我武者羅 (已結業)

日本過江龍生薑醬油拉麵 -- 我武者羅🙈今日同朋友去沙田行街 見到呢間日本過江龍新開嘅拉麵店！🙈就一於試下❤--------⭐生薑醬油拉麵（$95）湯底有好濃郁嘅雞湯味 而且望落好清 飲落完全唔覺得係味精🙈👍幼麵煮得幾淋幾入味😻兩塊手掌咁大既雞叉燒呈淺粉紅色 咬落肉味好濃👍😻-------⭐濃厚咖哩味噌沾麵（$115）呢個麵好適合重口味人士😂麵條上面有一大羹嘅蕃茄醬 店員貼心提示要將蕃茄醬拌勻啲麵再沾落咖喱~沾麵汁係超濃厚嘅咖喱味 仲特製嘅味噌醬 別有一番風味❤麵條彈牙 掛湯力都一流！👍--------⭐我武者羅燒餃子（$45）餃子都幾出色 唔油而且皮薄👍肉餡調味亦到恰到好處👍❤--------⭐菠蘿乳酸梳打（$35）好夠氣 飲落係好爽嘅感覺🙈而家小編中意佢唔會太甜-------總括黎講拉麵都幾有特色~店員服務都周到有禮❤🙈-------價錢：$45-$125-------評分（10分滿分）賣相：8味道：8性價比：7回頭率：7--------店鋪資料名稱：我武者羅地址：沙田正街18-19號新城市廣場一期7樓703A號鋪前往方法：沙田站A3出口

今日行街經過見到新城市廣場有間日本拉麵店新開張見有d肚餓而且好耐冇食過拉麵，一於入去試吓先，環境裝修都幾靚幾舒服侍應耐心地向我哋介紹餐牌內有乜嘢食物我見到有款係開店紀念限定，賣完即止嘅拉麵，就叫左呢款另外未試過沾麵就叫左一款試吓味先，再加左隻流心蛋，還點多個餃子和飲品。特級真鯛雞白湯拉麵：首先試吓個湯先，入囗香濃鮮甜，拉麵爽囗彈牙，叉燒和雞肉質感腍滑溏心蛋：蛋白好嫰滑，蛋黃半流心，蛋味香濃濃厚咖喱味噌沾麵：蕃茄醬酸尾尾，好開胃，五花腩煮得好腍好入味，咖喱味濃厚甘香，入口後慢慢滲出微微辛辣味，拉麵沾滿咖喱汁更美味我武者羅燒餃子：餃子皮脆肉嫩，點埋自家製和風醋，美味可口茘枝乳酸梳打：味道清甜，開胃醒神好彩今次經過先可以試到噤正嘅拉麵，尤其是冇叫錯佢哋嘅期間限定拉麵，真係有在日本食到嘅水準，要食就快d去，一日得50碗，而且佢哋話祗做14日

本來已經擱下幾個月的寫食評習慣 , 今天竟又再次重拾興致，為了這食店再次執起筆來....日式拉麵店的熱潮仍然方興未艾， 之前在一間新商場之內試了一間米芝蓮過江龍店，吃過之後只覺得不甚了了， 是有點吹過大了頭， 錢絕對是白花了....今趟來到一間開在新城市廣場內的新麵店 , 名氣雖然不十分大亦不是什麼米芝蓮推介店， 但吃完之後卻覺非常之有驚喜， 能令到我這個最近寫食評十分懶惰的人能重拾筆耕之樂，可見應是有相當的水準吧....人早到，就在店門外等一會。發現已有不少同路人在一起等候， 等不了一會，店員就開始招待客人入座。 我就只有一個人，當然是坐在面壁位了。 幸好可以看到一眾師父們努力地製作拉麵， 用嚟消磨一下時間當然是好事....店自慢聽聞是醬油生薑拉麵。 但於我來說更感興趣的，便是那碗開店紀念限定的鯛出汁雞白湯拉麵。除了麵以外，當然也少不了拉麵的好朋友煎餃子....由於剛開店的關係，店員交代鯛魚湯還需要多十多分鐘左右的時間來製作。 我有時間， 而且好嘢當然是要用心製作的，故是繼續值得等待....麵未上桌，餃子便已先送到。 看見那金黃之外皮就知對勁了。咬將下去， 肉汁橫溢於口腔中而且蒜味極

I tried their Ginger Shoyu ramen. This is extremely high quality ramen, from the soup to the noodles and meat. The chicken based soup is a nice change from the other tonkotsu based ramen. The place is also clean and nicely decorated. The service can use some improvement though, if they want to give customers a true Japanese ramen restaurant experience.

香港人愛吃拉麵，最近又有一間日本過江龍拉麵店進駐沙田新城市廣場。拉麵店創立人蓮沼先生在十多歲時曾遠赴法國學習正統的法國料理，把日式的傳統與西方的創新揉合，創造出味道極緻的湯底和拉麵，而當中的生姜醬油拉麵更大獲好評，得到不少拉麵愛好者的推介。生姜醬油拉麵 （$95）👍👍👍👍拉麵的湯底以清雞湯、自家店醬油和生姜為主調，配合粗麵條，叉燒和雞胸肉。先説湯底，未喝之前已經聞到濃烈的生姜氣味，但喝下去又不會覺得有姜的辣味，反而是濃厚的醬油雞湯味。粗身的拉麵有彈性，薄切的叉燒不太肥，掛在碗邊的雞肉，沒有放在熱湯內，令雞肉保持幼嫩。特級真鯛白雞湯拉麵 （$125）👍👍👍👍👍每日限定50碗的特級真鯛白雞湯拉麵 ，是香港店限定。湯底用了日本愛緩縣的真鯛配合雞白湯，鮮味特濃。麵條用了中細麵，口感較為細膩並帶小麥香氣。掛在碗邊的慢煑雞胸肉，顏色粉嫩，並沒有一般吃雞胸粗鞋的感覺，另外碗內還有雞腿肉，那麼就可以一次過試到兩個不同部位的雞肉。燒餃子（$45）👍👍👍👍👍餃子是由日本新瀉縣直送，餃子的底部煎至微絲焦香並帶點香脆，佐以香醋和蘿蔔蓉，既解膩又開胃。菠蘿乳酸梳打 ($35)👍👍👍👍梳打帶有菠蘿的香氣，味道不會

新城市七樓新開來自日本嘅”我武者羅”拉麵🍜, 睇到ig有限定嘅雞白湯拉麵, 上黎朝聖先. 店內環境好舒服, 除左一齊食嘅枱櫈亦到對open kitchen吧枱👍🏻. 櫈下有齊USB同電制叉電勁貼心.>特級真鯛雞白湯拉麵 (HKD125)每日限定50碗嘅雞白湯拉麵, 用上大量來自愛媛縣嘅高級”真鯛”炊煮而成, 配濃濃骨膠原雞白湯底, 味道濃稠有魚嘅鮮味. 拉麵🍜麵質勁滑非常之掛湯, 所以每一口拉麵味道勁豐富. 當中紫洋蔥同京葱, 仲有嫩雞肉同大片無咩肥膏嘅日式豚肉, 限定湯底yummy!>淺蜊潮拉麵 (HKD120)+溏心蛋 (HKD15)Li個湯底比較清, 蜆味新鮮夠濃, 葱花同幾片豚肉加隻溏心蛋, 只覺雞湯好好飲完全唔口乾, 拉麵口感較滑𠽌𠽌.>我武者羅燒餃子 (HKD45)揭露menu就見到店家推介燒餃子🥟, 煎得皮勁脆, 啖啖豬肉餡, 店員特別remind附有嘅蘿蔔蓉要加落附碟嘅”旨辛酸醬, 點餃子🥟好有風味.>揚出豆腐配羊棲菜及生薑蓉 (HKD50)健康好味羊棲菜喺香港唔係成日食到, 見到都想try try, 豆腐本身好滑個皮係煎脆ga! 個醬味

我係好鐘意食拉麵ga呢🍜 每次去日本，一落機放低行李🧳之後要做的事就係去食拉麵喔！而家香港拉麵店開得愈黎愈多，唔洗飛去日本香港都有好多間拉麵店～太好了🥰沙田新開左間叫【我武者羅】，今晚就同媽咪食拉麵做晚餐先😝門口就看到【我武者羅】的招牌💡而店内是木製為主，很日式feel的拉麵店。🔹特級真鯛雞白湯拉麵 $125✨期間限定 每日50碗的🤫✨有限定既數量就知係好野啦～奶白色的湯底係🐟+🐔烹調左一段時間煮出來的，所以味道好濃郁👍🏽又好鮮甜😙將啲蔥花撈埋麵食一啖麵飲一啖湯，當麵俾我食曬時，湯也俾我飲光光了🤤拉麵既質感好軟彈，我好鐘意呢個質感💛有塊豚肉係面，而雞肉係底，雞肉好嫩滑呀！🔹濃厚咖喱味增沾麵 $115個湯好豐富！湯係有雞白湯加咖喱，而麵既上面係自家製味噌醬和番茄醬。媽媽是第一次食沾麵的，食沾麵湯是熱的，是麵是冷的，麵唔好浸咁耐湯呀！叫了2 款小吃我武者羅燒餃子$45和掦出豆腐配羊棲菜配生姜蓉$45🔹 我武者羅燒餃子$45餃子皮薄煎得香口，咬落仲要好多汁🤤🔹 掦出豆腐配羊棲菜配生姜蓉$45豆腐很滑溜，淋上了醬汁更味道更突出食飽飽了，還很回味！呢間很值得推介給朋友一試喔～

一等多時從原來的(芽莊)位置裝修過後重新加入便是這間設計很富特色的日式拉麵店, 昨晚無無聊再搜尋網下發現原來已經悄悄地開了、所以不用他想便走去試試。。。撇開中午飯市剛剛兩時左右直入客人只得三、四枱，其實應該講近排市道都無需要撇開午飯時段亦都不用多人、就以身邊的食店一樣以折扣招徠客人,話題扯得太遠還是說會現況、店內以日式木糸作色調，自然舒適、服務由入座開始已很细身，職員滿帶笑容在這個風雨飄搖時代感覺用膳也多一份寫意~由招呼開始起手個人都覺得跟得好足，斟水落單以至送餐~先講這個生薑醬油拉麵HK$95.驟眼看來以碗大麵少用筷子夾上才知份量足，麵條屬於正常較為爽身、本來有兩片薄薄的豚肉加上一片雞,先講豚肉部份薄得通透豚肉味濃、雞肉質感幼嫩，最要讚的可以算是湯頭眼看清澈但入口纯香且濃雞清湯、比一般坊間厚底油脂絕對是别門一派~吃一碗拉麵當然對唔信自己，來多一客和風燒餃子HK$45.即叫即做吱吱聲響從座位遠處已聽得到，侍應奉送跟前亦細心告訴小心燙口、咬一啖肉質細嫩、沾上點點醋汁，好吃~食完當然是要攞支牙籤用一用，當日竟然碰上一個用雙手奉上牙籤的侍應、實在感覺職場訓練實在可加，反而令自己有點唔好意思

黎到新城市廣場 感覺好似冇之前多野食周圍又裝修咁行吓行吓就見到依間店 又咁啱想食拉麵所以冇諗咁多就走咗入去入面裝修 環境 枱櫈擺設俾人感覺好整齊而且佢每個位都放咗塊木板黎放碗拉麵視覺上好似好高級咁 影相都靚啲!亦俾我諗到另一個用處: 就係逼你食嘅時候要坐直條腰 坐高啲 有儀態啲 好似武士咁😂(可能只係我諗多咗)但係我好欣賞佢依個擺設Menu選擇唔多 拉麵/沾麵各3款 有款限定拉麵 小食就餃子/豆腐 飲品2款梳打所以好快就可以揀好生薑醬油拉麵 ($95)賣相唔錯 簡潔得黎又幾精緻食落第一啖已經品嚐到佢嘅姜味 但係味道約隱約現 (本人唔太鍾意姜 但係佢依種味我幾鍾意) 湯底更是一讚👍🏻有濃濃嘅雞味 冇豬骨湯一時會有嘅’臭’味 醬油味亦唔重有2片薄叉燒同一片雞胸肉叉燒真係勁薄切 好似火腿 半肥瘦雞胸肉就好淋 完全冇骨冇根 雖然我就覺得肉冇咁出色 可能味道俾湯底搶咗至於麵條 係幼麵 咬落有啲煙韌 唔硬亦唔軟 不過襯早食就好味啲啦 始終啲麵隔咗陣質感冇咁好食 會淋咗少少 (雖然仲好食)另外加咗隻流心蛋($15)🤤超級正望吓佢幾流心就知啦暫時係我食過最好食嘅流心蛋!蛋黃完全流心 晶瑩剔透 仲好大粒

行完街要醫肚，經過餐廳時已經眼前一亮，裝潢簡潔而且好光猛，門口既員工更加主動向我地推介MENU，見到佢咁有禮貌又細心講解，就決定坐底試下啦~MENU簡簡單單，只有3款拉面同2款沾面同4款小食，但唔好睇少，我地點果幾款都好好食生姜醬油拉面($95): 叉燒係低溫慢煮，顏色粉嫩，配合雞清湯同生姜蓉，一D都唔油膩，湯頭非常順口，哈哈~~飲下飲下唔覺意飲哂 鹽生姜拉面($95): 同樣出色，味道適中，不會太咸我地仲加糖心蛋($15)，生熟程度剛剛好，大讚 小食點左炸雞($50)同和風餃子($45)，2款的配料同醬汁都非常特別，係特別好味!!!!!炸雞醬汁酸甜，非常開胃；和風餃子醬汁配合辣蘿蔔蓉，帶出餃子鮮味～果然一流整體黎講，推介程度有8.5/10 

沙田終於有間拉麵店選擇！就是日本過江龍，涉谷的人氣拉麵店「我武者羅」，曾於日本節目中獲得東京拉麵第一。內裡是裝潢以木系為主，好日式，而且牆上有塗雅畫作，富有現代感。每人前面有塊好特別的木板，食拉麵就會有，而點沾麵就會收走。主打是雞湯、醬油拉麵，還有沾麵。荔枝乳酸梳打 $35好清新的味道，不錯。燒餃子［和風］$45煎的很金黃色，幾吸引，還有自家製餃子醋、紅蘿蔔泥。將紅蘿蔔泥放入餃子醋伴勻，餃子點上這個醬汁，酸中帶清爽，而餃子都多肉汁。塩生姜拉麵 $95端上檯已聞到好香雞湯味，湯底十分濃郁可口，還配上新鮮即磨的生薑蓉，味道十分夾。拉麵軟硬適中，又彈牙。雞胸肉好似經過慢煮無比嫩滑，叉燒薄身有肉香。另加的溏心蛋都濃郁入味。濃厚咖哩味噌沾麵 $115味噌醬用上15種材料製成，再配上濃厚的雞白湯、魚介、鰹魚及咖哩等製成湯底，另外麵底配上清新番茄醬相當特別。咖哩味噌湯底十分濃郁，好適合重口味人士。之後可以叫店員加上茉莉花茶，好新奇的食法，湯底變得有茶香味，我比較喜歡。

今日同朋友去沙田shopping，行到差不多兩點大家也略帶累意，一於搭電梯上7樓覓食。 上到7樓發現新開了一間＂我武者羅＂日式拉麵店，餐廳設計簡約感覺舒適。 進去坐下來看見枱上擺設齊整，枱上有個木墊，放食物用，旁邊有個銀灰色厚身嘅紙巾。 員工非常殷勤，清晰解說每道菜分別，讓客人更清楚及理解餐廳提供菜式。特級真鯛雞白湯拉麵每日限量50 碗，我們真幸運早到，今天只剩下最後三碗，我即時要了一碗。 湯底濃郁鮮甜鮮味，拉麵浸在美味湯內，令每一條麵更美味精彩。生姜醬油拉麵少見有生薑湯底拉麵，湯帶有少少天然辛辣味，和風唐揚雞每件雞表面炸粉層好薄，炸得十分香脆。旨辛酸燒餃子日本空運到港，原全和風餃子風味，皮薄餡仍帶juicy

我好鐘意食拉麵，星期五到沙田聽講座，咁岩比我發現左新城市廣場新開左一間拉麵店，聽完講座就即刻同朋友去食拉麵。呢間拉麵店環境幾好，新開張無幾耐生意已經幾好。我地分別點左拉麵同埋沾麵。拉麵方面，我地點左塩生薑拉麵，佢用左雞清湯、沖繩塩同埋喜馬拉雅山塩以及生薑，上面仲有兩塊叉燒，呢度既拉麵比較清淡，而且叉燒亦都唔肥膩，岩哂注重健康既人食！另外，我地仲點左濃厚辛味噌沾麵。呢個沾麵有啲辣，岩哂無辣不歡既人。我地仲點左啲小食，分別係炸豆腐同埋叉燒，正！

同朋友行經新城市，發現有新開既拉麵店，當然要試一試佢！餐廳全用木製傢俬，令人好舒服。入到去，重會見到廚師會點樣煮拉麵，廚房前亦有BAR枱可供食客坐下來，慢慢欣賞師傅既功架。多數拉麵店都係以豬骨及叉燒見稱，好少會用海鮮同雞做主打！.而「鯛出汁雞白湯」、「生姜醬油拉麵」就係我武者羅既主打拉麵！.🐟💬：.鯛出汁雞白湯拉麵（$45）開店紀念限賣！賣完即止！所以一定要試左先！湯底好濃厚，既有魚既鮮味又有雞湯味道～～～拉麵非常吸汁，掛湯，好食！雞肉嫩滑，唔會以為望落好薄，叫落去係有厚薄適中的！.生姜醬油拉麵（$95）湯底比較清，有淡淡既薑味，拉麵幼身D！有咬口！.旨辛酸燒餃子（$45）餃子卜卜脆，皮薄！配埋酸酸地既醬汁好開胃！餃子既辣在喉嚨才發揮出來，好彩只是微微的辣，不會令喉嚨好辛苦！但阿魚最愛既係放底既芽菜，吸左醬汁既味道，更加好食！.🐟FISH'S REMINDER🐟💡阿魚提醒💡.可能初開店，要耐心等候上菜，但的確值得等待！.店員好耐心為我地介紹野食！！！服務非常好.溏心蛋係要另加架！.飲乳酸梳打一定要搞勻⋯⋯否則飲到尾會太甜⋯⋯荔枝好食～～～下次有機會一定要食唐揚雞，店員話係雞脾肉黎架～

拉麵平時食唔少，但追求正宗日式風味又講究質素嘅拉麵店就少之又少今日朋友介紹我去一間日本過江龍品牌嘅拉麵，順便試一試呢度嘅質素係咪真係咁好通常主打一樣食物，餐牌都唔會太花巧，主要集中做好幾款主食呢度有三款湯麵同兩款沾麵，另外仲有餃子等嘅小食可以揀呢度有個限時推廣，呢款真鯛雞白湯拉麵係限時供應，只係做14日，好好彩今日有得食生薑醬油拉麵湯底由雞湯同特製醬汁整成，再加上新鮮即磨嘅薑蓉，湯麵充滿薑嘅香辣味拉麵煮得剛剛好，爽滑彈牙，索咗薑汁嘅味道同一般嘅拉麵好唔同肉片顏色粉嫩，咬落軟滑唔黏牙特級真鯛雞白湯拉麵見簡介寫住湯底用大量真鯛淆製而成，第一時間就試咗個湯底湯底果然係好濃嘅魚味，非常鮮甜，麵條索咗魚湯，味道更加好濃厚辛味噌沾麵呢款麵同湯麵嘅食法唔一樣，要將麵條夾入辛味噌湯入面，等麵條沾滿醬汁再食呢款麵較辣，味道亦會比湯麵更加濃厚我武者羅燒餃子餃子分咗兩款味道，呢款係原味餃子入面包住豬肉同蔬菜，外皮煎得香脆，內裏依然保留少少濕潤，唔會太乾呢款餃子烹調得好出色旨辛酸燒餃子呢款餃子同原味唔同，除咗煎得香脆，仲帶有酸辣味道醬汁酸辣惹味，連墊喺底下嘅芽菜索咗醬汁，都一樣咁好食和風唐揚雞炸雞皮薄肉厚，外