文興酒家 (大明里)

营业中

休息中

假日同屋企人去咗大埔呢間文興酒家，有廣式小菜。首先上嚟嘅就係燒味雙拼。泰國櫻桃鴨皮薄肉嫩，仲帶埋淡淡嘅果香，真係好好味😋而叉燒皇就肉質肥美，密汁香甜。太白花雕醉鮑魚，鮑魚肉質Q彈細緻，配埋濃郁嘅醉花雕酒汁，層次豐富。食完前菜就飲返個是日餐湯：紅蘿蔔粟米瘦肉湯。湯熱辣辣好暖胃。文興嘅香酥鴨更係一大亮點，酥脆嘅外皮及鴨肉，份量都幾多。金沙琵琶豆腐外層金黃酥脆，沾滿蛋黃香。最後嘅文興招牌炒飯，炒得剛好。甜品方面，中式心太軟有驚喜。椰汁桃膠燕窩燉蛋白好滋潤。