文興酒家 (大明里)

营业中

休息中

首先係無訂枱服務。唔緊要，就早啲去排，舖頭細只得10張枱，大枱得3張，自己連家人7位，只可在三十幾度門外齊齊等，80歲嘅都不例外；呢啲咁冇溫度嘅食肆，未齊人冇得入座係常識吧。等候期間問可唔可以預留一隻燒鴨？「唔可以」～入座時張枱根本坐唔到7個人，要求換走數張大椅放圓凳都「唔可以」？！！ok用餐區太近後門，完全唔夠冷氣。食物整體有水準，其實唔係第一次食，燒鴨係招牌，小炒王及四季豆有驚喜，古嚕肉偏酸但都好味嘅，但當晚嘅胡椒豬肚湯就唔胡椒。不過再好食都冇用，如果唔係就長輩，根本唔會等。