拉麵天王

营业中

休息中

岩岩去完北海道旅行，心掛掛日本嘅拉面，今日就同朋友就去開紅磡，行下行下 點知小巷都可以發掘到呢間拉麵小店，咁一於trytry呢間拉面天王店面雖然唔大，但裝潢都幾有日本感覺，風格簡約，環境光猛整潔啦！我就選擇左黑天王，口味同香油都選擇左普通，面方面我係鐘意有口硬同煙韌啲，所以就剔咗硬啦！等左陣就有得食啦，香噴噴仲熱辣辣，即刻試左個湯底先！好香好濃郁，覺得個湯底無得輸，濃得黎帶香，拉面亦都好彈牙有口感，比例岩岩好！我都比較鐘意食濃嘅，覺得濃度岩岩好，如果鐘意清淡啲嘅朋友就要選擇淡口味啦！而我朋友就點左白天王，反而佢就唔想食太濃，所以口味同香油都係選擇淡嘅，朋友覺得豚肉薄切，入口鬆化，脂肪感不重，好食最後仲飲埋支可樂，大滿足！下次輕鬆食都想再黎試其他口味