拉麵Jo

营业中

休息中

由於當晚是Elarly dinner ，大約6:30左右就到餐廳，所以不用排隊不過一進入餐廳，後邊聞到一陣餲味，此事毛巾或者木被水浸過後，未好好乾燥的令人不舒服的味道，已經有一點不太好的印象服務員態度一般，用點菜紙之下單，全程近乎沒有服務可言。拉麵份量正常，湯底及肉都沒有太大驚喜，算是不過不失

突然之間想食拉麵，見呢間攞咗8年米芝蓮必比登推介，就諗住試下叫咗 期間限定 嘅 特製醬油拉麵可能係期望太高，我覺得好普通 😐如果以一間普通嘅拉麵店，我覺得係可以接受嘅；但係如果以一間攞咗咁多年米芝蓮必比登推介嘅拉麵店，我覺得佢未去到個種驚艷程度，有少少失望 🫢而且對我一個女仔嚟講，佢麵嘅份量都偏細

🤬如果你想安安靜靜同朋友食餐飯，或者好似我哋咁係食得慢嘅女生，千祈唔好去食依間🤬食物方面我覺得ok啦，但係完全唔覺得係米芝蓮水準。🫠食完個麵再慢慢食緊碟小食嘅時候，有個外藉員工係咁係我哋後面望到實，得閒就同隔離啲員工大大聲講我哋食咗超過一個鐘太耐，但係我哋係一路傾計嘅情況下，係絕對冇停過食嘢。😮‍💨反而隔離枱有兩個女仔，兩碗麵都上左起碼20分鐘都冇掂過keep住傾計。我認為我地起碼識得最基本對廚師嘅尊重，一上菜就食😤之後我對筷子都仲夾緊最後件嘢食，同一個員工就拿拿臨收走隻碟，終於食晒所有野1分鐘都冇就即刻開聲叫我哋走，俾位人入。俾緊錢個時都仲要大大聲咁同廚師講，我哋點可以食咁耐，廚師都唔想理佢😤完全估唔到米芝連日本餐廳可以係咁嘅服務態度，睇google似乎唔少人有相似經歷，後悔淨係睇咗幾篇好評就黎食，一定冇下次！🤬🤯

真係有一顆想去日本之心未去到就食住日本野先今次要為大家介紹既係 - 拉麵Jo拉麵Jo係位於銅鑼灣加路連山道3號地舖顧名思義餐廳係主打食拉麵為主而且佢地連續三年獲得米芝連推介個人大雞佢地個特製低溫叉燒沾麵佢個沾麵湯底好濃郁而且叉燒切既厚度均衡適中最正係有埋糖心蛋Location : Causeway BayPrice : $150-$200/p.pEnvironment (10 is chill): 7/10Yummy (10 is delicious): 7/10

#fatchubelly銅鑼灣📍拉麵Jo (銅鑼灣)💥特製低溫叉燒拉麵低溫叉燒俾咗六塊左右 🤤佈滿成個面 叉燒肉亦都好質嫩醬油豚骨湯底濃郁得來唔會好鹹成個麵口感好豐富👍🏻💥特製沾麵沾麵可以揀熱湯或者冷湯😍今次揀咗熱湯用石鍋裝住熱湯湯底濃郁有魚介豚骨味道麵條口感彈牙亦都好掛湯三塊叉燒好腍好厚亦有好香油脂嘅味道 推薦！🍜💥蔥花牛舌蔥花牛舌熱辣辣上枱 牛舌薄切好有咬口牛味好濃亦都好彈口面頭上有蔥花，味道好豐富✅💥雞皮餃子餃子皮炸得好香脆又唔油膩中間包嘢餡好多肉汁加咗七味粉食好惹味😍💥炸雞軟骨雞軟骨份量好多炸得好香脆之餘亦都好有咬口再加啲檸檬汁酸酸地好好食😋💥日本蜜桃汁，日本汽水蜜桃汁味道好天然仲有啲果肉🍑日本汽水就似波子汽水幾好飲拉麵Jo (銅鑼灣)銅鑼灣加路連山道3號地舖

~ 拉麵 ~Jo二郎拉麵 ($88)🍜真係超大碗呀🍜 湯有濃郁豬油🐷 大蒜🧄 同埋濃厚醬油味🤤🤤採用超粗麵條🍜 口感煙韌😬 襯呢碗重量級麵一流呀 🤤🤤厚切叉燒係超大塊🐷 超有口感😬 仲有好多芽菜托住啲叉燒等佢地唔好跌🍜隔離仲有啲椰菜 浸住個湯超入味😋😋雞白湯拉麵 ($98)🐔🍜第一啖飲個湯底已經有好濃嘅雞湯味 仲有少少雞油香啊🐔雞肉唔會好柴 而薄切叉燒都好嫩滑啊🐷拉麵偏幼身 有少少煙煙韌韌😬 幾好食啊🤤~ 追加配菜 ~半份麵 ($15)🍜🙋🏻‍♂️本身擔心唔夠膽 諗住叫多半份麵🤤點知個拉麵咁大碗🍜 而加嘅麵底都好多大碗啊🍜🍜紫菜 ($10)🙋🏻‍♀️鐘意紫菜浸落碗湯度 所以一定會叫啊😋自家製辣醬 ($10)🌶估唔到拉麵店都會有咁正嘅辣醬啊 🙋🏻‍♀️唔太食得辣點少少都覺得夠哂正啊🤤~ 一品料理 ~蔥花牛舌 ($70)🐮👅牛舌切到好薄 所以唔會好韌👅 食起上嚟都好滑薄薄地入味都會比較好啊🐮炸雞肉配明太子醬 ($65)🐔炸雞又大又多舊啊🐔🐔🐔🐔 而且唔會炸到好乾食 上碟個陣仲熱辣辣啊🚂配上明太子醬甜甜地幾好食啊🤤炸八爪魚球 ($52)🐙係小丸子啊 表面仲有滿滿嘅木魚碎 差啲見唔到啲八爪魚球添啊🐙

已經唔係第一次到訪該店，然而每次兩位外籍樓面姐姐態度都欠佳，連簡單嘅一句歡迎光臨/多謝都唔會講。第一次想遞張單俾坐我隔離嗰位玩緊電話嘅姐姐，但佢扮睇我哋唔到，又或者佢太專注喺部電話度。咁我就等咗一陣，交張落單紙俾另一位姐姐。order完佢就遞張單俾我，發現佢落錯單，我已經即刻同佢糾正返，但佢係一臉不屑+「嘖」咗幾次。嗌咗兩碗沾麵兩碗都揀咗要冷麵一碗加竹筍佢落單 沾麵x2 (熱麵竹筍x2但最後都係嚟咗兩碗熱沾麵反而兩位拉麵師傅次次都好好禮貌

This shop doesn’t have fancy interior but their chicken broth ramen was really delicious. It’s a very simple white broth base, but packed with flavours. Ramen noodles in medium thickness. Slices of chicken and charsiu, halved jammy egg, and a handful of spring onions and diced red onions atop the noodle soup. Every slurp was very tasteful. Added extra for a side dish- it’s just ordinary takoyaki with normal standard. Definitely go for the ramen.

最近朋友想吃拉麵，帶他到銅鑼灣一家著名的拉麵店，連續多年得到米芝蓮必比登美食。推薦晚餐時間早於7點入座，較大機會不用排隊特製低溫叉燒沾麵 $125 沾麵是用粗沾麵，選用了冷麵，淋上濃郁的沾麵汁，很掛汁。沾麵的叉燒共有三大塊，經過慢煮製成，質地鮮嫩期間限定特製醬油拉麵 $98追加日本半熟蛋 +$15醬油拉麵的材料豐富，包括蔥絲、竹筍、紫菜、原粒半熟蛋和三款叉燒，分別使用美國慢煮豬肩叉燒、肉叉燒和日本雞胸，湯底豐富而層次分明，吃得出鮮味但不失清爽，很順口薯仔沙律 $28沙律開胃解膩,也很有飽足感涼拌菠菜 $28簡單煮熟的菠菜，沒有太多調味炸八爪魚球 $52八爪魚球共有六粒，每一粒魚球都又大又圓。肉質有嚼勁，不是純粉漿的口感炸雞 $58炸雞一共有四塊，充滿肉汁，沾上蛋黃醬更加解膩日本蜜桃汁 $22/1白桃汁含有25%的日本國產白桃新鮮水蜜桃汁，並帶有果肉，口感清爽香甜

拉麵Jo之前已經連續幾年獲得米芝蓮推薦。好耐之前已經聽過佢大名，今日終於可以試下。薯仔沙律 ($28)薯仔沙律非常綿滑，凍凍地好適合夏天時食。特製低溫叉燒拉麵 (幼麵） （$118）呢款拉麵係採用醬油豚骨湯做湯底，豚骨同醬油味好濃好突出，但又唔怕好多油。叉燒係用低溫技術煮理，肉質保持嫩滑之餘又唔怕好肥。特製低溫叉燒沾麵 ($125)叉燒同之前碗拉麵一樣。沾麵湯底係豬骨木魚湯，濃郁得黎又唔怕好咸。麵條係粗身拉麵，麵質煙韌而且非常掛湯。蔥花牛舌 ($70)牛舌份量好多，薄切方法令牛舌更加爽口彈牙。炸雞肉(配太子醬) ($65)炸雞炸到岩岩好，外脆內嫩，十分juicy。配埋明太子醬辣辣地幾好食。雞皮餃子 ($48)餃子皮用薄薄嘅雞皮代替，炸到脆卜卜。餡料亦都非常豐富，咬開好多汁流出黎，味道出色。

餐廳：拉麵Jo地點：銅鑼灣加路連山道菜式：日式拉麵餐牌：沾麵，拉麵，飯，一品料理，飲品。可以先選拉麵，然後加小食，配菜，選擇葱分量等等。雞白湯拉麵 $98雞白湯拉麵湯底呈奶白色，味道係香濃不過唔油既雞味，好正。麵條係幼身，蛋香十足。叉燒三片，雞胸肉兩片，都好嫩。仲有半隻糖心蛋，洋蔥碎，蔥花，帶黎多重口感。特製低溫叉燒沾麵 $125特製低溫叉燒沾麵係好多粗麵上面放有三片叉燒，一隻糖心蛋開邊，中間加有蔥花同青檸。呢度叉燒先用慢煮方法以66度去煮，然後再烤，所以食落帶微微烤味，好香，肉質又嫩，薄薄地好易咬，真係幾好食。個木魚骨湯味道好好，餸沾麵好夾，開頭食唔會太鹹，湯入面有扁筍。麵條我揀左凍，好有咬口又唔會太硬，而且好掛湯。炸雞 $57炸雞一客四件，炸得皮脆肉嫰，伴有沙律菜同檸檬。沙律醬令炸雞入口滑溜。蔥花牛舌 $70蔥花牛舌熱辣辣上枱，牛舌薄切，好有咬口，夠彈牙，牛味濃，大概有11片，面頭加上蔥花，味道唔錯，醬汁豐富，伴有檸檬。炸八爪魚球 $52炸八爪魚球一客6粒，炸得外脆內軟，真係有八爪魚粒，面頭加上木魚花同沙律醬，完全夠味。炸雞軟骨 $48炸雞軟骨熱辣辣上枱，炸得好脆口，加上檸檬汁酸酸

喺附近睇醫生，等到好肚餓，又想食個快晚餐，就過咗嚟呢間拉麵jo!原來都幾出名係米芝蓮！就睇吓係咪真係咁好食！叫咗一個慢煮叉燒，同一個雞白湯拉麵，慢煮叉燒肉量非常豐富有成六大塊，湯都好好飲，雞白湯湯底都好清好味。係食過數一數二好食嘅拉麵！😋😋😋連平時唔係點飲湯底嘅我都飲晒。而且服務好好，一嚟到就俾水😁仲比左暖水我添。上菜都好快，半個鐘內就食完走得，仲要好食同食到好飽，滿足！下次嚟附近都會再食😍

米芝連推薦，緊係要試吓～叫咗特製沾麵，配菜超級豐富，濃厚木魚豚骨，叉燒，椰菜，玉蔥，京蔥，干筍，木魚粉，紫菜，半個日本半熟蛋沾麵用極粗麵，好彈牙，好掛湯，叉燒大大塊，入口即溶，湯底濃而不膩，食到最後都仲好熱，一流👍🏻特製低温叉燒拉麵，叉燒超級粉嫩，湯底係醬油豚骨湯，濃郁小食選擇好多，我地叫左涼伴菠菜，薯仔沙律，自製餃子，蔥花牛舌涼拌菠菜好清爽自製餃子，煎得香脆，餡料好juicy🤤牛舌惹味彈牙👍🏻

朋友話曾經榮獲多次米芝蓮推薦嘅拉麵Jo我竟然未食過有無咁大鄉里呀🤪無辦法啦～香港太多美食只計拉麵都⼀大堆過江龍同本地菁英⼀時間真係未必諗起嘛位於加路連山道嘅呢間拉麵Jo無好華美嘅裝修簡簡單單一輪吧枱位加兩張四人枱拉麵湯底選擇都多又可選沾麵麵豉拉麵口味濃重入口充滿黐笠感特製低溫叉燒拉麵叉燒感覺無普通叉燒咁肥但因為經過低溫慢煮入口同樣軟淋淋唔柴唔乾湯係醬油豚骨豚骨味香濃突出但又唔會有骨湯嘅油膩感👍拉麵Jo係罕有比較多小食選擇嘅拉麵店除左有自家製餃子仲有蔥花牛舌、炸雞、涼拌菠菜等等啱晒我呢啲鐘意多花款嘅人😋蔥花牛舌用上薄切牛舌爽口有嚼勁以豚骨湯拉麵黎講拉麵jo 確係出色難怪會多次得到米芝蓮推介

我唔係惡意批評，我係一個食評家。尋晚突然經過見到幾隻老鼠喺餐廳裡面跑嚟跑去，女待應好似覺得好平常，完全不理！個人覺得一間餐廳衛生最重要，如沒有跟進滅鼠，我或會投訴衛生署和食環，以保障食客安全。