拉麵來 (已搬遷) 新店位置

每次出去食總遇到難題，有時想簡單食一餐都難，唔想諗就會去食拉麵，人少少一碗就滿足哂。同朋友收工去依度食拉麵，幸好閒日人唔多可以即刻入座，朋友話佢時常黎依間食一人晚餐，仲好推薦依度既拉麵店內裝修都以日本和風感覺，有兒時玩具同擺設，好有復古味道<<水:香濃雞白湯麵>>平時我食拉麵都會叫豬骨湯底，見依度竟然有雞湯底，隨湯麵附上一粒骨膠原既精華，食完話可以美顏咁神奇，貪靚既我緊係叫左黎食原來係放入湯內溶於湯中，湯底飲落好濃郁，色澤較奶白色同埋唔會有好多油浮係湯邊，飲完唔會覺得口渴同膩濟，拉麵揀左要普通軟度，自家製叉燒肉筫軟腍又唔太多肥膏，的確幾啱女生食<<火:辛辣豚骨湯麵>>我朋友叫左依款辣味十足拉麵，個辣醬料用左免治豬肉調製而成，一大匙放係湯面溶入湯中，我飲左一少啖已經覺得勁辣，我本身都食得辣既，但吞到去喉嚨位好似直接入左辣油一樣，味道辣得黎又濃郁惹味，喜愛吃辣既朋友必定要叫<<明太子雞翼拌酸辣青瓜>>雞翼入面係去左骨，釀左明太子，食落帶少少辣味同多肉汁，酸辣青瓜入口好爽脆同好醃得好入味<

黑布街 本身諗住食烏冬 點知執咗 所以就黎食拉麵 店面唔算太大 但位置都幾多 我地雖然星期六去 七點幾 等咗大概五分鐘到就有位 再唔係門口有4張小凳可以坐底等位拉麵款式都幾多 有辣有唔辣 我就要咗唔辣既金豚骨拉麵 店家話係用40斤豬骨煮成既湯頭 金豚骨拉麵一入口冇想像中既油膩 反而清爽得黎 味道都好足 加上葱同木耳絲 口感十足 食食下 覺得乏味 我仲加咗少少佐料 不過係超辣既醃製食品 超辣 大家要小心

拉麵呢樣野真係周街都係架，係旺角想搵間似樣d係有難度，拉麵來，我要比個like佢！為左儲分，由深水埗行落旺角，好攰呀，老公要去黑布街買洗車液，行到過去實在唔想再行啦，見到拉麵來即刻好有印象，我記得大坑都有，唔諗啦，反正唔使排隊，直入！我中意佢唔使自閉食，我可以同老公對望XP，老公叫左熊本黑蒜油豚骨湯麵，一黎到真係有pat黑蒜油係面，一聞，嘩勁香，湯既濃度，麵既粗幼度我地都可以自己揀，我地揀左濃，幼麵，麵內已經有叉燒兩片。先讚個湯，豬骨味比較無咁突出，反而黑蒜味好夠，唔係好咸，而且無乜油浮面，麵質幼身，易斷，食落仲有一種滑既感覺，叉燒片肥像不多，讚！由於我中意食魚，所以我叫左濃厚魚介豚骨湯麵，呢個用魚整成既湯底，超香濃而且無腥味，油都唔見得多喎！真係成碗飲都唔成問題！最特別既係湯面上面有堆粉，我起初唔知係咩，試左一啖覺得咸咸地，有少少腥，之後老公提議我撈返啲湯一齊，發覺個湯濃左好多！原來係用魚磨成既粉，難怪咁好味！仲有呢個麵係配靚叉燒，叫火灸叉燒片，比起普通叉燒片真係香口好多，個面有d燒過既感覺，少少脆口！我地仲叫左兩個小食，吉烈廣島蠔係老公既最愛，蠔唔算大隻，我欣賞佢旁邊既沙律，個沙律

拉麵來終於在旺角有分店！可以一試！店內的裝潢是充滿日本舊時的風味。點了綠茶可樂 $22 及 蘋果梳打 $25在日式食店會時常見到，可樂有輕微的綠茶味，味道幾得意，值得一試。而蘋果梳打是微甜帶少少酸，也不俗。餃子 $36餡料算多幾惹味，但餃子皮略嫌有點厚，而且煎得不夠熱。黑蒜油拉麵 $92蒜油味十足，但湯底不會太油。海老拉麵 $104是濃厚帶點黏口的湯底，蝦味十足。都有4隻彈牙已除殻蝦肉。溏心蛋咬開有蛋黃慢慢流出另加的灸叉燒，獨立一碟上檯，以識別另加配料。至於麵質是比我平日吃的較粗，軟硬度選了中，但也覺得有點硬。湯底是不錯，可是本身不好太粗的麵。

8點鐘嚟到唔駛等坐底之後，係點心紙圈低自己想食既野就ok極上海老吟釀拉麵上枱個陣好重蝦味我揀左普通濃度，湯底唔太醎，越食越重味爽口蝦球有三粒，但就無其他配料自己加錢配玉子，流心唔錯！白松露豚骨拉麵湯底香濃，配黑松露，啖啖麵都食到松露味係太多木耳絲啫釀明太子雞翼炸粉唔厚，香口似家鄉雞明太子餡幾多，帶辣，不過醎左啲叫左一支綠茶可樂比原味甜啲以呢個價錢一般啦可以當試新野

一星期食兩次拉麵星期日既中午，去左旺角交收，交收完就行下，搵下野食醒起之前見到間裝修好靚既拉麵店，今日一於一試拉麵店裝修好似我之前去名古屋既一個博物館有好多舊日本既裝飾品同玩具連餐廳既音樂都同個博物館好相似環境要俾5分餐牌好得意，似畫出黎拉麵有金、木、水、火 四款！價錢合理，一百蚊內，都貼地小食有6款，我地揀左2款追加左玉子既「火」！果然很火一個波既係肉碎辣醬辣味後徑強！越食越辣!搞均左之後，成碗湯都是火紅紅的愛辣者必試麵既質地爽、彈牙!硬度也剛好係一碗正既拉麵糖心蛋煮得唔錯，裏面是流心的，表面既醬油也很足夠其實叫的另一碗是白松露，但黎錯左食到一半先發覺！幸好「火」的確幾正，所以都無出聲芝士海老丸：一客有6粒！細細粒，但炸得岩岩好！感覺是新鮮的，不會有重複炸既個種硬食落更有驚喜芝士是流心的，更有拉絲效果推介的一個小食炸雞是男友最愛！一客有5-6舊！大大舊！感覺有點似KFC 而個醬就係酸辣醬雞肉是嫩滑的，外皮炸得很脆兩人食左咁多野，都係300蚊！ 算唔錯餐廳既環境同食物質素絕對值回票價可以一試

位於旺角的拉麵來，是一間很岀名的拉麵店曾聽到不少朋友介紹，今天和媽媽吃完甜品，走過來吃拉麵浣紗街20-22號地下B舖黑布街23號地下白松露豚骨拉麵（木）$110沒來之前，早早在網上看到此拉麵我很喜歡吃松露，當然要試試這個吧以豚骨湯底為基本，配以意大利白松露，湯底順滑，入囗帶膠質感想不到湯底不濃厚濃烈，豚骨味道適中，清淡拉麵愛好者會喜歡哦配以木耳，香菇，二塊軟嫩無比的叉燒味道不俗哦。若果松露味重，會更好極上海老吟釀湯麵（土1）$104另一招牌是海老拉麵，上檯傳來海蝦的蝦味以日本甜蝦，虎蝦，蝦味噌和清酒煮成的湯底，極為濃稠，稠如濃濃的蕃茄湯拉麵為幼面，一拉把紅噹噹湯底都拿起來湯底入囗濃得驚人，就如一囗氣吃了極多極多的海蝦就如一大堆海蝦的濃縮板本不過湯底微腥，最後重囗味的我，幫媽媽吃光光明太子雞翼伴青瓜$38我最愛吃日本的雞翼，脹卜卜的貌相十分吸引咬開滿滿明太子醬，微辣刺激，炸得脆而不油白松露溫泉蛋沙律$48每日早午晩三餐都外岀進食，有時侯，也是想吃點菜的把白松露和溫泉蛋撈均，沙律微酸清新，不過吃到最尾有點過咸吃著吃著，看到一位很熟悉的面孔，想著想著原來是我以前在圓方番兼職時，隔離店舖的經理

通常來到黑布街都是光顧甜品店，但這次我們就來吃拉麵！其實早前經過數次已想進店試試，因為餐廳的裝修很具特色，充滿日本昭和時期風格，店內擺設了很多懷舊的小玩兒、海報等等，食客彷彿回到過去一樣．如日本的拉麵店般，拉麵來的麵條、湯料、配料，都可因應食客的喜好而作調整，這點很體貼，畢竟每個客人的喜好都有差異呢！我選了硬的麵條、濃湯底，包含蒜和蔥的牛舌牛尾湯拉麵。選擇牛舌牛尾湯拉麵的原因大概是因為期間限定吧！怕下次再光顧時已沒再供應了。而且，這碗拉麵的描述頗吸引，湯底是經過六小時餚製的牛脊骨及牛尾而成，牛舌則是經過鰹魚及昆布湯醃製的，似乎十分惹味！果然不出所料，拉麵條煙韌好吃，並吸收了麵底的濃香味，忍不住多吃數口。牛舌帶來很大驚喜，本以為這樣的厚度會很韌咬不開，但出乎以意之外，肉質很腍，軟度如牛腩般，而且醃製得十分入味果然限定是個不錯的選擇！我們額外點了明太子雞翼拌酸辣青瓜，上枱時店員細心地提醒我們小心辣口。雞翼是剛炸出來的，炸皮很薄，經醃製過，很香口。雞翼內層是帶微辣明太子和嫩滑的雞肉餡，十分惹味

朋友知道我近來喜歡吃日本拉麵，就帶我來到這間以日本懷舊裝潢作招徠的拉麵店. 甫進店，偏暗的燈光再加上復古風，到處都是拍照的好地方!! 拉麵的款式都幾多元化，除了傳統的豚骨湯底，也供應雞湯、魚介豚骨、黑蒜油等口味，總有一款啱心水~ 自家製餃子 $36 吃拉麵又怎少得餃子呢? 一客5件的餃子，每隻都外型飽滿，而且煎得幾香脆，內裡仍有不少肉汁，都幾好食的. 吉列廣島蠔 $48 吉列蠔也是即叫即炸的，外脆內Juicy，不過要小心吃，以免一咬下就被內裡的蠔汁所燙傷. 芝士海老丸 $32 一客6粒的海老丸，內裡也有不少芝士，喜歡吃芝士的朋友可以一試. 極上海老吟釀湯麵 $104 平時都幾喜歡喝龍蝦湯，所以見到這款以日本甜蝦、海虎蝦& 日本清酒等烹調而成的湯底，就決定一試. 湯底呈橙紅色，呷一口，蝦味甚濃，而且質感濃稠，個人幾喜歡. 再加上有嚼勁的拉麵，以及4隻爽口蝦球，令我一改拉麵配豚骨湯的觀感，想不到配成蝦湯底也相當不俗. 熊本黑蒜油豚骨湯麵 $92 友人則選了黑蒜油湯麵，雖然我沒試，不過友人說湯底香濃，水準也不賴呢! Coke Zero $15 最後

環境古色古香，吃了蟹肉拌麵 白松露豚肉麵和2個小食。水是檸檬水幫助清油味蟹肉拌麵 蟹肉還好，大份很飽。白松露的湯很濃。白松露蛋沙津很野味，份量都大。炸廣島蠔就普通但有蠔味。

去完醫院檢查想食清d，所以擇左拉麵一入店，好日本懷舊風，空間足夠，枱椅唔會逼。叫了白松露豚肉拉麵，麵選硬 湯濃，真係好重松露味，湯有哂精華欣賞豚肉都好淋配菜茄 紫椰菜同本耳有哂湯汁好味所以我地另外叫多左份木耳同紫椰菜點湯另外係期間限定既蟹肉拌麵，無湯既拉麵第一次試，蟹肉好足，基本上每口麵都有蟹肉。白松露日本蛋沙津都無失望，48蚊都算大份，沙津菜細細條好易入口，炸廣島蠔就細細地但勝在無乜油又有沙津汁配

之前食個拉麵來的大坑店已經一試難忘覺得拉麵嘅質素比豚王同埋一籣拉麵更加好更加用心不過開喺旺角開咗分店因為呢排太忙所以都未得閑去會一會見今日去開旺角所以特登走入去黑布街去試一試呢間拉麵來呢間店鋪嘅size俾大坑嘅更加大不過裝修就依然保持着濃厚嘅古舊大阪風味淨係識個裝修feel都已經合晒我心意估唔到冇食咗一排拉麵來已經多咗好多唔同口味嘅拉麵見今日佢地有一款特別野極上海老呤嚷拉麵呢個拉麵不得之了放上枱濃烈嘅蝦味完全樸鼻湧上湯底嘅色素係紅卜卜而且比較厚身一放低就即刻飲番啖湯底完全係非常之濃味嘅鮮蝦味而且配料都非常之咁多有五隻完整大海老而且非常之爽口彈牙主角拉麵亦都不容忽視因為我要求比較硬身嘅拉麵廚師都一一可以做到我嘅要求而我同行嘅朋友就叫咗黑蒜油豬骨濃湯拉麵見到佢用左極之多嘅黑蒜油油係非常之咁香而且見到佢快叉燒都非常之咁用心製作淨係睇相都見到佢哋係用上午餐後嘅腩肉卷成叉燒片的所以叉燒比較肥但係這小小嘅肥肉就正正昇華左呢塊叉燒令到佢更加香甜而且重肉味之後我哋兩個大胃王就叫左其他小食括有佢哋自家製嘅餃子餃子嘅size都幾大下而且入面包滿晒豬肉所以每一啖都食到香甜嘅豬肉十分滿足另外要多咗個明太子釀雞

今晚去旺角睇完line pop-up store，朋友係護協買完野，知道我係旺角乘機拉我陪佢黎拉麵來食拉麵，因為佢超想試白松露豚骨拉麵。朋友叫呢個拉麵比一般拉麵健康，有多款蔬菜，特別所在有爽甜既紫椰菜，鮮嫩既雜菌，加埋拉麵必備既青蔥，木耳，紫菜，看似一片自家小田園。講左咁耐未講主角松露，湯底豚骨味濃厚，加左松露醬湯變得更順滑，而且完全冇好多拉麵湯底重口味問題，喜愛清淡既朋友對此拉麵幾滿意。有注重健康朋友係度，點會唔叫沙律😏又有佢最鐘意既白松露溫泉蛋，佢好難唔叫~ 沙律用左紫蘇醬，令沙律滋潤增香，各種沙律菜，蕃茄，紫椰菜新鮮至極，撈埋溫泉蛋食一流。今晚有啲喉嚨痛，本身想食辣既拉麵已經打消，又唔想食齋豚骨湯底咁悶，所以最後揀左熊本黑蒜油豚骨拉麵。其實見到黑漆漆一片既黑蒜油都驚個湯會太肥膩接受唔到，但係原來飲完都冇油膩既感覺，反而豚骨多左份蒜香味道，呢個湯底嘗試一改平時黑蒜油強烈味既觀感。叉燒瘦肉略有少少肥肉，所以都幾滑嫩，又唔會肥騰騰。食拉麵唔少得叫煎餃子呢~ 呢度餃子非常飽滿，皮薄香脆，肉餡肉汁豐富，一咬之下唔少肉汁滲出。極度口喝既我同朋友未叫拉麵先叫2枝可樂🙈

當它在大坑開業時，已品嘗過一次，當時候對其裝潢門面帶著感嘆，但自己對濃湯始終不太興趣，所以一般，但事隔數年，今晚又因其裝潢設計行入黑布街拉麵來男友對濃味接受能力高，幫他點了金（豬骨拉麵）加玉子，我點了蝦拉麵，另加蛋，小食點了餃子蝦拉麵，湯味鮮味，但放落個幾隻熟蝦太爽脆感覺和湯聯結不到。餃子皮脆，上碟時間剛好，肉質就一點鬆散。雖然無驚喜，但拉麵本身首嘗湯，而我又不愛濃。反而有一驚喜係寶寶鷄煲的代客泊車，禮貌好，價錢20，奇哥。我地臨走，車頭有雀💩，佢好義氣幫我們洗埋👍👍👍👍

最近鍾情拉麵，特別是魚介口味，簡直愛上。上網搜尋不同拉麵店，希望能品嘗到有質素的，便找到了拉麵來這間小店。店舖裝修頗具日式風味，滿心歡喜下叫了一碗魚介拉麵土4和辛辣豚骨火。只看拉麵的外觀，覺得肉還燒得不錯，誰知一口下去，魚介湯淡而無味，叉燒沒有味道，拉麵選了“硬“亦非常淋，面質跟普通超市拉面無異。辛辣豚骨火，湯像清水般，辣肉球卻異常地辣（不嗜辣者絕對吃不消），整碗拉麵除了辣還是辣，非常失望。一眾愛吃拉麵的同好，本人不太推介大家到此店來，免得失望而回。