我武者羅 (已結業)

今次同老友又試新嘢 係我地都好快愛嘅日本拉麵 呢間我武者羅係新開 裝修都好高級嘅感覺今次我試呢個招牌鯛出汁雞白湯拉麵 我地去過幾次日本都未試過呢隻味嘅拉面, 真係好正 有魚味嘅雞湯, 好鮮甜而唔會有死鹹嘅感覺, 真係要試，但佢寫每日有限50碗, 我叫左之後聽到不遠處有人再叫已經冇哂 好彩另外呢個酸辣餃子好好食, 唔會好辣, 好香日式辣油味, 葱同芽菜都食埋, 真係very good我地又食左日式炸雞，好香脆，點埋上面個酸辣汁好正總結呢間嘅雞湯拉麵一定要再食, 好好味

特級真鯛雞白湯拉麵🍜 開店限定拉麵：一日只限50碗咋，仲要只做兩星期！湯底超濃郁，飲落非常足料！雞白湯配合鯛魚味，好鮮甜美味🐟 麵條用日本小麥粉製成，麵身中幼細，麵質偏軟，岩哂我喜好👍🏻 值得一提嘅係麵條掛湯力好強！湯份量同麵岩岩好，一啖麵連湯一齊入口，食完都差不多飲哂啲湯🍜 配菜有水準！雞肉似慢煮feel, 肉質嫩滑帶點爽口；薄薄叉燒亦唔會鞋！ 荀：硬身嗰啲我平時唔食的，呢個係軟身😯食拉麵點可以唔加溏心蛋～嘩！超級流心🤤 正！係必加嘅配料濃厚辛味噌沾麵🍜個沾麵湯辣度適中，啲七味粉嘅香辣味😋 可能因為有唐辛子同花山椒。腩肉有驚喜！！好好味呀，油脂豐富👍🏻👍🏻肉質都好稔 yummyyy! 因為麵質掛湯力極強，所以揀食沾麵係非常適合架！特別一提：店員話食完個麵之後，個湯可以加茉莉花茶再飲架😱 日本新潟縣直送～我武者羅燒餃子香口！一啲都唔油膩👍🏻 皮夠薄，餡料調味剛剛好！醬汁撈埋蘿蔔蓉，多左啲清新感。荔枝乳酸梳打荔枝味極香👍🏻 驚喜位係有兩粒好大嘅荔枝😯下次黎試埋佢個招牌生姜醬油拉麵～

呢日去到新城市廣場 見到一間新開嘅過江龍拉麵店， 呢間拉麵店係由日本開過來， 佢喺東京都有分店， 餐廳大概有70至80個座位左右， 餐廳嘅環境夠光猛， 座位與座位之間嘅距離都幾足夠。特級真鯛雞白湯拉麵呢款拉麵係開店紀念限定， 聽店員講呢款拉麵只係做14日 ，同埋每一日指出50碗， 湯底係魚湯和雞湯， 味道都幾香濃， 拉麵爽口彈牙。生薑醬油拉麵呢款拉麵嘅湯底都主要係用清雞湯，生薑和醬油而 製成， 幾香雞湯味， 有少少薑味，個薑味唔會太搶。濃厚咖哩味噌沾麵個咖哩湯除咗有日式咖哩嘅香味， 仲有味噌嘅鹹味， 辣度算適中， 個豚肉都煮得夠冧夠入味。和風唐揚炸雞炸雞炸得幾香脆， 好多肉汁， 呢個炸雞配咗梅子醬， 配埋一齊食感覺冇咁heavy.旨辛酸燒餃子餃子嘅皮都煎得夠香口， 餃子嘅餡料係豬肉和蔬菜， 配個酸辣汁幾惹味。

開業初期, 店主蓮沼先生跟另一日本師傅親自處理, 聽聞只限至10月尾, 之後便會回日本, 聽了當然要趁機入座品嚐。平日4點至5點為休場時間, 六日及公眾假期則沒有此限。環境簡潔, 明亮舒適。店員有禮, 主動介紹餐牌食材, 予人親切感。另新張期內, 每日限量推出50碗特級真鯛雞白湯拉麵, 要試趁早, 因通常開店不足一小時已售罄。濃厚咖喱味噌沾麵 $115 + 10%店員細心介紹享用程序1) 先將麵條與蕃茄醬拌勻2) 把麵條沾上沾汁享用3) 把茉莉花茶加入沾汁作湯享用叉燒如五花腩, 層次分明, 有咬口, 有吃肴肉的膠原質感。蕃茄醬用新鮮蕃茄淆製, 無添加茄汁茄膏, 啖啖蕃茄肉, 酸味味, 可口開胃。沾汁有大量葱粒, 味道十分濃郁, 入口比較鹹。吃罷可要求店員協助添加茉莉花茶, 店員提起碗加茶, 並細心提示客人試味, 可按自身濃淡口味添加茉莉花茶。添加茉莉花茶後, 咖喱湯入口微辛, 惹味可口。

呢間係新城市7樓新開既我武者羅..比佢簡約但又舒適既裝修吸引..就連餐具擺設都好認真..我地叫左一個生姜醬油拉麵...生姜磨到好細滑..完全無渣..湯底雞味好濃..配上爽口既豬肉同雞肉..面質好彈牙..好正！另外一個係濃厚咖哩味噌沾麵..我係第一次食咖哩味沾麵..一直以為沾麵既味會好漏..但呢個濃得黎又唔會..好似食緊咖喱飯果種濃味..侍應有介紹話如果覺得太濃可要求加入花茶沖淡..但份量好多..唔加已經好夠..小食方面..我地叫左和風餃子同炸雞..都好香口..餃子配上蘿蔔和風醋..好特別...炸雞超脆..

沙田新開左間日本過江龍拉麵店《我武者羅》，我同男朋友即刻走去試下有咩新發現😂日式風格裝修，幾別緻，員工服務幾好，介紹食物都幾詳盡餐牌～～我武者羅燒餃子～餃子煎得好香口，外皮好脆，都好足料，配埋特製蘿蔔蓉餃子醬汁，好夾好好食特級真鯛雞白沙拉麵～每日限定50碗！！特製湯底非常濃，用真鯛加白雞湯煮成，拉麵好入味同彈牙，口感唔錯，值得一試生姜醬油拉麵～主打拉麵，生姜配搭好新穎，塊雞胸肉都好好食，豚肉都唔錯，湯底好香，忍唔住飲曬成碗另外，仲加左隻雞蛋，流心，幾正荔枝乳酸梳打～有真荔枝肉👍🏻味道唔錯整體來說，這間日式拉麵店無論服務，食物質素都幾高，下次我都會再黎食👍🏻

裝修卡位屏風帶日式風格位置闊落厨房有驚喜好大，服務員講所有嘢都係廚房自己準備食物今次食左新張期間限定鯛魚湯拉麵，配菜有雞肉豬肉洋蔥湯頭鮮甜，冇腥味，咁得出應該係新鮮嘅略嫌麵質較軟，吸湯快，有小小變糊，有啲失望雞肉兩塊薄切尚算嫩滑豬肉一片食落尚算正常服務Waitress 好nice，等緊位嗰陣好細心介紹有咩推介嘅小食，尤其係日本直送嘅餃子。不過最後都係冇嗌到要改善好可惜份量較少同埋啲紙巾logo甩閃粉

位於沙田的我武者羅，是東京涉谷的人氣拉麵店。又一間過江龍到港，相信今後的拉麵競爭將會更加激烈呀。「我武者羅」主打雞湯拉麵，在日本有15年歷史，曾在日本節目中獲得「東京拉麵第一位」，實力非凡。主理人曾以快閃形式，在本港的九龍灣開店過，如今在沙田正式開業，成為首間海外分店，香港人又可以大飽口腹啦!餐廳走現代簡約風，木製桌椅搭配白灰大理石，帶出舒適的用餐感。設有半開式廚房，設有卡位和吧台，不論是多人或是單人用餐，也很適合呢。生薑醬油拉麵 $95這碗經典王牌，是以新瀉雪國的生姜醬油為主題。採用千葉源的秘製醬油加生姜蓉，成為打響 我武者羅 名堂的名物。醬油湯底溫醇香純，拌勻生姜後，味道層次更為豐富，更加美味哦。慢煮豚肉和雞肉，肉質軟腍幼軟，對比起傳統肥膩膩的叉燒，少一份油膩，多一份驚喜多一份清爽美味。特級真鯛雞白湯拉麵 $125開店首14日限定的 特級真鯛雞白湯拉麵，每日只供應50碗，想吃的朋友仔，要盡快去光顧啦!湯頭由 愛媛縣宇和島的高級真鯛炊煮而成的鯛白湯，和長時間熬煮的雞白湯，混合而成。魚鮮雞香的湯底，質感微稠，含豐富骨膠原，鮮味十足，清爽甘甜，全部喝光也不膩哦。拉麵由日本高級小麥粉製成，

窮遊香港-沙田新開拉麵店.平時想食好拉麵都要去油尖旺今日望到沙田開左間新既仲有每日限定拉麵 即刻去左試.呢日叫左每日限定50碗既⭐️特級真鯛雞白湯拉麵$125👍🏻個湯係清清地 帶有濃濃清魚鮮味味道比例 魚味比雞味重個湯好飲 飲得 配埋拉麵岩岩好但飲左一半就覺小咸啦而雞肉 應該係用慢煮 有口感 唔鞋但一上台就比湯浸住 要即刻食左先如果唔係會比熱辣辣嘅湯煮熟.⭐️濃厚辛味增沾麵$115👍🏻醬汁相對比上面果碗更濃同重味 好厚身有小小辣椒粒 蔥辣度大概10小 辣😋岩哂粗身既彈牙沾麵 再沾上唔小醬汁 勁野味咸度就咁飲會覺咸 重口味一仕表示岩岩好 爽🤔唯一可以改善既位就係 一碗得2舊五花肉結果多多小小就完美.整體質素可以打贏沙田好多拉麵店鐘意食拉麵既我表示 感動.#我武者羅 (沙田)地址：沙田正街18-19號新城市廣場一期7樓703A號舖.⭐️評分：味道：4.5/5環境：4.5/5 古戰國 鬼武者風格服務：5/5抵食：3.5/5

尋日上網見到新拉麵店喺沙田開張趁今日就偷偷走過去試新野😋😋新鋪開張環境乾乾淨淨可能因為過咗lunch hour, 所以好容易搵到位睇完個餐牌之後,首先選擇咗鹽生姜拉麵試吓再配一份我武者羅燒餃子拉麵首先嚟咗先個湯底好香雞味,有姜蓉同蘿蔔蓉喺度,姜蓉溝左落啲湯度好香噴噴😍😍拉麵嘅軟硬度適中, 但如果平時食開偏硬麵嘅，就可能要同侍應溝通一下啦🤔🤔每碗麵有兩塊雞肉同兩塊叉燒，偏瘦同口味都係比較想清淡嘅，配合返麵嘅湯底整體來講，拉麵係清淡而有香味，口感亦唔錯不過建議湯頭可以多少少, 因為湯配麵真係好食啲跟住係餃子餃子皮薄,而且肉汁豐富餡料唔算好多,但合適唔算有驚喜但好味再講返招呼方面侍應好體貼問我需唔需要暖水而且落單後食物亦都好快地送到食物熱辣辣好好味總括嚟講今次嘅經驗有85分剩返果15分係因為仲有改善空間😉

嚟自日本渋谷嘅拉麵店嚟到香港喇🇭🇰主打係香港少有嘅味道！咁有新鮮感，所以開店第二日就去試咗🤘🏻．特級真鯛雞白湯拉麵 (開店限定) $125呢款拉麵係香港開店14天㊗️限定嚟！想試就要趁快喇！呢款拉麵係用真鯛魚同雞白湯熬製而成，咁樣嘅組合真係好少見好新鮮，湯底有濃郁而且鮮甜嘅魚🐟雞味，所以齋飲湯底已經好滿意❤️配有雞胸肉及雞腿肉，兩樣比較嘅話就雞腿肉較滑😋係麵質較為腍身，個人偏好食較硬麵質，其餘嘅都好值得一嚐！‧濃厚咖哩味噌沾麵 $115嘩呢個簡直係重口味人士必點🤪味噌本來就係味道比較突出嘅調味，師傅仲加咗咖哩去熬成湯底，有幾濃郁可想而知🤤麵質近似扁意粉，將蕃茄蓉同麵條拌好，食法有啲似意粉😂幾過癮！湯嘅掛麵能力一流，真係好夠味道，叉燒就中規中矩，整體係好食嘅！‧旨辛酸燒餃子 $45呢度提供嘅係由日本新潟縣直送嘅餃子，餃子煎到脆卜卜，點上帶酸辣嘅旨辛酸汁同芽菜嚟食，又幾開胃喎😂‧和風唐掦雞 $50炸雞配咗一個微酸嘅和風醬汁，又係開胃小食之選，而且啲雞肉唔會炸過火或者過老👌．今次無食到佢呢度最招牌嘅生姜醬油拉麵😭有啲可惜！會再嚟食過！·好味指數（5粒最高）：

呢日好開心來到位於沙田新城市廣場一期七樓新開張嘅『我武者羅』，只見門口好多祝賀花籃，一派熱鬧氣氛。這是一間曾經喺日本電視飲食節目拿到第一名榮譽嘅餐廳，來頭唔少吖，亦係首次進駐香港。店員好熱情介紹咗開店紀念限定嘅『特級真鯛雞白湯拉麵』，quoto有限，賣完即止，聽講淨係賣半個月，所以要試請盡快，如果唔係就冇得吃啦。佢同另一個生姜醬油麵除咗湯底唔同，材料基本係一樣，都有三款豬同雞叉燒，用慢煮方式泡製，所以顏色白中帶粉好漂亮，吃落好諗好滋味，生姜醬油湯底採用本店自製醬汁，淡淡的姜味加上濃味醬油味道清爽，鮮甜，色香味俱全；而鯛魚雞白湯則魚味突出更鮮，更甜，吃到停唔到口仲要飲埋晒D湯先至罷休。旨辛酸燒餃子有爽脆芽菜鋪底，而餃子皮超薄餡料又多汁，另一推介選擇。

今晚同細佬去沙田新城市打算買波鞋，順便搞電話轉台嘅野。講講下都好耐冇係新城市行街啦。原來樓上7樓有新開嘅日本拉麵店，入面都幾多人，鐘意新鮮嘅細佬就話食呢間。我地兩個人叫左幾樣野：生薑醬油拉麵$95係由日本黎嘅師傅獨家調配嘅醬油，係必食菜式，所以都好高expectation。我自己就十分滿意呢款拉麵，真係好似係日本嘅味道，薑同醬油味剛剛好，麵又唔會太軟太硬；薄薄嘅叉燒，唔會「鞋」，係清新之選。濃厚辛味噌沾麵$115呢款沾麵就比較濃味，有d辣辣地，配上半肥瘦燒肉，唔會太膩；而且麵嘅硬度亦都係岩岩好；份量足夠，細佬食到好飽好滿足。溏心蛋$15@1同樣都係日本嘅食材，橙黃色嘅流心蛋黃，唔好太流質，值得一食。我武者羅燒餃子$45@5賣相好睇，食落都好得，個底又煎得好脆，店員介紹係點蘿蔔泥醬油一齊食；外脆內軟多汁，好味🤤荔枝乳酸梳打$35清清新新嘅soda，加上荔枝乳酸味，甜甜酸酸好開胃，第一樣黎嘅野就係飲品，時機剛剛好🙈題外話，飲得出d水係軟水，個玻璃杯都好令。無論環境同服務都好好！

經常喺沙田覓食 😎 新城市一期 7 樓開咗新拉麵店 , 緊係要即刻嚟試下喇 !!"我武者羅" 係日本好出名嘅拉麵店 😲 , 首次進駐香港 , 主打生薑醬油拉麵 ~ 食店裝修簡潔舒適 , 仲好乾淨 , 見到店員清潔枱面非常落力 , 細心 , 一啲都唔馬虎 😲座位間非常闊落 , 坐得好舒服 , 見到有 6 人卡位 , 一大班 friend 黎食拉麵都冇問題 !! 一坐低 , 店員就同我哋詳細介紹餐牌上嘅食物 , 特別一提 , 食店有提供沾麵 , 不過今次有 2 款湯拉麵想試 , 唯有下次嚟再試喇 😬餐牌 :特級真鯛雞白湯拉麵 ($125)呢個拉麵只賣 2 個星期 (至10 月底) ,  而且係每日限定 !!個湯好有鮮味 , 比起一般豬骨湯感覺冇咁油膩 , 拉麵偏扁同粗身 , 掛湯能力唔錯 , 喺碗邊嘅係豬肩肉 , 另外仲有雞胸肉同雞腿肉 , 肉類煮得岩岩好 , 唔會鞋口 拉麵份量適合正常食量女生 , 男生可能要叫多個小食先夠飽 🙃生姜醬油拉麵 ($95)生姜蓉係新鮮即磨 , 醬油亦係自家調製 , 絕對係獨一無二嘅醬油湯底 食到醬油嘅咸鮮味 , 同生薑辣辣地嘅味道 , 非常特別 , 鍾意食薑

今日行新城市見到有一間新開嘅日本拉麵🍜餐廳，見到環境舒適，格調高貴，第一次見到枱墊係用木整嘅，佢嘅牆身就有一啲武士嘅畫，餐廳設計非常特別！我覺得佢張紙巾都幾有型，因有銀色嘅字，配灰色嘅紙巾，顯得高貴。我哋叫咗一個拉麵、沾麵、兩個小食同一杯野飲，我覺得呢個價錢都叫幾相宜。生姜醬油拉麵$95首先湯底係雞清湯，佢特別之處就係有生薑喺面，將啲薑同啲面撈勻，啖湯好清甜，令人忍唔住飲完又飲。拉麵方面，麵條比起我平時食有啲，都有咬口，配埋豚肉真係有一種日本拉麵既風味。不用錯過嘅拉麵！我差少少就將個拉麵嘅湯底全部飲晒，飲完之後都唔覺得有口渴嘅感覺，good!濃厚咖喱味噌沾麵$115我叫咗微辣嘅口味，沾面既分量幾多下，首先我哋要將麵上面嘅番茄醬同啲面撈勻，之後再放喺湯底入邊食。呢度嘅湯底係忠於食沾嘅概念，等啲人可以好快就食完個麵，所以唔會話好熱，係暖暖地嘅。湯底有層次，除咗咁第一層飲到雞白湯味之外，仲飲到啲咖喱味，最後就有啲辣味湧出嚟，都相當有驚喜。沾面嘅麵條比起拉麵更有口感，不得不讚嘅係佢嘅豚肉整得好嫩，一咬就咬得開，而且舊肉嘅香味係味蕾中不斷徘徊，好享受啊！最後個湯底可以加啲茉莉花茶入去飲。我武者羅