憶食尚臘味煲仔飯

营业中

休息中

有朋友黎香港旅行，打算帶佢試吓煲仔飯，在高鐵站接到佢哋之後，從柯士甸站出黎，唔洗5分鐘就可以到達憶食尚臘味煲仔飯餐廳。餐廳環境超級正，座位間隔之間加上屏風, 優雅又舒適！廣東臘味煲仔飯，熱辣辣上枱，一打開蓋，香味撲鼻而來！有臘鴨、臘腸、臘肉、小唐菜、賣相超好。趁熱淋上煲仔飯豉油，灑上蔥花，再閂蓋焗一陣，米飯粒好爽口，而且有飯焦，米飯吸收了臘味的香氣和醬汁的味道，勁香口！甜蜜咕嚕肉，用菠蘿、甜椒伴盤，賣相出眾。咕嚕肉質細膩，酸酸甜甜口感十分不錯，非常適合搭配煲仔飯一起食用。姜汁炒芥蘭，炒菜夠鍋氣，軟硬適中，而且綠色的芥蘭顏色非常漂亮，讓人食欲大開。芥蘭清甜爽脆，姜汁炒的味道非常清新，芥蘭的嫩脆口感和生薑的微辣味道相得益彰，姜汁的清香也能提升菜肴的風味。

平時食煲仔飯嘅地方，感覺似大排檔，坐得都唔太舒服，但見到呢間環境好似幾好，所以過嚟食下🍄香菇滑雞煲仔飯(小)煲仔飯有分大同小size, 呢個小嘅，但都好大煲，兩個人剛剛好！熱辣辣嘅煲仔飯，店員會幫手加入豉油、蔥花及芫荽粒撈勻，呢到嘅煲仔飯真係有別於一般嘅煲仔飯，食得出雞肉好新鮮嫩滑，米飯粒粒分明，吸曬啲肉汁及香菇嘅味道，十分好食，仲有香脆嘅飯焦🍍甜蜜咕嚕肉新鮮即炸嘅咕嚕肉外脆內裏鬆化，每一嚿都沾滿酸酸甜甜嘅醬汁，仲有紫洋蔥、三色椒同埋新鮮嘅菠蘿，食落真係好開胃，味道一流🥬瑤柱蝦米雜菜煲用左瑤柱及蝦米熬成嘅上湯十分鮮甜，雜菜吸曬啲湯汁，健康之選！🍵玄米茶玄米味道香濃，喜歡💕

哩間煲仔飯不嬲都好多好評! 我自己試過都覺得佢既煲仔飯係好正! 有別於街邊排長龍個種煲仔飯店，哩度環境優雅坐得舒服，用屏風隔住坐位，感覺幾有私人空間。店員好快奉上熱菊花茶，order完就準備埋煲仔醬油同香蔥，整個氛圍舒適寧靜。川味臘腸滑雞煲仔飯店員會代勞倒入醬油，香蔥然後拌均，一邊撈就已經一路聞到香味🤤好怕食到過濕既煲仔飯，哩度既飯粒軟硬適中粒粒分明，而且飯面食材既精華滲左入飯，香氣十足☑️雞件滑嫩，不得不讚佢既自家川味蠟腸，唔肥膩之餘麻辣香味突出，令個啖飯都變得惹味! 重點之一唔少得金黃既飯焦，卜卜脆👍🏻甜蜜咕嚕肉好少食到真正做到外脆內軟既咕嚕肉，哩度做到☑️佢既醬汁酸甜得黎帶清爽，唔覺得好厚重，加埋肉香，有質素👍🏻仲有d菠蘿係好多汁香甜，唔係罐頭菠蘿既味道!菜心爽嫩翠綠，配清甜既高湯就最好不過，表面加上杏仁片增加口感同香氣，平衡番咕嚕肉同煲仔飯既膩👍🏻自問中意食煲仔既真係要試，口味同質素都好好👍🏻臨走仲買左包臘腸❣

🍲 #佐敦 #柯士甸 #憶食尚臘味煲仔飯之前去咗佐敦行街，突然想食返以前食過嘅煲仔飯，就揾咗呢間「憶食尚臘味煲仔飯」🥰 好耐冇食過好懷念！🥓🍖 廣式臘味煲仔飯 （$158）煲仔飯好好食好推薦😍 佢哋係即叫即煲嘅，確保新鮮滾熱辣！ 啲臘味非常正！ 臘腸超香，又有咬口，臘鴨鹹鹹香香，撈飯勁正～ 啲飯裏面嗰啲香軟，外層飯焦勁脆🤤🤤🥘 甜蜜咕嚕肉 （$98）呢度嘅「甜蜜咕嚕肉」果然係比坊間食嘅冇咁酸，比較甜啲🤭 份量啱啱好，有肉有洋蔥、椒，好味😋🥬 姜汁炒芥蘭 （$88）最後加返個菜😛 薑汁有少少少少辣🤏 炒埋芥蘭夠晒健康！

無諗過食煲仔飯既餐廳環境可以咁靚同乾淨，坐得好舒服，食物質素仲好高🤤🔸港式臘味煲仔飯餐廳主打自家製既臘味，一定要叫黎試下😍 真係好有油香味，食煲仔飯最後要食飯焦，呢間既飯焦脆到好似食緊薯片咁，仲好易就刮到出黎，好正☺️🔸瑤柱蝦米雜菜煲睇落清清地既雜菜煲，用左蝦乾煲，令d菜都好香蝦乾味同鮮味😛🔸甜蜜咕嚕肉肉質好嫩，唔會過肥過瘦，炸得岩岩好，外脆內軟既口感，炸粉又唔會太厚，係出色既咕嚕肉🥰

今日到油麻地, 想起久違了的煲仔飯, 想坐得舒舒服服, 就到 憶食尚臘味煲仔飯試試 餐廳外觀簡約, 入內裝潢雅緻有格調, 落地玻璃令光線從外面引入,  環境舒適,   坐位闊落及與隔離枱位置有距離加上屏風,  有私隠度不會枱貼枱人貼人, 實在加分.點左招牌菜臘味煲仔飯好食臘腸雞煲仔飯夠兩個人食, 足料有飯焦,  雞新鮮肉質好滑,  用料新鮮有鮮味非一般行貨,  臘腸跟臘鴨有傳統味道, 份量多賣相吸引,  臘味差不多鋪滿整個煲面, 煲仔飯的飯底口感不會太硬太林剛好, 店員還會將配料同豉油倒入煲仔攪拌及剷起飯焦,  還有點了上湯菜心及椒鹽一口骨. 臘味煲仔飯 有小份$158及大份$418,  多人光顧可以點大份. 食物環境整體而言水準很好, 值得推介及再來. 

秋風起，又係時候食返啲熱嘢暖暖胃～ 呢間中菜館位於佐敦，主打臘味煲仔飯，更提供多款精緻嘅中式小菜！整體環境優雅，地方闊落，每枱都設有屏風隔住，私隱度十足，適合家庭聚會☺️廣式臘味煲仔飯係佢哋嘅招牌菜，上枱時熱辣辣，店員會幫手落蔥同豉油再攪拌～ 飯粒粒分明，軟硬度適中，底部仲有飯焦！臘腸鹹度適中，臘肉油脂感滿滿，撈飯一流😋咕嚕肉炸至脆身，肉質紮實，食落唔粉，甜酸醬汁帶點拉絲效果，十分開胃☺️ 姜汁炒芥蘭反而有驚喜，口感爽脆，入口鮮甜，同時散發著姜汁香氣，簡單又美味！

最近去工聯會返學，從柯士甸站地鐵站出口發現文匯街有好多食肆。行過見到好多coffee shop及食店。 見今日上堂前凍凍地就去咗一間轉成臘味飯嘅中菜館試下。中菜館有兩層樓枱與枱之間非常寬闊川椒麻辣雞煲麻辣雞煲一嚟到賣相相當吸引，五顏六色嘅配菜再加上煮到黃金色嘅雞肉，未食已流口水。 川椒味浸入每粒雞肉裏面，每食一啖雞肉，都充滿住川椒味，超惹味。雞肉好新鮮，爽口嫩滑彈牙。炒芥蘭芥蘭炒到剛剛好，非常翠綠色。油份包住芥蘭芥，食落索索聲，非常脆口。補鈣最啱食芥蘭。川味臘味煲仔飯（中）三款餸菜喺臘味煲飯上邊，飯粒吸收晒三種材料嘅味道。每食一啖飯都充滿着豬油嘅香味。菊花茶一坐底，就可以叫茶。 任選唔同嘅茶底，最特別係可以選菊花茶。剛食完煲仔飯，非常燥熱。飲返杯菊花茶可以中和返個熱氣同去肥膩，超啱我。

食過一次真係返唔到轉頭食廟街嗰啲煲仔飯首先環境一定係好舒服環境乾淨 員工態度又好其次就係煲仔飯嘅價錢，雖然相對廟街嘅貴少少但係佢嘅質素，我覺得係好過廟街嘅食煲仔飯，最鍾意食嘅係佢嘅飯焦呢度嘅飯焦係好容易刮嚟食而且有咬口得黎唔會係全濃味喺廟街食過煲仔飯嘅人，都應該見過飯焦部份完全刮唔到就算刮到都好大燒燶味所以我係好欣賞呢度嘅煲仔飯每粒飯都一粒粒好乾爽 臘味又好食兩個人食嘅份量，其實都啱啱好不過加多左一個菠蘿咕嚕肉感覺就在圓滿啲啦

佐敦文匯街的這間兩層高的煲仔飯專門店，裝修精緻得改變了我對煲仔飯店的一般印象。藍白色的裝潢、皮質坐椅、屏風間隔，感覺與中菜廳無異🫖 玄米茶（茶芥每位$15）甘香的玄米茶最適合配油潤的煲仔飯，另有菊花茶及鐵觀音可選🥢 特色臘味煲仔飯（$158）臘腸甘香油潤、臘鴨咸香、臘肉肉香濃郁、米飯米香Q糯，拌上咸甜適中的頭抽醬油，還有那香脆的飯焦👍🏻必食之選🥢 香蜜咕嚕肉（$98）咕嚕肉的外層還能保持微脆👍🏻🥢 瑤柱蝦仁雜菜煲（$88）加了瑤柱及乾蝦仁的菜煲湯汁鮮甜👍🏻*店內亦有臘味及XO醬等可買走

💡熱騰騰煲仔飯 天氣慢慢轉熱，當然要捉緊尾巴，食番個熱騰騰的煲仔飯，以往食煲仔飯多數會係街邊小店吃，但而家係一間裝修好有歐陸風情的店鋪去食，乾淨企理。🍽川味臘腸滑雞煲仔飯 🐔 打開蓋，煲仔飯舖滿豐富臘腸滑雞起面，待應會幫手加埋芫莤、蔥，頭抽豉油一齊撈，頓時更加香噴噴。臘腸有嚼勁，吾會太肥，臘腸油香滲入飯內，令到好香口🥰滑雞好嫩滑，啖啖肉。飯做到粒粒分明，乾身得黎吾會好硬👍🏽🍽甜蜜咕嚕肉 食落真係好甜蜜，拔絲的咕嚕肉，酸酸甜甜非常開胃。配合新鮮菠蘿、洋蔥、彩椒一齊吃，味道更豐富。🍽芥菜排骨煲🥣芥菜湯好甘甜，排骨煲得軟淋，加埋黃豆等材料，飲落好有家的味道。另外加入胡椒粒一齊煲，飲落辣辣地，夠過癮。

《熱辣辣煲仔飯💫》———————————————-#憶食尚臘味煲仔飯 ☄️-平時去食煲仔飯都係去大排檔，之前朋友推介左我去呢間位於柯士甸站附近嘅中餐廳，環境舒適，有別一般嘅麻甩feel，每枱有屏風分隔開，私隱度極高☺️ -🔥 廣式臘味煲仔飯臘味嘅味道好香，用料豐富，有臘腸、臘鴨同臘肉，由自家工場製作，選用河源自家農場嘅走地新鮮士豬同重慶黑毛豬，不加防腐劑同化學物，油香十足，撈飯一流😝 店員仲會好細心咁問我地要唔要蔥同芫荽，加落醬油裡面再撈落個飯度🤭個飯粒粒分明，食到最底仲有脆卜卜嘅飯焦～-另外佢嘅小菜亦都好唔錯，我哋嗌咗甜蜜咕嚕肉同上湯菜心，同樣出色😆-⭐️價錢參考：廣式臘味煲仔飯：$158甜蜜咕嚕肉：$98上湯菜心：$78🍌抵deal 指數：7/10💰人均消費：$200

有朋自遠方來，話想食吓正宗嘅港式煲仔飯，就帶咗佢去佐敦食第一個點既係廣式臘味煲仔飯🥘🥓有臘腸、潤腸、臘肉，一打開個蓋已經聞到啲咸味，侍應仲好好服務，咁樣幫你撈，招呼周到，因為啲潤腸臘腸已經好香，所以唔使再專登落好多豉油，落少少已經吊香到個味跟住叫咗一個姜汁炒芥蘭，啲姜汁好香，而啲菜都幾淋甜，可以中和返啱啱嘅濃味椒鹽一口骨，啲排骨一口就食哂，好方便，味道都幾好，啲炸蒜好香呢度環境都幾大～係家庭聚會嘅好地方

平時食煲仔飯通常去大排檔或者街邊小店，今次同朋友試咗呢間高質煲仔飯，環境好舒服🥰🔺廣式臘味煲仔飯好正宗，佢哋嘅侍應仲親自落手幫我哋撈汁👍啲飯煮得啱啱好，粒粒分明，仲有飯焦😍仲勁足料！上面嘅臘味有臘腸、臘肉、潤腸等，口感好爽脆，同飯焦一齊食真係好好味，邪惡之選😈😋🔺甜蜜咕嚕肉咕嚕肉咬落去脆脆地，肉質好嫩好多汁，酸酸甜甜好開胃。🔺上湯浸菜心食咗咁多邪惡嘅嘢，點都要食返啲清清地嘅嘢balance🤣 菜心唔會煮到太腍，咬落爽口，上湯又鮮甜，味道好出色👍整體嚟講，佢地嘅菜色好好味，值得一試。服務都好好👍

聽講佐敦有間好出名煲仔飯嘅餐廳，今日一於約朋友嚟呢度試吓。喺柯士甸站行4分鐘就到，都幾容易搵。餐廳裝修上都有花心思，而且兩個人仲坐得好舒服。川味臘腸滑雞煲仔飯熱辣辣同有飯焦嘅煲仔飯係最吸引😍！一上枱時店員好熱心咁為我哋服務，一打開蓋，已經聞到香噴噴，臘腸香味洋溢，之後仲幫我哋加蔥、芫荽和煲仔飯豉油，未食已經垂涎三尺。川味臘腸味道好特別，我第一次食辣味嘅臘腸，臘腸油花輕溢，香糯可口。而雞件肉質鮮嫩肉滑，份量多。不得不提就係煲仔飯嘅飯焦，金黃脆薄，甚有嚼勁。甜蜜咕嚕肉菠蘿咕嚕肉賣相吸引，酸酸甜甜特別好味，肉質嫩滑，仲有紅黃椒、洋蔥等配菜，令整體口感非常豐富。姜汁炒芥蘭芥蘭有鍋氣，口感爽脆，細味之下不難發現有丁點的薑汁味，認真唔錯。其實餐廳仲有好多款煲仔飯和小菜，有機會嘅話都想試吓其他。