新九記粥麵

营业中

休息中

店舖位置有一點兒不好找, 但熟客會自動摸上門, 貴為米芝蓮新星, 實至名歸, 客人不斷!營業至凌晨一時. 來過夜宵, 為冬日寒流帶來暖意!是日選擇及弟粥:粥底綿滑帶米香, 用來作生滾粥, 米香跟新鮮材料互相搭配, 互相迸發鮮味, 各自各精彩, 互不搶風頭, 滋味無窮!及弟粥的配料,有豬肉丸,粉腸,豬腰,豬肚,黃沙潤,豬心肉丸精工細琢, 加入大地魚, 少少的肥豬肉, 香味從大地魚散發出來, 肉汁四溢, 甘香有嚼勁!豬腰,豬肚,黃沙潤,豬心 , 內臟處理得宜, 清洗的功夫做得非常透徹 , 一絲不苟, 非但沒有異味腥臊味, 灼淥得火侯剛剛好 不會過腍或過韌, 脆而不老, 灼得剛熟兼嫩滑 ; 沒有花巧, 真味求鮮 !牛肉米牛肉味鮮, 但米粉一般, 建議吃麵, 麵條爽身, 鹼水味不濃淨水餃:水餃是用傳統廣東式做法, 內餡材料比例均勻, 內裏蝦肉爽鮮, 瘦豬肉甘香, 肥豬肉脂香豐腴, 咬落有嚼勁, 大地魚散怖於肉中, 鮮濃肉汁, 甘香留於口中歷久不散!內有筍絲, 木耳絲, 冬菇絲, 爽口味美!

黎食左好多次~ 次次都好好味 (一次過放相上來啦~)豬潤雞粥，豬潤魚片，豬潤牛肉~ ($32 - 37)d 粥味道好夠，豬潤好稔入口即溶~以前未食過豬潤因為覺得好核突而家真係一食難忘~ 會 keep 住幫襯的!!!個 "月閏" 字應該係香港字吧... @@

I tired walk-in before and got turned away by them twice already... because they are always full!! My wish of trying their congee hotpot is finally granted in 2011 The place is tiny and packed with people. They led us to a table which can literally fit 2 people and a hotpot. There is no room behind us as it's the main walkway for everyone. There is no room next to us either as there is a VIP "room" that can accomodate a round table. Interesting...There isn't much choice for hotpot ingredient, bu

咁多篇食評居然無一篇講過粥，連腸粉都介紹左，點可以無粥既呢。講起粥，好多人病左個時才會想起食粥呢回事，可是平常都很少會食，其實香港賣粥既地方真係好多，特別係專賣魚粥既舖頭仲多。而粥亦分開好多類，例如潮州粥和生滾粥，而我對於生滾粥更加情有獨鍾，因為可以有好多新鮮材料一起煮，及第呀，艇仔呀，魚卜呀等等，煮完出黎，熱辣辣，係冬天食真係既保暖，又實際。灣仔有一間以食粥聞名的粥舖，佢就係新九記粥麵，每逢放飯時間，門口總有一批人等著，目的就是一嚐這裡滋味無窮的粥，粥底好鮮味，而且好綿，可以選擇的配料何其多，由各部份既魚，以至新鮮既豬雜都有，當然普普通通既皮蛋咸瘦肉粥都有啦，價錢大約30蚊以上一碗，不過保證嚐過後，會覺得超值。今天當然不例外，叫了一碗蠔豉皮蛋粥，碗內既蠔豉足足有一隻匙羹咁大，而且唔止一隻，係有四隻咁多，本來以為咁多隻，一定係d好渣既蠔豉，點知食落，味道超級濃郁。魚片粥當然都係非常之鮮味，魚片剛剛好熟度，唔腥，又多蔥同薑。終於等到講最好味既野啦，就係粥灼豬雜，可以揀位置的，食左兩次，一次剩食豬潤，一次係食粉腸拼豬潤，兩次都有叫潤係因為非常之新鮮同好食，剛剛好熟度，爽口，而粉腸更加正，食

病病梗係胃口麻麻，喺灣仔近合和呢邊無諗過可以搵粥食．又係亂打亂撞，見到呢間粥店．心諗：發達攞．未入到去，就已經喺門口狂睇餐牌．無呀，因為我啲選擇困難症又發作喇．．． 入咗去又繼續睇．．．叫咗碗粥之後發現原來個厨房係無遮無掩架．有部份食材仲放喺個透明雪櫃，任睇．透明度好高噃．．．個餐牌度無寫話生滾架，點知原來係生滾粥嚟嘅．好開心．肉丸魚片粥．好好味呵．魚片份量不多不少，肉丸很鮮味，不會硬硬的，容易咬，容易給吃掉，很快就給我吃光了．食得真係好開心．有返啲力氣喇．開始一住食，一住四圍望．見到原來呢度有粥火煱．有意思．不過無返三四個人都唔會試．食曬碗粥之後見到大厨在處理新鮮嘅生麵．終於．．．哈哈哈．．．又叫咗個醒胃炸醬麵．真係好惹味！好好食但係都幾咸．仲有菜心墊底呵．食完之後，是真的飽飽了．

一間粥麫檔一個簡單的想法,便令該店生意增長且具有該店特色,那就是粥火煱首先説明一下,當大家想起火媧定必想起肥牛,可惜這裹沒有,只有一般粥品店的配料,這樣的話除鍋底是粥外和一般在街上的粥品店有何分別在是用瓦煲上粥底,冇咁易粘底,粥底有蔥段,果皮,彊絲,本身己夠晒味.<<七彩及弟>>:七彩及弟故名思義是及弟粥的配料,有豬肉丸,粉腸,豬腰,豬肚,黃沙潤,豬扒肉丸:彈牙新鮮粉腸:乾靜夠肥豬腰:勁爽口豬肚:食完想不停食,終於係香港找到呢個感覺既食物黃沙潤: 爽口卻帶小苦豬扒:味道不賴<<滑牛拼雞件>>滑牛:極度滑嫩,沒筋,肉味不濃雞件:無論煲幾耐都吾老,滑啫啫,明顯食得出雞味與酒味,很香又夠肥<<皮蛋酸彊>>皮蛋雖不是溏心,也不會死實實,酸彊與士多南貨店的一樣<<一鍋熟>>店子人流多,我們也不好意思吹太耐水,所以一鍋熟拿拿淋食完轉地方傾計二人連酒水220元,絕對超值

好奇怪點解咁小人寫粥底火煱~ 等我寫下先 ^^我都係第一次食ja~ ^^ 配料的選擇好少, 有雞, 牛, 粉腸, 潤(?), 豬肉丸, 鯪魚球, 鯇魚片. 係咁多啦~ 但係樣樣野俾粥滾過之後就好滑好好食~ d鮮味全部都keep到~ 尤其推介係個雞同埋鯇魚片 我之前都諗個粥會好好食, 但係識食粥的人都知, 粥越等得耐會越稀... 其實上的時候都不算太'結', 之後都有加粥水... 但係個resulting粥底呢, 其實不大可以入口, 因為痴哂底... @@ 好燶陣味... 我諗keep住攪佢會好d... @@另外之前o係呢頭返工, 有時lunch都會去新九記食... 一定要叫雞粥~ d雞油落哂d粥度, 好香好好食~~! ^^

真估不到這間"新九記",竟成為米芝蓮之推介,實在此料不及.我不是看扁一些地道食店,但是米芝蓮一到香港,為了入鄉便要隨俗,選上一些你我都去得的街坊店,那邊有點失去本身應有的class,此一點在其後的添好運分店食評中,再與大家詳談.身邊有朋友常來,也推介此粥麵店,其生滾粥極具水準,我在港島區吃魚粥就去生記,新九記有個好處,是營業至凌晨一時.來吃個夜粥最好.晚上食店坐滿人,大多人三五成群,坐在一起以粥來打火鍋.一個人來,除吃粥之外,還可吃各式粉麵.我要了豬心粥加淨雲吞,粥底做得較稀身,清香得來帶滑.豬心爽甜沒有異味,但粥底滾得未盡入味.雲吞並不算細蓉格式,餡料內豬肉蝦肉均等,豬肉的甘香,蝦肉的爽甜,是我喜愛的雲吞味道.大地魚熬出來的湯底,味道清鮮.一碗有九粒雲吞,$22一碗很抵吃.另外的蠔豉粥也是此店其中一項招牌,一碗粥有六粒蠔豉,粒粒大大隻,蠔身飽滿,味道鹹香,與豬心粥一樣,粥底也是滾得不夠入味,如果滾多一會,蠔豉香味滲進粥底,那就好得多.見坐在後面的幾位打扮入時的年青男女,圍住粥窩,將牛肉,豬雜,放在粥在滾來滾去,心想窩粥的味道一定不得了,不如下一次人少少,相約幾位朋友來.一同在白粥上滾

有少要食好野 唔駛一定去高級地方.. 係d 大街小巷都可以達到呢個要求... 今日就証明左呢一點...呢間店舖個位置一般..離開灣仔熱鬧地段 同時 位置座落係街道中間...沒有五光十色的招牌 更沒有 高尚的裝修.. 入到店內 地方好少...放得落既台都只有8張...但樓面 煮野師傅加埋 卻有6個人...可能如果後面有清潔工人會更多...4周有著簡單的裝修 但台面非常整潔企理. 快子筒 值得一讚 因為所有快子也是 我們咀部接觸那邊 向上放..感覺衛生!!至於食物選擇也頗多.. 主要 易 粥麵為主...當然也有火鍋..而呢間店的特色就係粥底火鍋 剛巧見到有一台4人食..雖然我都想試 但唔夠時間.. 見到鄰桌 不停放d 魚肉 豬什 落去 真係吸引死人至於我呢邊呢就算左一粥一撈麵 分別係及第粥 同薑蔥豬什撈麵及第粥: 粥水一d都唔稀 而且煲得非常 "棉"身 令d粥入倍感幼滑 而內臟好明顯經過清洗處理薑蔥豬什撈麵: 薑蔥堆面擺放美觀 而內臟同樣處理得宜 沒有異味 豬肚更食落爽口 可惜的是沒有豬腰..麵質倒是冇大分別..但配的湯卻值得一提..因為入口帶有很香的大地魚+蝦殼味..混入麵食落更滋味..

大廚放假要食自己, 灣仔粉麵店之選必然係新九記, 平靚正既老誌號真係買少見少, 大家行開不妨嚟一試1) 牛腩麵 - 牛腩又腍又入味, 仲帶有少少膏, 食落唔會黐牙, 麵彈牙湯唔油, 雲吞麵以外選擇2) 炸醬麵 - 有分一碟同一碗, 炸醬少辣越食越想食, 料多食到尾都仲有, 每次嚟都必食2人共消費 : $40

見到其他食家推薦, 這天在附近便特意去試吓, 店舖面積不大, 只有十多個座位, 環境算是乾淨"企理", 可以清楚看見預備食物和擺放食物的地方。 我叫了碗"及底粥", 賣相不混濁, 粥底較浠, 配料有豬潤、肉片、豬肚、豬粉腸、一塊鮮紅色(不知道是豬心還是豬腰)和 肉丸。 豬粉腸很新鮮, 見到入面有粉流出; 豬潤沒有過熟, 食到甜味, 其他都唔錯! 唯獨是冷氣不足, 大熱天時吃熱粥有點辛苦!

如果吃火鍋是為了吃新鮮的材料的話，這個火鍋真的是醉翁之意不在酒。今年的寒風早來了，十一月便讓人想起一二月那種帶著點濕的冷。錯落的時間，大家還是如此的過。順著溫度，見到廟街有可怕的人龍，也聽到火鍋店的人聲鼎沸。禮拜六，寒風退了一點點，讓人有喘息的機會。身體還是奢求一份額外溫暖。中午撥了號碼訂晚上的座位，沒想過會不會過急，即興就是如此。好懷念那口鮮甜溫暖的粥。在大王東街的一家小店，日頭時只是家普通賣粥麵的食店。當然，它的粥的品質也很不賴。貼著很久以前的雜誌介紹，還真的不希望又有雜誌介紹，給弄條長人龍出來。已經訂了座，坐下便送了兩碗醬油上來。跟一般的火鍋店不同，所謂的火鍋料只是一般粥麵的延伸。牛肉、黃油雞等等，全都是店裏有供應的粥品配料。先送上來的鍋底打開蓋，一大鍋粥在眼前。熱騰騰的香氣籠罩住整個人。牛肉拼黃油雞不是一般火鍋店吃到的肥牛。看似平平無奇的雞肉，其實非常好吃。粥底比一般火鍋的湯底濃稠，花了好久時間終於滾起來。把肉丟到粥裏去煮囉不像一般火鍋吃到的甚麼雪花肥牛，很簡單的只是一片在粥店吃到的牛肉片。雖然不是名貴貨色，但給細心處理過後，肉質很嫰滑，一點都不會有柴的感覺。滑滑的，骨碌一聲便

上星期放工要買粥回家，同事推介新九記。本打算只買皮旦瘦肉粥和粉腸肉丸粥，侍應見我看著菜單發呆，再問我還有什麼需要，我心想既然打算打的回家，就一次過買多些嘗試吧。最後要多一個豬潤粥和雲吞撈面。回家先試撈面，不知道是太耐沒有吃面還是什麼，我竟然覺得它的面很彈牙，而且一丁鹼水味都沒有，雲吞一口一粒，味道和口感都食得出鮮味。而且面的份量也相當大，吃完一盒也已經很滿足，但心思思又想試一下粥。要知道我其實根本就不愛食粥，先食一粒肉丸，也算不錯，再來粉腸和豬潤，雖然不及生記出色，但都算新鮮。最令我意外的就是粥底，我食了一兩匙，竟然欲罷不能!!我不是一個'粥人'，所以不懂去評粥出色在那兒。我只知道很入味，而且感覺不水汪汪的。最重要是，我吃了之後又不覺口乾，即沒有落味精。一定會再來

十二月頭，天氣開始轉寒，一不小心身體有點作感冒，收工後近近地去灣仔食碗粥，地點是大王東街的新九記食粥，位置就在金源小廚隔壁，此店最馳名的是「粥底火鍋」，但由於門店帶點殘舊，環境又狹迫得很，所以一直都未幫襯過。胃口不好，不想吃牛肉，就要了一碗豬肉丸粥 ($22)，偏稀身的粥底入口軟綿綿，略帶輕微的米香，整體也在水準之內。豬肉丸數量不少，咬下去肉質並不死實，雖然跟澳門三元的出品仍有一段距離，但如果不硬去比較的話，新九記的水準絕對是不俗的。女友的皮蛋瘦肉粥 ($22) 也不錯的，用料毫不吝嗇，足足下了整隻皮蛋，感受到店方的誠意。另外也點要一碟雲吞蠔油撈麵 ($30) 共享，份量也相當大，差不多用了兩個麵餅，麵條長而幼身，入面爽滑而不帶鹼水味，撈上蠔油後色水更加吸引。雲吞是一口吃 size，豬肉跟蝦的比例恰當，加上滑溜的雲吞皮，入口傳來一陣豬肉香，效果相當對辦。埋單 $74，是合理的價錢，味道雖沒有太大驚喜，但膀在用料份量十足，是灣仔區抵吃之選，有機會再來試「粥底火鍋」吧！

一個人吃晚飯，近來身子不太好，吃得清淡點，就吃碗粥麵吧，走到了位於大王東街的小店，此處主打都是粥麵，但原來坐下之後，發現了此處很多的食客都其實在吃粥底火鍋，看來很吸引的，但一個人當然是吃不了，最後唯有先點了碗雲吞麵，然後再加粥本人最愛的魚腩粥。先來的是雲吞麵，嗅起來沒有撲鼻的大地魚香，慣性的先喝口湯，果然其味道真的挺淡，只有非常微弱的大地魚香及蝦香，但值得一讚的是丁點鹼水味也沒有，再吃一口麵條，麵條條一樣的幼，咬起來非常爽彈，絕對是比何洪記的有過之而無不及，然後夾起一粒雲吞，雲吞也是比正宗的大粒，一碗內原來有五粒，雲吞不太有散尾，可能是包得太多餡的緣故吧，而雲吞的皮確是挺滑，一口咬開雲吞，餡料既有豬肉，又有蝦，蝦用上的是比較細小的蝦仔，每粒雲吞內大概有兩至三隻蝦，且隻隻爽口，而豬肉刴碎得來又香又有點口感，加上混入了點蝦籽，令雲吞又有豬肉油香又有蝦的鮮，味道上比例平衡得不錯，以二十元來說，真的很是不錯，如果其湯底可以再好一點，這碗雲吞麵就完美了。接下就吃魚腩粥，魚腩用上的是鯇魚腩，店家是即叫即製即滾的，所以也要等上一會，才有一碗熱騰騰的生滾粥吃，店員端其上桌之時，光是嗅一嗅，竟然嗅到有米