方榮記沙嗲牛肉專家

营业中

休息中

我就覺得名過其實, 明星去又點? 沙爹湯實在不算出色, 牛肉亦被金牛、鴻福等比下去。而且, 打邊爐來說, 它的選擇也不夠多, 我實在看不出它有甚麼優點。

九龍城火鍋選擇甚多，但價錢以這家較為合理。湯底每個$20，配料大部份$25。沙爹湯底必試，味道濃郁，只放入豆腐金菇也變得非常可口，其他配料只是不過不失。

天氣乍暖還寒, 便到方榮記打邊爐, 9:30pm去到, 立刻叫左個出名的沙爹湯底($20)先, 跟住想了一會, 點左細手切肥牛($60), 本地生蠔6隻($25), 黑柏葉($25), 脆鯇片($25), 土魷魚($25), 一碟老屈的菜($15), 另叫了4隻亞姐話特價既新鮮有殼帶子($25)手切肥牛, 黑柏葉同脆鯇片仍是新鮮可口, 和沙爹湯係絕配, 生蠔亦算不錯...都幾大隻, 土魷魚就一般啦, 而帶子很鮮甜, 食得出係新鮮野(因為有些少海水味), 不過可能我煮得太耐, 所以比較韌....另叫了2樽可樂($6x2), 埋單連加一$267, 湯底正而且食物新鮮, 算係非常抵食!!

上星期五一家人到方榮記食飯因為本人老爸非常喜愛到方榮記打邊爐所以很久以前已有到此店習慣但近年比較少去了想不到水準依然冇乜點變食物夠新鮮手切肥牛一樣咁靚沙嗲湯底依然香濃好味鍾意打邊爐的人士而又未去過既真係要試下必食推介:沙嗲湯底手切肥牛黑牛百葉桶豪生麵

久聞方榮記大名,今晚終於有機會試吓,沙爹湯底十分香濃,無得批評,滿分!手切牛肉肉味十足,加埋沙爹味,完全停唔到口,同坊間d沙爹湯底高出幾班,鵝腸唔肥又夠爽又有味,正!韮菜餃、珍珠、豬腰十分鮮味,連羊肉卷也十分"羊"味,松茸菇菇味濃烈,好!蔬菜也肯定揀過一手好貨,可惜兩個人唔可以試得太多嘢,埋單$338,價錢合理,全場無嘢值得批評,唯一係要坐"圓凳"囉!

一味得個沙爹湯夠濃, 其他火鍋料, 除左豬肉, 一啲特別都冇.坐得又迫, 價錢都唔平, 一定唔會encore ~

年二十七晚上9點幾行完維園花市, 女友想打邊爐, 但係謙記, 新星, 金海閣等火鍋店都無位, 把心一橫, 不如去九龍城方榮記啦, 試下佢地既牛肉和沙爹湯底...去到差不多10點, 入面仍有七八成檯坐滿, 大家高談闊論, 不亦樂乎!! 我地叫左鴛鴦湯底(沙爹+清湯), 一籃無叫又屈人的蔬菜(細,$15). 細手切肥牛($68), 另外全部20幾30蚊既本地生蠔, 黑柏葉, 四寶丸(唔係手打) , 脆肉鯇片, 另叫一支可樂和一樽夏枯草.....肥牛和脆鯇不錯, 和沙爹湯底係絕配...個湯加幾次水都仲係咁濃!!! ^_^埋單$260幾, 咁既味道和食物質素都算合理啦! 不過找數時發覺湯底$40既???明明食任何湯底$20...原來係一種湯底$20, 鴛鴦就係2種湯底..??!! 真係有d搵笨!!!!

次次去打邊爐一定會黎呢度, 因為佢地既手切肥牛同沙嗲湯底真係無得頂!! 肥牛必叫,但因為天氣太乾燥,所以今次就叫清湯同bf兩個仲叫左: 手切肥牛(大), 一片片既羊肉, 鴕鳥肉, 魚皮餃, 桂花(旁), 枝竹, 菜(局要的), 除了肥竹外其他的都普普通通, 兩條友食其實足夠有餘, 但臨尾bf死都仲要整碟味道比以前差左沙嗲牛河, 結果飽到好似有左3 個月咁... 埋單好似$34xps. 以前無加一, 依家電腦化後乘機多左個加一, 即係加足10%價?! 都幾貴喎老細!

一個多月後再幫襯過，今次要了沙嗲和芫茜皮蛋湯底。那個沙嗲湯底加極水也是一樣儂郁，好犀利~料子一樣不錯，手唧烏冬、餃子、魚餃、菜特別好味。價錢真是非常相宜！

20051026 8pm友人C從CA回港探親, 一行6人3男3女邊爐飯聚. 早慕名想吃方榮記的手切肥牛, 借此機滿足一下饞嘴的自己.環境一般, 尚算光猛清潔.要了兩窩湯底, 一莧茜皮蛋一「店自慢」沙嗲湯底, 鍋兒造型淺淺的, 跟吃盆菜的盆子挺像, 粉有趣.點的不算太多, 座上客都不是胃口大的人(除了我).要了大的手切肥牛, 珍珠蠔仔, 駝鳥肉, 黃鱔片, 四寶丸拼, 脆肉鯇, 炸魚皮, 魚皮餃, 金菇, 及硬食蔬菜一籃. 個人最欣賞肥牛及蠔仔, 牛肉新鮮味濃, 難得的是並無因手切而韌. 蠔仔鮮甜肥美. 魚皮餃也很不錯. 整體來說十分滿意, C對那碟手切肥牛連聲讚好. 唯四寶丸拼竟不是鮮打, 失望.另飲料要了7支可樂.因久聞此店常有計錯數之情況(連男友也特別交帶我這一點), 埋單時仔細的check 了一次單. 才$460. 便宜得很.

D牛肉一早切好晒，再慢慢鋪，成堆牛肉，見到打折扣。食落果然鞋，兼且肉味唔夠，睇尼一年內不用來。

食物質素幾好，魚皮餃好大件，水餃好味。卅蚊一大欖菜，有幾款菜。個鍋幾趣致，沙爹夠味又夠杰。服務過得去，不過衛生麻麻地，見到有小強。我們坐來廚房出面，睇到執料的情況。有個侍應拎兜生根出來，轆左兩個落地下，佢就執番放番照出比客。。。=.="

聽聞方榮記的沙嗲湯底好味, 8月25日同屋企人專程由中環來試試. 我們大約7:30去到, 當時只有2-3抬客, 冷氣好勁,伙記不是太主動招呼, 有d想走, 但山長水遠來到.... 我們点了手切牛肉($80), 枝竹($25), 鵝腸($25), 沙魚丸($25), 生蠔($80), 手切牛展($60), 聖子($25),孖寶湯底(沙爹&芫茜皮蛋), 在等待配料期間突然見到一斑人入來, 每個入來都對住我後一抬叫大佬! 重要躹躬, 好似睇戲咁呀!!!沙爹湯底好味道, 配牛肉好甜好正, 不過有d韌, 牛展仲韌但好香牛味, 生菜.枝竹配沙爹都好味, 生蠔好新鮮好抵食! 鵝腸, 聖子只屬一般, 沙魚丸可以話極唔好食!!三個人食到好飽$5xx(9樣配料+啤酒汽水), 都幾抵食, 有下次!!

家中兩老幾傳統所以無試過大熱天去打邊爐佢地朋友約食飯所以去這裡象拔蚌X2-好新鮮,我最鍾意生吃手切肥牛-同上次一樣,有幾塊好”軔”覺得有點不老實黑柏葉-幾好味柏葉芯-雪味好重,唔好食,剩下一大碟最後由uncle個仔包底鵝粉腸-一般九肚魚-好難控制,好容易煮爛,不過好鮮甜魚腩-老爸一定要食,佢話好食過上次羊肉?豬肉?-由於離我太遠,懶得夾,不過觀察所得無乜人夾過,應該唔係好得魚皮餃-一般雲吞-雖然個人喜歡魚皮餃多過雲吞,不過這裡雲吞好味d豆腐-好食過平時打邊爐那些昨晚雖然間中有大雨,不過依然人山人海好彩預早訂位

打邊爐，湯底好重要。孖寶湯底貴一倍，要四十，但可試晒沙爹同清湯，都叫化算。沙爹的確夠濃，唔太咸，用來處理肉類的確入味，連豉油都唔駛加。清湯的確用大地魚來煲，還有一大片做證，只是喝落有點燶味，相信是魚乾味吧。整個湯底都唔錯，最衰太多味精，超口乾。到配料，手切牛肉夠大碟，賣相好，但易UN，即使剛熟亦然，口感不太討好，不及肥牛。雞件夠味，但看來不是新鮮的，只是廿多元也可以一試。竹笙唔會散收收，碎十十，夠長，唔錯。黑豬肉樣似分蹄，但一落水就縮，豬肉味係濃的，又唔算肥，亦係好選舉。魚皮餃好大隻，一隻等於人地兩隻，但我覺得入面唔係咁好食，太粉。墨魚仔新鮮，夠大碟，但要小心有軟骨，連湯食都幾好。墨丸唔食都罷，普通貨式。每枱都會放一盤生菜，要小心，三十蚊的，唔食唔好攪，要同佢講。四個男仔，三百幾蚊，無想像中咁貴，都叫抵。雖不至於很飽，但亦唔會話好唔夠，最多食多碗糖水。