捌壹壹 (奶路臣街)

营业中

休息中

呢條酸菜魚佢係先燒後煮加上魚油充足, 成條魚勁香。我本來都好鐘意食魚,呢條魚D骨位好鮮甜再飲埋燒酒真係不得了咁夾。我呢個月食左３次。鐘意食魚一定冇死, 真係好好食。

麻辣雞煲大家就食得多，泡椒雞煲大家又試過未？呢個泡椒雞煲冇麻辣雞煲咁濃味，辣得嚟帶少少酸，煮得好入味，雞味又好出，同麻辣雞煲完全唔同風味，食雞煲嘅另一好選擇👍🏻因為朋友鍾意食雞煲，所以就推介佢嚟食呢個泡椒雞煲，食完唔會覺得好熱氣同好喝👍🏻食完雞再叫店員加湯打邊爐🥘安格斯雪花牛肉打邊爐一定唔少得嘅肥牛，我哋叫咗安格斯，雪花分布比例好均勻，牛味濃，有口感另外仲有必叫嘅蟹柳、響鈴、金菇菜….黑糖糍粑（大）外面脆入面勁煙韌，超好咬口，再點埋少少黑糖食，正〰️

今日即慶出街食，朋友想食酸菜魚，見呢間評價都幾好，就決定了呢間。可以一上菜食第一啖已經好失望，又淡，我地叫小辣，就真係少少少少辣味都無，唔知入面本身係唔係有薯粉，開初食淨係見到一大把大豆芽，但食食下又會出現兩條好粗既薯粉，酸菜又勁大舊，好似隨便斬開幾塊咁。。。一開始落單既3罐飲品，反而沙冰係最快上，其餘兩罐食左尾段，要催先拎黎糍粑同酸菜魚都食完，口水雞都係要催先上，縱使口水雞和糍粑味道都唔錯，但服務和主角酸菜魚都扣分扣到唔合格

舖頭主打酸菜魚、麻辣火鍋魚 & 麻辣雞煲 每樣都備受好評 實在心大心細好難決擇最尾中間取個平衡點 揀咗麻辣火鍋魚條魚勁大條 大到個鍋都差啲放唔晒喇😱呢個價錢嚟講都算超值!! 仲要係爽口嫩滑又少骨嘅魽魚呢❤️岩晒唔太鍾意食魚因為怕哽魚骨嘅小編(*ᴗ͈ˬᴗ͈)⁾⁾辣度方面 試試水溫 今次叫咗小辣上面灑滿紅噹噹嘅辣椒、蔥、芫荽 見到好震撼麻辣味愈煮愈出 輕微麻痹感但又唔會辣到食唔到驚唔夠飽嘅話 仲可以再加配料當打埋邊爐添架～

今日行完90s姊妹們市集之後聞到對面E間烤魚幾香, 所以就行去望下, 見到價錢唔貴於是就同朋友入去試試! 餐廳主打烤魚雞煲, 亦有多款川式小菜同甜品, 而且仲可以揀辣度, 唔食得辣都可以揀走辣!🌟杞子菊花蜜菊花味幾香, 甜甜地幾好飲🌟重慶麻辣火鍋魚🐟小妹點左BB辣👶🏻🌶️, 一上枱已經聞到鮮香嘅辣味, 烤魚被紅油, 辣椒, 蒜同蔥淹沒, 入面仲有芽菜, 豆卜, 金菇等吸湯配菜! 魚肉口感滑嫩味道鮮甜, 麻麻辣辣好惹味!🌟黑糖糍粑糍粑熱辣辣, 外層香脆內裡軟糯!

酸菜魚除了酸菜、魚、芽菜，沒有其他配料，味道只屬一般，而且上菜既時候都唔夠熱，店員冇提醒係可以自己開爐加住熱咁食。.炸子雞差不多全碟都係辣椒，只有極少量雞粒，仲要係雞骨，根本冇肉食。搵左個店員過黎問，佢竟然解釋係用雞翼尖黎做呢個餸，what!?😱.原本見到仲有雞煲同烤魚，但一定唔會再黎試。

感謝 @811sichuancuisine 嘅試食邀請😊呢間餐廳好近地鐵站，行幾分鐘就到，真係好方便😆揀左下午茶時段黎食，唔洗咁多人🥺🔻#必食冷鍋酸菜魚 $188一場黎到緊要試下佢嘅酸菜魚！佢有好多啲辣度比客人選擇，怕太辣嘅話可以揀BB辣都得🌶酸菜魚嘅份量好多，兩個人食其實都好夠（雖然另外仲點左個肥牛、鴨血等😅）啲魚好滑，入面仲有好多嘅配料，例如係芽菜、寬粉、酸菜等😍😍😍湯汁亦唔會覺得太咸/太酸☺️👍🏽🔻佢地而家仲有個新嘅跨區外賣平台🤳🏻方便客人可以在家落單叫外賣添😊🔻

捌壹壹｜旺角冷鍋魚其實唔係凍魚，而係廚房將煮熟咗嘅魚連同酸辣湯汁及醬料放入大鍋上枱，食法類似雞煲，食完嘢之後仲可以加湯打邊爐，係重慶嘅名菜。🥘 必食冷鍋酸菜魚$188意想不到地大鍋，一上枱就比個份量嚇親😂雖然叫嘅係Regular size，本來以為係二人份但感覺上夠3-4人食，而且用料唔馬虎，超多魚片同酸菜！🐟每塊魚片都好厚身又爽嫩滑彈牙，食到底仲有吸收晒濃厚湯汁嘅水晶粉，煙韌爽口🌶另外因為怕會好辣所以叫左「BB辣」，點知食落覺得完全唔夠喉，再辣啲應該會更惹味。🥩手切牛肉（細）叫左細份但係份量都好多，牛肉味好香又嫩滑，正👍📝以前鍾意食雞煲但係非常油膩所以都少食，遇到呢個酸菜魚鍋好開心，第日可以又可以打邊爐食得健康啲🤤

去朋友家gathering, 又想食辣野，就試下呢間係food panda 叫外賣自取好方便，唔洗係街到等叫左冷鍋酸菜魚& 麻辣小龍蝦雞煲，我地自己另外加丸類📍 冷鍋酸菜魚湯&魚唔會太酸，魚分量足，魚肉又結實，有咬口，但覺得寬粉可以多少少📍麻辣小龍蝦雞煲第一次食小龍蝦，比我想像中多肉，肉又結實而雞係好好食，無雪藏味，雞肉嫩滑又多肉，真心推介👍🏻👍🏻👍🏻兩款都有好多配菜🤩，可惜朋友只可食bb辣，如果更辣，應該仲好食🤤

上星期和朋友聚會到旺角，想起了這一間主打酸菜魚的川菜餐廳，想念川菜的朋友馬上確定預約香油海蜇，先來一客小食，海蜇分量不少，而且味濃惹味，帶有濃烈的香醋和麻油香酸辣土豆絲 每次到川菜館必點的菜式，非常適合配白飯的小菜，土豆絲香脆爽甜，加上酸辣的味道，非常一流酸菜魚，非常值得推薦，已經不是第一次嘗試，也能帶給驚喜，先說魚肉，滑身少骨，非常適合香港人口口味，另外配搭大量的酸菜和芽菜作配料，加上他們鮮甜的金湯，非常滿足

自問食過‘太二’真係返唔到轉頭，而家疫情返唔去無計，唯有係香港不斷搵唔同嘅酸菜魚食，估唔到真係一間比一間驚喜，呢間CP值好高。第一次見二人餐酸菜魚係唔過兩百蚊，重要已經包埋寬粉係裡面，特色係個酸菜魚煲食完之後仲可以拎來打邊爐，價錢平，但絕對唔係hea你，魚份量頗多，偏淋身，無骨，無腥味，酸菜更加多，酸味出，辣有後勁，對得住個價錢有突。17:00前去會有優惠65折，如果晚市去的話記得打電話去預約，因為真係全場爆滿。總結來講，呢間性價比高，味道雖然無廚XX咁濃，但份量仲多過十XX，推薦。

前幾日同媽咪去試呢間川菜餐廳食物選擇都幾多佢雖然主打麻辣火鍋但有得揀辣或者唔辣唔食得辣都可以試第一次試酸菜魚，吳知會唔會好辣，所以揀咗bb辣味道唔錯，酸酸地幾開胃唔算太辣同埋啲魚夠大塊，而且好滑湯底味道好濃郁，重口味嘅可以試下 鍾意食菜嘅我仲試咗佢嘅炒生菜 幾香蒜味不過有少少偏油黃金芝士豆腐味道唔錯,分量都幾多 加埋酸甜醬幾好食食辣梗係唔少得叫嘢飲蜂蜜雪梨茶唔會好甜,解辣一流整體幾好，分量好足兩個人食好飽肚

既然係勞動節，又點會俾自己唞吖？大胃咁勤食，梗係要俾自己個胃動起來啦，咁先應節㗎嘛不冷不熱嘅春夏交替，又未夠熱去沙灘，最好就係食返條魚熱吓身，大胃揀咗唔辣嘅酸菜魚，由於蒜油好多，就算冇辣油都好好食好夠味，同啖啖大大舊嫩滑嘅魚肉非常融合已經嗌咗細份，但份量仍然勁多，連寬粉都唔夠魚肉多食親四川嘢，必食甜品排第一一定係糍粑，外脆內綿淋上大量黑糖，甜味襲味蕾，旱地一聲雷芝士豆腐都幾多，每舊大大塊，咬落超嫩口，仲有啲芝士滲出嚟，點埋甜辣醬，儼如甘霖滿嘴，好滿足大胃第一次食夫妻肺片，原來有牛𦟌、牛脷同金錢肚，切得幼細，同辣椒油混得更為一體食濃味而又驚喜處處嘅一餐，飲返杯淡淡莓香嘅沙冰冷靜吓自己，又唔會喧賓奪主大胃之母就飲養生啲嘅薑茶，加咗蜂蜜夠晒甜趁下午茶啲人未開飯入嚟食，實為避疫明智之舉

冷鍋酸菜魚酸菜魚湯底滿盡精華,充滿醇香酸菜味及魚片鮮甜而餚成既魚湯,入口香而不膩.魚片外層帶一層薄薄既粉漿令魚片入口更香滑.魚片內外同樣嫩滑而且唔會鬆散.魚片入口帶點彈牙質感唔會過軟腍.配菜帶有芽菜及金菇增加爽脆既口感.寬粉透明而且晶瑩剔透,入口Q韌.辣子雞充滿大量乾辣椒及炸雞粒.炸雞粒細細粒易入口.雖然雞肉較細粒,但唔會炸得過火而變得乾柴.炸過既雞粒唔會過油膩.可以自由選擇辣度,就算怕辣既朋友亦都可以一試.黃金墨魚餅炸得唔油膩,入口彈牙而且充滿墨魚滑香.麵粉唔會過多,唔會蓋過墨魚餡香.蜜桃沙冰 蜂蜜雪梨梳打食完咁多辣野當然要飲返d冰涼既飲品解一解渴.兩款飲品唔會過甜而且十分解渴.

呢間四川菜開咗喺陸陸雞煲舊址行過聞到麻辣香就走咗入去大大份Menu比你點菜 必食冷鍋酸菜魚 (小辣) $188Menu上面寫住必食兩個字 咁都冇理由唔叫佢啦明明係熱食點解叫冷鍋？原來冷鍋即係擺上台就可以食 唔需要再加熱 長知識了👀呢個酸菜魚 魚肉份量都好多 好厚肉 完全冇骨(怕啃骨的的表示加分😋)湯底比較重麻辣多過酸味個人覺得唔錯嘅 同行朋友就會覺得如果酸味再多番少少會更好食鍋入邊仲有寬薯粉、芽菜、金菇 以呢個價錢來講都算抵食無骨口水雞 $78麻辣味好香 花生脆卜卜 好香口雞肉食落去好嫩滑 同時雞皮亦都好爽口 的確系一個好味既口水雞🤩麻辣金錢肚 $55金錢肚切到一絲絲 冇咗一塊塊嘅嗰種爽口感覺不過同樣地佢個麻辣味好香 令到成件事好食左尖椒皮蛋 $38 平時食嘅皮蛋多數都係鴨蛋做 外皮呈黑色雪花紋 蛋黃都系灰黑的呢間既皮蛋完全唔同 外皮系橙橙黃黃既顏色 蛋黃都系應該係蛋嘅分別 或者製造過程唔同？佢都係一種比較爽口嘅感覺而唔係平時食開皮蛋嗰種漿口嘅感覺 都幾特別芒果沙冰芒果味好濃郁 香甜 味道都唔會假香精味.好可惜今次去食唔到我想試嘅黑糖糍粑😩