成記牛什粉麵

营业中

休息中

我今次係第1次黎食, 但老公話佢十幾年前已經成日食, 有時黎開呢頭見客必食 看似普通食粉面既地方, 自己冇expect過有咩特別, 但老公話好好食, 咁咪黎try吓啦... 自己諗唔到食乜, 又係魚旦牛腩牛丸果d野~ 其實平時1-5 番工lunch 都成日食, 食到都幾厭吓~ = .=老公話: 唔洗諗喇, 食完碗粒河你就知 (粒河= 牛丸河), 呢度D 牛雜&牛腩都OK架~你可以TRY下…(我心諗, 係咪吖, 牛丸真係咁好食咩, 我食過咁多間粉面舖都冇一間滿意喎/__\, 就試吓牛丸先!!XD)MY ORDER: 牛丸河 牛丸唔係平時攞貨番黎賣果D, 係自己整, 食到好多冬菜, 哇, 開心死, 好香同真係咬落去真係唔同D..老公ORDER: 牛雜河 我都試左少少, 整體不錯, 但牛丸比較好OUTSTANDING d呵呵食完碗粒河之後, 我忍唔住, 再request 要多碗淨牛丸/__\ 我第1次食粉面..食到要加多個淨牛丸架咋!!! (唔係佢份量少, 係我覺得唔夠喉!!!)Final, 我真係好鐘

此店的牛丸出名，這個很明顯，十個有八個來都是來吃牛丸的，但原來此店旱於很久之前，蔡先生已經介紹過此店的另一名物，就是牛什了，是日就一於路過附近，就來試試。魚與熊掌，兩者都想兼要，所以最後就是一人點了雙拼的牛什牛丸米粉，那碗米粉夠熱，湯色水之中有點油份，蔥花及冬菜，牛什每件雖只有一至兩件，牛丸就有三粒，以廿三元來說，真的是非常的對版。先談談牛什，各件牛什都被鹵得啡啡的，帶有不錯的鹵水香，其中的牛肚爽中帶咬勁，入口不會又韌又「痴」牙，簡單的美味也。牛腸外層的腸衣又是啡啡的，入口非常之有咬勁，可惜的是其脂肪不太夠多，但話說回來，在口中都尚有一點的爆油效果，加上又真的沒異味，怎說都是美味之物。牛膀又是一點異味也沒有，入口甘香又帶點膶香，味道豐富。最好是牛肺，真的很腍很滑，吸收了鹵水的味道，加上又沒有血水味，真的非常好吃。總括而言，牛什全沒異味，同時帶有不錯的鹵水香，各內臟仍保留其自身應有的特質，出名而被人推介乃不無道理。牛丸有別於樂園、德發及勝利等偏向硬而爽的口感，此店的牛丸偏為陰柔，入口軟腍得來，之中其實又帶點彈性及咬勁，牛味也沒有德發般剛烈，但最為特別的莫過於當中感到有點牛脂的存在，牛丸被

牛雜河,都可以算係我最喜歡的麵了所以我久唔久都會黎食因為呢度D牛雜真係KEEP到水準(不過價錢就KEEP唔到,加左價)牛雜唔會煮得太過火,應淋的淋,應爽的爽而且味道都好正,好夠味食過一次之後真係會上癮的其實呢度其他野都好正,有機會再同大家分享

跑完步~又唔好係肚餓,所以同個朋友e黎左呢度食(其實成日經過,但天氣太熱佢又露天...諗起都唔想坐), 因為個日落雨,所以天氣都叫涼爽,所以坐低左.2個人~一人一碗粉面:牛腩河: 牛腩好冧, 好有牛味!d 鹵味汁好入味!牛腩數量都唔會太少!而河粉都爽口, 湯底幾,唔會太過有mj感覺牛九河: 呢個勁啦~佢出名係冇渣又真係冇渣!一口咬落去,係最刻分開, 但又好爽口!好有牛肉味!完全感覺到佢係手打出黎!同個朋友e食完一碗野一其實都覺得好似冇食過,因為份量真係細左d.不過做完運動就唔好食咁多啦下次想食牛腩粉面~一定再黎encore!

回港的第一樣吃的就是成記,以前住在黃大仙一直陪我長大的成記會考高考最常去的粉麵檔下機之後很想念他們的牛丸,現在搬了家也要來這裡吃叫了一碗牛雜牛丸米,一如以往很快便送到他們的湯底已經有很重的牛肉味道,加上芫茜冬菜,增加了整個湯的香氣成記的手打牛丸彈牙無渣,咬一口牛肉味道完全湧進口中,肉汁也很豐富牛雜充份索滿了很有歷史的滷水汁,很夠味最喜歡他們的牛肺,軟得來也保留彈牙口感牛腸很夠油脂,牛肚反而有點過稔但所有牛雜都能吃到很入味的滷汁,就已經很OK了不過以年幾冇食果牛雜既我點都會覺得好好食多得成記,我才會有開始寫食評的念頭最後還買了一磅牛丸回家

男朋友收工之後建議去呢間餐廳試下 .. 好啦 .. 用IPHONE 上OPENRICE 睇 .. 好多人都讚呢度D 牛丸好味WO .. 咁點可以唔試下呢! 於是坐低就點野食了 ..我地點左牛丸麵, 牛肚麵, 一碟菜心, 一碟炸魚皮同可樂 .. 先講個牛丸麵 .. 其實呢度D 麵都比較細碗 .. 如果肚餓既話可能要叫到兩碗咖! D 牛丸好好味~ 好彈牙 .. 男朋友碗牛丸麵D 牛丸比我偷食晒XD~ 唔知佢係咪落左馬蹄 .. 咬落去爽爽的~ 夠味得黎又唔會太咸哩! 之後講下個牛肚麵 .. 一般啦~ 都夠諗 .. 但係我知仲有更好味既地方XD 到講果碟菜心啦 .. 我嫌佢多左少少豪油 .. 不過D 菜都錄得幾諗既 .. 最後到碟魚皮啦 .. 幾簿, 不過咸左少少 .. 都夠脆 .. 但唔係好脆好脆果隻啦! P.S. 雖然個環境睇落唔係咁衛生 .. (我地邊食邊有蟻/烏英係附近移動 .. ) 但D 牙姐服務又唔係好差 .. 野食都幾好味呀! 幾開果頭就去試試吧!

lunch time 睇下有咩野好食見咁多個人比好評try下啦嗯...一行到去, 都冇乜人食, 心諗唔對路...不過都到門口咯叫個肥腩牛丸河食啦唉, 牛腩, 一d 都唔肥唔算難食既, 不過一定唔可以叫好食喇隨便一間粉面店都有既水準牛丸就係好似牛肉餅變左做丸狀真係好似食肉餅, 牛味冇乜, 又係唔算難食既, 不過一定唔可以叫好食22蚊埋單, 再來的機會是 0%我都係去返大埔X記同元朗X記食最好食既牛腩/什

常說下一次再來,究竟有幾多次會兌現?好像在新蒲崗的粉麵店"成記",上次吃罷碗牛丸之後,已經說要再來,結果,相隔差不多三年半.當時,吃虫的名店"和味館"仍未結業.繼上次牛丸之後,今次來吃牛什,店內的鹵水膽有四十多年歷史,相信在區內是數一數二的舊.味道果然芳香醇厚,但牛雜就麻麻,牛腸不夠肥,牛肚未算很爽,最好是牛肺,軟稔得來亦帶點彈牙口感.份量少的牛雜河,當然不夠,還是要再加多一碗淨牛腩,而且要肥腩.果然,牛腩的肥膏極為甘香,瘦肉鬆化得來亦不黐牙.四十多年的鹵水精華,全數融入在這幾件肥腩裏面.好吃的東西,往往是不健康,幾十年陳年鹵水加肥腩,擺明是同健康作對,但又如何?人生苦短,食左先算.就是小弟一向的信條.

收工之後同成班大漢落彩虹道打籃球, 之後拉大隊去食牛丸呢間牛丸粉係其中一個同事提議去食, 佢話好好食wor, 肚又餓, 又唔係行好遠, 大家都無異議! 不過食完又只覺得係一般牛丸的味道比較特別, 有咸的, 又有一點甜, 很複雜, 好似食到冬菜的味道, which i dont like! 不過牛丸有好多肉汁, 但係調味無咁咸相信會更好食!河粉唔滑, 味道一般! 不過唔難食!

呢間成記的食評都幾特別, 廿五個笑, 兩個喊, 但一個ok都無, 都幾極端但我唔係專登俾ok, 只係因為有讚有彈讚係牛什米都好好食, 湯底係牛腩煲左好耐出哂味嗰種, 河粉真係好滑, 牛肚又林, 勁好食!彈係因為環境比較差, 一嚟冷氣唔夠, 二嚟枱唔夠乾淨, 不過好多粉麵店都係咁 另外捧餐個樓面哥哥太cool, 眼見有幾個客爆粗..

自從中學之後，好少一大班人一齊去成記，而家通常都係自己一個人黎食，或者外賣無論佢幾咁污嘈，幾咁赤裸裸俾你睇住佢製丸過程我都係咁鍾意食佢d手打牛丸同牛腩，好有口感~!d丸混合左d冬菜一齊打，又夾又正~不過要食牛腩的話，就唔好太早去食(有時未腍得哂)，會痴牙架!@個湯底好入味，好正~~~~

連續兩日都係食牛丸粉, 呢間都可以叫牛丸天王!風格同之前既德發好唔同, 德發嗰種好食係因為佢爽, 大粒, 夠牛味, 但係成記就好真, 意思係好有食牛肉既感覺, 大抵因為佢粒牛丸好多根吧! 牛丸加入了像冬菜的調味料來煮過, 味道好好 大大粒既牛丸, 味道豐富, 而且都有濃郁牛味, 係高水準既牛丸湯味道比德發複雜, 多了更多的蒸油, 咸些少, 但係都好夠味, 呢種湯, 配合牛腩比牛丸應該更好!因為自己住慈雲山, 所以去新蒲崗就腳好多!

好想食牛丸, 心中最好食的牛丸, 係兒時媽媽帶我去摩士公園七層公屋底下的麵檔, 牛丸的美味廿多年都記住. 現在只有成記才能找回昔日的味道 牛丸 報章介紹過, 此為牛筋丸, 新鮮手打, 內加冬菜及葱 手打丸的確彈牙些, 而且真係啖啖鮮肉, 唔會多粉, 唔會過實. 其他麵舖的機打丸根本無得比 年幾無來, 已加了一元碗, 但牛丸細粒左

haven't been here for long time, they are making very good 炸魚皮. 個炸魚皮好薄,好脆~唔試其它地方,粉漿好厚They also making good 牛丸、牛腩、牛雜. 牛丸中間有冬菜及好像豬油的物體,好正!聽阿媽講,以前的牛丸都是這樣的,但現在已很少人這樣製法. 牛腩同牛雜都好入味,唔會"鞋".And their 河粉好滑,麵又冇"簡"水味,很好.But the only worst thing are hard to find place for parking.

再上openrice，發現自己在五年前把食評寫錯了在另一間成記。內心實在過意不去呢...一定要轉貼食評回來。2003-03-15 的我說：坐就唔算好坐，有時會坐出街tim~~不過佢o既牛筋丸、牛丸、牛腩、牛肚...牛乜牛物都好食~~同埋魚皮餃都唔錯~路過肚餓，不妨食o下呢度o既牛筋丸呀~2009-01-06的我說：黑椒牛筋丸、牛丸、牛腩、牛雜...加上回憶及感情分~這依然是我心中食牛最好的地方之一！