愛甜心甜品 (已結業)

今日同姊妹聽完講座，黎到這間幫襯過數次的甜品店。 喜歡這裡的清潔、舒適及簡單舒服的設計，可以同姊妹好好傾談的好地方今日想食些清潤的甜品，所以選擇了燉品我們選擇了1. 紅豆沙芋圓甜度剛剛好，紅豆好大粒、煮到起沙、好軟腍好有口感；芋圓好煙韌、多粒、有趙口，補補血又健脾的好選擇2. 馬蹄燉海底椰好清甜滋潤喔！馬蹄爽脆清甜；蘋果軟腍腍又香甜、配上海底椰，好潤好滑好軟；仲有蓮子、紅棗，好豐富材料的燉品，飲完覺得清熱又潤下

今日同阿媽行街行到攰攰地想休息吓、有d肚餓又想食吓嘢行到佐敦見到有間甜品店，又好耐冇食過甜品就入去尋食一番先店鋪既格局都舒服，坐底睇menu太多款式，又好多幾特別樣樣都想試，不過最終都係選返d大路甜品，芒果黑糯米、香芋西米露和士多啤梨班㦸芒果黑糯米，黑糯米入口好腍，好多芒果味道好甜好滑香芋西米露，香芋好香好粉，西米露好滑，入囗軟綿綿士多啤梨班㦸，班㦸皮煙煙靭靭，士多啤梨入口香甜呢間甜品店既甜品唔太甜，甜度非常適中，價錢中等，得閒經過可以再幫襯

之前經過見到易拉架的甜品不錯，就今日就去左食個消夜甜品，整體都吾錯，這裡選擇都吾少，而且價錢都合理。熱紅豆芋圓 $33... 紅豆味吾錯，陳皮味都偏重而紅豆大粒夠淋身，不過二款芋圓就偏軟身，少左份口感有點失望。熱腐竹蛋花糖水配三款西米圓 $33 ...原味比較細粒，芋頭，綠豆蓉，每款一粒，口感都吾錯又彈牙，入面2款蓉材料足，仲食到原來材料碎，糖水腐竹都吾水十分足料加少少蛋更香，整體加分係吾太甜，味道剛好。

食完飯同女友去行街街，佐敦街道空氣一般.....所以要食食糖水滋潤一下喉嚨😵門口大大個餐牌好吸引😁好難唔試下好多冰，不過今日試下新野夜明珠（$35）十分有創意的一款甜品😊, 椰汁西米露,再加上用糯米皮包住麥提莎嘅夜明珠,口感非常之特別 煙韌嘅糯米皮加上，又脆又甜嘅麥提莎配合得十分有口感！蘋果燉龍利葉（$42）龍脷葉是化痰止咳的良藥，本身沒有特別味道，最啱口乾和喉嚨痛。蘋果又有潤肺功效，湯水清甜可口😋，養生一流，絕對可以一試！

最近朋友介紹咗一間位置佐敦甜品店比我，話佢個西米圓好好食，咁啱同朋友出開去食晚飯就順便試一下佢啲甜品款式都幾多，又特別，一場來到當然試佢主打啦餐廳整潔都坐等不錯，店員推介咗佢個熱賣甜品比我，當然要試試佢呢款賣相好似湯丸咁嘅叫做芝麻椰汁西米圓，佢個外皮係西米皮嚟，口感非常煙韌入面係餡係綠豆蓉及芋頭蓉2款嚟，食落唔會好甜，啱哂我另一款係雪中情，加入芒果肉，底汁係楊枝金露好重香芒味道唔會酸，仲配上一球雪糕都幾夾，兩者夾埋好好食

男朋友因為ot陪唔到我打邊爐，我就變得失控！自己享受完”一個人的邊邊”後，喺旺角shopping完都仲意猶未盡，要去埋油麻地永安百貨再繼續shopping。經過血拚之後，肚仔又想食野喇。見夜色已深，食甜品就算啦haha！我上openrice搵下附近有咩甜品鋪，咁就比我搵到永安百貨附近轉個彎有間愛甜心甜品~~~男朋友唔喺到我特別放肆，叫左兩份甜品，分別係花布街（$42）同楊枝金露（$36）。花布街入面有芒果布甸、豆腐花、芒果、蘆薈同少量黑珍珠，布甸滑溜溜而且極具彈性，唔會一舀就散！楊枝金露入面當然係有芒果、西米、金柚肉啦，另外佢仲加入椰果同少量士多啤梨豐富口感tim~楊枝金露香滑得黎，又透出芒果果香！值得一讚係兩款甜品都落足料，啖啖都有野咬，一d都唔孤寒XD而且所有水果都係甜，就連楊枝金露嘅金柚肉都冇酸或者苦澀味，選料非常認真唔馬虎！希望我自己一個人鯨吞兩份甜品唔會嚇親店員同其他客人啦XD

 原本打算去 佐敦 明星食$98蚊片皮鴨，點知8點已經賣晒，行入後街竟然俾我搵到間新開餐廳，$68就有得食！不過當然份量無咁多，其他野食性價比一般，所以有機會先介紹大家！ 食完唔多夠飽，轉場食 糖水 ！佳佳應該大部分人都識㗎喇，但附近原來仲有間新甜品舖！佢都有圓轆轆嘅野食「西米圓」！  本身以為西米皮會好淋身，但原來個口感煙煙韌韌，有芋蓉、綠豆蓉同麥提莎餡可以揀！ 我就試咗芋蓉同麥提莎餡，前者甜甜地，帶得到芋香出嚟，後者個口感脆卜卜～任何甜品另加西米圓只係$9蚊～個人建議熱食塊皮嘅煙韌度會keep耐啲，凍食就記得食咗粒丸先～  除咗西米圓，其實仲可以加 #清心丸 ，份量超多，都係+$9蚊，口感一樣煙煙韌韌！加落馬蹄露到啱晒～ ----------------------------- 愛甜心甜品 (佐敦) 佐敦吳松街21號地下 ----------------------------

佐敦一向有條糖水街，難得今次晚飯約左係佐敦，有齊天時、地利、人和，當然要去食多餐朋友仔講起想食中式糖水，咁岩前面就有間店鋪裝潢走可愛路線，用色夢幻入到去，老板仲同我地講新開張，介紹左啲撚手糖水叫我地試下雪梨蘋果燉雪耳 呢碗係朋友既，秋冬想滋補下，以上配搭就岩岩好好足料，聞落清甜，飲落一樣咁滋潤蓮子百合馬蹄露 配清心丸 岩先晚餐食完熱氣野，我就想清熱解毒店員就推介左清心丸比我，我都係第一次係甜水舖見到原來清心丸係以馬蹄粉製成，但口感同馬蹄完全唔同，反而好似蒟蒻，帶清甜整碗糖水口感上有唔同層次，首先有打碎左既馬蹄，蓮子同百合既咬口，仲有清心丸既軟糯，好特別

今日38婦女節，相約咗舊老友去食甜品，又黎到這間新開咗一排的新甜品店，回味回味一下。坐位都舒服，好軟熟的椅子；環境都幾休閒放工或晚餐後的好選擇今次試了一個金玉滿糖及鮮什果涼粉加雪糕球1. 鮮什果涼粉加雪糕球朋友叫了這個涼粉，顏色好靚、鮮果新鮮又香甜，好夠凍又份量多，雪糕選擇有雲尼拿、曲奇、芒果等，好香滑好味，朋友超滿足2. 金玉滿堂這個甜品是粟米迷的好選擇！西米、粟米粒粒口感好夾！加上海底椰，好爽好甜；加了西米圓，內餡有綠豆及芋頭蓉，不同口感；芋頭蓉好香好軟、綠豆就有綠豆粒粒口感，好煙這間甜品店中西式甜品都有，又有燉品、傳統糖水；也有新款的選擇，如黑糯米、馬蹄露、水晶珠等 ，下次要試其他的

是晚食完晚飯，同朋友徒步由尖沙咀走到佐敦，口痕想食糖水滋潤下，眼見呢間甜品店幾光猛，選擇款式多又大路，遂入內試試。晚上九點多來到，人流不算太多，靜靜地的環境同朋友傾計都頗愉快！款式雖則大路，不過選擇起上黎都依然困難！😂花朱蕉展 - 以朱古力綿綿冰、香蕉及椰果製成！冰感十足，綿綿冰打得細密，朱古力味又濃郁。椰果質地軟綿且有咬口，香蕉切得薄薄，入口香甜！蓮子百合馬蹄露 - 涼涼的天氣飲下一啖熱糖水，感覺份外舒喉溫暖！飲落清甜，馬蹄爽口，蓮子煲得夠軟稔，容易入口。

偶然經過佐敦吳松街, 見到新開了一間甜品店, 一時心血來潮, 好想入去食個糖水, 見到他們的餐牌, 甜品款式相當多, 多到自己都唔知要選哪一款, 見到餐牌上的甜品圖片, 樣樣都好吸引, 樣樣都想食.最後我都是選了我最喜愛的傳統糖水 - 黑糯米, 這間的黑糯米糖水裡而仲有西米圓, 對, 不是湯圓而是西米圓, 西米圓好似湯圓咁大, 裡面仲有芋頭蓉或綠豆蓉等等的餡料, 好新奇.好快, 一個形狀好靚的碗裝住滿滿一碗的黑糯米加西米圓來到我面前, 熱辣辣, 濃濃的黑糯米糖水仲散發著黑糯米獨特的香味, 深枣紅色的黑糯米糖水的中間仲淋了些白色的椰漿, 我將黑糯米及椰漿撈勻, 送一啖入口, 好香, 有黑糯米的香, 仲有椰子的香, 黑糯米汁香濃, 而裡面的黑糯米又是香又糯, 而西米圓比平時我們食的湯圓更加煙韌, 西米圓裡面的餡,芋頭餡有芋頭的粉香, 綠豆有綠豆的豆香, 認真唔錯! 估唔到這間細細間的甜品舖有咁好的出品, 食得出是店家用心制作的糖水, 就連裝糖水的器皿都是精心配制的, 一大碗黑糯米西米圓我食到清光, 真的很好食!

今晚放工後相約好友去佐敦晚餐，她在附近番工所以就她出了佐敦，食完晚餐還未夠侯就去左附近搵到間甜品店經過見到有間新既甜品店於是就入去食在門口睇到餐牌都已經很吸引入到去睇餐牌仲有好多種類，能夠迎合唔同的客人需，有傳統的糖水、湯圓、有棉花冰、有香芒小丸子等等，如果唔想食甜食都仲有小食滿足客人的需要黃金島有香芒、火龍果、布甸、柚子、黑珍珠，味道唔錯，芒果清甜好味杏仁露好濃郁的杏仁味很細滑魚蛋另外朋友唔夠侯，仲要叫多碟魚蛋，有9粒share食

幾個朋友，打完邊爐，總是覺得差了些什麼？？哈哈哈，咪就係要滿足埋第二個胃囉，朋友見到愛甜心好似好吸引，諗咁多做乜，一於去試吓咪知囉。椰明珠（麥提莎朱古力，純西米皮，西米，椰汁）一粒粒麥提莎，外層包上西米做成的皮，就好似一粒湯丸。一口咬下，嘩！！原來真係“只容喺口，唔容喺手”的麥提莎，都真係幾特別，再配上椰汁西米，而且餐廳提倡少甜，所以又可滿足，又可食得健康啲。芝麻椰汁西米圓（綠豆蓉，芋頭蓉，純西米皮，椰汁，芝麻），西米皮包了綠豆蓉和芋頭蓉，就是另類的湯丸，可能因為不是人人也可以食糯米，餐廳就用上西米？？西米皮也擁有糯米的煙韌彈牙，配上椰汁和芝麻，就更加香滑。

佐敦一帶出名多美食，火鍋、甜品多不勝數。這晚在附近吃完晚飯，逛到這裡發現了這間新開的甜品店，於是入去試下。以甜品店來說，面積也算大，重點的是甜品種類很多，除了傳統的中式糖水，還有涼粉、冰類。最吸引的是是芋圓、粉圓和西米圓，於是特意點了來吃。這天氣溫還未回升，糖水還是點了熱的。這個紅豆沙芋圓，紅豆沙煮得起沙了，芋圓煙韌，甜而不膩，份量很多。芝麻椰汁西米圓是這裡的獨家甜品，一送上來已經聞到很香的芝麻味，椰汁香而濃，甜度剛剛好，西米圓有芋頭蓉、綠豆蓉餡和純西米，個人比較喜歡芋頭味的，綠豆蓉比較淡。

今天天氣回暖，公司收爐準時放工，即夥好友們到佐敦食街掃街，再到新店甜品吃個飯後甜品🍧~小食雙拼，咖哩魚蛋及燒賣即叫即做，粒粒彈牙，淋上咖哩汁溫順微辣，香口惹味~🍡黃金島，芒果布甸口感非常滑溜，芒果及火龍果鮮甜多汁，加上蘭香子，口感更富層次~👍花布街，芒果布甸及豆腐花質感滑不溜口，香芒鮮味尤其突出，配搭蘆薈及蘭香子，甜度適中，健康味美!😍芝麻椰汁西米圓，外層西米皮黏滑軟糯，內釀綠豆蓉及芋頭蓉甜味天然，加上芝麻香及椰香十足，溫熱可口!😋椰明珠，外層也是黏滑柔韌的西米皮，內包則是甜脆的金莎朱古力，外軟內脆，口感獨特，朱古力與椰汁配搭合襯!😊 甜品皆用料新鮮，果香滿瀉，甜香不膩，絕對是飯後甜品的上佳之選!🤗