愛甜心甜品 (已結業)

連續幾晚都喺佐敦食飯，大家都知佳佳出名到冇朋友，人龍都一樣多人到冇朋友，唔想等嘅我地，就搵到附近呢間叫愛甜心甜品。睇落好新淨，應該開左冇耐。門面光猛，裝潢簡單，一般糖水店格局，位置都多，中西式糖水都有，二話不說入去試試。呢度選擇都幾多，中式糖水芝麻糊啊、杏仁糊、紅綠豆沙、湯丸等都有，亦有芒果類、豆腐花、自家製西米圓、冰、香蕉船等，價錢唔會好貴，廿零三十蚊。紅豆沙加湯丸紅豆沙25蚊，加7蚊配兩粒芝麻湯丸。紅豆沙熱辣辣，起沙，果皮味好香好濃，比較少食到咁足料嘅紅豆沙。紅豆大粒、腍身。湯丸唔貴，有陣薑汁味，湯丸大大粒，湯丸皮煙韌十足，又唔會太厚，芝麻餡一咬落去流心，味道香濃，芝麻味強烈，鐘意食湯丸可以一試熱 椰汁西米圓 35第一次食西米圓，係小店自家製，味道、口感有d似台灣嘅包心圓。椰汁底，面頭加左好多芝麻，椰汁稀身，都幾香，唔會太甜。西米圓一共有三款，成碗6粒，有芋頭西米圓、綠豆蓉西米圓、西米圓，呢個價錢都幾抵食芋頭圓同綠豆蓉圓比較大粒，而西米圓因為冇餡，就細粒d，外皮用西米做成，少少厚度，餡就偏實，唔係流心果種。西米圓冇乜特別，食個煙韌嘅口感。芋頭味唔算好出，但都隱總食到芋頭嘅口感。綠豆

經過就打算試試新的糖水舖，結果有少少出乎預料之外舖係新裝修好靚而且睇得出有用心機配過色 而且每張椅都有得捱住 唔係普通圓椅得4隻腳冇得捱嘅 呢個好貼心 雖然冇外面甜品舖的選擇多 但係勝在有特色 食過椰明珠同芝麻糊（外賣）西米皮好煙韌包住麥提沙 而且椰汁底好香 聽師傅話個西米皮係自己做的 有啲意外好少糖水店咁有heart自己做皮 值得一試芝麻糊拎到翻屋企仲暖暖地 啱啱好可以食 一打開已經聞到好香 而且佢好滑又唔太甜 屋企人話芝麻糊可以滑到咁係應該慢慢磨而且新開張有9折優惠 冇用到coupon埋單嘅時候老闆仲主動俾折我 總結泥講，真係好食 會再翻去食

路過佐敦吳松街，見到間仲痴住紅紙既鋪，門口有個姐姐派左張傳單比我話新開試業，岩岩好4點鍾入去當食下午茶，入到去個餐牌同出邊糖水店差唔多，但當然又系每間鋪都有自家特色糖水，左諗右諗就簡左個我最鍾意食既芒果類糖水😍😍，就簡左個黃金島，咁入邊有個芒果布甸芒果汁芒果肉，I love,一叫轉個頭就有啦，食落芒果夠香濃，唔似許x山果間成日出d酸芒果比人食 ，可能新開張關係，非常足料，服務又好，最後拎左張傳單，埋單仲有9折，下次會再黎試下，希望可以保持水準