慈素小聚

营业中

休息中

最近有個同專食齋嘅朋友帶左我去位於尖沙咀舊K11對面嘅一座大廈樓上食創意齋菜。入到店內簡約裝修，窗邊可以望到尖沙咀夜景。估唔到樓上舖都滿座，要等一陣先有位食。素食三文魚拼盤 $68逼真度可以媲美真的三文魚，入邊仲有仿真鮑魚片，擺盤好靚，仲要有煙噴出。必點打卡食物，最估唔到仿三文魚同鮑片都食到海鮮嘅味道，非常驚喜。北京片皮鴨 $128未食見到片皮鴨，已經流晒口水。佢做嘅片皮鴨非常逼真，無論顏色同外型都同真的片皮鴨十分相似。食落都好有片皮鴨嘅味道，店主仲要好細心，將每一個夾入卷餅的配菜都計啱數。香煎腐皮卷 $58一道非常普遍會食嘅齋菜，腐皮非常重黃豆味，該店煎完嘅腐皮卷唔會太熱氣，非常健康。冬陰功金邊粉 $58冬陰功湯望落去係青黃色，同普遍嘅冬陰功顏色不同，但飲落去同冬陰功嘅味一模一樣樣。金邊粉吸收晒冬陰功嘅味。印度風味麥沙律咖喱配手抓餅奶蜂蜜$78香芋鮮奶 凍 $38非常重香芋嘅凍鮮奶望落去亦都有漸變紫色同白色非常吸引杏仁奶茶 熱 $38熱辣辣杏仁奶茶，非常有杏仁味，亦都有奶味。店主非常大方，此飲品係比一個玻璃壺的份量，仲可以兩個人一齊享用。

餐廳位於樓上舖, 卡座位幾舒適。𓊈北京片皮鴨 $𝟷𝟸𝟾𓊉片皮鴨雖然係素食但係賣相幾神似, 皮肉2種色, 外皮好薄而且熱辣辣, 中間可以包住青瓜同青椒一齊食, 口感豐富。𓊈意大利香草忌廉天使麵 $𝟷𝟷𝟾𓊉天使麵散發濃郁嘅香草同忌廉香氣, 醬汁非常綿密, 每一口都帶有菇嘅香味, 口感豐富。吉列豬扒炸得酥脆, 食落好鬆軟。𓊈素食串燒配秘製沙嗲醬 $𝟽𝟾𓊉串燒整得好用心, 有3款唔同造型嘅素丸同素肉, 素丸口感結實, 素肉口感軟腍, 蘸點沙嗲醬一齊食, 好好食!𓊈椒鹽白靈芝菇 $𝟾𝟾𓊉椒鹽白靈芝菇炸得好香脆, 炸粉唔會太厚, 帶有香濃菇香同微微嘅椒鹽鹹味, 好好食!𓊈香芋鮮奶 $𝟹𝟾𓊉香芋鮮奶幾綿密, 奶味偏重, 唔會太甜。

🥗日日都係Green Monday🥗-今日係星期一 嚮應Green Monday跟同事食veggie lunch 而家食素好普遍 菜式創新好多-🥙苜蓿手卷 $38眼前呢件三文魚「刺身」賣相勁得😍 口感軟綿綿 同真嘅有七成似 店員唔講 根本估唔到係蒟蒻😅-🥣甜梅菜肉餅飯 $98呢個係新品 肉餅質感同咀嚼度都唔錯 鹹度適中 配甜菜送飯已經夠味 唔需要落甜鼓油-🥠香芒天婦羅炸豆腐 $88炸豆腐如果唔用椒鹽改為配香芒醬🥭 聽落有啲怪🤔 試咗兩嚿 味道幾清新喎😉 炎炎夏日食甜酸嘢 好開胃-🍡素食串燒拼盤配沙嗲醬 $78素肉丸粒粒味道差唔多 講唔出分別🤪 -☕️鳥結糖拿鐵 $38將溶化咗嘅鳥結糖🍬造成拉花 樣靚味道甜 口感順滑 啱晒嗜甜一族嘅我🥰-🥛香芋鮮奶 $38芋泥喺底俾多啲更好🙃-📍慈素小聚尖沙咀麼地道30號Mody House 8樓

今日同媽媽去撐枱腳 所以就搵左間媽媽鐘意食嘅素食餐廳 一入到去環境都幾靚 最重要係佢啲野食真係幾好食😚印度風味Masala咖哩配手抓餅哩個係一個唔辣嘅咖哩 不過好惹味 用嚟送手抓餅就啱哂🤤哩間餐廳唔同國家嘅菜式都有啲 唔哂唔同人嘅口味🤪意大利香草風味酥皮pizzapizza新鮮焗出爐 熱辣辣 酥皮好鬆化🤩鐘意食芝士同千島醬嘅人就啱哂啦😍😍超多芝士同千島醬 中間塊火腿真係完全同真嘅肉係一樣架🤩忌廉蘑菇濃湯佐菠菜苗個忌廉蘑菇湯同啤菠菜好夾 啲菠菜都好新鮮 個忌廉蘑菇湯都好濃 我同媽媽好味到連個湯都飲埋🤣🤣香芒天婦羅炸豆腐睇其他食評見好多人都叫左哩個 我哋都叫左嚟試下 個餸一嚟到就有好香嘅芒果味 不過個人就覺得佢似一個甜品多啲 因為d芒果醬好甜 所以我哋都將佢放到最後 當佢係一個甜品咁食😋胚芽奶茶我同媽媽都好鐘意飲胚芽奶茶架 所以就一人叫左一杯 好足料 好多胚芽架😍😍

餐廳：慈素小聚地點：尖沙咀麼地道菜式：素食餐牌：點心，小食，主食，湯，沙律，意粉，麵飯，薄餅，飲品，甜品。選擇多元化，寫明有蛋奶等，方便敏感素食人仕。意大利香草風味酥皮pizza $138意大利香草風味酥皮pizza用咗木碟加上一張紅白格仔紙墊底，係多層酥皮底加上一大片素火腿、大量芝士、好多番茄醬同橄欖片。酥皮脆而不油，配熱融芝士好正。素火腿真係整得好似真正火腿，無論口感味道都係，好勁呀！忌廉蘑菇濃湯佐菠菜苗 $98忌廉蘑菇濃湯佐菠菜苗係嫩滑菠菜苗加忌廉蘑菇濃湯。個忌廉蘑菇濃湯份量唔少，又濃又甜甜哋，好好飲，伴有燈籠椒，添少少新鮮感。牛油果雜菜沙律 $98牛油果雜菜沙律超大兜，係雜菜沙律底加上新鮮牛油果段同車厘茄切半，用大量香甜黑醋同油調味。味道唔寡，甜甜哋好開胃，又夠飽肚。除左以上西式，都有中式素食。香菇竹笙菜胆翅湯 $68香菇竹笙菜胆翅湯用熱辣辣燉盅上枱，有一條菜胆，兩隻香菇，一件竹笙，彈牙素翅同煲腍龍眼肉，好足料。個湯又清又夠味，飲到淡淡胡椒味，好飲之餘又養生。花生鹹蛋湯丸 $28花生鹹蛋湯丸都係用燉盅上枱，一客5粒，滑溜湯丸外皮入面花生鹹蛋餡，花生饀好香，少鹹有少少咬口。糖水底

這間餐廳素食款式多多，運用素肉配搭時蔬，間唔中真係要食得清淡啲，依到啲素菜賣相吸引外，味道都有返咁上下水準！而且有多款創意料理，夠哂IGable📸-✨意大利香草風味酥皮pizza餅底薄身香脆，面層一層厚厚的芝士，拉絲及帶煙靭的口感*✨意大利香草忌廉天使麵依個係每次必點~ 忌廉汁夠哂creamy ~ 利用植物肉片炸成嘅炸豬扒好香口，醬汁味道濃郁👍🏻配搭天使麵口感剛剛好！完全唔覺自己食緊素*✨黑松露蘿蔔糕蘿蔔糕炸得外脆內軟，配上黑松露醬、甜醬同辣醬，不可錯過✨黑松露鮮蘑菇忌廉湯(奶) 口感滑溜，黑松露味好香氣撲鼻😋✨ 香菇竹笙菜胆翅湯$68有香冬菇、竹笙、菜胆、翅等材料，味道不錯👍🏻

尖沙咀約左朋友食飯咁岩新派嘅素食餐廳，菜單結合左日式同泰式風味，多樣化選擇~無論是係素食朋友定愛肉食人都非常之岩😊美學為特色，每道菜擺盤都好精美👍令到人有視覺+味覺嘅雙重享受📌京都片皮鴨熱門之選 素肉食感覺唔油膩😋好健康 夾埋彩椒好食👍📌香芒天婦羅炸豆腐豆腐好滑，搭配滿滿🥭芒果漿，口感正🤤📌素食三文魚拼盤打卡受歡迎，擺盤特別，配左乾冰煙霧效果，比人一種仙氣十足嘅感覺😆食落嘅質感超似真三文魚😋📌天婦羅綜合蔬菜球配特製醬汁精美嘅擺盤呈現，配上芝麻醬，蔬菜球Tempura📌意大利香草風味酥皮pizza(奶)上面有水橄欖，芝士有啲拉絲📌椰汁雪耳無花果燉湯清甜可口，係一道好好嘅湯品😋甜味好出，估應該係無花果或者係椰汁📌日式芥辣蝴蝶蝦(蜂蜜)蝦搭配蜂蜜芥辣汁，味道岩味📌栗子烤奶(奶)用栗子整，好特別，味道OK的

與好友素食午餐，餐廳有一列大玻璃窗環境開揚優雅，卡位坐得舒適。我們點左意大利香草風味酥皮pizza$138，鬆軟香脆的酥皮加芝士、素煙肉、菇類，好好味，值得推薦👍👍。香芒天婦羅炸豆腐$88，賣相靚靚，豆腐嫩滑，外層脆漿勁脆口，再淋上香甜芒果醬，創意組合又幾夾，真不錯😍秘製茄汁配三重奏芝士天使麵$118，三重芝士頗多可拉絲味香濃，磨菇、茄汁醬美味，配天使麵口感清新。日式半煎炸餃子$48，🥟炸得脆脆香口，餡料足脹卜卜。香菇竹苼菜膽翅湯$68，香菇味濃郁，竹苼爽口、菜膽、翅、湯底味香清甜唔油膩，健康之選。椰汁芒果布甸$22，🥭味香濃，椰汁🥥味不足。

食呢類仿葷齋花樣多變，除咗賣相要得，味道同口感都好重要～無意中發現呢間專攻熱門東南亞菜式嘅小店👯 Feel 到好用心製作，一定要記錄一下～❤️前菜：三文魚拼盤$68 出咗名係打卡菜式嘅三文魚仙氣飄飄，原來係用蒟蒻製成，點埋豉油同wasabi都同呢真三文魚似層層～😚小食：串燒配沙爹醬$78 一上菜已經香氣撲鼻，形似雞肉，烤得乾身，跟唔辣嘅沙嗲醬😚變奏版主菜：北京片皮鴨$128 、翡翠生菜包$128片皮鴨個餅皮薄身煙靭，素鴨烤得香脆到有燒腩仔嘅感覺，加埋三色椒同甜醬食好有脆；生菜包唔係平時食開泰式嗰隻，肉粒感嘅素肉x爽口嘅沙葛粒同紅黃椒粒，酸酸甜甜汁好開胃❤️還原度極高嘅咖喱魚扒飯$98 同樣係豆製品，咬落有魚絲嘅口感，咖喱香料味濃，唔講以為食緊葷菜整體感覺? 成個環境好舒服，價錢唔貴(人均$250），啲菜式又唔老土，好啱兩個女仔嚟，食著打卡吹水，又可以試到得意啲嘅菜式。PS 非純素，餐牌都好user friendly，會寫明有蛋奶嘅菜式，下次再嚟會想食新推菜式（有燒賣同羊腩煲😆）

近排試緊keto diet，友人就帶咗我嚟食齋（其實係兩回事） 。初初諗住會係嗰啲好娘嘅咩齋滷味、蛋花湯、芋頭魚….. 。呢度真係味蕾大爆炸全部都唔係，絕對係新派年青人文青靚仔靚女必到之處！地方雖然唔大但係裝修簡約時尚，大玻璃望住尖咀景色。又食得又睇得。我哋其實食咗好多嘢，北京片皮鴨、炒蘿蔔糕、日式餃子…. 對我嚟講每一樣嘢都好新奇，印象比較深刻嘅有：香芒天婦羅豆腐，全新口味啊。清香嘅芒果豆味濃郁嘅豆腐，天婦羅嘅功力都好好，追住食。三文魚刺身真係衝擊認知，九成似。加上仙氣嘅presentation 10分滿分。佢哋嘅燒賣亦都好似，仲要好好味。絕對絕對好過夜紛紛嗰啲。三文魚牛油果手卷，苜蓿芽代替壽司飯，唔飽肚，清新芳香，牛油果係高檔貨，紫菜keep到脆卜卜。好食。我好appreciate 年青人創作空間，好多道菜都好有心思，睇得出係用心製作。唔係左抄右抄得個樣嗰啲。顛覆咗我對食齋嘅印象。希望大家支持香港年青人嘅創作。

✅ 北京片皮鴨素食的北京片皮鴨真是太棒了！主要用豆皮仿製的片皮鴨金黃酥脆，配上薄薄又鬆軟的包皮、三色椒片和甜甜的醬料，味道清甜又惹味，而且一點都不油膩✅台式叉燒刈包這個素食版本的刈包真的讓我驚艷，包子皮鬆軟，入口即化，裡面的叉燒味道很神似，有嚼勁，而且非常入味，加上口感非常像樣的炸魚塊，超級惹咪，好好食🤤✅香菇竹苼菜膽翅湯清爽又滋補的湯品，湯汁清澈透明，香菇的味道十分濃郁，竹苼菜膽和翅膀的添加讓湯的口感更加豐富，喝下這碗湯，感覺整個身體都被溫暖包裹，讓人感到舒適和滿足😌✅忌廉蘑菇濃湯佐菠菜苗濃濃的忌廉味道和蘑菇的香氣完美融合在一起，每一口都帶來濃烈的滋味。湯裡的蘑菇粒和菠菜苗增添了口感的層次感，讓湯更加豐富

而家啲素食賣相同非素食食材一模一樣 幾可亂真 成日貪得意真係想試嚇佢哋啲口感究竟係點今晚終於有機會嗌足一枱啦❣️鮮竹蒸牛肉球 $48使用素牛肉混合馬蹄果皮 口感比一般黏口淋身 果皮香令牛肉香氣完美還原再點埋喼汁 成個靈魂返曬嚟❣️台式叉燒刈包 $68中間夾住煎香左嘅素火腿 仲有好多叉燒粒粒 口感完全一樣叉燒吸滿蜜汁 相當juicy ❣️香芒天婦羅炸豆腐 $88真正嘅外脆內軟 熱辣辣嘅豆腐被淋上香甜芒果醬🥭令原先平平無奇嘅白豆腐增添層次❣️日式芥辣蝴蝶蝦(蜂蜜) $78杏鮑菇整成嘅蝴蝶蝦造型栩栩如生 包裹蜂蜜咬落略帶微甜搭配honey mustard增添嗆辣感 十分過癮❣️印度風味Masala咖哩佐手抓餅(奶)(蜂蜜) $78濃香咖哩聞落已經好吸引 牛油手抓餅更加分貼心地剪成一口一片 啖啖滿足❣️素食三文魚拼盤 $68除左三文魚仲有鮑片 乾冰冒煙造型相當架勢 三文魚以蒟蒻造成🐟賣相幾可亂真 軟綿綿嘅口感九成九相似 同真實魚肉只差口腔油脂感 絕對適合啲為食又想減肥嘅朋友❣️惹味冬陰公金邊粉 $58分量頗大 湯底有濃濃藥膳香 金邊粉煮到相當入味素肉丸彈牙好味

平時一向比較喜歡食肉，食素菜嘅機會的確比較少。今次呢間新派素菜館有啲驚喜。菜式嘅精緻同殷勤嘅服務係令我最欣賞。京都片皮鴨係其中一款喜歡嘅菜式。豆製片皮鴨以豆類製造配上三色椒和甜醬，再春卷皮包住黎食，像真度甚高。香芒天婦羅炸豆腐賣相同味道亦非常出色。豆腐外層微脆，內裡嫩滑至極。久卜層蘸上芒果醬，令整件事更特別同昇華。翡翠生菜包係我平時食泰國菜必叫嘅菜式。今次嘅生菜包用上素肉碎、沙葛等，酸酸甜甜，又係另一番風味。同埋生菜非常嫩綠，值得一讚。椒鹽白靈芝菇同日式長春卷兩者都係脆口滋味小食。春卷餡料有蘿蔔絲、木耳絲、蔬菜絲，口感豐富。主食方面叫咗兩碗麵，冬陰功金邊粉同越南河粉。最後叫左雙色厚切多士做甜品。有椰芒、香芋兩種味道，都幾飽肚。餐廳不時會加入新菜式，期待往後試到其他美味素食。

今日就同朋友去左慈素小聚食飯整體食物賣相精緻,配搭創新素食三文魚拼盤三文魚賣相好像真, 咬落係蒟蒻既質感, 點埋豉油同wasabi, 好鮮味, 旁邊既素鮑魚幾爽口北京片皮鴨餅皮夠簿身同煙靭, 片皮鴨主要用大豆製作, 外層烤得香脆, 配新鮮爽脆既青瓜, 紅椒, 黃椒, 同醬汁, 還原度極高🤣台式叉燒划包配搭素叉燒同素魚柳, 口感豐富鮮竹蒸牛肉球牛肉球即叫即蒸, 口感軟糯, 帶少少陳皮香, 賣相幾可亂真素食串燒配秘製沙嗲醬有同類型既素丸同肉, 帶點炭香味, 點埋沙嗲醬汁, 花生味濃郁惹味越南河粉配扎肉河粉索滿湯汁, 湯頭清甜

我哋呢排好熱氣，所以收工之後就決定去尖沙咀嘅一間素食餐廳叫做慈素小聚食齋。一踏入餐廳，就被靚靚嘅燈飾吸引住，好似返到屋企嘅感覺。打開餐牌，發現有好多唔同類型嘅食物可揀。我哋先叫咗香芒天婦羅炸豆腐作前菜。一上菜，就聞到一陣香氣撲鼻而來。豆腐好軟滑，外層炸得酥脆，再加上香甜嘅芒果味道，味道好新奇，真係好有創意。另外，我極力推薦翡翠生菜包。生菜好新鮮爽脆，而包裹素肉嘅餡料更加特別。裡面加咗沙葛，咁就可以同時感受到素肉嘅口感同爽脆嘅口感，好過癮。忌廉蘑菇濃湯佐菠菜苗亦都好出色。菠菜苗新鮮嫩滑，入口冇渣，而濃郁嘅忌廉蘑菇湯味道香濃，令人回味無窮。最後，我哋叫咗台式叉燒割包。入面嘅素叉燒做得好逼真，好似真係食緊真叉燒咁，口感好滿足。至於飲品，我哋揀咗香芋鮮奶同埋栗子烤奶。兩款飲品都好濃郁，口感順滑，真係好好味。