文興酒家 (大明里)

营业中

休息中

雙拼燒味（粵式燒泰國櫻桃鴨同蜜汁叉燒王）嚟到呢間餐廳當然要試吓最出名嘅泰國櫻桃鴨，以有機飼料飼養，令肉質比平時更加嫩滑，叉燒肥瘦均勻，表面塗上蜜汁，朋友讚不絕口！太白花雕醉鮑魚鮑魚肉質軟腍，入口散發陣陣花雕酒香，旁邊更有蓮藕片半碟，香辣惹味，令人忍唔住一口接一口！是日靚湯（$98/每鍋）當日係豬骨蘿蔔湯，非常足料，清甜消暑，完全冇味精，係有住家嘅味道！一鍋可以裝滿接近10碗，值得一試！特色生果咕嚕肉咕嚕肉表面炸到好香脆，酸酸甜甜，餸飯一流～以火龍果取代菠蘿，坊間比較少見，都幾特別！文興小炒王小炒王超有穫氣，相當足料，有韭菜、魷魚、腰果等，味道豐富！豉椒魷魚炒河雖然外貌平凡，但係味道有驚喜！加入少少辣椒醬，令豉椒炒河更加惹味～ 除咗魷魚之外，仲可以揀排骨、肉片等～

網上有人介紹,老遠搭車入左,星期五第一次幫襯,一行二人六時前到冇book位,晚市竟然要搭始,一張四人長形枱以膠板阻隔,再加上食物普通,收加一服務費冇問題,但員工會比壓力食客早點埋單唯一優點係環境燈光舒服

大埔區的出名的中菜不多，這家文興酒家在中環有一家，現在開到來大埔真難得！聞名的燒鴨一定要吃，上菜時還暖暖的，擺盤整齊。吃起來不油膩，鴨皮薄又脆，肉肥瘦適中，整體是值得一試，推薦！香口即炸的黃金蝦很吸引，炸得剛剛好，蝦不算特別新鮮，但加了蛋黃炒就係定好味道！酸菜魚是比較貴的菜品，菜名叫特式酸菜沙巴，$328，有新鮮的沙巴，魚肉很滑，但是太辣了，也不酸，如果想挑戰辣度，可以試試，如果怕辣，可要求減辣。小炒王份量比較少，但好好食！

呢間燒味酒家最近不少人慕名而來，專程來試一試燒味燒鴨係咪同傳聞中一樣。點咗一定要嚟食嘅燒鴨，半隻份量適中，侍應有問需唔需要去骨，揀咗唔需要去骨嘅。燒鵝嘅皮十分脆，肥瘦適中，油脂燒到已經接近溶化。肉質亦都係適中唔會過硬。燒鵝本身醃得入味，燒咗之後帶少少木香及油脂香非常好食。跟燒鵝上一碗豉油醬汁，味道偏甜唔會太鹹，配合燒鵝嘅肉味油脂味剛剛好唔油膩。另外點了另一道比較多人點嘅名菜，冰梅骨。同想像中嘅唔同，冰梅骨偏淋同埋味道比想像中冇咁濃郁。個人比較喜歡燒鵝多一啲。

早前已經聽聞大埔有間好味燒鴨店，可惜港島人好少入新界，始終都未能品嘗，今日假期去沙田文化博物館作最後朝聖前，尊誠先去大埔墟文興酒家一嘗傳說中最好味嘅燒鴨👍🏻雖然說是假日，中午食晏時間但都沒想像中多人，不用等位可直接入坐。我比較貪心，唔止想試燒鴨咁簡單，就叫了燒肉燒鴨雙拼麵。上菜後份量都不少，燒肉皮脆肉嫩，調味適中，十分好味。燒鴨竟然給了鴨肶，十分喜出望外，試一口，皮很脆，肉亦嫩，皮下帶少少脂肪剛剛好，有口感之餘又不會太肥膩，的確是比其他的燒臘店出色，唯獨那碗麵就真的很遜色。咁好食的燒肉燒鴨，連埋茶錢都唔洗八十蚊，十分抵食，下次有機會再嚟新界會再嚟幫襯。

文興岩岩開業既時候係做得幾好，鴨燒得靚連小炒都做得好好，不過愈做愈差，廚房連樓面換左班底，菜式味道無以前甘精緻好味。今日經過心血來潮買左盒燒鴨飯外賣，真係嚇親我，個白飯底煲到勁爛，爛到成餅野咁都可以照比個客…….唔係少少爛，係爛到結左一餅米糊甘，連普通白飯底都煲唔好…真係唔會再試喇，每次試都一次差過一次。

今日嚟到大埔「文興酒家」，餐廳內環境簡潔，服務好親切，坐位舒適。以燒鴨馳名，今日點左3樣野，粵式燒鴨的皮脆肉嫩，鴨肉質鮮美，烹調時間掌握得好好，非常好食。酸辣海鮮羹好開胃，酸酸辣辣加上海鮮嘅鮮味，比平時既更鮮甜，特別好飲。鮑汁雞粒炒飯的雞肉炒得很嫩滑，鮑汁配米飯炒得好香，米飯口感炒到啱啱好。•酸辣海鮮羹$45•鮑汁雞粒炒飯$79•粵式燒鴨$65下庄文興酒家 (大明里) (大埔)大埔大明里5號地下2號舖

大埔的米其林食店，被稱為世上最好味的燒鴨！環境：位於大埔墟四里入面，內裏裝修明亮乾淨。服務：點了一個雙拼飯，好快就送到，服務到位。食品質素：雙拼燒味飯（叉燒拼燒鴨）叉燒肉質偏瘦但食落爽口，蜜汁豐潤，甜而不膩，火侯上乘，能達至微微焦脆的口感；至於燒鴨更加令人讚不絕口，外皮酥脆，肉質鬆嫩，內部醃料入味，荔枝柴的煙燻香味緩緩滲出，食完先知原來係米芝蓮餐廳級數，確實實至名歸。價格：價格稍貴，但品質對得起價格，性價比不俗。我們吃的是午餐，人流也很多，同事的雙拼也是讚不絕口。

自己住大埔都冇試過文昌酒家，昨晚同朋友試了，燒🦆真係好食、估唔到其他小菜都整得十分出色，特別喜歡冰梅醬燒骨。粵式燒鴨 🦆 半隻 $109果然是皇牌燒鴨，燒鴨冇乜肥膏，肉質juicy，鴨皮燒得好好，口感酥脆，食落很香鴨味道，加埋過特調醬汁一齊食，好正😊。文興小炒皇 $128配料都好豐富，韭菜花、蝦乾、腰果、魷魚同蝦球，材料新鮮，蝦球爽口又彈牙，韭菜花很多甜，加了些蝦醬炒，很惹味同幾夠鑊氣 冰梅醬燒骨 $119肉質嫩口又多汁，配了冰梅醬的酸甜口感，非常出色同醒胃，尼個冰梅醬燒骨真心好食😋。上湯時蔬 $88上湯菜心都用了菜心苗，加了蒜頭上湯幾蒜香味。舟山海蜤 $69海蜇頭好脆口，很有以前媽媽的味道👅。

IG : Eattobefit.hk餐廳係英國唐人街發跡，之後再係香港開分店！中秋聚節就試咗佢嘅四人套餐($928)，再加其他小菜！💪🏻 粵式燒泰國櫻桃鴨櫻桃鴨係呢間餐廳嘅招牌菜！食落鴨肉都滑身，有鴨羶香味，唔會老柴，亦都有肉汁。而且，佢會有碗秘製甜豉油比你蘸，豉油好香甜🤤！撈飯一流，係成餐飯嘅mvp🤣 不過燒鴨嘅外皮唔太脆，食得出放得太耐！💪🏻 前菜：太白醉雞、舟山海蜇醉雞雞肉都滑身，但冇咩花雕酒味，好淡。海蜇都爽口。💪🏻 清蒸沙巴龍躉沙巴龍躉火候啱啱好，蒸得魚肉滑身😋，唔會浪費咗條魚！蒸魚豉油都香甜。但成日食到魚皮仲有魚磷，去得唔乾淨😕💪🏻 特色果香咕嚕肉咕嚕肉炸得好脆身，酸甜醬汁啱啱好掛咗舊肉上邊，唔會淋晒！💪🏻 蜜椒薯仔牛柳粒牛柳粒都夠淋，唔會鞋！牛柳粒同蜜椒都有黑椒味，但唔算好濃，而且成碟餸都偏甜，食落都開心！薯仔煮得幾好食，外皮微脆，內裏好綿😋💪🏻 西蘭花炒螺片帶子炒帶子同螺片都爽口，但成碟餸都偏咸。💪🏻 尖椒炒豬頸肉成碟餸嘅調味都係偏咸😕，用黎送飯都覺得咸，尖椒夠辣，食落香口。💪🏻 蟹肉粟米羹粟米羹都幾多料，有蟹肉、蝦肉，夠杰身！味道：6.5/10性價比：6/10食住瘦指

大家記得預早book , 個日去係禮拜日 都滿座見店家出名櫻桃鴨，一心想黎試套餐有2前菜，3小菜，半隻鴨，1個湯羹另外叫左 蝦球芝士面 見食評啲人有讚套餐個啲係好食 份量都足但另叫個蝦球芝士面真係唔多掂==環境就唔好彩有啲冷氣滴水，個場都有啲逼

文興酒家📍大埔大明里5號地下2號舖━━━━━━━━━━━━━━━━━━━━━━━━━━━━沒想到大埔街市附近還有一間走高端路線的燒味店 午市的話有親民的粉麵飯選擇 而想宴請也是有精緻炒菜選擇~ 聽聞這間的櫻桃鴨甚是出名 而且可以選擇貼心去骨 懶人必吃🤣 我們二人選擇了餐廳的套餐 每位$380 免茶芥和加一━━━━━━━━━━━━━━━━━━━━━━━━━━━━🥗 大蝦雜果沙律 ▶︎ 大蝦配上水果罐頭和海量沙拉醬 冰冰涼涼的~好味指數:●●◐◯◯━━━━━━━━━━━━━━━━━━━━━━━━━━━━🫕 酸辣海鮮羹▶︎ 酸辣湯豪華版 有蝦 帶子 魚塊等 還有豆腐 木耳絲 筍絲 蛋花等 ▶︎ 調味很不錯 酸辣而不會太鹹 勾芡也很細膩~好味指數:●●●●◐━━━━━━━━━━━━━━━━━━━━━━━━━━━━🦆 文興招牌櫻桃鴨▶︎ 櫻桃鴨切成薄片 一瞬間以為是片皮鴨呢🤣▶︎ 肉質很細膩 緊實而不柴 也沒有鴨腥味▶︎ 配上醬汁鹹度適中 皮的部分也有油香!好味指數:●●●●◯━━━━━━━━━━━━━━━━━━━━━━━━━━━━🥩 特色咕嚕肉 ▶︎ 咕嚕肉是很經典的酸甜醬汁 配菜有菠蘿 青椒 洋蔥等▶︎ 喜

3月尾星期日同父母係大埔食晚飯。阿媽話文興小菜好食，8點好彩唔駛等位，我哋就一於試吓。文興酒家之前係泰國曼谷旅行見都有分店。菜牌寫餐廳始源自倫敦，出名燒鴨，我哋叫咗半隻燒鴨，上枱時以為係燒雞，因為鴨好淡色，近雞肉嘅白，肉質都似，比較瘦，唔太啱我哋口味…。豬肚雞煲好大份下，上湯味道鮮甜，應該滾咗好耐，湯有好多料，雞似係走個油才加入湯煮。家鄉炒米粉，夠鑊氣，阿爸阿媽好啱，清曬碟。

被譽為世界上最好吃的燒鴨？都係朋友介紹先知呢間文興酒家，原來係來自英國嘅中式餐廳，主打賣燒鴨。近年喺大埔同中環開分店，呢日去咗食套餐，除咗食燒鴨之外，仲食咗其他小菜，質素都唔錯！小食方面有大蝦雜果沙律，蝦肉爽口分量十足。唔少得有文興招牌櫻桃鴨，餐廳的燒鴨選用直接入口泰國盤谷牧場飼養的優質櫻桃谷鴨，用上優質榖物飼料，無抗生素無激素。鴨肉甘香軟嫩，鴨皮酥脆，重點係餐廳已經去骨，食落啖啖肉，醬汁甜甜地，又真係幾好食！韭黄花膠瑤柱羹材料十足，花膠切絲，味道唔會太鹹剛好。西蘭花炒螺片帶子，螺片爽口，食極都有。冰梅醬燒骨肉質鬆化，醬汁酸酸甜甜，用嚟送飯一流！

在英國唐人街很岀名的中餐廳，主打粵式小菜和燒臘，連查理國王也去光顧。因為老闆是大埔原居民，在外發展事業有成，現在到退休年齡就回到家鄉開一家店與鄉親們分享，閒時召呼一下親朋好友。這店最大的特色菜是香酥鴨，是英國才有的菜式，很受英國人歡迎。我們中國人不太喜歡，感覺乾乾的不好吃。反而這裡的燒鴨真的不錯，可以選擇叫去骨的（😆給英國人老外吃的特色），靈魂在於跟配的醬汁，甜甜的帶濃郁的醬香，吃這鴨沒有汁不行。其他菜式實屬高質，每個菜式才都用靚料。以他的標價在外面吃不到同樣水準。