方榮記沙嗲牛肉專家

营业中

休息中

星期二7點鐘去到~ 都仲未有人~隨便揀張大台一行7人坐底~發覺普通野都要成25碟~ 唔..都要試試叫左個清湯& 沙爹湯底~不過炸魚皮就同其他唔同~ 係大件同原隻多d可能有骨但真係好好食~手切牛叫左碟80蚊... 但無乜大吸引力反而羊卷唔錯~ 成晚仲劈左24支藍妹..所以食咩都無乜味覺~埋單1400~ 都算唔錯~ 起碼好過"渡鄉"

吃過大邊爐(2007-06-18食評)後再來更出名的方榮記恐怕很難不作一下比較私房feel與潮式大排檔的風情固然不消比較了湯底是最出名的沙嗲底不知是否我遲到的關係湯底好像不太濃郁手切牛肉也是新鮮的但算不上十分爽滑其他的食品嘛一般吧…款款大大碟卻是不爭的事實丸類也很足料很有鮮味況且一班朋友出來看看電視吹吹水Update一下近況還是這類食肆才夠氣氛

方榮記最好食嘅原因係濃厚嘅潮州氣息,沙爹湯底係我嘅至愛,手切牛肉係我嘅必選!加埋個什會一家大細會食得好滿足,因為仲有籃菜食哂問佢再攞!!不過有讚都有彈,今次叫左個炒沙爹牛河(餓得滯!等唔切湯滾),但係好似無落鹽,完全無味!希望下次唔會啦!>_<我會繼續支持方榮記,但都希望方榮記要用心做!好耐之前個老闆仲係金毛獅王嘅時候d野一流!佢嘅後人真係要俾心機,唔好糟蹋間咁好嘅舖!

平時去龍城, 吃來吃去不是泰菜就是清真牛肉。是日有人想吃好少少, 撞正四月份的冷凍天氣, 打火鍋就最合適。久聞方榮記大名, 但次次都被其$1,200/碟牛肉嚇窒。是次聞到其沙嗲香, 都係決定平有平吃, 貴有貴吃。雖然有數個舖(甚至有一個大大隻字寫明VIP, 真識tum人), 但仍然爆場, 幸好有人負責等, 我只負責探探旁邊高級超市的美食。是次有幸坐正老細切牛肉的地方的對面, 有乜野正野一目了然。食物選擇眾多, 單是牛牛已有六款以上, 每款的size也有大小之分, 很user friendly。不過提提大家, 例如分$60及$80的手切肥牛, 前者只有後者的一半分量, 算盡d的話前者是絕對不抵吃。兩個人只要了最簡單的大手切肥牛, 及鵝腸豬腰鱔片羊肉魚皮。雖然沙嗲很香, 不過最後都係要回我最喜歡的芫茜皮蛋湯底, 加上每檯都有的菜, 可算豐富。手切肥牛味道比普通街邊的機牛, 味道可謂相差甚遠! 一大盆已可吃到爽口的, 淋滑的, 肥美甘香的等等不同口感的牛肉。這盤肉的分量大得是"食極都有", 食野最高享受不正如此?其他食物($25/碟)質素也很高! 鵝(粉)腸共有四副, 嘩d肥羔多到呢~, 一

Great hotpot! Satay Soup base is the best in town... never change! I have been eating in this place for 20 + years. It's just my fav hotpot place. beef is fresh & chewy.... juicy....plenty of Beer of course! oh, man, you have to try!

一如以往，開爐時送免問收錢菜（唔知仲以為免費所以唔問我地食邊種菜）埋單時仲要收三十大元一籃！《明明細菜十五蚊，但張單照寫三十蚊》最好笑就係同一時間在另一抬埋單時人地查單時又發覺收多錢。唉！唔知老闆娘係唔係已經做到‘走火入魔’，係唔係都加人地張單呢？其實原來好多熟客都知道佢地D壞習慣，但係都好似冇佢就餓親添。鬼叫佢地D沙嗲湯底真係好正，好心佢地真係檢討啦，等我地食都食得『』嘛！

嘩.... 呢間野既服務真係差到超晒班... 每個服務員都係有性格之人... 特別係門口個個.. 殺晒唯一賣點Satay 湯底

一行四人往九龍城打邊爐, 想去那間無位, 見這間人多但有位, 就轉移陣地.甫坐下阿姐已放下一籃蔬菜, 盛惠30元, 即使她沒有事先揚聲, 錢, 卻會照收, 所以你也不用客氣, 不想要的話可著她拿走. 我們反正也是會點菜的, 因此也由她了.湯底要了番茄湯和沙嗲湯, 前者味道不賴, 但如友人所言, 只需下大量番茄便可, 無其他技巧可言; 後者經多次加水後, 依然香濃, 非常詭異, 屬必點的湯底.有人懶慳家地點了最經濟的一款手切牛肉, 之後又後悔, 怪我不反對, 有無搞錯?? 這碟收幾十元, 不過不失. 羊肉OK; 鱔片頗為爽脆; 蠔仔意外地鮮美, 一點也不腥; 還有一碟好像是叫竹筴魚的, 我沒有吃, 據報不錯.連飲品埋單四百大元, 抵食, 但不會特地再來光顧.

食物~ 正, satay 湯底、芝士賜、牛肉、漿爆貢丸etc...服務就認真麻麻, 特別有個大叔比較串。環境比較rough...

一入座, 睇見menu, 便想走, 得平字, 唯有吃飽算, 牛肉un到似地布, 肉丸凍bingbing, 又是街市貨色, 一次落晒等熟因驚肚痛, 只想快D埋單走人, 無下次.DUN 門口等緊班客5抵, 重要比staff 用粗口自言自語話阻住晒.

中秋次日,友人相約九龍城打邊爐,問我去邊間好,我都係答方榮記.幾年無吃過手切肥牛,基本上係小弟一廂情願,心思思想吃的自私心理發作罷.三個人大約會吃到幾多,今次出奇放棄濃厚到極的沙爹湯底,改用清徹的清湯底,出自友人意思,小弟懶有"尖頭慢"風度,讓你.手切肥牛$150,質地依舊一樣粗,一樣齦,肥膏位幾爽,但肉味已不及以往.還有其他選擇如明星牛肉,仲有個賣成$1200,仲要預訂的頂級牛肉!係咩牛就無去追問,或者會係在隔幾個街口的肉店,拿些澳州和牛,當係頂級也不出奇.其他如黑豬肉,也有點雪花,灼到熟晒,肉質也幾爽.珊蝴蚌,醬爆鯊魚丸,一般.後者又係要就住來吃,一粒啪入口,有排你受.手唧魚麵,擺明係交來的工廠貨色,魚味都有,不過沒有應有的粗中帶幼質感.滑過公仔麵.不知道溝上幾多麵粉呢?埋單$400,不算太貴,三個人打邊爐,也要這個價錢的,畢竟我們並不是在連鎖酒家任叫任食.金毛獅王仙遊之後,水準真係不如以往.可惜.本來想在此安排一桌邊爐局,而家真係要諗過先.

I think the price is too expensive.$25 / plate of beef but too small portion, every thing too small portion. Service is not good. and seems not too suitable for them to have extra 10% service charge!only the Satay is good. Also, that vegetable really unreasonable. next time will go to the market in Kowloon City!

星期六晚同朋友去九龍城搵野食..係唔知食咩之際..朋友提意打邊盧..點知咁岩經過方榮記...朋友話呢間野幾出名..話打邊盧好食...聽到咁...即刻唔洗諗咁多..入去攞位開飯..先點湯底同點菜..點左個鹽西皮蛋湯底同蕃茄湯底...當個湯底黎到..我同兩個朋友都O咀..個蕃茄湯底唔係煲好果種..一d味都冇..之後火鍋生料隨之而上...一見到不禁驚訝..d料買相唔多新鮮..d薄切牛肉切到好Q大舊..睇落似牛柳多d...擺落去"陸"兩野即該試食..嘩..好鬼難食..生蠔一d都唔新鮮...其他火鍋生料更加唔洗講..一路食一路埋怨...好後悔入左黎食野..呢間咁既野..d仕應招呼完全唔掂..野食重好難食...我食過好多火鍋...呢間野可以講係最唔掂既一間...以後都唔會再去呢間野食..最後3個人食左成5佰幾...真係好唔底...

闊別方榮記已有好幾年,昔日曾同一班故友在此開心過,席上有友人一口氣鯨吞一整碟雞子,今日已成絕唱.除卻開心時刻,尚有名震天下的手切肥牛,方榮記的肥牛,令人回味,尚有其濃厚不搶口的沙爹湯底,同肥牛拍埋一起,成為夢幻組合.下午前來,只能吃個$16的特價粉麵,眼見隔離檯中午照打邊爐,很享受似的.特價貨色一樣大把你揀,諗都唔諗要沙爹牛河.$16換來大大碟充滿鑊氣的牛河,論量就超值,牛肉當然唔係用肥牛,雖然略比鬆肉粉招呼過,依然有肉味.肥膏位有咬勁.並未完全糟撻.沙爹汁繼續濃而不搶口.呢$16又真係使得其所.吃罷步行到九龍城廣場,赫見昔日小弟搖滾音樂營養吸收地"韻x"唱片店,一縮再縮,縮到成今日特價VCD散貨地.令人唏噓.

重遊舊地手切肥牛這東西不是人人鍾意食鍾意的認為夠肉味不喜歡的則認為太韌象拔蚌夠新鮮,不過今次切得很碎機切肥牛-麻麻黑柏葉-好食,不過好難掌握煮的時間,好易變韌鵝粉腸-又是一種不是人人喜愛的食物日本黑豬肉-好味當然要讚下個沙爹湯底,加多次水,味道也不淡服務一般同場加映:隔座客人對其中一碟不太滿意,侍應立刻幫佢地換過一碟