掌壽司 (已結業)

開頭會以為佢係性價比好高嘅餐廳，所以諗住入去試吓，加上呢間鋪開咗好多年都屹立不倒，咁估計應該係幾好食嘅。入到去舖頭，感覺好親民啦，冇咩好華麗嘅裝修，但係一望到餐牌，略嫌係呢一個地段收費偏貴。兩個人食咗$600但係都有就住叫，粗略估計，如果真係要食得飽應該都要$800埋單，咁我就覺得唔使喺呢一度食囉。食材方面都係新鮮好味嘅！最有印象叫咗甜蝦刺身，好好味好鮮甜。牛肉嗰個煲都好食，但都係果句唔值呢個價錢囉。