拉麵天王

营业中

休息中

之前多數吃黑天王，很香濃，但男人吃就未必夠飽。好耐無去，今次去到見到限定係雲丹天王，158蚊，就試下啦。估唔到實物同海報係一樣，即係所有配料都好多，仲有個特製汁。個汁甜甜酸酸再有d芥末味，味道剛剛好。最正係海膽，魚子，蟹肉超多，又新鮮。個海膽就算唔點汁，都好好味，完全無唔新鮮的腥味。一啖海膽魚子蟹肉加拉麵，連埋個汁，真係超夾！希望佢呢個限定keep 住有啦！價錢方面又合理！同埋呢個超飽超滿足！極力推介！！

岩岩去完旅行落機，又攰又熱咁，返到屋企開咗個冷氣，完全唔想郁。於是打電話叫老公買外賣返嚟，但老公話不如出去食啦，佢好想食拉麵！見咁耐冇陪佢，就算幾攰都要順下佢意啦！於是就起身裝身出發，去佢想食嗰間拉麵店啦。熱辣辣乜都唔講，一坐低先叫兩杯汽水，係我最愛嘅玻璃樽汽水呀！拉麵都有好多選擇，仲有限定添！我咁就八八嗰個問吓咩叫限定天王啦，佢直接指俾我睇牆後面一幅相啦睇到個海膽就流晒口水啦，但係人在外地呢幾日食得太多生冷野，所以都係食返黑天王暖一暖個身子先除咗一貫嘅七味粉同芝麻之外，呢度仲有醋提供Tim黑天王面身有咬口，豬骨湯底甜濃香，混合著超香既黑麻油味，真係連啲湯都差啲飲晒佢呀！叉燒肥瘦適中，甜心蛋生熟度做得10分好限定天王之胡椒天王超濃胡椒味既豬骨湯底，配上超邪惡嘅芝士，我老公真係食到一滴湯都冇剩豚肉餃子日式餃子，皮薄而脆，配上黑醋點著食，更加開胃芝士年糕外軟內綿，芝士味勁濃，好有幸福感（隨之而來就係罪惡感）雖然拖著好攰嘅身軀陪老公嚟到呢間拉麵店，但係都覺得好值得，因為食咗碗好食嘅拉麵，真係大滿足呀！

好少去紅磡出沒，約咗好多次都冇去到，適逢最近終於去咗紅磡，便跑去紅磡市中心搵食。紅磡有好多食肆林立，真係花多眼亂，最後揀選了去日本拉麵店 - 拉麵天王。點選了限定天王- 胡椒天王湯麵。湯底非常之濃郁，賣相吸引。以及黑天王湯麵。湯底同樣非常濃郁，配料不錯。我非常欣賞店員給我們開水，水是加了檸檬，並且不用提示，見我們水杯上沒有水就會加水。十分之窩心。值得一讚。之後叫了小食,餃子一客，餃子煎得幾香脆。最後叫了一客芝士年糕，芝士軟心煙勤。

週末下午突然想吃拉麵，於是來到黃埔的『拉麵天王』試試。與男友4:15來到，才看見門口寫著「3-4時全單半價」，遲了15分鐘！！雖然覺得有點蝕，但難得來到還是想吃，所以還是乖乖地進去坐LOL店子走地道日式裝潢，配上流行日文歌，如果加個日本人店員應該會令人有去了日本的錯覺呢～男友點的是「白天王」，是以豬骨湯為湯底，湯底奶白，味道鮮甜濃郁，感覺滿載著骨膠原。麵條口感有彈性（可選粗、普通或幼），也很抓湯，每一口麵都沾滿湯汁。叉燒也很出色，不會太肥，但又做到軟滑的肉質。其他配菜還有半隻糖心蛋（不用額外加錢）、紫菜、椰菜和木耳（雲耳？？），$72有這麼豐富的配菜實在是抵食！我點的是「黑天王」，即是豬骨湯底配上黑蒜油，湯底顏色沒想像中的黑，但味道卻很夠，蒜香將豬骨湯的味道提升，重口味的小女子表示十分合口味～跟「白天王」一樣，「黑天王」都配有半隻糖心蛋、紫菜、椰菜和木耳，份量也不少，但不用15分鐘我已吃得乾乾淨淨LOL總括來說，『拉麵天王』除了味道方面非常的不錯，價錢也比其他較為便宜（市面上一碗大多接近$100），絕對值得再回吃呢～------------------------------By al

今次第2次黎食,味道都跟之前食差唔多, 各樣都好平均包括义燒,都保持到水準, 唔係話好好食, 但可以評為中上, 今次自己on居揀左淡味, 下次要揀番正常會好啲。但今次黎壞左一部冷氣,真係好難頂,食拉麵已經熱,再加上唔夠冷氣真係頂唔住

夏日炎炎，來！一碗透心涼麵吧！位於紅磡德民街一間日式拉麵店，門面設計貫徹著日本和風特色，以木材裝潢為主，橫掛紅布增添神秘感及私隱度，離遠已見大燈籠高掛，行近便是ラーメン天王是也！店內主打四款拉麵，以顏色命名為白、赤、黑，以及每期都會不同的神秘限定天王。今期限定天王是「雲丹天王」，名字好特別喔！何謂雲丹呢？原來是日本俗說的海膽！感覺霸氣中又帶點優雅！名字改得很好喔！一讚！涼麵條是選用日本極太麵...即平時說的粗麵，麵條涼涼的，條條分明，沒有梘水味，口感爽爽彈彈的！中間堆起似山的是便是松葉蟹肉，蟹肉一絲絲的，味道清甜。三文魚子每粒都漲卜卜，好新鮮，一點腥味都沒有。筍片爽爽的，令碗麵更有口感。海膽相當香濃肥美，份量很多，絕對有成板的份量吧！重點之重要落在用紅色碗仔裝住的蜜糖芥末醬汁身上，淋在麵條上，絕對是畫龍點睛之效！醬汁帶少少甜，淡淡芥末味，一點都唔辣及嗆喉，反而會有清新的味道。當我細心品嚐住每一份材料的美味之時，有一位駐店師傅慢慢走近，建議我將所有食材連同芥末醬汁一起撈勻再食，會更好食⋯看着一塊塊完整無缺的海膽確實有點不捨，但最終都狠心一拌⋯真的又是另一種美食新層次享受！麵條沾滿了海膽醬

Go go for lunch .. I choose for Red Ramen and is nice with little bit spicy ( I love Spicy ) Price is reasonable. I try side dish dumpling & seasoned pork belly ( recommended)

拉麵天王——呢間拉麵店係佢新開張嘅時候食過一次，今日經過，決定再食多次，看看味道如何。餐廳環境沒有太大嘅改變，唯一改變係記得新開張是全男班嘅拉麵店，今日係全女班，好期待！既然咁耐冇來，當然要點返之前食開嘅黑天王！黑天王＄82 :黑天王湯底已黑蒜和豬骨淆成，蒜香十足。拉麵是幼麵，可自選軟硬程度，我選了普通，果然剛剛好，拉麵亦處理得很好，沒有半點鹼水味。我最愛的依然是糖心蛋，蛋香很滑。叉燒軟熟，很好吃。很值得一讚的是：配料份量非常充足，而且菜很鮮甜，令人份外飽滿。追加小食：豚角煮其實食完拉麵已經夠飽的，不過我嘴饞，很耐沒有吃豚肉煮，很想吃肥肉，過過口癮，所以也點了😬肉帶焦香，還很稔熟，超乎預期，很不錯👍天氣炎熱，所以我也點了一支可口可樂。支裝的可口可樂很是懷念！總括而言，價錢與份量味到相符，是紅磡區少有的經濟實惠嘅拉麵。

孤獨美食家，繼續探索各處美食，今晚就駕著愛車黎到紅磡，試黑天王。點知到步後，發現今期限定...雲丹天王⋯有海膽、三文魚子、北海道松葉蟹肉，配搭蜜糖芥末，全部都係我至愛，無法抗拒下，唯有下次先試黑天王。雲丹天王果然冇令我失望，回味無窮，唯一失望就係竹筍。整體來說可以返啅😁

今日與友人與紅磡覓食，選了這間評語不俗的拉麵店。拉麵店的位置距離紅磡火車店約十至十五分鐘路程，相反較接近黃埔地鐵站。它位處德民街的小巷子，大家走在德民街時要留意一下巷子鮮明的紅色旗子，只要留意一下也不算難找。 店內只有四款拉麵，其中一款為「限定天王」，每段時期不同，此時期的限定為胡椒味。菜單可任選湯的濃度、麵的硬度等，大家可因個人口味挑選。 我點了由豬骨熬製的「白天王」，由於點選了濃口味的關係，湯底非常濃郁，香濃的豬骨湯中帶點鮮甜，味道濃厚圓潤，完全沒有味精的痕跡。麵質亦非常不錯，而當中的薄切叉燒夾帶肥肉，肉質頗鮮嫩，容易咬開。 同行友人點選的「黑天王」由豬骨湯作湯頭，配以黑蒜油。一嚐湯底，黑蒜的濃香即於口中洋溢，混合了豬骨湯味道。個人認為此款應該適合喜歡鹹香的人士。 吃畢後滿足離開，口中並沒有乾涸口渴的感覺，相信是真材實料的湯底。此店味道不遜於大排長龍的拉麵店，而價錢亦相當合宜，拉麵價位約$82-92，故推廌大家一試。

依家去食拉麵閒閒地一碗埋單，可以去到要成2舊水，仲要未食之要排大隊😂（唔小心押左韻，睇得中國有嘻哈多），不過有一間QT一士都覺得佢地嘅價錢係比較貼地！而且真心大碗！各方面都做得好平均，唔會偷工減料。而且定期會有唔同主題嘅期間限定湯底！此拉麵店嘅湯頭唔屬於杰身好油個種，反而係微奧排湯個種，唔會油感重但都做到滑口感！我最愛佢地嘅胡椒湯底😍香濃而不辣不搶喉～ 胡椒味會慢慢滲出，不得不提食左甘多次佢地做嘅糖心蛋都出色從未見失手！叉燒係厚身嘅不過幾之去幾之都軟淋度不一，需要進行空間！拉麵係粗身嘅，鐘情一蘭嘅粉絲們就未必會buy喇！再之光顧見到出左櫻花蝦口味，我個人就覺得有點點過咸但絕對夠香？櫻花蝦仲唔慳皮俾好多呢～ 埋單每人$100都唔洗😌大軟行過紅磡可以試下～

之前讀書經常在紅磡周圍走，今天下班跟朋友來回味一下，順道吃晚餐。這家拉麵天王在巷子中，之前沒吃過，所以就進去了。他們供應五款拉麵之多！基本上都要用豚骨湯白天王為主，再加辣成就赤天王，還有黑蒜油製的黑天王。至於限定天王會不定期更換，胡椒天王應該是定番，但雲丹天王就是最新的限定，還要是冷麵呢！吃拉麵都是喜歡熱的，所以點了黑天王和故椒天王，多叫小食和飲品好了~玻璃樽裝汽水不知為何就是較爽。桌上有水和調味料可任意使用。這是普通濃度的黑天王，相信點濃口味的話湯應該變黑色了吧？配料有蛋，椰菜，豚肉和木耳絲。他們的豚肉不會很肥，可以大口大口吃，肉嫩味香。豚骨湯底味道非常濃郁又creamy，嘴唇會黏黏的，也不會太油膩。硬的麵質相當彈牙又掛湯，正故椒天王是加了大量芝士的，看著都覺得豪華。芝士浸在湯中慢慢溶掉好邪惡啊~這邊沒有爽口木耳絲，用了清甜的粟米粒代替。半溶的芝士量好多，無論舀湯還是夾麵吃都會沾到，拉絲效果超級明顯故椒味豚骨湯濃味，配又滑又creamy的芝士味道真的好豐富呢豚角煮一上來已經聞到好香。脂肪部份不算很多，整塊吃都沒罪惡感。烤的那片烤的香軟又入味，小粒的咬下去就是爽口。餃子剛煎起熱騰騰的，

一個人出街食飯從來都係一個煩惱茶餐廳又嫌太普通，其他餐廳一個人又難叫餸。最後決定食拉麵，記得黃埔新邨食過一間叫「拉麵天王」都好唔錯，所以今日又嚟到德民街。「拉麵天王」外觀的確好有日本感覺，單純睇相可以呃下人去左日本當日大約6:30去到，人未算好多。座位有2-4人枱，亦有counter枱。一個人食拉麵都唔會尷尬！上次嚟既時候試過黑天王，今次決定試下佢既限定天王。所謂限定天王-就係廚師用當時季節得令既食材烹調最好味既拉麵。話店員話我知最近限定拉麵係「胡椒芝士豬骨拉麵」，大愛芝士既我二話不說就點左一個試下！小食點左一個豚角煮，所謂角煮翻譯成中文係燉既意思，但「拉麵天王」既角煮反而用上炭燒，一放入口，豬腩肉的炭燒味刺激著味蕾，呢個做法令到軟稔無比既豚肉提升到另一層次。終於到主角上場，頓時鼻腔充斥著胡椒的香氣！湯頭仍然係香濃豬骨湯，加上胡椒帶來一點點刺激感。但同時伴著融化了的芝士，簡直是三重享受！我特地選擇左幼麵，幼幼既麵條口感更為俐落，又配合胡椒既清新！最後叫枝枝裝忌廉做結尾！食得飽飽又滿足

今日心血來潮，專登遲一個站落車去食我最愛的拉麵，係黃埔A出口前行第二個巷仔就見到，門口掛有紅色燈籠，唔難搵。一敞開門就聞到陣陣肉香味，雖然係平日晚上六點半左右，但已經半滿，可想而知呢間拉麵人氣旺盛。因為是日自己一個人所以安排坐了巴台位，雖然係咁，但因為呢間抽氣系統攪得好，食完都唔會成身味。點餐紙好簡單，我當然係點番最愛的赤天王配餃子啦。佢每一段時間都會有2款限定天王，今次係胡椒天王同海膽冷面，因為距離個牌有d遠所以冇影到俾大家睇👅大愛赤天王，辣而不嗆，而且仲嘗到豬骨湯底味。麵底係我想要的硬度，啱啱好又彈牙最正係個蛋，佔上湯底的辣油係面，食落好香口，口感更有層次即叫即烤，熱辣辣，內有椰菜，30蚊有5隻，價錢合理。汽水係玻璃瓶的，出面買小見小，所以好抵飲簡簡單單又一餐，心滿意足

拉麵啊，拉麵啊，係拉麵啊哈利好重要所以要講三次呢度同某著名拉麵店一樣，都係可以tailor make嘅。首先你要揀拉麵，有白天王(豬骨湯)，赤天王(辣味)，黑天王(黑蒜油)同埋限定天王(期間限定)。之後就可以再揀口味，香油，叉燒，蔥同埋拉麵嘅硬度。仲可以添加配料，最後就係揀飲品。我唔食辣所以就選擇左白天王。個豬骨湯真係好香，麵質彈牙，糖心蛋都好好食。小食就點左芝士年糕同埋餃子。個餃子係炸嘅，如果係煎嘅就冇咁熱氣啦。至於飲品，最令我驚喜嘅係竟然有支裝可樂！！支裝可樂係最好飲嘅。下次要再嚟幫襯 ！