拉麵天王

营业中

休息中

裝修特別，有日本風不在話，服務態度可以讚一讚，員工主動，有笑容。有四款湯底既拉麵俾我地揀，我地就揀左赤天王同 ，限定天王！赤天王 就系個湯底辣辣地，佢既辣幾香又唔鯁喉，真系岩曬啲中2食野點都落小小辣醬既人，啲叉燒食落去都有啲辣辣地香香地既味 。咁根住限定天王就系每段時期，店主都會推出兩款新既湯底，呢個感覺俾我覺得好有神秘感同有趣呀，好似每次去都要抱住期待既心態諗下佢會出咩新款，咁今次個兩款湯底就系，胡椒天王同番茄天王，咁我地就揀左但胡椒天王黎試佢呢款系加左啲芝士粒，咁當你攪勻佢就會拉到條芝士絲出黎，個感覺好似好正咁 咁碗麵食落都有陣陣既芝士味，但又唔會太漏，幾好根住我地就叫左兩個小食，一個系豚角煮，即系烤過既豚肉，好惹味好香，另一個就系迷你天王丼，佢系一啲叉燒，木魚花同配埋一細碗飯，咁呢個小食聽啲員工介紹有兩個食法，一個就系直接配埋啲飯，一個就系浸落啲湯到，當湯飯咁食，兩種食法兩種味道，值得一試架。最後我地仲叫左個乳酸梳打，酸酸甜甜幾好味 ，店主都系極力推薦架走前見到佢有做每日優惠，呢個推廣真係幾特別，好少見餐廳有呢d又抵又有質素既優惠，幾岩係附近打工同經過既朋友食lunch or d

上一次吃拉麵天王已是兩年以上之前，一月的尾聲終於有機會遠赴紅磡回味。餐牌上的白赤黑三款拉麵我都有幸品嚐過，這天的限定拉麵是胡椒天王及蕃茄天王，和朋友各位點了這兩款限定天王，還加點了芝士年糕。胡椒天王如記憶中同樣美味，豬骨湯頭香濃醇厚，配合適當的黑胡椒，和溶化在湯上的芝士，湯頭令人愛不釋口、越喝越順，最後整碗拉麵清光！我選擇了硬麵條及加點了半隻蛋，能夠在香港吃到這樣的湯頭，$92實在值得，非常推薦！朋友的蕃茄天王則推薦給年輕的網友及熱愛蕃茄的食家，豬骨湯頭加入了蕃茄汁，拉麵上放了許多蟹肉及蕃茄粒，與其他拉麵相比較清爽，而朋友選了淡湯頭，令湯的味道馬上失分一點。$12一件的芝士年糕，與日式放題任食的有明顯差異，拉麵天王的芝士年糕是烤非炸的，沒有那麼油膩，年糕及芝士亦不是香口膠的口感，雖然有點貴，但值得試試。雖然店面小小價錢又不便宜，但味道和份量很有實力讓人再訪，除了音樂聲量像卡拉OK房一樣又不合日式氛圍，但吧檯座位亦適合一人用餐不會尷尬，喜歡吃拉麵的人一定要試！

'一邊吃好西又可以一邊學日文' 今天還是第一次. 來到拉麵天皇門口, 真的定神了一秒, 看到其日文名字, 感覺很有意思. 拉麵有五款可供選擇, 包括白, 赤, 黑及兩款限定, 而現在兩款限定為胡椒及蕃茄. 點拉麵時, 還可以要求口味濃淡, 醬油多少及麵的軟硬等. 大家可留意一下周年祭的推廣. 黑天王即豬湯底加黑蒜油. 拉麵基本配料有叉燒, 半熟玉子及時令蔬菜. 豬湯底很濃郁, 可以肯定用了大量豬肉豬骨製作. 入口掛口又甜, 再加上黑蒜油的香氣, 實在令每粒味雷都感到異常滿足. 叉燒有瘦肉亦有脂肪, 比例恰當. 咬下去時, 有咬口又有豬油香. 赤天王側是豬湯底加辣椒. 亦同樣跟上述的配料. 湯底香辣, 不嗆喉. 店員很細心, 在送上赤天王同時附上辣味芽菜. 可供客人感不夠辣時使用.  烤餃子外脆內軟, 餡料清甜多汁, 酸酸甜甜的餃子汁很開胃.豚角煮似乎是醬油烤的. 豚角半肥瘦. 表面有醬油焦香, 肉質結實有咬口. 

今日去紅磡見個熟客，順道同他食個晚餐。大家都鍾意食日本料理，來吃個拉麵也不錯吧。這店在橫街中。內裡也充滿著日式拉麵店的裝修。有4款拉麵供食客選擇，也有小食及飲品。 口味及麵的軟硬程度可因應自己的喜好去選擇。其中一款是限定天王，好大個問號，問了職員，原來是每個月都不同的，今個月有蕃茄天王及胡椒天王。還有不同的調味料，如七味粉及白芝麻(手動的磨碎器 )。黑天王 湯底是豬骨湯加上黑蒜油，顏色都頗黑色的，湯味濃郁而帶點兒蒜味。多蔥，溏心蛋也夠滑。 拉麵份量算多。限定天王 既然是每月不同，當然要點下啦。選了蕃茄天王，蕃茄超濃呀，也附有蟹肉，不錯不錯， 而且湯底很夠熱。額外加的配料 ：溏心蛋的紫菜小食點了豚角煮 肉質很嫩滑，醬汁甘甜，切成小塊，易入口。餃子 充滿肉及肉汁。食后感：味道不錯，侍應服務ok，價錢也可以，支持下小店。

拉麵店舖仔細細，但上網見到咁多好評，一定要試下究竟有幾好食餐廳主打三款拉麵，白天王，赤天王同黑mk王，另外仲有期間限定拉麵一款。叫左個赤天王，即係辣味既拉麵，麵揀左硬麵，口味同油度都揀左普通。隻蛋有點兒過熟，失色左少少湯底濃，但叫左普通都偏油啲啲，下次會叫少油。唔算太辣，都接受到既叉燒係偏瘦，但唔會韌，不過如果脂肪平均啲會岩我口味多啲白天王，即豚骨湯底。冇叫少油，所以都油膩左啲啲。但湯底幾濃郁，如果叫少油我會飲晒佢整體，如果係淡口味人宜可以揀少油，因為拉麵偏濃味同較油

喺黃埔真係唔使擔心會冇好嘢食，今日就咁行入一間拉麵店都覺得唔錯同一般大牌子嘅其他拉麵連鎖店來講都相對地高質。黑天王拉麵，其實就即係黑蒜油加非常之濃嘅豬骨湯，面頭有半隻糖心蛋，熟嘅程度都啱啱好，而叉燒方面雖然脂肪唔算太多，不過都非常之淋同埋好容易咬，而且湯頭選擇咗較鹹同埋油香較重嘅湯，所以果糖都會比較重油同稠糊。不過面頭有非常多椰菜同埋木耳可以中和返油膩嘅感覺。另一個赤天王食肆揀辣到係比較重嘅度數但其實都唔會太難所以可以放心去揀重口味少少都可以，配菜同黑天王一樣，而且兩個面底都唔算少即使男仔都可以食飽。小食方面就加多左一個豚角煮，其實就係一個煙燻嘅日式叉燒油脂以及肉係對半， 而且即使脂肪嘅部份其實都唔算太油同瘦肉，一齊食可以中和返。而且慢慢咀嚼唔單止有好香嘅肉香味仲有少少煙燻嘅味道非常之好，配埋拉麵食一流。另一個餃子就同平時差唔多，新鮮整起所以非常之香脆同埋熱辣辣最啱冬天食。最後職員服務態度都非常之好少出餐都10分快。

Day off 男友返工前陪我食個lunch至返工，近近地去黃埔食，天氣開始轉涼想食返d熱野，就決定食拉麵，一路都未試過呢間。發現現時好多拉麵店都係以呢個形式做菜單，基本都係3款選擇再加一個限定款。佢今期限定就係胡椒天王。男友一貫都係選擇左赤天王，而我就很貪新鮮地試下個限定天王先。我選擇左*淡*香油、*普通*濃度、走蔥、*硬*麵。一落枱第一時間當然嘗下個湯底先，咁先係食拉麵架嘛😂胡椒味唔算太出，比期望中唔夠辛，不過佢加左d芝士味道幾夾既，令味道無咁寡，但其實整體味道係偏咸既。🤔而麵底方面，做到*硬*麵，但都屬一般。叉燒算係做得比較好，鍾意佢係肥叉，淋身得黎有口感，又油香。男友呢個辛辣味都出到，但都係偏咸。試左木耳絲煮得唔夠淋。相對黎講，小食做出比較出色。呢個豚角煮燒得香噴噴，肉質彈牙肉味濃。另外，餃子皮薄脆口，內餡肉鮮多汁，也是不錯。味蛋都幾欣賞，做到溏心剛剛好，味道正好點點咸香，唔會無味或太over。芝士年糕本人就比較少見燒既，比炸的好食，感覺更軟綿綿，口感good。今日剛好有六折，係抵食既～

全家過馬交, 獨留加班人。好文彩入正題.....由於今晚要食自己,就做到八點先收工放工沿路諗食咩好,醒起好耐冇食拉麵喎就順手簡必經之路既拉麵天王試試入去冇咩人,侍應安排左孤獨精位比我...Anyway... 叫左碗黑天王,姐係黑蒜油拉麵重唔小心點多左半隻糖心蛋...外表唔錯,有兩大塊义燒,一塊紫菜,半隻蛋先飲湯頭,唔覺黑蒜陣香味..鹹...連豬骨味都唔夠...又唔夠膠質...即食麵隻味更見吸引....唔緊要,拉麵除左湯,麵都係一個重要元素口感幾好,合格!最後义燒同隻蛋,义燒有層肥膏係外圍,薄身,唔錯隻蛋都夠糖心,都ok既送多個大頭比大家睇睇總括黎講,拉麵既靈魂湯底真係差d...麵既份量對我黎講都唔夠,食完要買個包填肚食完令我諗起大阪間金x拉麵....又平又唔差,份量又夠....以上食評只反映本人立場,如有雷同,實屬不幸

岩岩去完北海道旅行，心掛掛日本嘅拉面，今日就同朋友就去開紅磡，行下行下 點知小巷都可以發掘到呢間拉麵小店，咁一於trytry呢間拉面天王店面雖然唔大，但裝潢都幾有日本感覺，風格簡約，環境光猛整潔啦！我就選擇左黑天王，口味同香油都選擇左普通，面方面我係鐘意有口硬同煙韌啲，所以就剔咗硬啦！等左陣就有得食啦，香噴噴仲熱辣辣，即刻試左個湯底先！好香好濃郁，覺得個湯底無得輸，濃得黎帶香，拉面亦都好彈牙有口感，比例岩岩好！我都比較鐘意食濃嘅，覺得濃度岩岩好，如果鐘意清淡啲嘅朋友就要選擇淡口味啦！而我朋友就點左白天王，反而佢就唔想食太濃，所以口味同香油都係選擇淡嘅，朋友覺得豚肉薄切，入口鬆化，脂肪感不重，好食最後仲飲埋支可樂，大滿足！下次輕鬆食都想再黎試其他口味

今晚去左黃埔，search一search,見到呢間人氣高企，勁多like嘅拉麵天王，作為一個拉麵控，當然被吸引去試下啦。今晚一個人，應該都唔難揾位嘅~店舖比較隱蔽，喺小巷位置。我以為見到有人龍，就會揾到佢。點知竟然無人排隊不特止，店內都不爆滿！ 可能係剛完假期的第一日平日嘅關係？🧐見到兩款限定天王，個心十五十六問左店員兩款口味如何，店員話爆彈比較重口味。本人都接受到比較重口味，所以最後揀左爆彈天王，試下佢有幾重點知，我輸了。啲豬肉粒果然鹹得緊要！即使混落湯度，都依然好鹹。同埋，係豬肉碎堆成一個球而已。。唔明個爆彈爆喺邊度🤔而湯頭味道都算係可以嘅，屬於一般拉麵店嘅水平。整體嚟講，我以為自己食緊日版上海擔擔麵！😅呢個限定天王認真麻麻。不過有機會我都會再俾機會呢間店嘅，我諗其他拉麵應該唔係咁。。而服務方面，如其他食評所言，真係唔ok。坐低之後無茶水奉上。店內只得兩枱客，根本都不是忙到應接不暇，但就連水都無杯。女店員仲口噏噏你，聽到佢好似意思你阻住佢收工咁😕問可否要杯水，仲好似我要乞求佢咁😕女店員態度果真有待改善！

位於紅磡既呢間拉麵天王，店舖不大拉麵口味選擇也不算多，但勝在價錢經濟實惠而且沒有加一服務費。和其他拉麵店一樣有任飲檸檬水，正！拉麵賣相不錯份量適中，可自由選擇湯底既濃淡度和拉麵的軟硬度，味道不錯抵讚既係佢可以任加酸辣芽菜！我和朋友差不多食完他們一整碗芽菜哈哈

咁啱夜晚經過黃埔，一於食埋晚餐。其實黃埔站附近好多好野食，韓式、火鍋、中式，乜都有。今晚試拉麵天王。嗌佐最平既豬骨湯麵 $72, 賣相ok，附有紫菜、薄切叉燒、木耳、葱。啖湯唔算濃郁，但飲起來有豬骨味，合格。麵既份量亦夠，食完唔會似食空氣咁 。一大亮點係由客人自由添加既醃芽菜，少少辣又夠爽脆，食完又食。

德民街果邊不嬲較多日本野食 琴日想食日本野 都又唔想熱氣 就簡左拉面總體黎講我係幾滿意（小插曲： 一入去 本身得長枱有位 已經預冇人入黎食咁 咁我地一開始坐長台 跟住店員係到講 「唉都執曬野唔預人入黎」 「咁你寧願人地遲入定早入」「如果遲過9半定會俾佢入啦 阻住個地球轉」跟住我同個朋友都感覺有啲差 俾說話我哋聽咁）都係講返嘢食叫咗個特選拉麵🍜爆彈天王個湯底好有肉汁嘅甜味 叫做有少少驚喜但係啲肉粒就冇咩特別 就係豬肉粒赤天王一開始覺得完全唔辣點知就越食越辣 但係又我接受到嘅 其實我平時都唔係太食得辣其實我不嬲都鍾意食濃味嘅拉麵所以啲人話好鹹我又唔係太介意

試了白天王和限定天王拉麵，湯底濃度都選了普通的，但已經很鹹，限定天王上面的肉碎只寫神秘的肉球，味道比湯底更鹹。賣相還好，拉麵口感算不錯。但我和朋友吃完不久都肚痾了！。。。

小弟在Openrice 找紅磡有水準食店因做近要去紅磡工作幾天，見到好多人讚拉麵天王，咁昨晚收工後就去試下啦，怎知完全中伏，叫了個黑天王拉麵，可能時間尚早客人唔多，碗麵5分鐘就送到我面前，視角上見到碗麵無問題只是因為是黑蒜湯底所以湯面有的油膩，食拉麵最近要是湯底，麵到當然立即試下個湯底啦，一試自己立即O哂嘴，個湯底完全冇豬骨湯味又冇黑蒜味，而且偏鹹，出前一丁個湯底都好味個佢多多聲，小弟第一定食到水準咁低拉麵，正評都唔知喺咪真喺食客寫出黎。完全失望