意廊

营业中

休息中

有Sponsor咁高興，一行6人行遠啲，去酒店食個lunch，同同事share黑松露野菌薄餅、香蒜欖油海鮮意粉同烤安格斯肉眼扒，試均哂三款主食～開心😃。點一款主食可享用前菜同甜品吧同餐飲，再加用Open Rice訂位有75折，抵上加抵。前菜吧有三款芝士、合桃、鴨胸、煙三文魚、蝦、沙律菜、豆類(腰豆、鷹嘴豆、粟米)⋯⋯仲有好味嘅蘑菇湯，淨係呢個前菜吧都好有誠意，而且所有味道都唔差添。薄餅趁熱食，餅皮外脆內軟，黑松露同野菌配芝士好香。海鮮意粉用料十足，有青口、蝦、帶子、蜆同菇菌，欖油夾蒜香同黑椒嘅辣令個意粉升華不少，越食越想食。五成熟肉眼，有焦香味，有肉汁，肉又嫩，毫無挑剔，估佢唔到嘅薯條，本身有調味，非常香脆，忍唔住一口接一口。Happy Friday大滿足。

這道餐點的開胃菜令人驚喜，酥脆可口的炸洋蔥圈外脆內嫩，搭配他他汁，清新的酸味恰到好處，讓人一吃就愛上。香辣水牛城雞翼則是另一道亮點，雞翼外皮焦香，肉質鮮嫩，香辣的滋味讓味蕾瞬間升溫，十分過癮。接下來的美式香煎蟹肉餅，鮮甜的蟹肉與香料的完美結合，口感柔軟，讓人每一口都感受到海鮮的鮮美。迷你巴馬火腿田園沙律則增添了一份清新，火腿的鹹香與新鮮蔬菜的脆感交織，清爽又不膩。甜品部分，招牌意大利芝士蛋糕濃郁香滑，入口即化，讓人回味無窮。朱古力布朗尼香甜滋味十足，口感豐富。而清新果香的芒果慕絲蛋糕則為整頓餐點帶來了完美的結尾，清爽而不膩，令人心情愉悅。整體而言，這頓餐點不僅美味，還兼顧了色香味，是一次愉快的用餐體驗。

Dinner有頭盤+湯同甜品生果半自助餐種類都多👍👍另外仲Order咗🦐大蝦卡邦尼汁意粉意粉好彈牙，蝦都好鮮甜好香口🦞卡邦尼汁口感Creamy好濃味~超推薦👍👍

早幾天，去了沙田麗豪酒店的意廊吃英式下午茶，餐廳枱布很有懷舊感，而下午茶有咸點及甜點，非常好的配搭不會太甜膩，而且有咸點可以填飽肚子，味道很不錯! 下午茶架中的食物很豐富，種類很多，有脆炸洋蔥圈搭配特製的他他汁，外脆內軟，口感層次分明，令我很驚喜，因為平常我都覺得不太好味，但這裡的我竟然全都吃掉。而水牛城雞翼的香辣風味完美融合，美式香煎蟹肉餅則散發著海鮮的鮮美，每一口都令我好enjoy，而迷你巴馬火腿田園沙律則清新可口，為味蕾帶來一絲爽快。甜品方面，招牌意大利芝士蛋糕滑順濃郁，朱古力布朗尼的濃烈巧克力香氣令人心醉。芒果慕絲蛋糕則清新甜美，完美平衡，而鮮果忌廉撻更是讓我食指大動，這次的下午茶體驗令人難忘，絕對值得一試！

我們的悠閑選擇，食物水準能保持，感覺一次比一次好😉，坐位環境舒適，可遠望城門河，每次到來必食餐廳的沙律甜品吧，仲有pizza和意大利飯，絕對最合一家大細一齊到來試吓🥳🥳

一向鐘意同好姐妹周圍食下午茶～今次黎到富豪集團旗下的麗豪酒店 – 意廊品嚐「河畔優閒下午茶」！☕️以傳統Afternoon Tea嘅圓形三層架，放滿各款鹹甜點心，融合意大利及美式經典小食，喺官網 訂購，買一送一好抵呀！ 🌮精美小食- 酥脆可口脆的炸洋蔥圈配他他汁  - 香辣惹味的水牛城雞翼 - 鮮甜仲有絲絲蟹肉的美式香煎蟹肉餅 - 清新可口的迷你巴馬火腿田園沙律 🍰巧手甜點- 濃郁香滑的招牌意大利芝士蛋糕 - 香甜滋味的朱古力布朗尼 - 清新果香的芒果慕絲蛋糕- 鮮甜可口的鮮果忌廉撻  🫖最後還可選咖啡或茗茶 !意廊📍麗豪酒店地下34-36 Tai Chung Kiu Rd, Sha Tin

今晚在這𥚃晚飯，主菜叫左「羊鞍」，之後加多68蚊包埋頭盤連甜品，當然本身已包湯🍵及飲品☕️頭盤都係沙律同凍肉；而甜品就有多款蛋糕及生果選擇。羊鞍真心好食，份量可以。蘑菇湯都好好飲。呢度環境同食物質素唔應該咁少人幫襯，其實餐廳周圍啲食店來來去去都係港式，想食餐正宗嘅西餐可以試吓呢間。仲有小小驚喜，好欣賞侍應放餐上枱的擺位，好細微嘅動作就反映到嗰份專業。宜家仲做梗offer，夜晚有折。咁都有唔好地方：如果跟湯嘅餐包可以加熱就梗好

諗起好耐都無食過 港女下午茶想靜靜地享受一個假期選擇左 意廊 河畔優閒下午茶 14:30-18:00 供應Sauce迷你巴馬火腿田園沙律 脆炸洋蔥圈配他他汁水牛城雞翼水牛城風味幾入味！美式香煎蟹肉餅Sauce 部分正常發揮，個蟹餅一絲絲蟹肉都幾好食！SWEETS 招牌意大利芝士蛋糕很喜歡底部會有塊脆餅，口感幾好！朱古力布朗尼芒果慕絲蛋糕酸酸甜甜同樣有脆餅增口感鮮果忌廉撻迷你撻夠脆新鮮都幾好味芒果汁兩杯天然清香芒果味～甜點有驚喜，幾樣都幾好味性價比都幾高ga!避開人擠人 我都幾喜歡呢度環境。

麗豪酒店 ~ 意廊「河畔優閒下午茶」 (二人用)❣️買一送一優惠❣️(31/8前經網上商店訂座）意廊推出河畔優閒下午茶☕️ 以圓形三層架盛載各款鹹甜美點，薈萃意大利及美國經典小食，滿足味蕾享受😋其中蟹肉餅煎至金黃酥脆，內有絲絲蟹肉，甜品仲有招牌意大利芝士蛋糕🍰 咖啡濃香配上幼滑細緻嘅慕絲，層次豐富。另外仲有芒果🥭慕絲蛋糕、鮮果忌廉撻，好有夏日清新感覺。立即預訂，細味精緻滋味，投入愜意時光。🌮精美小食-脆炸洋蔥圈配他他汁-水牛城雞翼-美式香煎蟹肉餅-迷你巴馬火腿田園沙律🍰巧手甜點-招牌意大利芝士蛋糕-朱古力布朗尼-芒果慕絲蛋糕-鮮果忌廉撻🫖精選咖啡或茗茶

前幾日同屋企人去意廊食晚餐，野食總概黎講都算幾好，正常水準但果位著住西裝既uncle職員真係😥😥問佢會員優惠果啲野又唔知，態度又差，無諗過黎酒店食野係咁既服務希望如果酒店見到呢個留言，會認真真培訓下啲員工，唔係都幾難有客想番黎食野😅

星期日周圍人多，很難找到不限時又坐得舒服敍腳點，這𥚃系不錯選擇，它設在沙田麗豪酒店地下，環境優雅舒服，少人不嘈吵，還有露天茶座，適合三五知己談❤️。假期也有tea set,價錢不算太貴，食物大小適中，食物賣相0 k，味道一般，服務員態度良好，如果對食物味道要求不高就應該5會失望！但洗手間就有改善空間，有特別氣味和極不衞生，希望酒店人員認真跟進，否則一定嚇跑顧客😵‍💫😵‍💫

沙律吧嘅青蘋果青甜又爽口， 木耳辣得來又 惹味，又食到本身木耳嘅爽口， 沙律吧總體簡單又好食， 食得健康；比目魚及鱈魚煎得香，又保留魚本身魚肉味道， 黑松露磨菇湯好好飲， 服務員態度，專業有禮又健談， 環境寧靜又舒適。

甜品吧的朱古力蛋糕超好味，魚子三文魚pizza 沒有油膩的感覺， 很好吃。 比目魚及 鱈魚嫩滑好吃，大蝦 夠大隻 沙律吧 的蘋果沙律及蘑菇湯 值得推介，健康又好味。 服務員態度 專業有禮，環境寧靜舒適。 有很好的體驗。

是日同家人聚餐，之前都有幫襯過，一行人都係食lunch set，失望而回。先講個salad bar，食物種類比以前少左好多，我地大約1點到，salad bar野食都得返4-5成😅而且真係無refill過…幾失望。甜點方面用餅乾代替蛋糕…。有一款類似蜜桃鴨胸沙律..只見到蜜桃😂，大家可以想像到無refill嘅情況。主菜方面，點左pizza同卡邦尼意粉。pizza好乾身同普通。皮邊乾到我吃不下。意粉其實份量幾多，但上面嘅配料醃得太salt🫠服務方面一如既往，佢嘅服務係近乎零😂客人其實唔多，樓面職員少，佢地亦唔會巡視下客人有無需要😂。以往覺得性價比都唔錯，今次去就真係幾失望。

真係零服務，明明早到，未夠6點就入座 。餐廳入座一半人都無，叫個牛扒半個鐘都未到 ，隔離枱遲過我入座仲快過我有扒食。追佢，仲話多單，神級答法，唔發火都難 。餐廳環境唔算乾淨，啲櫈有跡既，酒店個廁所又污糟 。呢間酒店真係想執既做法 。叫個意大利飯，味道尚可以，但份量真係小 。人手又唔夠，不過依家啲食肆都係咁上下 ，有工無人做 。睇見呢啲不思進取既食肆，真係影衰香港既餐飲同旅遊業 。唔好怪人地北上消費，自己有無諗下點樣做好本份？