成記牛什粉麵

营业中

休息中

我好耐冇食過成記！估唔到比我發現了，成記新推出「片頭角」我覺得唔似出面食魚片頭咁爽口，但勝在魚味重！份炸魚皮對我來說，比較咸！只可惜，炸魚皮好快就送到，就偏偏不附上湯，讓客人點的炸魚皮不能點湯食⋯

位於新蒲崗嘅呢一間潮州粉麵老店，喺繁忙嘅中午會有極多嘅學生同埋附近嘅上班一族食，礙於咁熱嘅天氣唔想同人逼，決定咗係晚上先至再嚟食呢一間以手打牛丸及新鮮牛雜成名嘅鋪頭。雖然第一間係以打牛丸出名嘅鋪頭，但係我真係太鍾意食牛雜啦。所以每一次嚟到呢度都會必點牛雜河，你嗰度嘅牛雜10分豐富，有牛心牛肚牛腸牛肺，我最鍾意最欣賞嘅就係牛心同埋牛腸，因為牛腸洗得乾淨又夠肥，牛心超級好食。不過食完真係有少少唔夠，男仔我建議加底或者叫雙拼配手打牛丸。喺度食嘅時候都有唔少街坊淨係買牛丸去打邊爐或者自己煮嚟食，所以可以見到係10分受街坊歡迎，因為真係用鮮牛肉打出嚟！

辛苦工作了一天，晚上9點幾先搵飯食，喺新蒲崗，唔係咁熟，盲摸摸，唔知食咩好，但見已經9點幾，實在唔可以食太多，離遠見到有間舊式粥店，行快兩步走埋去，點知收舖中，失望之極向前行，點知....行兩步，就傳來一股牛腩麵的香味，好濃好香，心諗係你喇，竟然向前望好幾間舖都未見麵店就聞到，堅！果然行多幾間店就見到成記，一間舊式麵店，好吸引我呢類喜歡老味道嘅人，入去，雖然枱唔多，都有幾張，但估唔到9點幾，都坐滿。立即點左個牛腩撈，走蠔油。麵嚟喇，果然無令我失望。湯夠味，生麵夠爽，呢點對對一個撈麵嚟講真係好重要。而牛腩呢，佢唔係超"淋"嗰隻，但佢用薄切彌補左，加上逆紋切，令到好易入口。但環境就真係好似樓下街坊小店一樣，喜歡老味道的自會唔介意，若有過高期望，就恐怕要失望而回了。其實這點我之前未嚟過，但上返openrice睇，原來已有咁多人讚，佢牆身仲貼住一些介紹，特別介紹牛丸，見到其他客人有叫粉麵之餘，再加一碗牛丸，差啲令我心動叫埋一份，下次要試下先，始終咁夜，唔敢食咁多。食飽，滿足，回家去也。

嘩!今晚去成記先發現成間鋪頭好光猛，墙身啲磁磚白白的， 連門口的墻身磚都白埋! 感覺即刻加分，加埋換上子膠筷子，無再用啲傳統竹筷，食起粉上嚟，特別感覺良好！膀肺河，牛件河加上牛丸依然好味！

其實新蒲崗都有好多野食今次就搵下有咩好食,黎到呢間舊舊地式既隱世食店叫左碗手打牛丸試下先個手打牛丸係真係堅手下,因為我見到師傅係門口度打緊個間餐廳唔係好大間, 都坐滿哂人,後黎既連坐係街邊都肯,見到個個都係叫牛丸呀唔該唔通今次亂入都亂到間正野先喝啖湯先,個湯唔係味精湯,幾好飲,我最後成碗湯飲哂到主角呀牛丸喇,佢既質唔算係彈牙,但係就充滿牛肉的鮮味,好正啊加埋少少辣椒油真係誇拉拉

說起新蒲崗，第一時間諗到的是「工業區，有咩好食呀？🤔」 唔講唔知，其實附近有不少隱世平民美食呢！🙈 位處橫街窄巷的成記牛什粉麵，開業五十多年，獲不少知名食家讚賞過。😳 蔡瀾推介過的牛什粉麵，屬起家之作， 質素有水準不用細說，喜歡牛什的食客不可錯過呢。  由於小編都算是半個街坊，住在附近的鑽石山， 所以細細個就聽過「成記」呢個名， 小時候媽咪也常帶我來買招牌自家製牛丸回家。😆 除止之外，「成記」的牛腩、牛筋也是其鎮店之寶。 牛丸平時就食得多，所以今次我就叫了一碗孖根腩河（$36）  牛腩牛筋份量都算多，顏色呈深褐色，可見用秘製獨家鹵水汁熬煮過。 切腩肥瘦剛好，而且非常入味，入口鬆化不黐牙， 牛筋煙韌軟腍，充滿豐富膠質，入口即融！☺️ 河粉爽滑，配上味道濃郁的牛腩汁，真的是相當不錯！👍🏻  整體來說， 牛腩牛筋烹調得相當有水準， 唯粉麵的的份量比較少， 食量大的男仔可能需要再叫多碗了。🙈😂 雖然近年有不少老街坊說成記退步了， 但小編就覺得老店水準都算保留到，愛吃潮式粉麵的不妨一試。

第一次黎到知道呢度牛丸出名所以叫左個牛丸牛腩麵個湯味精唔叫好重但就好多油許上面牛丸冇想像中的彈牙好似酒樓的牛肉球牛腩咬唔爛, 食完痴牙, 卡住牙縫間個菜唔新鮮, 碌得太耐淋得濟, 唔得爽同埋用唔知咩湯去碌, 有層油許D菜上面唔係「白灼」食完已經覺得見面不如聞名價錢十分駭人, 雙拼加碟菜$49之後食新樂園, 明記, 埋單都唔使$40呢個價錢加埋野飲都唔使咁貴貴都唔緊要, 要有質素先得咁既質量點值呢個價錢呢

傳聞中成記最出名出色嘅食物係牛丸河。可惜睇完meals，決定食牛腩撈！賣相不錯。缺點:太少麵，完全唔夠飽，仲加條菜充數。優點:牛腩夠大份，又夠腍，唔加腩汁用蠔油。撈麵肯定有碗湯。可惜有點咸過頭。

This noodle shop is located in San Po Kong, in an relatively old neighborhood bordering the industrial estates. A very family-style place with a few tables in an open setting, with some plastic curtain now serving as screen to keep the air-con, we came with the expectation of tasting some traditional noodle.To start I ordered a Pork Meatball with Flat Rice Noodle, while Ivy went for the Beef Offal with Rice Noodle. The Pork Meatball is quite nice, very bouncy and chewy, with the soup having a fa

今日走去新蒲崗搵野食， 走去好耐冇幫襯嘅成記牛什粉麵， 一去到就見到佢親手做緊手打牛丸， 叫咗碗淨牛丸同牛筋河粉， 還有腩汁芥蘭， 親手做嘅牛丸真係與別不同， 非常之有牛肉味同好彈牙， 仲要每粒都好大大粒，牛筋煮得非常之淋，分量仲要比出面多， 牛腩汁 加埋啲河粉一齊食 簡直係一絕， D芥蘭條條都好粗好大條， 煮得又剛剛好唔太淋， 連埋腩汁都好好食， 老字號真係名不虛傳

小弟不太喜歡那些光光猛猛那些換名不換湯的唔知係唔係連鎖店的粉面鋪食野，最好係只此一家別無分號就啱哂口味！其實去過好多次, 牛丸必吃, 今次亞菜潺無老點,牛丸真係有牛,我係廳面見住佢打架大佬,牛丸不是爽口彈牙那一門派，但吃到牛肉味道才是一粒牛丸至勝之道。一碗淨牛丸唔該牛根腩同鹵水已去到水雨交容的地步，打風都打唔甩，牛腩不是那些冰鮮貨，帶小小騷味，肉質淋滑有牛味！牛有牛味呀喂！咪笑呀，你去XX仔魚X粉試下！唔夠喉，再整多碗根腩河牛根夠淋，又入味，同河粉是絶配，湯頭濃郁，再灑上蔥花，飲到一滴都無，幾條野食到捧著個肚走！又滿足！

於自修室戰鬥了一個早上, 人有點郁悶胃口不佳, 想找點不會太飽的食物填肚, 吃碗粉麵正好. 成記已吃過幾年, 以牛腩, 牛什等為主. 去到3,4個舖頭的距離已聞到濃濃的牛酥味, 這個味道相信有人愛, 有人不愛. 牛腩頗軟腍, 入味. 河粉滑, 不會散. 以一碗牛腩河的價格$26, 實屬物有所值. 

以前成日都會幫襯成記，貪佢抵食而且又好食，不過隨着自己讀完書，做嘢又唔係呢一邊，就變得少左黎食。咁岩今日休假，特登黎食番碗河粉。叫左我最愛嘅牛丸河，河粉仍然好似以前咁大碗，一樣係五大粒牛丸，不過我覺得味道就差左啲。河粉本身都無咩特別衰嘅，但係嗰湯，今日就好似淡左好多咁，唔再係以前嗰種濃厚嘅感覺，我要落好多辣油同醋先覺得夠味。而牛丸方面又係差左啲，又唔係太衰嘅，就係同一個問題，佢好似清淡左好多，牛味已經無黎得咁激烈，口感都ok嘅，都彈牙嘅。係我已經長大左，口味挑剔左？一話係佢真係退步哂呢？我只係知道，新蒲崗好食嘅河粉大有人在，咁嘅水準，我真係未必會番轉頭

一直都有幫襯開，如果在附近有活動，總會黎依度醫下肚，食了好幾次，都係覺得嘛嘛由於鋪頭在後巷附近，衛生環境眼見不太乾淨…今次食牛丸河，河粉是可以的，不太碎，可是牛丸並不彈牙，感覺大不如前了，食了好多次…諗住俾多一次機會可是…下次都一定不會再黎了…因為失望極了。

因事要到新蒲崗一行, 辦好事後卻下著下毛毛細雨, 倍感寒意與餓意! 此時老爸說要吃碗粉醫醫肚, 於是又來了這間久違了的成記. 上次來成記已經是三年前的事, 附近的店舖已經轉了手, 唯獨它仍然屹立在錦榮街上. 午飯時間剛剛開始, 店舖已經坐滿食客, 我們唯有坐"街邊位", 即店舖門外的摺枱櫈. 安坐後也不需要看餐牌, 直接點它的招牌牛丸河和牛什河.一碗五粒的牛丸河, 新鮮熱辣, 送上來時還冒著蒸氣! 牛丸大小與平常吃到的相約, 不大也不小, 表面較粗糙而且略為不規則, 是手打的緣故吧! 店家自製的牛丸, 不單用上了牛肉, 而且也加了點牛筋, 增加了質感和嚼勁. 牛丸爽口但不太彈牙, 有一股鮮牛肉味道, 肉味濃郁之餘還帶有肉汁! 加上混入了冬菜碎, 除了提昇味道之外, 也增加了口感. 河粉較平常的幼身, 有點像貴刁, 入口香滑. 加上店家提供的潮式辣椒油同吃, 辣椒油不算太辣, 但香味十足, 立時令這碗粉更加美味. 湯底方面, 不是滾水湯底, 而是帶有牛肉味的湯, 不錯!另一招牌貨牛什河, 看起來也對板對眼. 牛什包括牛肺, 牛膀, 牛肚和牛腸. 牛肺煮得有點偏腍, 但仍吃得出肺部的獨有質