文興酒家 (大明里)

营业中

休息中

已經係第二次嚟文興食飯今次屋企人生日一行7人諗住近近哋帶佢哋試下英國留學生其中一間推薦嘅餐廳因為我哋人數有一半以上都係年輕人所以叫嘅餸菜都較多必食嘅胡椒豬肚雞 大家都讚水準不錯份量夠晒大 啲雞仲keep住煉梅菜扣肉 客家人嘅爸爸都表示唔錯燒鴨反而一般 可以唔試啫啫通菜煲 啲菜有啲老 但味道係可以嘅魚香茄子煲中規中矩石鍋鮑汁雞粒炒飯幾唔錯 7人分仲有啲唔夠添最後埋單 七個人一共千一蚊 相當抵食

首先係無訂枱服務。唔緊要，就早啲去排，舖頭細只得10張枱，大枱得3張，自己連家人7位，只可在三十幾度門外齊齊等，80歲嘅都不例外；呢啲咁冇溫度嘅食肆，未齊人冇得入座係常識吧。等候期間問可唔可以預留一隻燒鴨？「唔可以」～入座時張枱根本坐唔到7個人，要求換走數張大椅放圓凳都「唔可以」？！！ok用餐區太近後門，完全唔夠冷氣。食物整體有水準，其實唔係第一次食，燒鴨係招牌，小炒王及四季豆有驚喜，古嚕肉偏酸但都好味嘅，但當晚嘅胡椒豬肚湯就唔胡椒。不過再好食都冇用，如果唔係就長輩，根本唔會等。

貌似茶餐廳唔起眼既小店舖，但食落有驚喜义燒好食，有燶邊但唔硬，唔肥唔瘦，啱啱好燒鴨去骨啖啖肉，肉質juicy，唔點汁都好味乾炒牛河好好味，一D都唔油，夠乾身夠鑊氣最衰得兩人食，食唔到得咁多，要下次先可以試下D小菜

大埔鴨店之前去食過早餐，今次擔心假日人多，所以揀咗平日六點去試晚餐。$200一隻名鴨不貴，鴨不肥，鴨皮脆脆地，肉質麻麻地，不是太好食，鴨名大於實。黃花魚好食，其他餸中規中矩。最失望是招呼，呢餐飯前後45分鐘離埸，因為每碟餸當你放下筷子，佢哋已經取走隻碟，我最後要出聲話未食完呀，佢哋先唔執碟。比在快餐店食飯還趕，完全失左享受晚餐感覺，我以為有好多人等位所以伙記想我們早走，做下一枱生意，但原來門口沒有人等位，所以應該是慣性接待。出品一般，招呼差，絕對沒有下次。

今日同老婆到文興食晏，終於食到肥叉燒啦！以前每次都有點燒味：肥叉、燒肉、燒鴨下庄等，但叉燒都係瘦叉😖，懷疑係師傅睇錯單。一般叫肥叉、燒肉，單上表示「叉燒、燒肉，肥D」，師傅就以為燒肉要肥D，所以叉燒就吾肥。今次只點咗肥叉，所以終於食到啦😄。不過有點遺憾，就係筆者一向鍾情嘅甜品-心太軟(中式)已沒有供應了😭！

文興酒家以燒鴨及中式小菜做主打，早上經過本來以為係一般茶餐廳早餐，意外地竟然有西式早餐，早上人客不多，坐等舒服寧靜。早餐價錢合理由$40-68，試咗英式早餐同魚柳餐，配意大利即磨咖啡，咖啡香濃，兩個餐的份量相當大，魚柳即炸，非常香脆，配炸薯餅、煎雙蛋及雜果沙律，英式早餐有三片合成煙肉（如果可以改為真正煙肉就滿分了😜）、三條豬肉腸、煎双蛋、茄汁豆、炒蘑及多士，磨菇非常美味，以$68/$58的價錢來講，超值。其他選擇仲有水果沙律餐，秘製醬汁豬扒包，燒鴨瀨粉，雪菜燒鴨絲米等，下次會再試其他。

第一次試大埔名店，燒鴨早餐連凍飲好似$61，裝修環境唔錯，早上冇乜人，坐得好舒服，燒鴨感覺普普通通，皮脆但鴨胸肉鞋，瀨粉偏硬，早餐價錢偏高，感覺不太值。睇過啲餐牌菜式都幾特別，我會搵一日去試下晚餐。

🦆大埔大明里嘅呢間舊式飯店，沿用霓虹燈招牌夠哂懷舊💈原來佢地本店源自英國，九十年代起擴展到世界不同角落，輾轉翻到黎香港喺中環同大埔開舖。不單成為米芝連推介美食，更曾被英國嘅金融時報評為世界上最好食燒鴨，講到咁巴閉點可以唔親身試下？住大埔嘅朋友應該都知，大明里嘅呢間舖晚飯時間都企滿入係門口等位，事關問過店員呢度無得book 枱，想食晚市嘅一定要趁早walkin!又或者斬料燒鴨燒腩翻屋企加料一樣係好選擇😋🦆粤式燒鴨 $➊➑➑/隻; $➒➎/半隻餐廳標榜選用泰國入口優質櫻桃谷鴨，聲稱無激素無抗生素，講到咁岀色，頭幾次都係斬料買翻屋企食，唔洗加錢仲幫你原隻起骨，食落啖啖肉，鴨肉唔韌唔起渣、新鮮燒起皮脆而且唔會一大舊皮下脂肪，唔洗額外沾汁都好滋味！🐷脆皮燒肉 $➊⓿➑/例另外值得嗌嘅係佢嘅脆皮燒肉，例牌黎講斬料份量夠6人以上share，肉厚得黎腍身肥瘦均勻，皮脆鬆化咬落卜卜聲🤭🤭🍜燒味粉麵 $➎➋ 今次終於一場黎度坐低食翻碗麵！單拼燒味粉麵50幾蚊碟燒味都斬唔少仲要係雞髀！第一次試油雞肉又真係幾滑，豉油汁夠入味又唔會太肥，果然雞都係佢哋另一生招牌！鴨就保持翻咁多次食嘅高水準，啖啖肉夠香夠脆皮，

#大埔#文興酒家家住大埔，以前有時會來文興食早餐。近日此餐廳較多人討論，趁熱鬧食多次。早上七點半到達，餐廳未有顧客，附近有幾個咪錶停車場，剛好有位不用等。自己點了餐蛋一丁，有兩隻蛋味濃的煎蛋，餐肉只是煎熱，不夠香口。有一顆白菜仔浸在湯中，早餐少見。太太叫了吉列魚柳餐，配英式奶茶。魚柳厚粉有雪味，分咗一半俾我都食唔晒（因為唔好味），煎蛋、薯餅、水果沙律就唔錯。英式奶茶是用中式酒樓茶壼裝住英式紅茶，自己加淡奶和砂糖。我比較喜歡港式奶茶，太太就鍾意淡淡的英式奶茶。到咗8點幾開始人多，大家都密密食早餐，交談亦不喧嘩。中式茶樓格局，港式茶記食物，難得寧靜，樂得悠閒。

朝早，同朋友去大埔文興酒家食早餐，由於朋友係第一次去，咁就梗係叫佢試吓燒鴨髀湯瀨粉啦😅仲要叫師傅起埋骨添，食落口啖啖肉，感覺當然話好啦👍飲埋杯熱檸茶，佢話完全唔輸蝕過出面嘅西餐廳同茶餐廳🍴我叫佢留意下瀨粉會唔會太碎，我坐佢對面都有望到，確實有改善，因為我之前有向侍應提出意見，今次證明咗佢哋有留意客人嘅要求，出品更加精益求精盡善盡美✊✊✊值得支持欣賞同鼓勵💪🏻💪🏻💪🏻我就第一次試吓佢哋嘅All Day Breakfast 🍳 想知道究竟中式餐館嘅西餐出品係點樣，有啲人初頭肯定會諗，都係不倫不類得啖笑啫❗️我就因為之前試過幾次飲過佢哋嘅意大利🇮🇹咖啡☕️好掂檔，所以就信心大增，了解之下，原嚟佢哋中餐西餐師傅都有，怪不得知，食完個All Day 😋真係有水準，一比較之下，我琴日嗰個 All Day 係$118，今日嘅係$68，相差$50，且飲嘢咖啡☕️價錢，食物都有多少差異，但係呢個All Day價錢就超吸引，亦都見到入面幾張檯，大概有5、6個人食緊呢一個餐，當然食燒鴨瀨粉嘅都有，我都問咗一下侍應，知道咗佢哋啲鴨係本地同泰國貨，所以出品都可以媲美燒鵝㗎🤣🤣🤣#燒鴨#美食#AllDayBreakf

裝潢屬新式酒家，環境ok，服務ok不會太污糟，落單執碗同埋單都有禮貌原本想叫燒鴨髀拼叉燒/燒腩仔/油雞點知得返燒鴨髀同切雞瀨粉也沽清只好選擇燒鴨髀米粉一試之下果然聞名不如見面首先醬汁是濃稠的，省卻了酸梅醬的作用皮肉不會分離，肉味濃、味道得宜米粉不過不失，有蔥花，熱騰騰，不會過淋友人的切雞也是水準之上薑蔥蓉很香同場見他們的小炒都幾靚仔，可以一戰中午3時入場，不用排隊埋單58+15(轉髀)+10(茶芥)=83價錢合理，抵食

母親節適逢晚市堂食放寬8人一檯同延長十點而母親大人鐘情中菜同燒味 但又唔想去咁遠所以專登係大埔搵間食中餐 就咁比我搵到間由中環開到黎大埔榮獲上海米其林既餐廳 (2017-2021）今日預左會多人出街食飯 所以預早5點零就黎一拎位 店員就話預要等一個半鐘 但真正等就只係半個鐘比預期快✌︎入到去見到有2層 所以位置都算多 可能係咁所以人龍消得快 店員會講定用餐一個零鐘 之後會問飲咩茶 太白花雕醉鮑魚$58/1隻會切好一片片再砌返原型 又有蓮藕片伴碟食左片好重酒味 而鮑魚都唔會被遮到浸鮮味好爽口 唔錯粵式燒鴨全隻$188依款係文興酒家招牌菜式 所以必推店員會問需唔需要起骨 好貼心又唔使加錢做到踢晒腳 佢地都仲維持服務態度 看在眼內一上碟 嘩左出黎 鴨皮燒得好有光澤食左一舊 鴨皮好有油香 鴨肉好均勻 唔肥膩 啖啖肉 配上秘製醬汁食又唔鹹 果然值得上海米其林推介韮黃花膠瑤柱羹 $158/1鍋一鍋感覺會抵過一碗 因為一碗都$58所以多人食就建議點一鍋啦 上到檯店員會幫手分左第一轉羹先 大約分到十碗 成鍋都好足料 個芡打得好入味 蛋白欖角海鮮炒飯 $98碟碟份量都好十足 係面頭已經見到有蝦有帶子粒有欖

今日天氣好好，同太太在大埔墟找尋美食，經過文興酒家，見店內不是太多人，2年前曾試過早餐的燒鴨瀨粉並不太好，今次午餐再試一試。 叫了一個燒鴨上庄$50，一碟楊州炒飯$68，一個薰魚$48，茶錢每位$10。 燒鴨上庄本來是不要起骨，因為老婆喜歡啜骨頭，但來錯了「起骨」的一份上庄，不過都無所謂！照吃啦！不過因起了骨，份量看起來很小。楊州炒飯都算炒得ok，不過就比較肥啲，味道都有水準。薰魚就一般。 整體來說都唔錯，午巿沒有加一，算扺食，質素比茶餐廳好，價錢比酒樓平宜，二人連茶錢都係$186。遲啲等放寬限敍令可以一家人一齊食飯會再來試試。

週末的某天從東平洲回到大埔後，拖著疲累身體的我倆，決定嚐嚐看這家在英國唐人街非常有名，可是在香港卻好像只有附近街坊跟英國留學生認識的燒鴨店—文興酒家！據悉，這家酒家位於英國唐人街的主店，曾被英國金融時報評為世上最好吃的燒鴨，而在Google搜尋後，可以發現一篇在2010年2月由作者Nicolas Lander所發佈的文章，標題寫著「The best roast duck in the world」。點擊進作者的名字，可以發現他至今依然有為英國金融時報編寫美食的相關報導，看來評論是值得相信的。我們大約在週末7點左右到達，酒家內已經人頭湧湧，幸運是我們只有2個人，剛巧一張圓枱有空出的兩個位置讓我們搭枱。除了燒鴨外，菜單上還有各式各樣的小炒，不過難得來到，當然就是為了這馳名中外的燒鴨啦！眼睛比胃還大的我們點了全隻粵式燒鴨，當時侍應還跟我們確認是否要全隻！就算點了去骨的，結果上菜時依然超大份，2個人絕對是吃不完（不過我可以明天午餐帶飯）！粵式燒鴨(全隻) $188燒鴨可以搭配秘製醬汁吃，而且我們2個人還可以一人一碗醬汁。首先來一口沒有醬汁的，燒鴨皮烤得剛剛好，香脆有口感之餘，還能品嚐到鴨皮的油

平時都會買下燒鴨叉燒返屋企加餸不過今日堂食就真係第一次估唔到享受了趕客既體驗11點零坐低食野 開頭都正正常常臨近12點午市佢地就開始想趕客走走埋黎不斷收呢樣果樣不在話下 就連我地未食完既餸菜都收左究竟想點？？😡😡出面等梗既就係客 我地食梗既就唔係？好啦 到我地食完啦 都想飲多杯茶姐D呀姐就走埋黎將枱面既牙纖座搬黎搬去務求令到你坐得唔舒服 好快啲食完快啲走咁咁既態度 就算幾好食都好多 下次再想斬料我諗我都要諗下先啦