成記牛什粉麵

营业中

休息中

因為之前同朋友食粉麵, 佢知我鍾意食牛肚河或潮式既粉麵店, 就介紹左呢間成記俾我.事隔都一段時間, 終於去開呢頭當然要試下啦.去到見到係一間老店, 食客多數都係熟客仔, 坐底唔駛諗就即叫架喇.我叫左牛肚河, 男朋友叫左牛丸河, 因為見到佢地貼出黎既雜誌訪問都係話牛丸出名, 同埋個湯底有50年歷史架喇.牛肚炆到好入味, 而且部位有兩款, 幾條係金錢肚, 有幾條係表面平滑既, 金錢肚唔駛講呢個成日都有得食, 但平滑嗰種真係無食好多年喇, 而家好少粉麵店有呢隻牛肚, 記得好細個先食過.牛丸我見到好多客人都叫, 好受歡迎.我緊係要試下啦, 牛丸打得好鬆, 一咬就鬆開, 但又有肉絲既質感, 只係牛味淡左少少, 絕對明白佢何解如此吸引人.河粉超滑, 加埋辣椒油食真係十分滋味, 食一碗其實有啲唔太夠喉呢

去完機博睇完Magic show揸車返屋企順路去嚟食碗牛腩麵先，原來E度唔止牛腩正牛丸都一樣有水準，口感同平時烚吓烚吓果D唔同冇咁實，入口好有鮮肉味，一食就知係手打嘅牛根都正喎軟硬中適口感不錯，魚皮夠薄夠脆口，簡直係超正嘅一餐宵夜

女友想吃牛丸，就帶她到這家。剛去到，正舖已坐滿，隔鄰有一間下了鐵閘的店子，都是他們的，便進了去。但是進去後，已見有很多蚊滋飛來飛去，大打折扣！算吧，點菜，就點了孖筋河、牛丸河和牛什，全部都是小份量。牛筋很腍，易入口，入了味；牛丸爽口彈牙，牛肉味十足。湯底鮮甜，女友幾乎喝清光！牛什來了。金錢肚很入味，不會太爽亦不會太韌；粉腸肥膏多得像做「通波仔」前的血管；牛膀吸收了湯底味道，不過像吃豬膶；牛肺不是太腍，亦不吸味！還有的是，點菜時，店員曾問過我們要不要吃菜，我們答不用，誰知來的淨什貎似滿滿，原來生菜墊了底……還好，生菜可以吃，如果是凸碗底就不值$40了！吃到一半的時候，店員跟我們說，可以試蘸辣椒醬。醬的辣味是慢慢滲出來的，果然提升了味道，但我本身愛吃原味，配醬吃還是次要考慮。結論：如果是牛丸癮很大，這店不妨一試！

一直聽說成記既牛丸好味，但我對牛丸不太感興趣，所以一直提不起勁試。今日到附近圖書館，突然心血來潮想食河粉，就想起倒不如來碗牛丸河吧。餐廳的環境就是一般的粉麵小店，可惜有蚊子飛來飛去，影響食郤。最後看了餐牌很久，貪心的我還是叫了丸腩河，先喝一啖湯，味道不錯，可惜牛腩太肥，我不太喜歡，幸好牛丸沒令我失望，它的質感不算彈牙，但充滿牛肉的鮮味，好吃！而河粉加點辣椒油也提升了香味。

下午三時..不用等位..牛丸粗麵作午餐..不用三分鐘已經放在枱上..牛丸非常出色..爽口彈牙..新鮮牛肉味道..與市面上的機製牛丸有莫大分別..可稱一絕..可惜粗麵只屬一般..欠缺口感..價錢合理..可再光臨..

自從裕民坊舊區重建，常光顧的河粉排檔關門大吉後，都甚少吃這類粉麵！直至最近，大愛在新蒲崗搵食的我，卻發現一間有Heart粉麵店！．．．到達時正值晚飯時間，粉麵店非常旺場，Ksmeow跟早肥先生點了牛筋河、金錢肚河、招牌牛丸及時菜，店員隨即大喊入廚房落單，師傅即製麵食，不消一會，所點食物陸續上檯。《 牛筋河 》煙煙韌韌的牛筋充滿豐富膠質，入口即融！感覺就像一堆美肌骨膠原，滲入口中每個角落，大愛啊！《 金錢肚河 》金錢肚煮得非常入味，盡吸湯底精華！彈牙有嚼勁！《 湯底 》聞說店鋪已開業五十年，正所謂薑越老越辣，湯底亦一樣！非常濃郁，卻不味精！讚！《 淨牛丸 》牛丸是自家製，並非外購品，每粒大小適中，共七粒。可惜入口感覺有點像肉丸，沒有彈牙感覺，幸好肉味濃郁，又有少量配菜混入肉中，味道＋誠意分搭夠！《 時菜 》性價比高的時菜清洗得非常乾淨，改配腩汁後，十分惹味！重點是滿滿的一碟，只收十一個大洋！整體味道非常好，唯每碗粉麵的的份量真的比較少，我倆合共點了三碗才夠飽！食量大的朋友可能要再多點一碗了。今回小分享完畢，謝謝！

自從食左一次,就鍾意左呢間呢到D料好多,我同朋友一人叫一碗金錢肚河,一碟牛什和淨雲吞.食呢間野既河一定要加佢既辣椒油,因為真係夠辣又香,我只係加左少少已經辣辣地啦.佢地既自製辣油真系一流 真系會食上癮 太正了牛什好香! 高水準!河粉剛剛好、唔生唔琳雲吞正, ,蝦同豬肉的比例合適,而且蝦都好大隻,湯底清甜!不過有時個男師傅會唔係到，變左得o的阿姐煮，可能個方面會無咁好，我始終鍾意食個位師傅煮既河粉!

多年前的一部電影 - 同居密友，片中的鄭秀文，將梁朝偉打理的食店，那一盤幾十年歷史的鹵水倒了，像把大動脈切斷，皆因鹵水是潮式鹵味店／麵店的命根也。如果連一盤鹵水也保不住，不如結業去也。新蒲崗錦榮街的成記牛雜麵店，其貌不揚，但已經差不多在區內，有五十年歷史。上次來吃麵，是差不多三年前的事，這晚沒有約會，在家中找些舊相片，看到年前在成記拍下的牛腩，心血來潮即刻乘車前往，反正在我家坐巴士到新蒲崗，大約十分鐘左右。很久沒吃過牛丸，中學年代常去的樂園，自成名之後，水準與名氣成反比，多年以來，成記的牛丸也是主打，不諱言當年我是看過蔡瀾先生，於壹周刊內未能食素專欄上的介紹，慕名而來。在物價高漲的今日，一碗牛丸米，已加價至＄20，牛丸大小適中，外表粗獷，咬下的感覺粗中帶幼，既彈牙，亦有嚼頭，牛肉味也濃郁。湯底加上香醇的鹵水汁，有點石成金之妙。成記的鹵水差不多五十年歷史，鹵水如男人，新鹵水像初生之贖，完全未懂事，撞板多過食飯的少年。經過多年來的浸淫後，鹵水味道越來越深厚，香醇，就像經歷，見識廣博，懂得人情世故，處事圓滑的男人，那時候，便充滿男人味了。意猶未盡，再叫一碗牛腩拼牛腸河，我還指定要肥腩。以鹵水

下雨天，一個人走到新蒲崗揾食。本來是要到衍慶街的一個小麵檔的，怎知去到才知已變成一間泰式串燒店了，真令人掃興....心裡立悶，腦袋一片空白的，茫茫然不知去哪裡吃才好。此時腳步走到御用髮型師的舖位一帶，忽然就想起了"成記"的牛什。記憶中都有許久沒來了....雖已踏入午飯時間，但出奇地人流不算多。此時發現這裡原來在隔鄰租了一個小舖，裡面已是坐滿了許多學生哥.....既想重温一下牛什的滋味，但又想試一下這兒有名的牛丸。來一客丸什米，一次過就能滿足兩個欲望了....先嚐牛什的各部份 ---- 牛膀感覺是比從前硬了許多而且又不夠入味；牛肺好一點，起碼是淰的且沒有很重餿味，不過同樣是不很夠味道；牛肚是最似樣的，夠軟熟沒渣之餘也能吃得出鹵味來；腸內的脂肪盡去，質地偏韌，少一點牙力也難以將之輕易解決....牛丸相反就有很高的水平 ---- 看上去雖是皺掹掹又"嚡 sup sup"，咬入口亦不覺很彈牙，但肉味卻是超濃郁，再加上店方混入了少許冬菜去吊味，味道是十分出色....想吃多點菜蔬進肚，也就要了一碟通菜。稍嫌淥得太淰了，而且腐乳醬下得太重手，味鹹得很....想比起從前，感覺是水準退步了不少，不過牛丸

介紹咗朋友去成記牛什粉麵食牛丸,佢食完返嚟讚口不絕,朋友問有無咁誇張呀,我同佢異口同聲:應該係全香港最好食。講完之後,心思思即刻閃咗去食!我本來對牛丸麻麻地,吸引我去嘅係佢嘅牛腩,好食係好食,不過都唔牛丸一試難忘。今次當然食牛丸啦,佢啲牛丸係牛筋丸,唔算爽口,反而淋淋地,其實有啲似山山竹牛肉加入了加上芫茜同冬菜,牛味十足,本來我自己認為佢唯一扣分係有碴。原來啲牛筋(碴)係故意加上去濃味啲,真係孤漏寡聞。重有牛腩, 肥瘦任君選擇, 鹵水膽有四十多年,勁!不過味道唔算最好, 牛丸係你不二之選!

朋友開工大吉, 新店落左在呢頭; 去揾佢食晏先~由於以往真係極少O黎, 新浦岡頓成為新浦點!1點, 全人類食晏, 勁多人, 開了摺枱坐了在馬路邊;馬上被牆上的"43 年鹵水潮州牛腩" 剪報吸引住; 不過已係2006年的書刊即今日2012, 兜鹵水已49年??!!推介的除左潮州鹵水牛腩, 另仲有蔡生的剪報, 佢又有食牛丸, 所以我地又叫了一個剩丸.43年的鹵水, 會係咩味道?筋腩撈先上做咩加咁大PAT 蠔油呀我要鹵水,唔係蠔油味呀盡力筆走D 蠔油, 但心仍憤怒!!!!!鹵水牛腩不太深色, 但原來都好入味, 冇柱侯牛腩咁濃, 但又冇清湯腩的清新.麵就幾爽, 冇乜鹼味, 但唔太大碟, 女仔都食得晒O羅.跟住就係蔡瀾先生 "垂青" 的牛丸原來係混入了冬菜碎, 所以味特濃!又好有特色, 兩樣平凡加埋就好不平凡.好彈口, 不過咬落都有D 脆脆地, 係唔係心理作用呢...好食, 真係好食, 不過, 下次要叫定阿姐唔好咁"蠔" 呀...

好耐好耐無食牛什, 見新 mall 附近有間評分幾好既食店, 就o黎試下, 結果無令我失望。Ordered jor 牛丸牛肚牛筋米:- 個湯味精唔算重同唔油- D 牛丸好有牛味 (雖然唔係彈牙o個款), most likely because 唔係來貨, 而係店鋪自己打 - 牛肚同牛筋正常, 份量唔少最後碗米埋單 $31, 再加外賣一斤牛丸 (好似 $56 斤)。Overall ok la, will come again if o係附近。

新蒲崗廣場附近一帶有很多食肆, 今次由老爸帶路去吃成記牛什粉麵. 店子與一般沒甚裝修的粉麵店大同小異, 店員也一如平常的粉麵店一樣, 是大聱叫喊入廚房落單的. 不說不知, 這間位處橫街內的限小店原來很有名, 店內當眼處掛有蔡瀾的推介. 點了牛丸河, 牛肚河和牛腩河來試試. 食物很快便端了上來. 牛丸與平常吃到的不一樣, 外型較不規則, 混入了冬菜碎, 牛肉味不俗, 而且口感較特別, 較平時吃的牛丸腍身,一般彈牙; 河粉都較幼身, 入口滑而帶米香. 本來想點爽腩, 但店員卻說沒有, 於是點了普通牛腩. 牛腩用的是坑腩, 卻出奇地不黏牙和不韌, 而且很入味! 碗內的牛腩大都夾著筋位, 旁邊黏附著些少的肥膏, 比平常吃到的坑腩肥, 所以不黏牙. 牛肚有兩種: 金錢肚和毛肚, 金錢肚切得較大塊, 毛肚切得較小塊. 兩者都有其不同的口感, 金錢肚較硬身, 而毛肚則軟身, 不過兩種都煮得夠腍夠入味, 不俗.當然, 店內的服務和衛生也是預期內的水平, 但食物卻意外地好. 更意外的是它仍然只是$18一碗, 也算是便宜. 不過, 老爸說雖然食物水準和價錢仍舊, 但粉的份量比幾個月前少了不少, 現在吃一碗

自從附近的合利轉手後質數大跌成記可以說是這區質數最好的麵店牛丸,牛什大家就說得多但除了這兩款外,這裡的牛腩也是十分出色的每次去到例必肥腩拼牛丸/牛什這裡的牛腩牛味濃厚加上肥膏配上金蒜和蔥花一大享受也

做左功課去個頭順便試下,,叫左什丸河,,,等侯期間有飛的小動物出現過..黎到碗野賣相都好濁下..主要係湯底顏色影響到..以致之後試左成碗啦...牛什...標準合格...無驚喜出現...而牛丸唔係驚喜..只可以話特別..如下面某人所講..唔彈牙..係屬易咬口..味道未算特出..睇貼報係手打..可以讚既係別有一返苦心...既然做到咁軟身..話咩用冰係打丸時令溫度唔會流失..嗯..24$ 算ok 既~~~唔會再特登去試囉..