新九記粥麵

营业中

休息中

旺角妹記、佐敦鋮記、佐敦彌敦粥麵、油麻地明記鷄什粥、中環羅富記、跑馬地蓮園、香港仔仁和粥麵店(已結業)、崇光後面利苑粥麵店、尖沙咀厚福街洪利粥店，克街靠得住、大王東街新九記，以上各店均有爽脆鯇魚皮出售，本人最常吃的都只是洪利跟新九記2店，試過最差者莫過於跑馬地那些。晚安.........

昨晚首趟到這頗出名的生滾粥店用膳,女友推薦鯇魚皮(祗限週六供應),已加了蔴油,再加少許醬油連蔥花一同吃下,十分爽脆可口, 不錯. $22一碟, 算OK!再來酸薑皮蛋, 十分糖心,薑甜酸適中. $22一碟, 貴得可以.腩汁菜心, 菜頗甜, 腩汁味道豐富, 不太鹹, $12一碟, OK!說到粥品, 女友叫了豬潤粥,豬潤很多, 薑絲亦多, 很足料,但吃來有點過辣. $24一碗, OK啦.我叫了蠔豉肉丸粥, 算是足料,不過蠔豉有點霉, 味亦不夠甘香,肉丸就OK. $30一碗, 貴了些.但講到粥底, 祗是一般吧,米粒很大, 不是全開, 粥身也頗稀,下了不少米漿罷? 感覺比潮州粥濃郁吧.埋單$110, 算是富貴的一餐粥啦!

2007年11月08日，新九記。再試了幾款食物：炸醬麵：炸醬味道麻麻，肉絲有點硬。有菜墊底。牛腩麵：牛腩有硬有腍，質素一般。雲吞麵：雲吞唔太得，有點失望。重要加了價，18元一碗的時代又過去了。

2007年10月12日，新九記。與同事再來這裏。魚片肉丸粥：魚片很少食，因為都係覺得有D腥。豬手麵：豬手夠腍，再入味D重好，味道是很典型雲吞麵鋪的南乳豬手味，麵也不錯。這裏勝在夠平，豬手麵18元，到附近的華南加牛腩麵都要22啦。

2007年6月7日。中午走到了新九記附近。叫了肉丸粥。粥底雖不是很稠，反而放了腐竹，味道不錯。肉丸有7粒，很濃麻油味，但幾新鮮，沒有雪肉味。店內有一點點不好的味道，不知是否剛開鋪，所以有點“up”味。另外，本來鋪面都乾淨，放粥料的雪櫃也挺乾淨。不過我差不多食完時，有個夥計用一條白布向我旁邊的牆壁打了一下，我看到一隻烏蠅跌落地，暈。不過個夥計夥就無清理它（！），後來還醒了，死下死下咁。那塊打烏蠅布應該是用來抹的吧？？

新九記既粥, 在灣仔本來算幾好, 但尋日遇到一件事, 令我覺佢好嘔心. 事緣我準備食粥時, 發現湯匙有大片漬, 於是叫人去換. 男待應二話不說就換了, 但有漬那隻匙, 佢點處理呢?佢用隻手指, 徒手抹呀抹, 咁就抹甩污漬, 之後又交畀另一個女待應, 對方望了湯匙兩眼, 之後放回餐碗架上, 留畀下一個客用。最恐怖係, 我見住佢地隻手, 會抓頭、收銀紙、抹鼻。咁核突既人都有. 我係三個星期前先去呢間店食野, 本來覺得地方光猛、幾乾淨、味道又唔差, 但佢地咁核突, 當堂好大戒心。事發於2007年5月21日晚上9:30, 唔該佢地下次咪咁核突. (不過我都唔再幫襯了)

伙計無招呼! 一伙計完全唔出聲就拿走我睇緊餐牌, 極之無禮貌!!!雞粥ok但唔應該有"黑牛肚粥", 因為黑牛肚完全無味(係鮮味無咸味, 同食白粥無異), 得個爽字.無下次

因我病病o地就同個fd 用粥打邊爐... 都幾特別叫左魚腩, 魚唇同埋雞原來魚唇係成個魚頭...嚇死我.... 不過我就放左入去o的粥等佢甜o的...煲到尾o的粥好咸o下我見o的牛好靚下不過我冇叫到. >_<

友人生日, 選擇左去新九記粥麵粥底打邊爐. 粥底起初比較稀, 但慢慢就變稠. 叫左雞, 豬潤, 牛柏葉, 肥牛, 魚咀, 肉丸, 粉腸, 凌魚球(部份才料是雙併) . 滑雞–真係好滑同美味.豬潤-- 爽口.牛柏葉–係黑牛柏葉呀, 好爽啊.肥牛-- 好入味同林魚咀–新鮮.凌魚球, 肉丸& 粉腸–只屬一般環境企理和整潔，個阿叔侍應真係非常細心有禮，仲會教你點色, 不時幫你睇住d 火, 唔好比d 粥煲濃. 4 個人都係左$390.

偶然情況下跟一大伙人到這裡宵夜. 第一次吃粥底打邊爐, 勝在較不熱氣.粥底起初比較稀, 是因為打一會會變稠, 所以最佳的吃粥時間在落完第一次野食後, 粥充滿材料味道, 很不錯.那次叫了雞, 豬潤等(這兩樣最好味, 所以記得, 還有不少東西都記不起), 用料算新鮮, 一伙人不亦樂乎.可以一試! 若要雞或肥牛, 請訂位時緊記預留, 否則夜去便沽清!

9月25日17:00下午去完電腦城，想吃靠得住的魚腩粥，又摸門釘(星期日休息)，輾轉到了這店，應是時間和天氣影響，店內祇有二檯客。魚腩粥：粥底算綿和厚，但可惜師傅太重手，魚腩夠鮮味、肥美和滑，不會過火。其他配料還有大量薑絲和生菜絲(帶來清新感覺)。

今日lunch黎食左碗魚咀粥$22,比佐敦好多魚粥店size及份量都算少,魚咀炒得吾夠香且帶腥,勝在粥底夠綿.$22試完就算.

鯪魚球粥($20）和滑牛粥（$20）﹕粥底很綿，味道較清淡，吃後沒有口喝，不覺有味精。雖說味道不算突出，但勝在環境企理和整潔，在灣仔區內較難得。粥品一般，但地方企理

昨天光顧，叫了一個豬潤牛肉粥($20)及凌魚球肉丸粥($25)，豬潤就一般，但個牛肉就好入味，凌魚球肉丸就不過不失，佢個粥底綿又滑，唔會好"水"。不過呢道竟然冇腸粉同抄麵，有點美中不足。而佢地個阿叔侍應非常細心有禮，係呢D街坊店真係值得一讚。

各位可能不知,聽落這間只係賣粥麵,但我發現最出位既就係用粥來打邊爐,雖然唔係咁陌生,但要講清潔又坐得ok既,我想都係這間了,雖然地方一點都唔大,但坐最裡面都唔差,又清潔.佢個粥底好,雖然唔係太結,係因怕燶底,所以剛剛好就好了,這裡最出位有,魚咀,豬肚,豬潤,豬肉丸,靚滑雞,鯪魚球,牛柏葉.其它就可叫可唔叫,我個人認為!粉腸都唔差,但因好易黐底,所以小叫.而且值得一提就係,個到有個叫David哥,雖然樣貌cool cool 地,但其實好好人,佢會比你買些你自己喜歡的打邊爐料來,當然唔好太過份啦,買多4-6樣料都可,好似我咁,無論買左幾多料去,最小都係佢到花200零蚊當打平好一點.我平常就買沙鯭/蟹/螺片等,因小弟唔食牛,如朋友要食,牛肉都會係自己在外邊買,記得一提,粥到就叫佢地比多碟果皮同蔥絲,食到咁上吓,記得架粥喔! 去開飯啦!