愛甜心甜品 (已結業)

今晚同男朋友食完串燒之後突然好想好想好想食甜品🙈😂, 男朋友上網睇完之後話帶我去試下e間甜品店! 坐底望望餐牌已經有好幾款想試下🤤, 最後叫左一個綿綿冰🍨同一個芒果小丸子😋😆豆芽夢🌱💭豆芽夢係由豆腐味綿綿冰, 乳酸爆爆珠, 杏仁片同紅毛丹整成的, 豆腐味綿綿冰非常有驚喜🥳!綿綿冰嘅豆腐味極之濃郁, 食落去口感鬆化, 入口即溶, 但同其他豆腐味綿綿冰唔同嘅係佢食落好似有好微微嘅腐竹, 口感好特別, 爆爆珠份量都幾多, 而且酸酸甜甜幾好味, 配埋杏仁片, 簡直係多重口感嘅甜蜜滋味😋 紅毛丹果肉厚實, 清甜味美! 整體都非常好味, 重度推介!👍🏻👍🏻不過唯一缺點係份量較少😅 芒果小丸子配曲奇味雪糕🥭👧🏻🍨芒果醬都算多, 甜而不酸, 小丸子煙韌軟糯, 加埋雪糕一齊食非常滿足!

喺尖沙咀食完飯，行過去果欄途中想食糖水，于是乎入咗「愛甜心」紅豆沙芋圓店主用料好手緊，紅豆沙稀到水咁，應該叫紅豆湯或者紅豆水啦，都食唔到「沙」！不過味道調得幾好，唔會太甜封喉。芋圓size唔大唔小，正正常常，不過口感較差，無煙韌咬感，而且食落粉口多過糯口。只可以講，唔好帶有期望就唔會有失望🤦🏻‍♂🤦🏻‍♂。蓮子百合馬蹄露清心丸呢碗食完覺得喺假嘅馬蹄露，超失望🤦🏻‍♂🤦🏻‍♂🤦🏻‍♂。口感方面完全食唔到有爽口、脆口嘅馬蹄露，反而食到好多粉口嘅料。睇落同食落好似有好多料，但其實似喺食緊腐竹碎，仲以為自己食緊雞蛋腐竹糖水。味道方面太淡，又無馬蹄清甜味。

一月中星期天晚上，火鍋後友人興起提議找個地方吃點甜的再各自回家，經過這家就進去試試。裡面空位非常多，我們一行四人坐下沒多久都大概選好要吃甚麼，人多就可以多點分享一下。先到的是腐竹雞蛋糖水，友人一撈上來根本看不到有腐竹，份量比裡面的蛋花還少，這是考驗客人的視力嗎？味道就是淡到不行。我點的黑芝麻糊隨後送上，糊身夠濃稠，夠熱，香味稍微欠奉，吃下去就是不過不失的一碗芝麻糊。然後是雪中情，就是楊枝甘露加香草味雪糕。坦白說從來沒有看過這麼稀的楊枝甘露，味道普通到不想再吃，明顯是看著就火大。最後來的芒情森芭因為是芒果味雪糕，有一點芒果珠珠，再灑上一點糖碎了事，所以沒有差到那裡去。整頓甜品感覺下來就是隨便找點類似東西來敷衍客人。香港這個地方除了珍奶就是甜品店這兩種比便利店還多，吃甜品還是建議不要隨便吃從未試過的，不然只會弄得心情不好。

見到好評多過差評，一心同老公晚飯試試，價錢唔係特別平，但感覺用料一般，碗的容量很細，放到好滿睇落好多其實好少，芒果蓉勁多渣，勁少芒果肉，每一啖都有絲，應該不會有下次

星期六係佐敦附近同朋友食完晚飯，book咗係旺角戲院午夜場睇戲，所以大家都決定行番過去旺角，途中經過個時見到依間愛甜品，大家都見仲有一段時間，所以就入去食番碗。一入到就聞到好香既薑汁糖水味，所以未坐低我已經決定要食有薑汁既甜品。坐咗陣我好快就揀咗薑汁豆腐花，淡淡既豆香，薑汁薑味十足唔太甜啱啱好。而我朋友就叫咗士多啤梨班戟同楊枝甘露，兩樣我只係食咗一兩啖，士多啤梨班戟甜甜酸酸幾好食，但個班戟皮就覺得厚咗少少，個雪糕朱古力味幾濃。楊枝甘露芒果柚子再加些少士多啤梨甜甜酸酸，都幾夾，正正常常楊枝甘露味。總結，整體感覺唔錯，地方舒舒服服，成件事都輕輕鬆鬆。

之前上網見到西米麥提莎好hit，bookmark左好耐想試下可惜一直都唔得閒去佐敦。最近男朋友終於帶我去食呢個招牌甜品😉我地八點幾九點到，店內唔係好多客人，可能未到食甜品時間，加上位置唔算旺。😋椰明珠 ($35)一坐底第一時間決定叫椰明珠❤之前食麥提莎糯米糍好耐，但係d fd話自己整好容易，叫我唔好曬錢。今次呢個西米圓冇咁易整啦掛🤔😂椰明珠除左有麥提莎西米㘣之外，仲有椰汁同西米。講左主角先，估唔到浸住椰汁都唔會lum，咬落依然脆卜卜😋不過西米皮唔似湯圓皮咁薄同煙韌。椰汁稍嫌淡，加上西米唔太多。🍋黃金島 ($42)男朋友一向鍾情芒果甜品。黃金島有芒果布甸，黑珍珠，火龍果同芒果。芒果唔酸，整體唔錯。美中不足既應該係份量稍少🙈

我係附近返工，約左媽咪食飯睇野，餐飯唔夠飽，所以走左去附近的糖水鋪食下糖水！店舖位於百貨公司隔離，都好近搵！店內光猛整潔，座位之間都好闊落！芝麻椰汁西米圓 HK$35這碗是非一般的西米露，上面加左芝麻，又有另一番風味，而中間是也不是非一般的湯丸，入面加入左綠豆蓉同芋頭蓉，是他們自創的，以純西米皮做皮好特別，煙煙韌韌，好有口感！花布街 HK$42這個甜品以芒果為主，主要以芒果布甸及豆腐花，兩款的口感質地都好唔同，口感豐富，而芒果好甜，好開胃，再加入蘆薈及黑珍珠，增加飽肚感！不過略為覺得份量有點少，四十多元有點貴！小食拼盤 HK$24因為還是有點肚餓，叫了一份咸點，其實就是咖哩魚蛋同燒賣，咖哩汁微辣，香口惹味！

佐敦食糖水通常都會去白加士街個邊有間傳統糖水店，但係今晚係吳松街個邊食完大排檔, 行前少少就見到間糖水店，叫做愛甜心甜品，有位唔洗等，就入去試試。店舖以小屋設計， 白色牆身再加上壁磚, 窗戶是黑板都是寫上招牌甜品， 可能店主的dream house 係類似的。新年的布甸狗全盒想不到在這兒見到。夏熱天時，我們還是點左簡單的孖寶(西瓜西米+涼粉)消消暑，再加埋芋圓和椰明珠， 一個兩分食，可以再食多個芒果班戟。椰明珠是水晶皮包住麥提莎，我對水晶皮一般，但麥提莎還是很脆。芋圓反而我覺得他們做得不錯，煙煙韌韌， 而且分量不少。芒果班戟配上雪糕球， 芒果很新鮮， 士多啤梨醬加上彩色朱古力，懷舊feel 即時湧現。雖然食得好飽，但係甜品永遠都係有第二個胃。最開心係可以慢慢食慢慢傾，唔洗好似傳統糖水店一食完就收碗趕你走。滿分為10分(1分最低，10分最高)食物：8環境：8.5衛生：8.5服務：9價錢: 8舒適度：9總分：8.5歡迎互相交流: cchappymoment@gmail.com

如果你喺佐敦食飽飯心思思想食甜品我奉勸你哋寧願搭多個站去尖沙咀都唔好貪方便行入呢間試，又或者行多幾條街食松記好過。我同幾個朋友就係因為懶，貪就腳就走咗入嚟試...佢講到咁好味咁梗係試吓佢個椰明珠啦麥提沙同埋椰子味完全唔夾咁我都有保守我哋叫咗個芝麻糊，芝麻糊$25還好啦個味道正常嘅都係果句只止一次再無下次。🤦🏾‍♀️🤦🏾‍♀️🤢🤢🤢🤢🤮🤮🤮🤮🤮🤮🤮🤮🤮🤮🤢🤢🤢🤢

食完晚飯想食甜品，於是上網睇下有邊間甜品吸引，於是就搵到愛田心甜品呢間鋪頭～～鋪頭位於內街，位置唔算太多難，所以我當晚去都唔算太多嘅客人，但就坐得幾舒服😌雪花冰嘅味道有好幾款揀，我都係揀咗最想食嘅豆腐味！😋😋😋豆腐味清香，淋上咗焦糖醬，整體唔算好甜👍🏻👍🏻如果醬汁可以揀就好啦，我一定會揀士多啤梨醬～～爆爆珠都好好食，隔離就有紅毛丹果肉😋😋😋😋但就好似唔係好夠甜同新鮮～🙈🙈🙈

今次唔想食佳佳，想食西式既甜品，行下行下就見到呢間佐敦甜心甜品店❣️ 🌸花布街 $42 其實係芒果布甸再加豆腐花😆😆😆甜品上面淋左香甜嘅芒果汁，食落十分之開胃，食得出芒果布甸係自家製，好有屋企嘅感覺，幾好食😋😋仲有啲蘆薈粒同黑珍珠，豐富左口感～ .💭豆芽夢 $48 呢個甜品我覺有啲貴，好似好細咁😂😂豆腐綿綿冰幾清，食完透心涼，不過我就覺得紅毛丹肉有啲唔夠甜，如果可以用龍眼就好啦🤣🤣🤣愛甜心甜品地址：佐敦吳松街21號地下

夜晚來到佐敦附近，特登約左一個老朋友去食個甜品。朋友失戀心情唔好，作為兄弟當然要陪下聽下佢訴苦。記得讀大學果陣時，我地兩兄弟試過爭女爭到打交，我地兄弟情都係打交打番黎，畢業後各自各搵工，我地都有保持聯絡。最近佢失戀，我地男人都會出黎傾心事。失戀唔飲酒，我地去食甜品。結果去到我食佢唔食！餐廳人客唔會好多，主要做街坊生意，餐廳裝修好簡單但係好似屋企咁好舒服，簡約裝修加上柔和燈光非常溫暖。牆上有粉筆畫左公仔寫左甜品。餐牌選擇都好多，而且配搭好有創意。我由多款甜品中叫左一樣，花布街！我好鐘意芒果，特登叫左全是芒果的甜品，芒果布丁/新鮮芒果粒/黑珍珠/豆腐花/啫喱粒，用上芒果醬做底，芒果味好濃好滋味！賣相非常吸引，豆腐花好滑溜，配上芒果汁好香甜好降溫，芒果布丁芒果味濃，入口震騰騰，魚膠粉份量控制得剛剛好！加上少少黑珍珠點綴，口感好豐富！芒果味好突出，岩哂鐘意食芒果的朋友仔！份量剛好，甜度唔高，飯後食好適合！

今晚逛完廟街，食埋晚飯，意猶未盡想食甜品，早前聽聞永安百貨後邊有間特色甜品，即時search下位置，果然行兩個街口就到餐廳座位有一定距離，多人黎都坐得很舒服睇下有咩特色甜品先，最潮嘅台式芋圓都有喎原來小食都有供應重點係呢張，特色甜品喺晒度花布街這款是必點甜品，芒汁是新鮮芒果即打，又甜又有極濃芒味，芒果粒粒當然都係好甜，蘆薈粒很爽，仲有黑珍珠粒粒同埋香滑豆腐花做底，真係無點錯，正鮮雜果涼粉雜果相當大堆頭，有西瓜，芒果同埋火龍果，全部都好新鮮，汁底是新鮮打成芒果汁，配埋涼粉食真係夠晒消暑

同呀媽食完飯，因飯店的餸菜太好味了，食到好飽，途經油麻地「愛甜心亅甜品屋就坐下來，叫咗兩碗生果的甜品，可幫助消化吓，看見甜品的價錢也不是太貴，好多甜品屋叫一個甜品，要成五十蚊，這店都好抵食。雜果西米$40， 有多款生果、芒果、西瓜、菠蘿、火龍果，仲有滿滿的芒果汁黃金島$42，火龍果、柚子再加滿滿的蘭香子， 食落好有口感。店內餐牌上，大多數甜品都有齊， 有中式、西式。油麻地交通十分方便，而且甜品 款式甚多，價錢相當抵食。

百思不得其解點解可以做iconic.... 麥提莎同啲椰子味完全唔match。。幾粒麥提莎是是但但打氣啲椰子泡咁就收35蚊。 35蚊食呢碗嘢定去惠康買幾包麥提莎加杯 真材實料既椰汁大王， 真係要諗清諗楚。 食完好嬲自己，覺得自己咁蠢做咗水魚。綿綿冰完全冇朱古力味，只係得深啡色色素。賣相極度核突。員工服務態度完全沒有。D staff一人一張枱各自忙於玩電話甜品食完係應該有開心的感覺。但食完有中伏感，真係貼錢買難受