捌加廿陸天婦羅居酒屋

营业中

休息中

最近見到有間招牌主打食天婦羅丼飯好吸引，星期六下午收工去食，未到2點已見排隊人龍啦😯，店鋪樓上設有榻榻米卡座，樓下就係Bar 台形式坐就比較狹窄。一入鋪頭好有去左日本居酒屋feel 呀😬仲要俾我排到上樓坐，好舒服呀！餐牌有自選天婦羅配搭或者丼飯揀，選擇困難既我，一於揀左特盛海鮮天丼（黑虎蝦2隻，那歌魚，帆立貝，鰝魚，四季豆，金菇）加配磯燒鮑魚配帶子和芝麻雞翼（2隻）小食。滿滿一大碗既飯及配料，仲有麵豉湯及前菜配。天婦羅炸皮好薄，又好酥脆。雞翅炸完都仲好juicy。鮑魚及帶子都好新鮮，炸完都仲好彈牙👍🏻另外叫左碗滑蛋豬扒丼略有孫色左少少，豬扒少少干身😅。不過總括黎講，呢個親民價錢又有咁高質，係抵食既！

好耐冇見嘅朋友約食飯，我提議8+26，朋友同意並建議early dinner，我哋見食評話要排隊，所以約大概5:00左右，食頭一輪。喺門外等時順便睇吓食乜好真係呢樣又想食嗰樣又想食5:30到啦店員安排我哋入座，之後遞上QR CODE ，手機選餐落單，朋友揀自選，舉棋不定嘅我都覺得自選好似開心啲落單後師傅即時炸天婦羅朋友揀咗廣島蠔、黑虎蝦、帆立貝、紫菜、四季豆同蘆筍配冷烏冬我揀咗鮮帶子、廣𡷊蠔、半熟蛋、牛肉餅同紫菜蝦膠配鰹魚湯蕎麥麵半熟蛋好正（必點），牛肉餅紮實本來想叫小食，好彩朋友話食咗先，如果唔係就浪費。下次要試其他款式嘅自選天婦羅丼

社交平台Giveaway中獎所以有幸去試試，平日夜晚食完飯經過都依然排長龍，每次見到都話想去試試終於有機會喇，訂座坐上層，和式跪坐榻榻米兩面牆身黏上大量新舊日本動漫、漫畫Poster，感覺身處日本一樣滑蛋豬扒丼 $ 68定食會一個長盤送上，有麵豉湯、兩小碟前菜同一小碟水果。豬扒炸得唔錯，不過同樣被蛋蓋上變淋。兩小碟前菜份量真係好細小😅 一小碟水果更加係半楷橙。。。。特盛海鮮天丼 $ 108真係要比的話，輸比金子半之助。不過價位非常有吸引力，呢個天丼有黑虎蝦、那哥魚、喜魚、金菇、秋葵，菜同蛋白質平衡，天婦羅炸得出色波子汽水已經多年冇飲，真係爽仲有天婦羅鮑魚拼帶子，炸咗感覺其實無必要，因為兩者都好易甩返個脆殼出嚟樓上閣樓仲望到樓下嘅吊燈籠裝飾，好靚

繼上次應承左老闆話佢申請完酒牌再來幫襯，講講下咁快就半年之後🤣今次就梗係專登來啤一啤佢啦!人氣小店捌加廿陸天婦羅專門店🍤今次樓下bar檯一早已坐滿人客，所以再次上到閭樓榻榻米為天花嘅吸睛紅白燈籠打卡📸🍤所有天婦羅都即叫即炸，有別於一般已經SET 好的天婦羅套餐，自由配搭車仔麵式嘅天婦羅我最喜愛款式👍🏼🍜自選天婦羅丼配烏冬($30起) 推介:⭐️⭐️⭐️⭐️⭐️親民價套餐包括龍蝦味噌湯及前菜(醃蘿蔔&橙)天婦羅共有17款選擇，配料可選鮮帶子、廣島蠔、鰻魚等($18/件)，雞肉、黑虎蝦、半熟蛋、竹輪等$12/件，紫菜、南瓜、茄子等$8/件，配白飯、冷熱烏冬或蕎麥麵等隨心選擇。上檯傳出陣陣酥脆氣味，重要野講多次! 佢地個廣島蠔係必食無疑! 除左新鮮之外，火喉完美保留蠔肉Juicy外脆內軟的質感。再配上新湯底蕃茄湯煙韌滑溜烏冬/蕎麥麵，湯頭甜美有誠意。🍱鴛鴦鰻魚丼$98推介:⭐️⭐️⭐️⭐️上次試左特盛海鮮天丼，今次試下新款嘅鴛鴦鰻魚丼，有齊兩款海鰻及鰻魚食，兩種口感味道特別滿足。份量屬於厚身而且燒汁入味，性價比合理。店主特別推介兩款特別嘅酒款，一款係只剩返少量嘅沖繩檸檬酒🍺另一款則係能夠為炸物熱氣清熱嘅龍角散

旺角搵食行行吓見到一間招牌立體醒目人龍天婦羅店，裝修好yo充滿昭和感，牆上貼滿海報，座位像是拉麵店。另外一入餐廳向上望不是“いらっしゃいませ”，而是“ばかやろう”，帶點玩味。天婦羅可以自選再配一個主食，同時附上味噌湯，漬青瓜及橙，一上餐整個盤都滿滿的，非常豐富。天婦羅都是即叫即炸，所以上餐時間會久一點但值得。因為每件都炸得好，粉薄，裏面依然嘗到原料的汁水，而且不會過油，完食後墊底的吸油紙也沒沾到太多油。當天兩人試了十款，穴子、鮮帶子、廣島蠔、黑虎蝦、牛肉餅、帆立貝、紫菜蝦膠、茄子、金菇及蘆筍。好欣賞餐廳有勁多款可以選擇，並非來來去去都是蝦、魚、茄子、竹輪、蕃薯之類。其中最推薦穴子及黑虎蝦，穴子魚味重又大條；黑虎蝦脹卜卜，像是看廣告的形狀。其中一個主食冷烏冬，芥末味濃，放入冷麵汁也能突顯出來；味噌湯帶有海鮮味，這兩樣也令我印象深刻。另外點了芝麻雞翼，炸到金黃色，內裏肉嫩，連翼尖都唔想放過。最後上期間限定的甜品 - 炸菠蘿雪糕，菠蘿是罐頭那種。燒菠蘿食得多，用炸的真是第一次食，加上海鹽雪糕，雪糕的咸甜加上菠蘿的酸甜，是一種味覺衝擊，無諗過可以夾到，非常滋味滿意。

今日好好彩，我哋打算係食個late lunch，所以兩點嚟到係完全冇人排隊，一入到去就有位俾我哋坐低落單，真係好呀！係用QR code落單嘅，非常方便，而且餐單非常易體，我見自選天婦羅定食有好多款式可以自己砌，而且個煮食除咗揀飯之外，仲可以揀跟烏冬、或者跟蕎麥麵，仲可以揀冷食或暖食，非常好，所以我自己揀咗六個餸，好似嗌車仔麵咁，嗌咗好多餸件總數都唔過$100 ，非常超值！我揀咗六個餸，跟鰹魚湯烏冬（紫薯、杏鮑菇、鮮帶子、希靈魚、粟米芯、刻苦蝦）阿妹叫咗超人氣定食，就係「海老月子天丼」，材料有：穴子（係一種魚嚟嘅）、黑虎蝦、蟹柳、南瓜、本菇、紫菜、四季豆，佢選擇跟日本飯。呢度嘅天婦羅係非常新鮮，即叫即炸，而且食落一啲都唔覺得話好油，好熱氣，個脆漿厚薄啱啱好，不得不讚個杏鮑菇、同埋個鮮帶子，呢兩款係炸完都保存到水份，另外第一次食希靈天婦羅，口感好特別，好似食多春魚咁。再嚟粟米芯天婦羅，呢個都係非常特別，食落感覺似食緊迷你粟米仔嘅天婦羅。飲品方面，選擇都好多：啲汽水係玻璃樽裝㗎，所以我都叫咗支可口可樂樽裝，硬係覺得零舍特別好飲！阿妹就叫咗支波子汽水。最後，當然叫返個期間限定嘅甜品啦！ 眼花撩

#fatchubelly 旺角📍捌加廿陸天婦羅居酒屋 (旺角）💥唐陽魷魚鬚魷魚鬚即叫即炸 🐙食落去又熱又脆卜卜魷魚鬚入邊仲有少少彈牙！💥芝士年糕芝士年糕咬落去煙煙韌韌中間啲芝士會爆出嚟 😋仲可以拉絲幾推薦大家食💥海老穴子天丼海老同穴子炸得好鬆脆👍🏻每件都啖啖肉好鮮甜蔬菜天婦羅都好足料！💥海鮮天丼除咗海老之外仲有其他海鮮例如帆立貝，那歌魚每件都好大舊好滿足配埋特製醬汁更加一流✅捌加廿陸天婦羅居酒屋 (旺角)旺角窩打老道31-39號翠園大廈一期地下33A號舖

自選天婦羅定食 $30起😯，就可以自選配搭，價錢好實惠又靈活性大👍🏻，如果選擇困難症，仲有set好左既丼飯可以直接簡就得🤔🩷，餐廳環境仲好日式風格首先主食：豚骨湯烏冬 天婦羅都好多款下，每樣都想試下，當然要自選定食啦😗，鰻魚，喜魚，半熟蛋，黑虎蝦同蘆筍 & 茄子🍆 ，最貴都係$18，最平既蔬菜系列都只係$8咋，好抵食🤣天婦羅即叫即整，好出色，外皮脆身唔厚，完成唔會有油膩感，食落外脆內軟，超級好食😋蒲燒鰻魚丼 鰻魚好juicy，軟腍入味，夠哂肥美，都好好食☺️仲叫左個雞皮餃子🥟 ，同朋友share食😋無糖可樂 係樽架🫶100%蘋果汁🧃

有朋友食完大推叫我要試🤣🤣星期六即刻去咗試lunch，食完真係幾驚喜，好抵食質素都好好!!💖 環境有去咗日本嘅感覺🇯🇵坐上層係tatami應該好有feel!😍不過個日無位，未有機會試😆呢到有唔同嘅丼可以選擇，仲有得自選自己選擇食咩餸😚樣樣都想試下嘅我揀咗自選天婦羅丼包括白飯，湯及前菜😆除咗飯仲可以叫蕎麥麵同烏冬！今次嘅自選天婦羅丼叫咗以下款色，每一款天婦羅都炸得金黃酥脆而且食材新鮮，全部都係新鮮即炸!!下次會再試其他🥹最推介係廣島蠔、黑虎蝦、半熟蛋仲有超大條穴子🥰1️⃣ 自選天婦羅丼 $96 冷烏冬、廣島蠔、黑虎蝦、半熟蛋、牛肉餅、紫菜蝦膠2️⃣ 自選天婦羅丼 $154 飯、穴子、廣島蠔、鱔魚、鰻魚、黑虎蝦、帆立貝、半熟蛋、紫菜蝦膠3️⃣ 唐揚魷魚鬚 $38 魷魚鬚炸得香脆，外層酥脆，魷魚肉質彈牙👍🏻————————————————————📍Address📍捌加廿陸天婦羅居酒屋 旺角窩打老道31-39號翠園大廈一期地下33A號舖

這間在旺角的居酒屋七點多就大排長龍，招牌主打天婦羅，最近極具人氣，排隊主要都係年輕人餐廳名都幾特別令人好難忘，餐廳佈置都幾有心思，入去好似走進新宿歌舞伎町的居酒屋，強烈推薦天婦羅丼，最特別係仲有自選天婦羅定食，今次好好彩可以坐喺閣樓榻榻米的座位，特別有風味天丼$78有黑虎蝦、蟹柳、南瓜、蓮藕、四季豆，這個價錢太超值了吧，滿滿的一碗很多料，就算我們影相影耐咗都一樣咁好食鴛鴦鰻魚丼$98Double鰻魚大口吃！一次過可以吃兩種不同的鰻魚，我想說這麼大的份量真的很有良心，很少吃到天婦羅鰻魚，外層的鬆脆和肥美的鰻魚很夾芝士年糕$38每次去居酒屋都要吃，即點即炸又拉絲，仲有三粒添抵食—————————————————捌加廿陸天婦羅居酒屋 (旺角)旺角窩打老道31-39號翠園大廈一期地下33A號舖—————————————————#hkfood #hkfoods #hkfoodstagram #hkfoodshare #hkfoodlover #hkfoodie #hkfoodieblogger #hkfoodies #hongkong #hongkongfood #香港 #香港美食 #吃貨 _

❀┈┈┈┈┈┈┈┈┈┈┈┈┈┈環境有特色的天婦羅居酒屋✨晚上到訪位旺角窩打老道的捌加廿陸天婦羅居酒屋。由門外至店內都精心佈置，天花板掛滿紅噹噹的燈籠🏮，牆上貼滿日式poster，氛圍感十足，恍如置身在日本呢。餐廳主打天婦羅，有定食套餐也可以自行配搭，豐儉由人。┈┈┈┈┈┈┈┈┈┈┈┈┈┈𐂐 ⠜自選天婦羅丼 $110 (7.5/10)有黑虎蝦、帆立貝、半熟蛋、紫菜、南瓜、杏飽菇配冷烏冬，有味噌湯及漬物。天婦羅即叫即炸，外層不厚粉也沒有油膩感，半熟蛋最適合配烏冬，黑虎蝦肉質彈牙，南瓜都夠甜👍🏻。.𐂐 ⠜自選天婦羅丼 $148 （8/10）另一款則是穴子、鮮帶子、廣島蠔、本菇、牛肉餅、茄子、冬菇配香蔥牛油飯。穴子好有份量，外層酥脆啖啖肉，散發着魚香味🤩，值得一試！另外鮮帶子也不錯，鮮甜又肥美～本菇炸得十分脆身，係邪惡之選😻。.𐂐 ⠜炸菠蘿雪糕 $28 （8.5/10)本日MVP🌟雪糕可選香草或海鹽，推薦後者。炸菠蘿香脆多汁又不油膩，有驚喜！配上雪糕冷熱交融，一鹹一甜層次分明🤤好好食。.𐂐 ⠜Sapporo $48 啤酒配炸物，正！.𐂐 ⠜波子汽水 $18

最近見到好多人推介呢間天婦羅店，慕名而黎！先6點幾，門口已經好多人係到排隊!OMG! 幾鍾意佢門面同餐廳入面既佈置，令你覺得好似真係去左日本咁😍入面有好幾款唔同既天婦羅丼飯，仲可能揀麵然後自選天婦羅炸物我揀左蕎麥麵配白湯，配炸蝦、穴子同埋蝦膠天婦羅，好有驚喜😍首先，個炸漿唔厚身，食落好酥脆，個蝦食落好爽彈，蝦膠好特別有紫菜包住蝦滑，食落好有咬口！穴子其實係星饅，食落肉質好鮮，成條上👍好正我男朋友就揀左咖哩湯蕎麥麵，湯底惹味好多！麵既份量其實麵幾多下！佢就配左同我唔一樣既帶子，食落幾鮮同埋都幾大粒！炸雞軟骨：炸到金黃，食落好香脆入面好嫩滑爽脆！唯一比較遺憾嘅係今次試唔到唐揚魷魚鬚，因為去到已經賣晒😭呢間店嘅天婦羅真係做得好好👍👍

今日同朋友嚟油麻地搵食，終於試到依間正宗天婦羅專門店😍 夜晚一直有好多人排隊，等咗一陣就安排入座～餐廳空間較細，店員安排我哋二人坐吧位，全程望住店員即叫即炸，十分吸引🤩 食物方面好高質，可以揀烏冬麵、蕎麥麵或者飯，價錢相宜，好抵食！我哋今次消費咗$300以下，人均只需$100多😆我哋嗌咗兩款自選丼飯，一款小食，及兩枝飲品😋丼飯加咗鮮帶子、鰻魚、半熟蛋、竹輪、黑虎蝦及冬菇另外一碗加咗鰻魚、帆立貝、半熟蛋、紫菜、那哥魚鮮帶子虎蝦同鰻魚都好好味👍🏻 特別推薦半熟蛋，真係炸得啱啱好好有水準😍仲叫咗5隻豬肉餃子，香脆又軟腍😋😋

今日同朋友喺旺角食飯，揀咗呢間超人氣排隊店食天婦羅，雖然要排一陣，但係食物質素高質，值得等😌🌟🌟#特盛海鮮天丼黑虎蝦2隻，那歌魚，帆立貝，鱔魚，四季豆，金菇🌟🌟#海老穴子天丼穴子，黑虎蝦，蟹柳，南瓜，本菇，紫菜，四季豆自選追加🌟🌟鮮帶子，🌟🌟廣島蠔，🌟蓮藕揀咗兩個不同款式嘅天丼，整體天婦羅炸衣好薄，香脆得來唔會太膩，裏面嘅海鮮熟度剛剛好，特別鍾意佢哋有好多唔同款式嘅蔬菜同海鮮，有新鮮感得來味道豐富；天婦羅嘅汁帶咸香味，同平時出面食開嘅有啲唔同，但同天婦羅都好夾。另外白飯都有特調嘅醬汁撈咗，加埋天婦羅一齊食更加出色。🌟波子汽水🥤🌟蘋果汁🧃飲品方面都有好多日式嘅選擇，正👍🏻比較之前過不同嘅天婦羅過江龍店，呢間都算高質同性價比高，大推！#旺角美食 #美食日記 #香港必食 #香港美食攻略 #香港天婦羅 #香港天丼 #性價比高 #香港旅遊攻略

捌加廿陸天婦羅居酒屋價錢💲: $78/ $108/ $30+$8-$18/ $28好味程度😋: 3.7/5服務🍴: 3.7/5環境🗾: 3.3/5性價比🥢: 4.3/5回頭率😚: 3.7/5-點估倒星期六晚呢條街有條長長的人龍原來都係排緊呢間天婦羅小店！因為店舖位置唔多，起碼要排30分鐘，可見人氣非常高😱下層全部都係bar枱位置，可以見到員工係到炸大婦羅，而上層就有幾張榻榻米座位。不過可能因為餐廳keep住炸野，油煙比較大，個地下好滑🫣 同埋樓上座位枱面上的七味粉、鹽等都未refill。佢地的天婦羅好多款式，有d仲好小見！-✅天丼。呢個價錢性價比好高。天丼配料有2隻虎蝦、蟹柳、南瓜、蓮藕、四季豆。蝦可以炸得更脆，但其他蔬菜的粉漿都好薄，最重要個油夠新，炸出來唔會好黃。但如果可以更乾爽就好d。珍珠米都唔會煮到太軟😬-✅特盛海鮮天丼。呢個一樣有2隻蝦，仲有大大粒帆立貝、那哥魚、鱚魚、金菇同秋葵。帆立貝可以鮮d，啲魚就冇咩特別味道的。金菇好食🤤炸到脆卜卜！-✅✅自選冷烏冬+廣島蠔/鰻魚/虎蝦/紫菜蝦膠/半熟蛋/蓮藕/紫薯。冷烏冬冰涼又煙韌，用左扁烏冬口感唔錯。廣島蠔$18但係超值‼️隻🦪好大隻