餐menu，好貼心🔸晚餐menu: 石燒吉列霜降牛小排 $178啲牛好靚，而家都大塊，份量好充足，抵食👍🏻有個熱石俾你自己燒到自己想嘅熟度旁邊有燒汁、沙律醬、蒜蓉醬、鹽去配合燒肉呢個套餐有飯、湯、蛋附送，好齊全真心抵食最緊要價錢唔貴，其他餐廳都講緊$200-300一個set🔸晚餐追加，刺身拼盤 $88刺身都算新鮮，有4款刺身（三文魚，甜蝦，赤貝，八爪魚）三文魚都厚切，甜蝦有三條，全部都不過不失🔸晚餐追加，厚燒鰻魚玉子 $38（三件）玉子軟熟有蛋味，中間鰻魚唔會搶晒味道加上配有沙律黑松露醬，好香黑松露味，三十蚊就食到好正🔸晚餐追加，和風柚子雞翼 $58（五隻）啲柚子醬好多，滿滿浸住雞翼，如果少返啲醬會更好雞肉都好嫩滑，雞翼有先炸過，所以外脆內軟五十幾蚊有咁多隻，抵食！🔸芝士年糕 $28（二件）呢個都好推薦，因為佢芝士係鬆軟香濃，有流心效果皮都唔會太厚，脆口，食完想再食🔸午餐menu: 咖哩吉列豬扒配烏冬 $58午餐都係五十幾蚊份無加一，十分抵食賣相好日本feel，豬扒正常，是鬆軟