文興酒家 (大明里)

营业中

休息中

酒友相約飯局，人少少，一行三人到大埔試新嘢，聞說英國回流大㕑，中環也有分店，但作為三隻為食貓來說，大埔老店更吸引⋯⋯門口已大大個牌標誌泰國直接入口的牧場櫻桃鴨。6:30pm 到達，食店未算多食客，到七時許，食客相繼出現⋯⋯黑椒炸金菇$48~下酒小食必點項目，像吃零食蝦條一樣，不知不覺很快KO 了。粵式燒泰國櫻桃鴨$179~ 鴨可以選擇走肉或要骨，酒友作為下酒配搭，當然要有骨落地。還有酸薑兩片，吃完清清喉嚨及去油膩感。勝瓜粉絲花甲煲$128~清淡有瓜當湯飲，正！文興小炒皇$128~韭菜新鮮爽脆，正是發揮到小炒皇的吸引力，當晚筆者至愛。美味欖角一字骨$128~微甜的欖角汁，惹人討好，令人聯想起一碗白飯。整體來說由於屬人氣食店，平日酒聚好選擇，但假期要分時段吃，但包房可以再作配合，這是食店告知的，食物質素有心思，店員服務態度好，值得一試。

呢間係少數喺外國紅返過嚟香港嘅燒味鋪🫡文興酒家喺英國倫敦經營，獲米芝蓮推介，招牌燒鴨🍗更被英國《金融時報》譽為世上最好食🎖🏆的燒鴨，英國國和查理斯仲係王子嘅時候亦都幫襯過，仲讚好添！試着燒味相拼瀨粉($68)揀咗招牌燒鴨同叉燒，試過又真係醬汁唔同啲，而且啖啖肉，而且瀨粉好大碗，另外一個互相平凡要咗油雞，質素都唔錯，而且份量多男人食到夠晒飽；另外，再散叫一個xo醬海鮮炒腸粉($94)，大大份食唔曬，返屋企再翻熱嘅時候更加入味仲好食。佢哋嘅燒鴨仲可以起骨上碟，相信同外國人不習慣吐骨有關🤣所以介紹之後，老闆喺香港再開分店，就變咗過江龍😊，佢哋仲有買all day breakfast，喺酒家嚟講真係少有，質素都唔錯，下次可以試吓😋

家庭聚會 食物很一般燒鵝普通 不是熱辣辣的花膠雞煲 普通醉鮑魚 冇味道 很淡炒咗兩個青菜食咗一個 中式心太軟甜品太甜 底部類似蒸蛋的 過分老期望過大原本想支持小店 期望下次會進步

估唔到呢間中菜館係英國過江龍，冇錯，佢更加上咗英國金融時報，仲被譽為全世界最好食嘅燒鴨！咁大個頭銜，又嚟到香港，冇可能唔試啦！其實中環都有一間分店的，不過為咗遷就家人方便，我哋選址大埔呢一間餐館。🥢 雙拼燒味： 蜜汁叉燒及脆皮燒肉叉燒肥瘦適中，反而燒肉偏鹹，但係肉質好食。🥢 川辣藕片 - 正常發揮，香脆開胃。🥢 太白醉雞 - 雞肉嫩滑，花雕酒香入肉。🥢 老火靚湯 - 阿媽牌的靚湯味，可以encore 三大碗！🥢 粵式燒鴨半隻 - 不要用食鵝的眼光看待鴨，文興的鴨係皮香脆，肉汁多，鴨肉算滑的。佢嘅鴨肉不柴，比起甜酸醬，配上一碗甜豉油生色不少！不過可能超級繁忙，刀工有啲急，不是件件分離，但可以體諒。🥢 蒜蓉蒸粉絲扇貝- 新鮮香甜，火喉啱啱好！🥢 文興小炒王 - 菜炒蝦乾、魷魚，其實很惹味，不過都是偏鹹！🥢 清蒸海上鮮 - 魚肉新鮮，骨肉分離容易，老人家至愛！🥢 蠔皇北菇鮑魚扒時蔬 - 正常發揮！🥢 金菇雜菌瑤柱炆伊麵 - 伊麵，香甜好吃，不算油。🥢 黑松露百花釀刺參扒西蘭花 - 正常發揮。🥢鮑汁雜菌紅燒豆腐 - 豆腐嫩滑文興酒家（大明里）雖然晚飯時段非常忙碌，但係服務一樣比足你，招呼周到。

大明里呢度有好多餐廳，呢間文興酒家門面唔係太起眼仲有啲陳舊，但行入嚟會覺得別有洞天👍🏻 入面裝修非常雅緻而且食物味道一流，十分推薦大家嚟試試！🥢櫻桃鴨配文興叉燒皇呢個燒味拼盤有齊兩款王牌，櫻桃鴨有陣果香味，食落亦夠晒油香！叉燒就非常軟嫩，外層嘅蜜糖做到又甜又香脆👍🏻🥢太白花雕鮑魚+辣藕片非常夠花雕酒香👍🏻 而且大大隻鮑魚切片，一啲都唔孤寒，厚切鮑片十分彈牙，辣藕片亦好爽口，作為前菜非常可口👍🏻🥢特色酸菜沙巴龍躉原條沙巴龍躉上枱好震撼🤤 唔使講都知道啲魚肉有幾爽滑，魚骨湯底好香濃，加埋酸菜，酸辣味夠搶口👍🏻 湯底入面仲有好多配料同薯粉，大家都食到停唔到！🥢黃金炸大腸炸到好香脆但又唔覺得油膩，點埋個酸甜醬一流🥢文興招牌炒飯炒飯粒粒分明非常乾身，用櫻花蝦嚟炒香氣十足，重點係用蛋白嚟炒，誠意滿分👍🏻🥢中式心太軟原來係椰汁蛋白燉奶，入面仲有海燕同埋桃膠，非常滋潤，秋冬天食一流

聽朋友講大埔有間好好嘅中菜餐廳，今日終於有機會入大埔，咁就一於約埋朋友嚟試吓啦。泰國櫻桃鴨／文興叉燒皇真係令人一試難忘。泰國櫻桃鴨外皮烤得金黃香脆，內裡肉質鮮嫩多汁，帶有淡淡嘅果香味，令人每一口都充滿咗驚喜。文興叉燒皇則係經典之作，叉燒肉質嫩滑，甜而不膩，外層刷上咗蜜汁，令整道叉燒更加香甜，每一啖都係味覺嘅享受。呢道燒味雙拼份量足夠，適合多人分享，絕對係聚會嘅首選。是日例湯以多種新鮮食材熬製，湯底清甜，具滋補功效。每一日嘅例湯都唔同，令人每次到訪都能夠有新嘅驚喜。今日嘅例湯湯底濃郁，食材新鮮，具滋養效果，飲完之後令人感到溫暖同滿足。努力太白花雕醉鮑魚呢道菜以花雕酒浸製鮑魚，味道獨特。鮑魚肉質鮮甜，帶有淡淡嘅酒香，同花雕酒嘅味道完美融合，每一啖都係味覺嘅享受。特色酸菜沙巴龍躉係一道口感豐富嘅菜品。龍躉魚肉質鮮嫩，酸菜嘅酸味恰到好處，令味道更加清新。呢道菜既能夠開胃，又唔會過於油膩，非常適合作為主菜享用。沙巴龍躉同酸菜嘅結合，令人每一啖都充滿咗驚喜同滿足。呢間餐廳又平又抵食，而且中菜非常正宗，好適合帶外國朋友嚟試吓。而且同朋友或者屋企人聚會都好適合，我下次都一定會再嚟啊。

餐廳咁旺場, 令到感覺座位略為狹迫, 但食物質素和服務態度絕對可以平反, 先來文興例湯,足料足味是紅蘿蔔粉葛煲豬踭, 跟住一個小食太白花雕醉鮑魚, 切成薄片又易入口酒味又濃, 食燒味是常識吧, 來了一個櫻桃鴨拼叉燒王, 义燒肉質香嫩多汁, 而鴨皮又燒得香脆肉滑, 果然名不虛傳, 之後的金沙琵琶豆腐,原來內有乾坤有鮮蝦和馬蹄, 除了更有咬口與表面的鹹蛋黃實在超夾, 再來一大鍋特色酸菜原條沙巴龍躉, 除了好有睇頭外, 連配菜及粉皮都絕不可錯過。主食是文興招牌炒飯,蝦醬香氣撲鼻, 最後的甜品中式心太軟, 由舖在表面最吸睛的雪燕到頂層的椰漿、中層的阿膠到底層的燉蛋, 簡直是考甜品師父的功夫, 整頓晚飯各人都很滿意, 下次會再叫大班人捧場。

淨看門面不算突出, 除了吸睛的燒味窗櫥和簡潔的座椅, 但早午晚都奇門如市, 今日與一眾友人行完山剛巧過了午膳高峯時間, 只等了一會已可安排入座, 但不多久又一大班行山友湧至, 個個都話慕名而來, 連埋D街坊來食下午茶, 好不熱鬧。說回食物質素, 义燒王和櫻桃鴨是必吃的, 也沒有令人失望, 那個前菜冰鎮醉鮑魚, 實在感覺清新又酒香彈牙, 主菜的酸菜石斑魚認真大盆又開胃, 另一小菜金沙琵琶豆腐, 須然邪惡但實在惹味, 已經差不多了, 友人話想食甜品, 餐牌標價$46的中式心太軟, 上枱時很吸晴, 而且味道層次複雜, 實在是功夫菜, 認真超值。

[ 文興酒家 ]大埔竟然有一間來自英國倫教🇬🇧嘅中菜廳！佢地係倫敦開業三十多年，招牌燒鴨🔥🦆更被 英國金融時報 譽為世上最好食嘅燒鴨，查理斯王子 都食過，嚟咗香港開分店當然要試吓。小食✿ 川辣藕片 $48✿ 太白花雕醉鮑魚 $58兩款都係涼伴開胃小食，蓮藕片伴麻辣汁又幾夾，切成一片片嘅鮑魚酒味香醇。湯類🥣✿ 每日靚湯 $38/碗原盅青紅蘿蔔湯好足料，味道清甜無味精。燒味✿ 燒味雙拼 $148必食 粵式燒泰國櫻桃鴨🔥🦆，佢地燒鴨與坊間酒樓最大分別係起骨上碟。燒鴨採用泰國櫻桃谷鴨，皮薄充滿油香，肉質嫩滑，配埋鴨醬味道更豐富。另外拼 蜜汁叉燒王🔥🐷，肥瘦均勻，兩款燒味都啖啖肉😋。主菜✿ 特色酸菜沙巴龍躉 $348 🐟呢道酸菜魚特別於用上原條沙巴龍躉，肉質柔嫩有彈性，魚湯湯底麻香辣惹味，配料超足有酸菜、花椒粒、蓮藕、萵筍、薯粉等。✿ 黃金炸大腸 $108大排檔小炒常見菜式，外皮脆脆又香口😋。炒粉麵飯✿ 文興招牌炒飯 $128 炒飯份量十足又足料，有蝦仁、櫻花蝦等，幾乎每口炒飯都有蛋白，口感鬆軟，香口而唔會太油太鹹👍。甜點🍮✿ 中式心太軟 $48/位見到個名估唔到係咩嘢🤔，原來係椰汁桃膠蛋白燉奶

今次試咗呢間主打中式經典菜嘅餐廳，整體嚟講食物有風味，而且菜式選擇多元化。首先，燒味雙拼嘅泰國櫻桃鴨同文興叉燒皇，真係名副其實嘅「皇牌」。櫻桃鴨皮脆肉嫩，油脂豐富但唔會過膩，鴨味濃郁；而叉燒皇肥瘦適中，蜜汁香甜！是日例湯 – 紅蘿蔔粟米瘦肉湯，湯底清甜，材料豐富，係個不錯嘅開端。之後到太白花雕醉鮑魚，鮑魚彈牙，花雕酒味香醇。文興香酥鴨 (半隻)，鴨皮炸得金黃香脆，配麼麼皮包住食，好特別。金沙琵琶豆腐，豆腐外層金黃酥脆，內裡軟滑細嫩，鹹蛋黃醬汁香濃。文興招牌炒飯，粒粒分明，鑊氣十足。最後嘅甜品中式心太軟，原來即是椰汁桃膠燕窩燉燉蛋白。椰香突出，燕窩滋潤，桃膠爽滑。

假日同屋企人去咗大埔呢間文興酒家，有廣式小菜。首先上嚟嘅就係燒味雙拼。泰國櫻桃鴨皮薄肉嫩，仲帶埋淡淡嘅果香，真係好好味😋而叉燒皇就肉質肥美，密汁香甜。太白花雕醉鮑魚，鮑魚肉質Q彈細緻，配埋濃郁嘅醉花雕酒汁，層次豐富。食完前菜就飲返個是日餐湯：紅蘿蔔粟米瘦肉湯。湯熱辣辣好暖胃。文興嘅香酥鴨更係一大亮點，酥脆嘅外皮及鴨肉，份量都幾多。金沙琵琶豆腐外層金黃酥脆，沾滿蛋黃香。最後嘅文興招牌炒飯，炒得剛好。甜品方面，中式心太軟有驚喜。椰汁桃膠燕窩燉蛋白好滋潤。

平時見到文興好多人排隊 但係一直都冇入去🤣因為見到個定價都幾貴🥹最近屋企人生日 想帶佢食餐好嘅 就去咗呢間連查理斯王子都食過嘅中菜😉雖然佢哋嘅位置唔多 而且好迫 但係每個人去完都大贊好食😋我哋叫咗幾款招牌小菜當然首先要提及佢哋嘅櫻桃鴨💯我叫咗櫻桃鴨同叉燒雙拼 不得不說佢哋嘅櫻桃鴨肉嫩 咬落好有油脂香 但係唔會好肥💯叉燒簡直冇得彈 滿滿嘅蜜汁 咬落去入口即溶除此之外仲有佢哋嘅招牌例湯 我見到每一台都有叫例湯嘅肥豬肉 肥得來好嫩滑 食落口完全唔會覺得好邪惡 但係亦都唔會好嚡 真係超級推薦仲有招牌小炒王都好惹味

文興酒家係一間老字號中菜館當中尤其燒鵝特別出名👍🏻除左燒味外仲有多款中式小菜食飯時間坐無虛席 好有人氣💕.🫧燒味雙拼·泰國櫻桃鴨及文興叉燒皇鴨肉鮮嫩多汁 叉燒則外焦內嫩味道勁高質 令人食指大動🥴.🫧是日例湯好足料老火湯 選用新鮮食材熬製 冬天飲成個人都暖笠笠.🫧太白花雕醉鮑魚鮑魚好大隻 肉質鮮嫩彈牙太白花雕酒的酒香四溢 .🫧特色酸菜沙巴龍躉酸菜的味道襯托出魚肉的鮮美清新可口魚肉好嫩滑 成條沙巴龍躉上好有誠意😋😋.🫧金沙琵琶豆腐琵琶豆腐外酥內嫩搭配金沙鹹香可口口感豐富.🫧文興招牌炒飯炒飯香氣四溢米粒粒粒分明飯上的櫻花蝦超香 令炒飯味道層次更上一層樓 超正😭😭.🫧中式心太軟開頭估唔到係咩黎 原來係桃膠燕窩燉蛋白每一口仲會品嘗到淡淡的杏仁香 好滋補💪🏻

位於大埔既文興酒家，係一間兼具傳統與創新既中菜餐廳，最近我特意去試咗佢哋招牌菜，真係令人驚喜！首先，我點咗燒味雙拼，有齊泰國櫻桃鴨同文興叉燒皇。櫻桃鴨外皮香脆，肉質鮮嫩，油脂均勻分佈，帶有淡淡果香。而叉燒皇則是色澤誘人，肉質柔嫩，醬汁濃郁，味道十足，兩者搭配簡直完美，真係好滿足！接住嚟試咗是日例湯，湯底清香，內有紅蘿蔔、薯仔同瘦肉，既健康又滋潤，特別適合轉季天氣享用。太白花雕醉鮑魚，入口即化，酒香四溢，鮑魚鮮味十足，令人回味無窮。金沙琵琶豆腐，口感滑嫩豆腐，外層裹上金黃金沙，外脆內嫩，形成鮮明對比，每一口都令人驚喜！然後我試咗特色酸菜沙巴龍躉，色彩繽紛好吸引！酸菜既清酸味與龍躉鮮甜味相得益彰，口感層次分明，讓整個用餐體驗更加豐富！黎得呢度，當然要試文興招牌炒飯，飯粒分明，炒得乾爽，配料新鮮，讓人一口接一口。最後，以中式心太軟作結，蛋白燉奶配上雪燕、椰汁、桃膠，清甜滑嫩，既滿足又不會太膩。總括而言，文興酒家無論係菜式定環境都相當出色，無論係家庭聚會定朋友聚餐，絕對係一個值得推薦的好地方！ 文興酒家地址: 大埔大明里5號地下2號舖

今日同屋企人去了大埔的文興酒家食飯，午市全場滿座，幸好流動量都快，等了一陣就有位。餐廳主打燒味及特色中菜，基本上每次幫襯都永無失手。粉葛紅蘿蔔豬𦟌湯：完全無味精，清甜有肉香，粉葛更是煲至又粉又腍。太白花雕醉鮑魚：鮑魚浸得入味，酒味突出，蓮藕爽脆酸辣，十分開胃。金沙琵琶豆腐：金黃色的豆腐攞盤精緻，表面沾滿了咸蛋王，裏面有馬蹄、蝦仁，炸至外脆內滑，必食之一。泰國櫻桃鴨拼文興叉燒皇：燒味是這裏的招牌菜，我自己就最喜歡食叉燒，梅頭肉帶焦脆蜜汁香；櫻桃鴨皮脆肉嫩，而且多汁充滿鴨油香味。文興招牌炒飯：炒飯有蝦仁、蛋白、菜粒等，而且不油膩，十分爽口。中式心太軟：桃膠燉至腍身，表面是海燕，蛋白有陣陣椰汁香，而且很滑。