我武者羅 (已結業)

沙田終於有間拉麵店選擇！就是日本過江龍，涉谷的人氣拉麵店「我武者羅」，曾於日本節目中獲得東京拉麵第一。內裡是裝潢以木系為主，好日式，而且牆上有塗雅畫作，富有現代感。每人前面有塊好特別的木板，食拉麵就會有，而點沾麵就會收走。主打是雞湯、醬油拉麵，還有沾麵。荔枝乳酸梳打 $35好清新的味道，不錯。燒餃子［和風］$45煎的很金黃色，幾吸引，還有自家製餃子醋、紅蘿蔔泥。將紅蘿蔔泥放入餃子醋伴勻，餃子點上這個醬汁，酸中帶清爽，而餃子都多肉汁。塩生姜拉麵 $95端上檯已聞到好香雞湯味，湯底十分濃郁可口，還配上新鮮即磨的生薑蓉，味道十分夾。拉麵軟硬適中，又彈牙。雞胸肉好似經過慢煮無比嫩滑，叉燒薄身有肉香。另加的溏心蛋都濃郁入味。濃厚咖哩味噌沾麵 $115味噌醬用上15種材料製成，再配上濃厚的雞白湯、魚介、鰹魚及咖哩等製成湯底，另外麵底配上清新番茄醬相當特別。咖哩味噌湯底十分濃郁，好適合重口味人士。之後可以叫店員加上茉莉花茶，好新奇的食法，湯底變得有茶香味，我比較喜歡。