愛甜心甜品 (已結業)

今晚約左男朋友食糖水，因為我同朋友出去食飯，而男朋友又想見下我，我地就約左去佐敦食糖水啦。有間街坊甜品店叫愛甜心，環境好舒服，而且裝修簡約舒適，主要做街坊生意，餐牌選擇又多，我地一人叫左一個糖水。男朋友鐘意食腐竹蛋花糖水，佢加左西米圓，有綠豆和芋頭蓉餡料，西米圓好有咬口，餡料唔會太甜，腐竹蛋花底夠清甜冰凍。我叫左新鮮芒果拼芒果布甸，芒果醬底，入口清甜，濃香芒果味夠突出，原塊芒果夠新鮮唔會太酸，芒果布甸夠彈牙，芒果味都算濃郁。