文興酒家 (大明里)

营业中

休息中

2021年01月04日唔知幾時係蘋果定唔知咩睇到佢個介紹。見咁岩今日諗唔到食咩，我地就決定試下佢！都幾多人等位下。可能因為係疫情既關係。要兩個人一張枱。佢門面又唔係大。等勁耐。總於入到。佢筷子係偏幼嗰啲。有公雞。都幾有氣氛。餐牌。講到好出名咁。以燒味飯黎講。價錢都唔算貴。個雞勁普通！可以唔洗試都得燒鴨又真係幾好食。但冇乜用。睇落以為好多啦。點知比啲皮黎。冇肉既。我想要肉呀！佢個醬（是油）係偏甜。送飯一流！

早幾日行過一樂舊舖開咗新餐廳， 聽講文樂係倫敦好出名賣燒鴨。 尋日行過見到佢哋個早餐幾吸引， 今早同老婆就一齊去食個早午餐。十點半去到冇乜人， 招呼好有禮貌。 睇左餐牌當然係食最後嗰兩樣。燒鴨瀨粉嚟囉好驚喜，差不多就四分一隻咁多。雪菜火鴨絲湯米粉亦都好足料， 兩樣都好好食。 跟餐個花圈亦都好好食。一路食嗰陣時好多人入嚟想買外賣燒鴨， 但要四點半之後先會有外賣燒鴨，好似168一隻，無得電話訂。都見到好多人比左錢留，下次可以買隻加餸。

前身係一樂嘅舖位，自從佢結業後之後開的食肆，間間開間間執。今次呢一間酒家我見佢裝修咗都一段時間，外面望落去都好似幾落本。門外貼住張海報，標榜佢嘅燒鴨係英國金融時報評為世界上最好食的燒鴨。見佢寫到咁誇張，一於買來試一試。佢比一般燒臘店係貴少少，一般七十幾半隻，呢到就86，一於買半隻返屋企試吓。落單時，落單姐姐仲問要唔要起骨，咁得意！拎到返屋企，見到鴨同醬汁係分開，係冇我地一般食燒鴨的酸梅醬，媽媽話英國唐人街果D味道返到去鴨仲暖身，冇一般汁浸住我比較欣賞，跟鴨醬汁比較杰身，略帶甜，鴨皮仍然脆脆地，唔太肥，我會有再食的機會