拉麵Jo

营业中

休息中

拉麵Jo之前已經食過幾次，今次再返嚟encore，質素依然都係唔錯🤤特製低溫叉燒沾麵沾麵鋪滿咗粉嫩嘅低溫叉燒，麵條用上咗粗麵，魚介沾麵湯用石鍋裝住，就可以維持住溫度，每一條麵條都掛滿咗汁，好入味😆特製低溫叉燒拉麵(醬油豚骨）拉麵嘅湯用上咗醬油豚骨湯，味道清甜唔會太膩，拉麵就係幼麵，而且低溫叉燒都係好嫩滑，不錯🙂‍↕️自製餃子🥟餃子嘅外皮好薄，入面嘅餡好Juicy，每次食拉麵都一定會配埋餃子炸雞🐥經典嘅日本炸雞，炸得香脆軟滑多汁日本蜜桃汁

係香港拉麵界競爭日趨激烈既環境下, Ramen Jo仍然可以站得住腳所以一路都想試吓佢既拉麵今次行過銅鑼灣，一於去試吓😆😆🔸涼伴菠菜口感清新既開胃小菜👍🏻🔸自製餃子皮薄肉餡靚既豬肉餃肉餡非常飽滿好足料調味濃而不太鹹, 風味十足😀🔸炸雞肉配明太子醬一碟有四件炸雞, 大大件, 香噴噴😍外皮炸得金黃爽脆, 內裡食落鮮嫩多汁調味非常恰當, 配埋紫菜, 明太子醬, 檸檬汁非常滿足☺️🔸特製低溫叉燒拉麵六大塊叉燒，份量十足，好吸引😍低溫叉燒既烹調手法, 令叉燒粉嫩軟腍幼麵軟硬適中醬油豚骨湯頭濃厚, 卻不油膩, 唔會太鹹食完唔會好頸渴🔸細叉燒丼叉燒肥瘦均勻, 調味偏濃, 好惹味😀加上少少蔥花吊味, 送飯食十分搭配

拉面Jo已經連續多年獲香港米芝蓮推介，據聞連奇洛李維斯都幫襯過，喺元朗同銅鑼灣都有分店；前排去銅鑼灣行街經過，又見到咁岩唔洗排隊，就即刻同朋友入去試下。🍜雞白湯拉麵雞白湯以雞骨同鮮雞肉熬製而成，質地偏creamy濃稠，所以面條非常掛湯，每一啖面都可以食到香濃嘅雞白湯，再配埋嫩滑嘅叉燒同雞胸肉，食完成碗都已經幾飽肚。🍜特製低温叉燒沾麵上網見好多人都推介低溫叉燒，就轉登叫黎試下；餐廳先以66度慢煮叉燒，然後再烤烘，經過低溫烹調嘅叉燒肉質更鬆軟，鮮嫩而多汁，叉燒嘅份量亦都好多，每塊都勁大片。沾麵口感煙韌，非常有口感，而木魚豚骨沾麵湯味道濃郁，但一啲都唔油膩。🥩蔥花牛舌呢款係薄切牛舌，輕輕一咬就已經可以咬開，岩哂我呢啲懶人，肉質嫩滑，同時帶有牛味，每一件牛舌都可以食到濃濃嘅蔥花味，份量亦都頗多。🍗炸雞一碟有四大件炸雞，每件嘅外皮呈金黃色，口感外脆內軟；一咬落去外皮勁卜卜脆，內裡充滿肉汁，肉質柔軟，再配埋美乃滋一齊食，非常滋味！🍑 日本盛桃汁 Fujiya Peach Nectar 平時都好鐘意去759買呢一款嘅蜜桃汁飲，味道唔會係好假既果汁味，因為佢有25%都係新鮮水蜜桃汁，仲要每一啖都可以飲

聽講話呢間拉麵店好好食，所以專程嚟試吓，唔知係咪期望太高，味道只可以話一般般☹️ 特製低溫叉燒拉麵 ($118)無可否認啲叉燒係幾好食，肉質嫩口，不過敗筆係拉麵入口偏軟身，唔係好掛到湯汁🥲另外叫咗碟自製餃子食 ($48有五隻)，外皮都煎得幾香脆，估唔到餃子會好食過拉麵😂

拉麵Jo地址: 銅鑼灣加路連山道3號地舖！夜晚約左班朋友係銅鑼灣飲酒，放工之後一個人要打定底，一定要揀油份足夠的美食。最後搵到間銅鑼灣加路連山道既拉麵Jo。入到餐廳見，先知原來係米芝連推薦過，唔怪得近七點鐘入去坐低沒耐，外面已經排緊人龍。首先，叫左個 特製魚介豚骨拉麵 $105。個面來到，第一眼最吸引既，係個隻深燈色既糖心蛋。薄切豚肉，配合粗麵，口感剛剛好。魚介湯底，濃得來唔會太咸，加埋筍片，幾好食。平日太叫食菜，叫左碟涼拌菠菜 $28。上面一層木魚絲，菠菜有陣淡淡的日式鼓油味，頗清新再來一碟蔥花牛舌 $70。薄薄幾塊，好咬口。加埋檸檬汁，原來同碗拉面好夾。然後，炸雞軟骨 $48。炸出來外層金黃色，仲要熱辣辣。叫埋一罐日本蜜桃汁 $22，25%果汁入面，原來仲有果肉，係幾好飲。

突然好想食拉麵，係朋友推介下搵到依間係加路連山道既拉麵店～平時行街冇咩特別都唔會經過依條路今次都係朋友介紹先識搵過嚟 拉麵選擇都唔少，有阿婆最愛既沾麵又有雞白湯系列拉麵、豚骨系列拉麵同低溫叉燒拉麵～係特製沾麵同低溫叉燒拉麵之間掙扎左陣，最後決定全都要～所以叫左依個特製低温叉燒沾麵沾麵湯夠濃稠，有木魚獨有的風味～配粗身拉麵，微曲線條更掛湯，揀冷麵亦更有咬口👍🏻拉麵係扁麵，感覺似係手切麵條咁好有feel叉燒有手掌咁大塊因為低溫慢煮既關係，所以肉質亦好水潤軟淋肉味都鎖住晒比普通叉燒香雖然佈滿蔥花，但冇我最怕既蔥腥味應該係比醬油同味噌既味道蓋過左牛舌肉質夠嫩夠爽脆習慣性地夾走左大部分蔥花，表示食得好開心餃子皮炸得香脆，不油膩內餡也多汁，加左七味粉一齊食更惹味

店名: 拉麵Jo 地址:銅鑼灣加路連山道3號地舖銅鑼灣站F1出口，行5分鐘環境: 4/5價錢: 4/5味道: 4/5拉麵Jo，相信大家就算未食過，都可能聽過佢地既大名，拉麵Jo於2013年開業，由局港日本人蒲谷康成開設，蒲谷康成出身於拉麵世家，其媽媽係香港第一間拉麵店 「麵屋一平安」 創辦人，拉麵Jo其一主打係豬骨湯拉麵，豬骨清潔乾淨後，會再熬16小時，湯頭濃而不濁😍麵條則由工場每日新鮮製造，新鮮程度得到保證，拉麵Jo隨後連續8年獲得登上米芝蓮，對於拉麵Jo黎講等於得到左國際肯定，而拉麵Jo店主之一卓銘然更曾表示，國際巨星奇洛李維斯曾光顧該店兩次🤩拉麵Jo現時於全港有兩間分店，分別位於銅鑼灣同元朗😚特製低溫叉燒沾麵❤️❤️❤️❤️❤️$125特製低溫叉燒沾麵，使用左特製既方法，就係用低溫去調理叉燒，令到叉燒口感嫩滑🥰而麵條本身比較粗身，令到麵條更容易掛汁，汁方面都有清香感覺，加上溏心蛋，同另外加$10竹筍，筍方面脆口清香，食落去非常滿足😝特製低溫叉燒麵 ❤️❤️❤️❤️$118特製低溫叉燒麵味道同材料非常接近特製低溫叉燒沾麵，不過哩款拉麵採用左幼身麵條，令到麵條大大吸收左湯汁😍而湯底本身非常濃厚，哩款麵

朋友知我鐘意食拉麵 特登帶我黎南華會附近嘅拉麵Jo一入去就見到掛左好多個米芝蓮推介嘅牌 令人好期待🤩.🌟特製低溫叉燒沾麵 ($125)沾麵最緊要係個汁 仲有肉絲同椰菜絲粗麵好掛湯 所以好易就品嚐到濃郁嘅湯😋而且低溫叉燒亦都好軟腍 加埋溫泉蛋就係完美嘅組合🥚.🌟特製魚介豚骨拉麵 ($105)呢個拉麵本身已經有低溫叉燒同雞胸我再+$15 追加二枚叉燒加購嘅叉燒同低溫叉燒唔一樣 😳長條形 而且好香油脂味 同傳統嘅日式叉燒較為相似紫菜上面仲放左魚仔粉 加左落湯成碗拉麵魚味突出🐟.🌟自製餃子(5個) $48餃子皮薄 餡料仲有肉汁🥟調味好好 點埋餃子汁更加好味.🌟炸八爪魚球 $52好耐冇食過八爪魚球所以忍唔住點左口感唔錯 唔會成口都係粉 而且仲有大大粒八爪魚🐙.🌟炸雞肉配明太子醬 ($65)有四大件炸雞 件件都熱辣辣仲好Juicy😍上面加左滿滿嘅明太子醬同紫菜更添變化 .🌟可樂/ 日本蜜桃汁 $10/$22可樂同蜜桃汁呢啲甜甜嘅飲品真係同拉麵好夾蜜桃汁仲有粒粒果肉🍑.店舖位置唔多 主要係Bar枱圍住廚房但係就令店舖更加特色 可以一邊等食 一邊睇到師傅嘅廚藝店員大部分都係講英文 但係餐廳有落單紙所以

拉麵Jo🍜銅鑼灣加路連山道3號地舖經開銅鑼灣想食拉麵，老友推介南華體育會附近的拉麵Jo，入去嘆吓先。😽雞白湯拉麵湯底鮮甜，味道香濃，配料的精華溶入湯中，真材實料，沒有味精，我把湯底喝光了😋。面層放了洋蔥和蔥花提升層次。餐廳用料新鮮，雞叉燒好過癮，估唔佢個口感淋身，肉汁豐富又夠滑。😻叉燒經過慢煮低溫烹調，香嫩入味。溏心蛋處理得恰到好處，流心蛋黃好creamy，拉麵煙韌彈牙，沒有鹼水味，大滿足！🤤蔥花牛舌大廚即叫即製，牛舌肉汁豐富，口感煙韌，香氣四溢，吃到中段加新鮮檸檬汁味道更佳。😍自家製煎餃子即叫即煎，上菜後要趁熱食，外層香脆，餡料入味，可以加醬汁提升層次，好味道。😚🍑食完飲返罐日本白桃汁，好舒暢。😸拉麵Jo🍜 真材實料，沒有味精，侍應服務態度好，還會再來。😎🤘🏻

原來喺銅鑼彎有間小小既拉麵店，連續四年獲得米芝蓮推介，連奇洛李維斯🧔🏻都曾經幫襯過😳 🇯🇵餐廳係日本人開辦，其媽媽和婆婆更加創立咗香港第一間嘅拉麵店，話佢係拉麵世家都不為過🐷秘製既豬骨湯味道濃郁但又保持到湯體夠清，唔會過份膩口，豬骨更加係足料熬足16小時🥹🍜雞白湯羅勒青醬拉麵 $98原本想試豬骨湯，但見到有青醬雞白湯既西日fushion就忍唔住試下，好驚喜🥹意大利羅勒同巴馬臣芝士融合得好好，雞白湯濃郁得來又有浸清新嘅herbal 香+芝士嘅少少鹹香🥹 第一啖已經令人好滿意，食到最後都唔覺得膩口🥰 咁高質都係$100有找，下次去一定會再encore 另外半熟蛋都有種淡淡香氣，後來先知師傅會用叉燒濃汁將蛋浸煮，令佢軟熟得來又有陣香氣，心思十足加咗$10 竹筍，成碗上好重手🤣🍜名古屋辛味沾麵 熱 $99.00極粗麵、特製豬肉碎辛味汁、叉燒、芽菜、韮菜、日本熟蛋特製麵條有唔同嘅硬度選擇，而且係每日新鮮自家製，好彈牙叉燒嫩滑而且有淡淡醬油香沾麵嘅碎豬肉汁都幾辣，對於平時食清湯嘅我嚟講，要飲多幾啖水平衡吓，同樣唔食得辣嘅朋友最好試其他款🍚迷你叉燒黑松露飯 $68香香的，叉燒肥瘦適中，燒得脆香加埋

見到推出咗期間限定羅勒拉麵就想食！雞白湯羅勒青醬拉麵雞白湯同新鮮的羅勒葉散發著獨特的香氣仲有意大利橄欖油同芝士粉相結合，形成了一道令人驚艷嘅湯底拉麵的麵條彈牙有嚼勁，增添了食物的口感層次配料豐富有嫩滑雞肉， 美味叉燒同溫泉蛋食完非常滿足雞白湯拉麵以其濃郁的湯底和彈牙的麵條而聞名雞白湯經過長時間的熬煮，湯底鮮香濃郁麵條煮得剛好有嚼勁，入口滑順小食推薦：雞軟骨炸到好乾身, 香脆惹味雞皮餃子：餃子的酥脆外皮鎖住肉餡的口感、味道層次豐富蔥花牛舌：牛舌嫩滑， 不過如果牛舌厚身啲蔥花再多啲應該更美味

拉麵Jo📍 3 Caroline Hill Rd, So Kon Po, Causeway Bay低溫叉燒沾麵今次食左粗沾麵（冷麵），第一啖就試左個湯，個湯好濃郁又唔會油膩，如果食得鹹味少少，唔加清湯都可以飲個湯。至於個麵好彈牙，浸落個湯到，掛湯能力都相當好，每啖都食到麵同湯既融和一齊既味道。哩個低溫慢煮既叉燒，同平時食開既日式叉燒好唔同，第一下食落口係覺得好juicy（多肉汁），十分驚艷。雞白拉麵至於呢個雞白湯既湯頭都非常濃郁，加埋拉麵都係非常彈牙，完全可以直接清空個碗❤️細黑松露叉燒飯呢個飯既叉燒肥而不膩，而且比較香口。而個飯上面有蛋黃同黑松露，撈勻曬啲飯黎食，每一啖飯都有蛋黃同黑松露既香味，哩兩種味道互相輝映，昇華左個飯。餃子呢度個餃子都好出色，外表焦脆，內裡juicy，可以一試😋#拉麵 #日本拉麵 #日式拉麵 #拉麵jo #銅鑼灣 #銅鑼灣拉麵 #拉麵推介

今日揀左le間超人氣既拉麵店🍜渡過情人節，餐廳人龍不斷，好彩早左去☺️拉麵及小食整體十分高質，選擇種類多，鐘意食拉麵既必試！🌟🌟#特製低溫叉燒拉麵 （醬油豚肉）份量十足，低溫製作既叉燒微咸嫩滑，湯底帶濃濃油香同醬油香氣，幼麵身彈牙入味，大推！🌟🌟#特製沾麵 （熱）麵條粗身，煙韌有口感之餘，扭紋形狀讓醬汁均匀黏係上面，每一口都充滿味道濃厚既沾汁，正！沾麵附既叉燒較厚身，肥瘦平衡，帶烟熏香氣~🌟🌟#雞皮餃子炸得十分香脆既雞皮包住Juicy既餃子餡料，食到停唔到口~🌟🌟#雞軟骨雞軟骨十分酥脆，炸漿係經典唐揚風，炸得剛剛好再加上調味，咸香開胃~🌟#日本蜜桃汁le度有入le一款真係好有眼光，估唔到香甜既桃汁同濃味既拉麵咁夾~#ramenjo #銅鑼灣美食 #美食日記 #香港必食 #香港美食攻略 #香港打卡 #性價比高 #香港旅遊攻略 #香港拉麵 #香港沾麵

平時都好鐘意周圍食拉面既我，今次誤打誤撞入左間拉面鋪，竟然係大有來頭。坐底先發現原來佢係米芝蓮推介既餐廳! 面豉湯拉面湯底有好濃郁既面豉味，但唔會食到苦。拉面質地係幼面，彈牙又吸湯。叉燒係半肥瘦，食落唔會覺得好油膩，反而好香!特製沾面用左凍粗面底，更加掛汁，沾麵汁唔會過鹹! 推介!佢有好多款小食都好吸引，今次都叫左好多。餃子好juicy，一咬就流曬D肉汁出黎! 薯仔沙律睇落平凡簡單，但係食落好開胃，薯蓉都好香滑。炸雞配明太子醬呢個好正，外皮好脆，但同時雞肉好嫩，好多汁，食個陣要小心唔好比D汁熱到辣到嘴! 必食mini叉燒黑松露飯超香! 叉燒煙薰感好重，配埋重口味既黑松露，撈埋隻蛋黃落飯到真係一流!!

📍銅鑼灣-拉麵Jo @ramenjo 琴日終於試咗位於銅鑼灣米芝蓮推介嘅拉麵店！佢哋都開咗好多年🥹🥹真係老字號 但係都keep到水準🥰✨同大家推介吓！🐷 特製低温叉焼麵 $118我覺得佢哋嘅低溫叉燒真係必叫🥹❤️超級嫩口(///▽///)另外湯底都係超級濃郁！呢一碗真係好值得試🐖特製低温叉焼沾麵 $125個人嚟講我鍾意食沾麵多過拉麵 因為個湯會比起拉麵更加濃郁❤️✨呢間嘅沾麵都唔例外！超級掛湯 另外沾麵嘅面身比較煙靭😍😍真係好好食！🥟雞皮餃子 $48外皮炸得超級脆！入邊嘅涵超級滿🥹❤️係好嫩嘅雞肉！♪( ´θ｀)ノ🐔炸雞軟骨 $48呢一個未免太高，性價比得啩！🥹😨 $48有一大堆😂😂😂超好食！因為炸粉唔會話好厚 同時又炸得好脆口 正！🐙炸八爪魚球 $52 跟住叫咗八爪魚球 即係章魚燒！食落去外脆內軟 超有日本食嘅嗰一種feel🇯🇵🏯✨明太子炸雞 $65食完雞皮餃子 食完炸雞軟骨 都仲係覺得唔夠喉！因為佢哋嘅炸雞實在太出色 所以就叫咗一個明太子炸雞🐔❤️🥰我想講雞嘅口感超級嫩！加埋明太子醬簡直係100分！————-📍銅鑼灣-拉麵Jo @ramenjo #拉麵jo 地址: 銅鑼灣加路連山道3號地舖