意廊

营业中

休息中

今日同朋友仔慶祝生日，於是選擇咗沙田一間餐廳，由訂位到埋單都令我十分滿意，電話訂位接聽嘅小姐不單止有禮貌，重提供前往餐廳嘅資料，由沙田新城市廣場或火車站有免費穿梭巴士服務直達餐廳，不過只限星期六日。　我同朋友到達餐廳後，侍應小姐接侍禮貌非常好，而且餐廳有個好特別優惠，會跟隨當日氣溫給予折扣，例子：氣溫31度，折扣會係六九折，當然加一服務費就照原價計算！　我哋各自點咗兩個Set Dinner可選頭盤或餐湯，一款主菜，加多$30重有是日甜品，聽落好似好普通，但頭盤、餐湯、主菜都可以在餐牌上點選，唔係好似其他餐廳只得兩三款選擇。　首先有餐飽，唔係一個，係一少籃，包括有幾款嘅麵飽，‘暖粒粒’味道唔錯，我選咗頭盤（香煎鵝肝配香草焗蘑茹）蘑茹入味鵝肝皮脆內軟，不過就濃咗少少，但可接受！主菜（炭燒牛扒）味道恰當，牛肉汁濃厚“正”，甜品（意大利奶凍）OK香滑（朱古力慕絲）朱古力味香濃！之後重有餐飲，但咖啡就扣咗少少分，有咖啡香味，但唔夠濃亦唔夠滑，我諗檸檬茶會好啲！總括：召侍服務好！菜或味道好！價錢合理！可以試試！提示：如果想坐窗口位，又或者餐廳入啲位置，請喺訂位時揚聲！

This place used to be one of my favorites in Shatin area. Recently had the chance to dine here again with a few friends, only to find that the quality of the place had slipped considerably. The menu had been changed, and so I had reason to believe that maybe the chef was also gone. Many of the items were now boring and unimaginative, and we had quite a hard time in making our choices. Finally we all settled for the 3-course dinner sets. For starters, the pan-fried goose liver was still good, al

本來以為間餐廳幾好，因為openrice全食評都係好。於是數日前打電話訂枱，到今日去到個waiter話冇我個訂枱，又話我訂錯咗，應該係日本菜。真唔明白照住電話號碼去打都錯。而且個waiter態度俾我既感覺，一定係我問題。最後要等15分鐘先可以入座！我一家坐低都有15分鐘，就連基本既清水都冇一杯。要自已開ロ問先有，唔知係咩服務連茶記都好過所謂既酒店。食物都係一般，冇咩驚喜。而且，仲要食到成頭汗，因一D冷氣都感受唔到！睇黎只此一次

I always think there aren't that many choices for western food in Shatin. There are mainly chain restaurants in Shatin. On my birthday, I found this restaurant on openrice, after I read some reviews about this restaurant, it seems to be quite a nice place!The decor is a bit old fashion and a bit cold. It's not like the usual italian restaurants which always feel very warm and welcoming. It was quite empty when I got into the restaurant. Despite the unwelcome felling, the staffs are actually

真真請媽媽食飯，預祝母親節隱陣美味有氣氛，慶祝活動首選－－麗豪意廊．意廊推出新set dinner，爸媽都話好正，是在A La Carte Menu任選頭盤或湯，及主菜，加埋飲品及甜品，４度菜，$288．很多信用卡都有82折，今晚渣打和Citibank卡則有7折，嘩！即係$200元．爸爸選了最貴的頭盤鵝肝，及最貴的主菜澳洲和牛肉眼扒；媽媽則另叫了一個５度菜set dinner，$308，有芝士焗龍蝦。真真最鍾意麵包籃，最好味是芝士棒，如果唔夠問佢哋再比都得o架，以前試過，今晚就食唔晒．這裡個個哥哥姐姐都好nice，好似個個都鍾意同小朋友傾謁，又多請了一杯甜品給真真吃．在洗手間碰到唱live的姐姐（相信是菲律賓姐姐）都有同真真傾謁。一家三口埋單4百幾，唔知媽媽係唔係真係會喺我Ｄ利是錢度扣翻呢？

約左班friend去沙田麗豪個間意廊,從來未試過，有幾個friends都話呢度d野唔錯，我地三個人，叫左兩個set dinner, 再要多個pizza，一齊share食。意大利蕃茄湯唔係好夠熱。pizza勁好食，一定要試。 牛仔膝配意大利飯, 好香，味道不錯。其他食物都幾好食，不過無咩驚喜。整體黎講食物都幾有水準，而且侍應既服務好殷勤，唔錯！唔錯！

上星期日老公去左日本做野, 於是特登同阿仔去食下野, 諗起之前老公同我黎呢道食過dinner, 今日再黎試下個中午自助餐, 呢度吾係好大, 人都吾算太多, 所以特別舒服, 食自助餐就啱哂阿仔, 等佢可以走圍走下. 雖然係自助餐, 但係D野又都既高質素喎, 我就最鐘恴食 parma ham, 同埋蜜瓜一齊食, 正. 阿仔當然主攻佢至愛既pizza 同蛋糕. 我地share左一個主菜, 炭燒安格斯牛扒配燴洋葱, 份量夠哂兩個人, 仲好好味添.我地由12點坐到兩點半, 好舒服咁過左一個中午, 訓醒覺又吾駛趕頭趕命咁食早餐, 下次老公番黎, 等我飛起阿仔同老公黎食過!意外驚喜係原來酒店有車車番去新城市廣場, 等我可以shopping下.

星期期在沙田食LUNCH是很難搵位，特想起可以試一試酒店內的餐廳，去到就選了這間睇名都覺得係食意大利菜。11時半到，我係第三枱客，地方幾舒服。有三類價錢的SET LUNCH，最貴都唔過$200，都幾合理。我同朋友都選了$168的SET LUNCH，我食鱸魚，朋友食羊腿。點菜後，侍應即呈上麵包籃，內有芝麻包及脆條，食完後仲問我們要唔要加添，真是細心。之後上前菜，巴馬HAM哈密瓜伴菜沙律，都幾好食，夠新鮮。湯就普通d。上主菜了，爐魚的汁幾好味，用番茄，有鮮味之餘條魚唔"sen"，我証試朋友的羊，其實一d都唔似羊，有些似牛，但唔硬，d汁就無特別。但整體上碟的裝飾是見廚師心思。不過煮法一d都唔覺係意大利菜。最驚喜的當然是甜品，諗住set lunch最多俾球雪糕或一件餅仔，但一來是一杯有4粒的朱古力巴芙，令我超級開心。最後當然有餐茶。整體來說，食物水準不錯，有些驚喜，招呼好，有禮。價錢合理，埋單時以為連加一應該要約$350，但俾錢時收唔過$29x，唔知係唔係有折，仲有免費泊車，算ok。最失望相信是酒店內的廁所，衛生差，地濕及滿地廁紙，酒店一定要改善管理。

情人節, 周圍都很多人. 上來openrice睇, 見這裡有下午茶自助餐.就決定去看看環境.到步後, 四周都無乜人, 環境也不如相像中高級. 經查詢後三點開始自助餐. 沒有book位就走了.因早上遲起床, 下午都沒有食東西.等到女朋友到沙田後, 一起過來, 剛好三點多少少.直接入內, 太小人了. 食自助餐的人不多, 大多人是下午食lunch坐到現在.即開始看看有什麼食.食物種類是很少的, 應該三至四轉已經可以全部食物試齊.食物味道不錯, 但不夠熱, 環境其實比較迫, 但因為沒有人, 可以接受, 不過當人多後應該都幾迫, 而且最入的位置比較熱.椅子不太好坐, 有點很舊的感覺, 如果換了像coffee shop的就一流.侍應態度不錯, 收碟也快, 不過可能因為少人.自助餐的pizza很差, 我想在這裡食下午茶, 不用當她是意大利餐廳好了, 完全是沒有關係的.雖然有很多不足的地方, 但最大的優勢是少人, 我們倆人靜靜的坐到五點, 也很飽, 其實很多時食自助餐都眼闊肚窄, 這次全部食物都食過, 好食的再食多次, 已飽到吃不下了. 多點時間傾計. 不失為relax 的選擇.另外, 每位$118,

早前去麗豪酒店的意大利餐廳同朋友慶祝生日, 叫左個set, 配搭夠意大利特色, 有頭盤, 湯, 主菜, 甜品, 飲品, 份量足夠頭盤: 火腿沙律湯: 意大利蕃茄湯, 味道偏鹹。配芝麻麵包, 估佢唔到咁好味, 夠熱, 外層烘到好脆, 可以請Waiter添加任食既,再加上d特製牛油(混入香草既), 正!主菜: 安格斯肉眼扒黑松露菌汁, 吃得出牛扒本身都係好優質的牛肉, 好有牛味! 牛魔王必食!!! 哈哈!!! d黑松露菌汁好香! 可惜牛扒煎得太熟, 哂咗!焗龍脷柳莧菜卷: 賣相好靚, 想吃得清清地既好選擇, 啖啖魚肉同菜好夾, 雖然吃不出係莧菜, 用左南瓜汁伴, 甜甜地好清新甜品: 意大利雲呢拿雪糕, 好滑, 有朱古力醬伴既不過個餐無cake選擇, 結果要再去下場同朋友切cake慶祝生日坐位舒服, 燈光暗暗的, 鍾意佢有戶外茶座, 就算冬天唔會座出去但都增加relaxing feel ma!! waiter 服務都好周到, 價錢合理, 可以推介。

女朋友生日，得知麗豪酒店意式餐廳Avanti有信用卡優惠，便到嚐試”燭光晚餐”。當晚有現場女歌手唱歌，而且氣氛浪漫舒適，都幾好feel！Order左兩份Set Dinner，頭盤個蔬菜沙律配鴨胸都唔錯！D蔬幾綠幾新鮮，鴨胸肉質幾滑，脂肪跟肉比例鮮明，且不會油膩。但個蕃茄湯唔夠熱，仲有D”金寶湯”feel‧‧‧敗筆！主菜叫左安格斯肉眼扒配黑松露菌汁and巴馬火腿焗雞胸。先講塊扒，6成熟，肉質幾鮮嫩且入口即溶，正！再配上個香濃菌汁，很入味且不會帶走牛扒本身鮮味，OK正！另一道主菜，雞胸肉質則老左D，但配上火腿同醬汁一樣不錯！甜品是我最最最喜歡的泡芙配草莓醬！不用多講！正！下次有機會一定會試埋其他菜式，可能‧‧‧情人節吧～^^

08-12-28麵包籃海鮮頭盆番茄芝士頭盆南瓜忌廉湯菜湯什菜煮牛膝澳洲和牛扒木糠布甸原價$258 DBS普通卡88折,質素几好, 價錢折扣后都唔太貴,我地食咗2個麵包籃,食完1個叫佢再添,麵包有几款,鬆軟都有小小熱,點橄欖油仲好食海鮮頭盆新鮮又多料,凍食都唔腥,有鮮魷、魚、帶子…几弹牙,用橄欖油同黑醋調味,食落好清新; 車厘茄芝士,因為係要用Mozarella, 所以芝士味略淡南瓜忌廉湯滑, 有南瓜甜味; 菜湯就好清,都有蔬菜甜味牛膝好似用番個菜湯嚟煮,類似煲湯骨, 啲肉仲有肉味,中間骨筒有骨髓,啜到牛嘅精華,佢有個煎鱸魚揀嘅, 但見牛膝特別,所以先至叫嚟試吓和牛扒几大塊, 食到有牛肉嘅脂肪香味,煎得剛剛好,食落都嫩口木糠布甸,英文寫Tiramisu, 面頭有餅乾碎粉,用酒杯裝,都几好食嘅,唔太甜几軟熟,有點點酒味 因為啲相超過1MB,唔可以令你地感受到,下次會調校吓合共$505.7

昨晚為慶祝男友生日,到了有沙田蘇豪之稱-麗豪酒店內的意廊Avanti 餐廳晚膳。在餐廳門外已經有接待員禮貌親切地介紹各款menu 內的意大利菜式。到了餐廳內亦有兩種不同環境可供選擇,有露天雅座,亦可選擇擁有開放式廚房的餐廳雅座進餐。最後我們選擇了配合柔和燈色的餐廳內進餐,好有情調。 食物方面.侍應生把我們的頭盤,湯,主菜,甜品,逐款送上,非常專業,有service,亦不像催促我們進餐而打擾氣氛。最印象深刻的是主菜肉眼扒,肉質非常嫩,肉汁從扒肉慢慢滲出,好好味。 遺憾的是在餐廳內會聽到一些車聲及少量噪音從店外的馬路傳來,而洗手間亦設於餐廳外,有少許不便。 總括而言,我和男友對這晚的用餐十分滿意,希望能為男友留下美好回憶啦。 而Avanti 絕對是一間值得推介的餐廳!

今天朋友 提議去食 自助餐 ,但係自助餐太常食,到是想食d 特色食物.就想起 之前去過的 麗豪酒店裹 有不小特色餐廳.所以再次來到,今次 選擇食意大利菜.Avanti我點左個set lunch 來食,有前菜 ,湯 ,主菜 ,甜品 ,同餐飲.個湯幾好味,可以要多一碗 就好啦.主菜就有8 個選擇,最後 我點左 羊扒(7成熟)唔太羶,都幾大件,朋友就點左 牛,d肉質好嫩,應該係靓野,可惜甜品 唔係我喜歡的Tiramisu~_~ ,用信用卡 埋單仲有折

Since the area's turned to a spot for "Soho" dining, its variety of cuisine has been highly recommended by media.Sadly nice italian cusine is pretty hard to find in the area, delighted by this new place, 2-hour free parking after dining is another nice offer.Served wholeheartedly by its friendly manager (who'd recline his entire torso to help explain dishes or make suggestions...) & started with a basket of mini-bread and sticks with standard olive oil and vinegar.Appetizer-wise...got the grille