拉麵天王

营业中

休息中

一個人去完黃埔行街，正好晚飯時間，聽朋友說黃埔德民街有很多日本食府，便行過去試看，發現真的不少選擇，行了一圈後，便決定光顧那間叫「 拉麵天王 」，店舖門面細細但很雅致的小餐廳雖然門口簡單不賣弄什麼花巧，但正配合日本小店的風格當下叫了一個［ 限定天王之胡椒天王 ］，湯底除了採用豬骨以外，還加入胡椒一起炮製出來，面頭再鋪上邪惡的芝士芝士溶解在拉麵及半肥瘦嘅叉燒上，咬落除了濃郁胡椒的香辣豬骨湯味以外，還帶有芝士的郁香味和𢇁𢇁的口感，非常滿足烤餃子皮薄饀靚，熱騰騰的餃子，烤得金黃脆口，餡料脹卜卜有蒜蔥和豬肉配上醬油更提升味道一張簡單而又容易理解的餐單店內裝修簡樸，使客人坐在當中能感受到日本拉麵店的風格

剛從日本回來，仍有餘悸，今天特地到放工後到黃埔A出口步行2分鐘的的- 拉麵天王回味一番！ 7點到達時己很滿座！拉麵有4款（有豬骨湯底、有唐辛子辣湯湯底、豬骨湯底加黑蒜及期間限定），而追加配料除碗內有的，還有自選芝士年糕、豚角煮、烤餃子等等限定天王 HKD92 烤餃子 HKD 30 （5隻）配合不同時節！ 今日有大量甜甜的蟹肉配極濃番茄湯底，湯不太鹹亦喝光了！翠綠椰菜很爽爽，紫菜浸入湯後份外好味。麵的軟硬度可選擇，加入薄切叉燒有同樣咬口。烤餃子皮有點煙韌，烤得很香又沒有燶，薄薄的樣包裹著鮮肉，很飽滿。

沒有飯忍的我們都喜愛拉麵，今天大部份時間都在黃埔出沒，所以在附近尋找晚餐之旅。經過德民街一條小巷，有間《拉麵天王》門面很日式，感覺很貼地又地道。環境： 不論店面內外都有日式風味，適合單獨或小班聚會，這裡可作我們的深夜食堂了！黑天王 HKD82 豚角煮 HKD25 新鮮豬骨湯頭，還混入黑蒜油，把其陣陣香味飄出來又不會被黑蒜刺入口中。雖點選了濃底湯，可是不會感到很留，也不多油，贊！ 而叉燒大塊又棯，麵軟硬度適中流心黃仍在流的！紫菜放到碗邊，不會被浸軟豚肉很棯又不鞋，而且己醃製但出奇地味道剛好，細細粒豚肉用燒的煮法來烹調，很好味！

I was running some errands at Whampoa in the morning and when it ended, it was already lunch time. As i have sudden craving for ramen, i immediately think of Tenno ramen. It was located at Tak Man Street, just couple of minutes walk from Whampoa MTR.Their menu was straight-forward, no frill. It only have 4 types of ramen, distinguished by their colours. It served red, black, white and limited edition that will change from time to time. This time round, their limited edition was tomato and pepper

今日又係我自己一個人食野日子了，之前聽朋友講話紅磡黃埔果邊開左好多食店，係咁去到一路行一路搵，原來真係好多食店，又有平民野食，又有貴價野食，之後比我見到一間好大既紅色燈籠吸引左埋去，原來間野係專食拉麵，係咁入去試下啦，橫惦好耐冇食過拉麵。間店舖裝修都好有日本FEEL，同好闊落，唔會枱貼枱咁辛苦。D期限係胡椒天王、蕃茄天王【黑天王拉麵】黑天王 當然系入面係用黑蒜油加濃郁既豬骨湯而成，佢令到個麵好香口，一邊食麵一邊飲湯 堅系一流，而且湯上面加左好多配菜，可以中和返，我建議大家可以加多個小食。烤餃子餃子烤得香口同埋好脆，肉餡份量並不算多。

我是拉麵愛好者，看到在家附近並且評論還不錯，決定去試試。點的赤天王，一點都不辣！麵吃起來像公仔麵.....湯底完全不行！必嘉街的那家金田家的拉麵比這裡好吃太多！價錢也一樣....這家真心不行！

朋友話上次經過紅磡嘅嘅時候 見到小巷入面有間門面好有特色嘅拉麵店 所以就拉埋我一齊去試門口裝修又真係幾靚幾有特色喎好有日本風味店內座位唔多 唔算大 但裝修就好有日本嘅感覺好似真係去咗日本食拉麵咁望下餐牌 原來得四款麵可以選擇今期嘅限定天王 係番茄天王同胡椒天王我同朋友分別一人點左一碗 一於試齊兩隻味點餐紙可以根據個人喜好決定麵嘅軟硬程度 口味同香油既濃度等等 胡椒拉麵上面鋪滿左芝士食麵嘅時候就連埋半溶嘅芝士一齊食為麵條增加層次感胡椒本身既辣 食完好暖胃天氣開始轉涼 呢個時候食就最好食完成身暖曬蕃茄拉麵上面鋪滿左松葉蟹 毫不吝嗇蕃茄湯底酸酸甜甜咁 慢慢滲透出辣食完又係成身暖曬唔怪得係限定天王啦 呢兩隻拉麵冬天食最適合不過順帶一提 叉燒非常嫩滑 千奇唔可以錯過小食選擇都唔多 不過我地都想試下豚角煮 原來即係燒五花腩 五花腩燒完有微微炭香 沾滿醬汁 軟滑而又無肥膩感烤餃子 呢個相對就無咁特別

身為一個拉麵迷，知道黃埔有拉麵天王當然要試下啦 ！話時話個門口都幾有日本feel～呢度有好多湯底可以揀，我鍾意食濃而朋友就鍾意辣，於是就分別點左黑天王同埋赤天王好多人對拉麵既口感都有唔同要求，我自己就鍾意食硬d既拉麵，所有點餐個陣就填左要硬既麵。個點餐紙簡直可以滿足曬我所有既要求等左一陣野食好快就黎，個人認為黑天王既湯底真係唔錯，鐘意濃湯既朋友一定滿意拉麵既分量亦都好多，硬度都好啱我心水，最後食得好飽而豚肉味道都好濃，肥膏都唔太多同朋友亦叫左d小食，分別係芝士年糕同豚角煮，上左正餐無耐小食都好快就到了。個人認為芝士年糕不過不失，唔會太漏，而豚角煮都幾厚身，味道都夠香濃整體黎講呢間拉麵店真係唔錯，拉麵迷可以黎試下而且黃埔唔太多拉麵店，有機會一定會再黎

今日又食拉麵啦！放lunch行過見到門口充滿住日式小店既風味就行左入去！店內主要供應4款拉麵，分別係白、赤、黑天王拉麵，湯式係豚骨湯，而赤即加辣、黑加上了黑蒜油，當日既特別口味係蕃茄及黑椒芝士湯，特別口味不時會轉我地一行二人分別叫左蕃茄同黑天王客人可以自選拉麵硬度、湯底濃度、蔥花等等黑天王充滿黑蒜油香，未食落口已經聞到陣陣蒜香味。麵條為幼麵，湯底飲落去極重黑蒜油味，最岩重口味既朋友。叉燒半肥瘦，入口即溶，溏心蛋入味，夠流心。蕃茄湯底十分小見，面頭充滿蕃茄溶，仲有鮮蟹肉，茄溶十分鮮甜，入口酸酸甜甜，十分開胃，鐘意食蕃茄既朋友唔可以錯過。當日仲嗌左豚角煮同餃子豚角上菜時用火槍燒過，面頭有陣陣焦糖香，絕對唔馬虎！覺得拉麵果2塊叉燒唔夠喉可以追加餃子為菜肉，煎得好香脆，食落去食到粒粒菜粒，唔會爛溶溶

今日做完野，同同事行到黎黃埔附近，見到呢間門口寫日本字既小店，好似好吸引喎，於是入去試下。呢度係食拉麵既，有4款唔同口味可以選擇，我選左個黑天王拉麵試試。而湯既口味同配料仲可以有得選濃淡度，配料可選要或不要。個麵賣相唔錯。D麵食落軟硬適中，亦到有口感，湯底夠濃郁，包圍住每條麵條，做到我剔係餐紙上既要求。小食點左餃子和芝士年糕，餃子夠熱夠香口，裡面既肉汁亦夠juicy，芝士年糕暖暖既軟綿綿口感，實在太好味，已經係我個肚入面，唔錯唔錯。最後仲有支裝汽水，童年回憶!

不值一試，回家煮個麵都好味過佢，本人未寫過食評，真的第一次食拉麵係咁渣咁難食，我叫左個黑天王拉麵~麵低選擇左硬的，冇豬骨湯味冇黑蒜味，直頭係豉油湯拉麵，隻蛋仲要係爛的！我本身係好肚餓的，但最終食左一半冇食到，d麵越來越(林)，好食既拉麵可以連湯都會飲埋，但呢間真係唔會有下次~第一次用超難食去形容一間拉麵。

天王拉麵見個名咁勁，緊係入去朝聖下，係一條橫行入面，有生果鋪，開鎖佬，電器鋪，中間有間日式裝修既拉麵鋪，其實同周圍都幾格格不入我入去食既時候都尚早加上落雨，所以成間鋪都係得我一個，樓面一位姐姐招呼我，落單之後就有位少女出黎煮麵，之後亦都走多幾知年輕人出黎吹水，感覺上係年輕人開既鋪頭，不過冇問到就唔知真假啦我最鍾意食特色野家啦，緊係叫限定啦，有味噌味同胡椒芝士，胡椒芝士睇名都勁啦，緊係簡芝士啦，得我一個包場既關係都幾快黎到，麵上滿滿的芝士粒，我個人建議推落湯中俾芝士熱溶，因為溶左之後芝士係變左可以拉絲，同拉麵一齊食又多個口感，而且唔好忘記湯底係濃郁的胡椒湯底，芝士岩岩好中和到胡椒太嗆的感覺，而且令每口麵都有幾種層次，都估唔到胡椒同芝士又幾岩，當然唔係純粹係胡椒湯，飲落口第一下除左係胡椒之後，第二下就感覺到豬骨湯底的甜，濃而不膩味道岩岩好，食完之後今日咁岩有優惠，可以加多個麵底唔加錢，食完好飽，所以都冇要佢個甜品，最後個姐姐開埋門送我走，包左場係唔同d既，哈

鐘意麵食嘅我，鐘意周圍試米線、接麵、沾麵，今次黎到位於黃埔嘅拉麵天王。一如既往，簡咗唔係正餐嘅時間，所以係完全唔洗等位架～店面空間唔大，但感覺都尚算舒適。今次我要咗個特別嘅拉麵，呢個special佢隔一段時間就會轉一次，今次係生蒜泥，鐘意嘅朋友一定唔可以錯過呢！佢嘅生蒜幾辣，食到我有流眼水。但融入個拉麵入面就香口好多啦～除咗蒜泥，仲有幾塊魷魚，但有啲un呢。至於拉麵，簡開硬麵嘅我對麵質好滿意，爽口彈牙，亦都好吸到湯。 睇圖望唔到，但其實巿叉燒架，都幾大塊石埋好淋。另外叫咗個經典既叉燒拉麵，不過不失，湯底香濃。但就唔太慣佢太多嘅蔬菜總結：係一間幾唔錯嘅拉麵，第一次黎嘅話，special要試呢！限量供應架～

之前已經聽聞拉麵天王水準高，今日要到黃埔工作，早早完成工作後可以順道去覓食。拉麵天王鄰近黃埔地鐵站，位於巷仔的店舖，門面掛有紅旗，很易找到。由於時間尚早，可以避開收工人潮，早些吃晚飯。5:30pm 餐廳只得幾枱客，不用等位就可以悠閒地享受我的拉麵。芝士年糕 $12有驚喜！一個貌似甜品，又貌似曼頭的，原來是芝士年糕。年糕包著芝士餡，煙煙靭靭好好食。限定天王 $92今期限定拉麵有兩款：生蒜天王、胡椒天王我就選了我喜愛的胡椒天皇，胡椒味強，再配芝士，味道出奇地夾，而且一食已愛上。拉麵軟硬度適中，黏著溶了的芝士，加啖啖胡椒味、溏心蛋、入口即溶叉燒，真是要講句無得彈！還勾起我在日本吃拉麵的回，我想，這是日本的味道。

自從黃埔通車, 去搵食真係好方便除左去紅磡食串燒, 今次決定同朋友食拉麵舖頭裝修跟足日本拉麵舖,好懷念日本之旅啊~1)赤天王 $82睇落紅噹噹以為好辣, 其實唔太辣~個溏心蛋好好食呀~~麵揀左普通硬度,我覺得淋左啲啲~但朋友覺得啱啱好~塊叉燒脂肪比例唔錯~好香油脂~2)限定天王 胡椒天王 $92湯比較稠身,超濃味!黑椒味好濃,加埋芝士~重口味人士啱哂!3)豚角煮 $25原來係腩肉~好入味~都幾好食~晚市去到都幾多人幫襯, 店員都好有禮貌!