影片
更多
2018-07-16
243 浏览
同表姨甥女去完「馬丁王越式法包」重溫越式法包嘅滋味，我同佢都鍾意食甜品，所以，就順便晌附近再搵個地方食甜品兼降吓溫。晌網上搵搵，佐敦區嘅甜品都多不勝數，「愛甜心」未試過喎，貪新鮮，就一於喺佢。因為正值晚市時間，但相對甜品店嚟講，就反而喺最靜嘅時間，所以，到訪嘅時間客人唔多。環境方面，我哋都覺得幾好、幾舒服喎，小店化身小磚屋，牆上嘅假窗寫咗多款推介甜品，枱上又有啲小盆栽點綴，地方又新淨光猛，最好喺唔似一啲甜品店咁逼到背貼背嘛。如大多數甜品店咁，選擇非常多，有一系列特色甜品、傳統嘅中式糖水、豆腐花、芋圓、西米圓、清心丸、合時燉品、馬蹄露、水晶珠……等等，都唔講得晒咁多，仲有飲品、椰香特飲及少少小食，喺咪選擇多多呢！椰明珠 $35研究完餐牌一大輪，表姨甥女就揀咗以麥提莎朱古力、純西米皮、西米、椰汁組合成嘅「椰明珠」，因為好奇搵麥提莎朱古力做啲「明珠」究竟會喺點？糖水底喺椰汁西米露，幾香椰汁味，又唔會過甜；至於啲「明珠」就試咗一粒，外層喺西米皮，比平常做湯圓嘅糯米皮煙韌度更強，咬落去麥提莎喺預期般脆口，整體而言，唔講得話超驚喜，但感覺就好有趣。黃金島 $40小弟算喺芒果死粉，所以，一起手都瞄住
因為正值晚市時間，但相對甜品店嚟講，就反而喺最靜嘅時間，所以，到訪嘅時間客人唔多。環境方面，我哋都覺得幾好、幾舒服喎，小店化身小磚屋，牆上嘅假窗寫咗多款推介甜品，枱上又有啲小盆栽點綴，地方又新淨光猛，最好喺唔似一啲甜品店咁逼到背貼背嘛。
如大多數甜品店咁，選擇非常多，有一系列特色甜品、傳統嘅中式糖水、豆腐花、芋圓、西米圓、清心丸、合時燉品、馬蹄露、水晶珠……等等，都唔講得晒咁多，仲有飲品、椰香特飲及少少小食，喺咪選擇多多呢！
椰明珠 $35研究完餐牌一大輪，表姨甥女就揀咗以麥提莎朱古力、純西米皮、西米、椰汁組合成嘅「椰明珠」，因為好奇搵麥提莎朱古力做啲「明珠」究竟會喺點？
糖水底喺椰汁西米露，幾香椰汁味，又唔會過甜；至於啲「明珠」就試咗一粒，外層喺西米皮，比平常做湯圓嘅糯米皮煙韌度更強，咬落去麥提莎喺預期般脆口，整體而言，唔講得話超驚喜，但感覺就好有趣。
黃金島 $40小弟算喺芒果死粉，所以，一起手都瞄住啲以芒果入饌嘅甜品，晌特色甜品一欄中，就相中一款「黃金島」，喺以芒果布甸、黑珍珠（蘭香子）、芒果、火龍果、少許金柚配搭而成。
雖然叫黃金島，但並未如餐牌嘅圖片咁「黃金」，因為落嘅芒果汁唔算多，未有染出一片金黃，而咁多生果中，芒果比預期少，火龍果佔大多數。不過，整體嚟講，入口都好清甜，黑珍珠、金柚都令口感更清爽，唯獨芒果布甸硬身咗少少。
店員都似喺一家人，見佢哋有傾有講，可能喺自己生意，所以，佢哋都好好禮貌，唔似得請人返嚟打工，好就好，唔好隨時喺趕客殺手。此外，呢度地方闊落啲，又好坐啲，食都食得稱心啲！
张贴
