愛甜心甜品 (已結業)

假如於港式糖水店想吃一些有口感的甜品，即使食湯圓，豆沙之類的都是稔的。如果想吃一些煙靭口感的甜品， L 會建議愛甜心。話說 L 跟朋友於金山吃晚飯聚舊時，女性朋友 M 突然 whatsapp L 說要陪她吃糖水。為免順得哥情失嫂意，於是經Openrice搜尋到這間較就腳的愛甜心。愛甜心的組合特多， L 建議大家可以先決定自己想吃那一類別的糖水例如豆腐花、芋圓等主菜，再按照其類別配搭不同的糖水。就以 L 為例，西米圓是 L 所揀選的主角。芝麻椰汁就是配搭。椰汁清甜，加入芝麻亦提升香氣及口感。主角當然就是自家出品的西米圓。西米皮很煙靭，有彈牙的感覺。裡面有綠豆蓉、 芋頭蓉。另外有另一款椰明珠是包着麥提莎的。外表像湯圓但咬下去則口感很不同。至於金玉滿堂豆腐花由鮮粟米、西米、海底椰、大西米、椰汁配豆腐花所組成。不知是否揀熱的關係，L 嘗一口發覺有點像中式栗米豆腐羹😂😂😂。鮮栗米及大西米特多，每一口都被它們包圍着口腔。甜甜的都不錯。裝潢有點家的感覺，都是三五知己聚腳的好地邊方。

這天和朋友吃完飯經過佐敦, 很奇怪的, 來到這一區, 就自自然然想到吃糖水, 太深入民心了, 不過這次我們不想去出名的那些, 選擇了一間小店, 試試新東西。蘋果雪梨燉雪耳$42: 看這組合就知道, 是滋潤之選了, 雪耳更有養血益氣功效, 女士們都喜愛的呢, 蘋果和梨堆得滿滿的, 已燉到很軟腍, 糖水甜度適中, 是冰糖的味道。桑寄生蓮子蛋茶32: 眾所周知, 這個糖水更加是女士恩物, 桑寄生藥用成效包括補益肝腎、強筋健骨、味甘、能祛風濕，為腎虛腰痛、胎動不安及風濕日久正虛邪實所常用, 特別適合手腳冰冷、血氣不足，例如陽產質、氣虛質女士可以經常飲用, 也可調經, 治經痛, 安眠。桑寄生有種特別的味道, 未加糖前可能是苦澀, 加了糖後就很易入口, 個人也幾喜歡這味道。我很懶, 要我自己煲糖水就不可能了, 經過來吃碗傳統中式糖水, 滋補滋潤一下也是不錯。

今天來到很少來的油麻地聽講座，太早到達附近亂逛的時候見到這間愛甜心甜品，見到openrice上好評頗多，就來試一試。點了一碗楊枝金露 $36 楊枝金露，一個差不多每間甜品店都有的普通甜品，但這間的味道絕不普通！很少寫甜品的食評，但也想來推介一下(雖然openrice上已好評如潮哈哈)。賣相吸引，金黃色滿滿的一碗見到粒粒西米，口水直流！急不及待舀一大口就吃！一吃下去是濃郁的香甜芒果味道，嚐得出芒果極新鮮，粒粒鮮甜！有時候吃到的楊枝金露不是芒果太少就是味道太稀或太甜，這碗芒果份量數量夠多，每一口都吃到芒果！啖啖鮮甜味！加上酸酸甜甜的粒粒金柚椰果和切絲士多啤梨，層次豐富，西米軟硬度剛剛好不會太腍！整碗楊枝金露難得濃郁得來又不會過甜！推介滿滿的一碗看照片就見到吃到最後還有很多芒果椰果！甜品menu給大家參考參考: 聽老闆說才知道原來芝麻椰汁西米露是他們自創的甜品，聽起來更值得試呀，不過今天已吃了楊枝金露，下次才來試！

今晚約左男朋友食糖水，因為我同朋友出去食飯，而男朋友又想見下我，我地就約左去佐敦食糖水啦。有間街坊甜品店叫愛甜心，環境好舒服，而且裝修簡約舒適，主要做街坊生意，餐牌選擇又多，我地一人叫左一個糖水。男朋友鐘意食腐竹蛋花糖水，佢加左西米圓，有綠豆和芋頭蓉餡料，西米圓好有咬口，餡料唔會太甜，腐竹蛋花底夠清甜冰凍。我叫左新鮮芒果拼芒果布甸，芒果醬底，入口清甜，濃香芒果味夠突出，原塊芒果夠新鮮唔會太酸，芒果布甸夠彈牙，芒果味都算濃郁。

今日平日係佐敦附近食晚餐，然後臨走既時候落大雨，於是黎到呢間甜品店，覺得好吸引就入左去啦，當然順便避一避雨啦。時間尚早，而且係平日既時間，所以人唔多，好快就有得入座啦。好多款甜品，有選擇困難症既我都簡左陣呢 ~周圍既裝飾好靚~ 感覺好清新同舒服。今次叫左一冷一熱既甜品，而凍既就當然係我最鐘意既水果之一 —— 芒果啦！花布街既主打係芒果，入面有豆花、芒果肉、芒果蓉、芒果布甸、蘆薈、山粉圓。呢一碗甜品既味道好有層次、好好食。雖然芒果蓉有少少偏酸，不過蓋係上面芒果肉好足、而且夠甜。山粉圓既口感一向都係好得意、唔洗多講，加上滑豆花同埋清爽既蘆薈，而中間既芒果布甸，除左芒果之外仲有奶香，口感都好滑嫩呢。至於熱既糖水，就叫左雪梨蘋果燉雪耳，一睇就知係超足料既糖水，雪梨、蘋果、雪耳滿滿咁盛好一碗。雪梨本身就有潤肺止咳、止咳化痰既作用，飲落去感覺好清甜又滋潤。有時屋企都會煲糖水，一樣都係會落足料 ~ 真係好有家既感覺！總括而言，今次籍住避雨，可以黎到食到鐘意既甜品糖水，覺得好滿足呢~

心花怒放🌸 ($40) 又有楊枝甘露，又有豆腐花，食個甜品就已經好滿足！芒果味好濃既楊枝甘露，係仲有好多芒果肉，加上好滑既豆腐花，同食落比較脆口既西米，口感十分之豐富👍🏻份量都唔細🙈清心丸杏仁糊配小丸子 ($33+9) 清心丸食落都幾煙韌，小丸子就冇咩味道重勝在色彩繽紛😂 杏仁糊味道不錯，但略嫌有點稀。如果稠少少，質感上應該會好好多。食物都黎得幾快，環境又唔差，一大班人黎傾下偈食下甜品都幾好~~~

百思不得其解點解可以做iconic...麥題莎同d 椰味完全唔match......幾粒麥題莎，是是但但打起d椰味泡咁就收你$35....$35食呢碗野定去惠康買幾包麥題莎加杯椰汁大皇會gur d你地真係要諗諗。食完心情好upset d 冰唔綿，無朱古力果，似加色素多....d staff一人一張枱坐曬係度禁電話。無服務態度可言

同表姨甥女去完「馬丁王越式法包」重溫越式法包嘅滋味，我同佢都鍾意食甜品，所以，就順便晌附近再搵個地方食甜品兼降吓溫。晌網上搵搵，佐敦區嘅甜品都多不勝數，「愛甜心」未試過喎，貪新鮮，就一於喺佢。因為正值晚市時間，但相對甜品店嚟講，就反而喺最靜嘅時間，所以，到訪嘅時間客人唔多。環境方面，我哋都覺得幾好、幾舒服喎，小店化身小磚屋，牆上嘅假窗寫咗多款推介甜品，枱上又有啲小盆栽點綴，地方又新淨光猛，最好喺唔似一啲甜品店咁逼到背貼背嘛。如大多數甜品店咁，選擇非常多，有一系列特色甜品、傳統嘅中式糖水、豆腐花、芋圓、西米圓、清心丸、合時燉品、馬蹄露、水晶珠……等等，都唔講得晒咁多，仲有飲品、椰香特飲及少少小食，喺咪選擇多多呢！椰明珠 $35研究完餐牌一大輪，表姨甥女就揀咗以麥提莎朱古力、純西米皮、西米、椰汁組合成嘅「椰明珠」，因為好奇搵麥提莎朱古力做啲「明珠」究竟會喺點？糖水底喺椰汁西米露，幾香椰汁味，又唔會過甜；至於啲「明珠」就試咗一粒，外層喺西米皮，比平常做湯圓嘅糯米皮煙韌度更強，咬落去麥提莎喺預期般脆口，整體而言，唔講得話超驚喜，但感覺就好有趣。黃金島 $40小弟算喺芒果死粉，所以，一起手都瞄住

同朋友喺廟街食完晚餐，意猶未盡，決定再去食糖水😝 見呢間愛心甜細細間，小小歐式風格，決定入去試下😍 menu選擇都幾多🍡🍧🍨🍮，而家價錢好平！我哋八個人，叫咗九個甜品share哈哈🤗心花露放 $40楊枝甘露、豆腐花、水晶珠幾有口感，芒果味濃，朋友食完話👍🏻花布街 $42芒果布甸、豆腐花、芒果、蘆薈、少許黑珍珠好多配粒，大大碗！不過唔算太夾，但係食完好飽，哈哈椰明珠 $35麥提莎朱古力、純西米皮、西米、椰汁呢個幾特別，推介！鮮什果涼粉 $40鮮什果布甸 $42正常嘢，不過不失咖哩魚蛋 $20有驚喜，魚蛋好彈，咖哩唔算太辣，啱香港人口味，個個飯完都話好味哈哈

喺佐敦食完晚飯後，覺得意猶未盡，所以就同朋友搵吓甜品店，見到愛甜心甜品Menu好似幾吸引，就決定試吓。甜品款式好多啊心花露放 $40其實係楊枝甘露，加左豆腐花、水晶珠，不得不說楊枝甘露真係好香，豆腐花又夠滑溜，好好食。花布街 $42材料有芒果布甸、豆腐花、芒果、蘆薈、少許黑珍珠，非常清新，值得推介。椰明珠 $35店內最特別莫過於呢款「椰明珠」，外皮係純西米皮，入面包住提莎朱古力，配以椰汁，估唔到又幾好食喎！鮮什果涼粉 $40 水果都好新鮮、香甜，朋友都好滿意。佐敦有唔少美食，但如果講到甜品，愛甜心甜品都有一定競爭力，價錢唔貴，甜品款式多，既有傳統款式，亦有創新甜品，應該能夠滿足唔同人嘅願望！

呢間甜品鋪都幾新淨，用餐環境舒適，而且唔會急著趕客走，可以靜靜地食價錢相宜嘅糖水「心花露放」（$40）- 楊枝甘露、豆腐花、水晶珠口感豐富得黎又融洽，涼陣陣，消暑一流「椰明珠」（$35）- 麥提莎朱古力加純西米皮、西米、椰汁幾特別，應該幾花心機要將麥提莎朱古力包上西米皮，可以試一試「芒情森芭」（$48）- 芒果、芒果綿綿冰、百香果爆爆珠、水晶珠呢個綿綿冰係偏實嘅類型，但口感都有層次，而且百香果爆爆珠好有咬口，正！

芝麻椰汁西米圓($35)+芋圓($9）一心黎試小店自家製的西米圓！西米圓外皮非常煙韌🤤 入面係芋頭/綠豆，味道天然 ，好好食！芋圓就不過不失，煙韌控必試西米圓！👍🏼

-椰明珠😋（$35）每碗有6粒椰明珠，椰明珠其實係由西米皮包住一粒麥提莎朱古力，食落都幾特別😍味道不錯，好有口感，煙韌嘅糯米皮加上麥提莎，外軟內脆💙甜度岩岩好，有好多椰汁西米露💛 加埋朱古力針係 上面，依個配搭都唔錯👍🏻 依個甜品食落唔會太甜😋而且椰汁味十分濃郁❤價錢唔會太貴👍🏻-#Name🏠: 愛甜心甜品（Loving desserts） Location📌: 佐敦吳松街21號地下（港鐵佐敦站 A 出口, 步行約6分鐘）價錢💰:椰明珠（$35）

認真講，家下日日三十幾度，如非必要都唔想出街😫🔥🔥🔥 今日要黎佐敦陪媽咪買野，行完都忍唔住要入黎食番個甜品過下冷河先😅我叫左個椰汁西米黑珍珠，再加左兩大球雪糕，見到都舒服左啲😂😂兩球雪糕 size 好大，每球都係加$8就有，尚算合理。個糖水底椰汁味幾香濃，相信熱食會更加正（但我今日真係冇可能擺熱野入口）。西米同黑珍珠為椰汁底增加口感，幾好食。至於精於養生既媽咪就照叫熱食，要左碗紅豆沙芋圓。佢話紅豆沙底磨得夠細，食落香得黎都ok滑。如果芋圓可以再多幾粒會更好😂

看到评价很好就过来试试。招牌土土的但内部装修挺好。点的芝麻椰汁西米圆($35)+清心丸($9)。西米圆很特别，有点像汤圆但更有嚼头。有芋头馅、绿豆馅、纯西米圆三种各2颗。芋头的最好吃，香甜粉糯。绿豆的也不错，稍甜了一点。整体很不错但内馅稍干了一点，做得湿润一点或流心效果会更好吃。椰汁底偏淡了一点但不腻还是好评，里面还加了西米。清心丸是额外加的，比我在潮州吃过的好吃！软韧之外多一点脆爽的口感，不错这款只有热的，但端上来不够热，没有那种暖意从口蔓延至心的感觉。整体味道不错，下次有机会还会来试试芋圆和椰明珠