悅滿軒

哩日幾乎係住月最熱既一日, 一出街已經可以比高溫溶化!餐廳位置比較隱閉, 埋名於山中, 係高溫之下由美孚地鐵站行上去都認真唔簡單!一見到個餐廳名以為係中菜, 睇真D Menu 原來係西餐, 抱住試伏既心情入去, 點知又有驚喜喎。不過你又估唔到佢雖然位置偏僻, 都竟然有唔少人黎到哩到, 我地都係係美孚無意中發現佢既存在。入到餐廳店員彼多, 少過半數座位有人入座, 但竟然無一個侍應得閒黎接待我地, 但老細同一家人都係到食緊野, 佢就親自起身黎接待我地。問左我地無booking之後, 就安排左我地坐係最近廚房門口既位...話其他位已有booking...fine...不過之後食野慢慢發現根本無booking時, 心裡唔太開心。野食方面真心十分唔錯, 性價比十分高!!!Appitizer有個南瓜湯同沙律, 味道OK。主菜我點左個Medium西冷, partner點左個medium羊架, 兩樣野賣相已經唔差, 食落仲十分有驚喜, 食得出食材用料完全唔馬虎, 肉質嫩滑, 無羶味, 無雪藏味, 擺盤都有用心! 羊架有用蕃薯做既薯蓉好好食, 推介!Grilled Australia Lamb Rack

呢間係法國菜,置身係文化館好有文化氣息呀!D野食仲好好味添。個甜品好靚,係梳乎里來的,仲跟埋個ICE CREAM,好正呀!個STEAK好大塊,可以兩個人SHARE,仲有D 新鮮既蕃茄仔做點綴,D蕃茄仔仲會爆汁,好JUICY。另一個甜品就係CREAM BRULEE,面層有焦糖,只中意焦糖,分佈係大片既蛋上面,真係好好味呀!呢度既性價比OK,服務都唔錯,裝修都幾好。行下文化館再同文青朋友黎食野就岩晒啦!

雖然唔係好就腳，但係朋友介紹，就去試吓啦，雜菜湯味一流，蕃茄味好香口，軟殼蟹意大利飯好creamy，雖然出餐有d慢，等左成half-hour，但都值嘅，豬仔肶也燒得好好，醬汁好特別，不過價錢不算大眾化，如果唔係朋友介紹真係唔識去，佢嘅位置喺美孚上山，泊車最低消費兩個鐘要$50，如果以食一餐飯二百幾蚊來說，就有啲唔抵，今次全餐廳只有三台客，我等左半個鐘頭食物，雖然用心製作，但這一個lunch真係要好有時間先可以品嚐到

非常有heart的一間餐廳！由裝修到食物都一絲不苟。地磚懷歸得來靚到冇人有，座椅餐具都非常精緻，粉紅色咖啡杯令唔飲咖啡的我都好心動，花朵羹仔更是美的無語。環境優美，仿似去了旅行的感覺！絕對是打卡必去！啲嘢食都非常有水準呀！非常推介的一個聚腳地！簡直係人間樂土呀！

同朋友聚餐，黎左依間，地點響美孚地鐵站行5-10分鐘，但就要搵下附近環境算清幽，都幾舒服。叫左份乳豬，羊架，鮑魚墨汁飯，鵪鶉清湯。乳豬皮脆肉嫩，個汁同個酸菜好出色羊架就叫左7成熟，都偏嫩，配左個腸有驚喜，咬落會噴汁。個墨汁飯，個人覺得冇乜特別。鵪鶉湯就好清甜。甜品就叫左自製雪糕，梳乎厘，伯爵茶奶凍。梳乎厘好香雲呢嗱味，鬆軟。伯爵茶奶凍，好香既伯爵茶味，啱伯爵茶一定要叫！價錢就3個人平均每人500有找，算中上既價錢。但依個價錢，食到依個質素既野食就真係唔貴！

前幾日放假，好有閒情逸致咁去咗饒宗頤文化館行下經過呢間餐廳就走咗入去食早餐了可能太早啦，我8點多已經走上去。得我一個客人。裡面個場都幾大，上面仲有一層，我選咗個窗邊位置坐。望住窗邊發呆都幾舒服佢哋早餐唔算多，Sorry，忘記影底餐牌但係勝在質素好我點咗個三文魚班尼迪，做得唔錯，我試過其他餐廳成隻蛋已經熟透了。佢呢到唔會，做得很好，值得推介隨餐仲奉送一杯咖啡或茶。我每朝都會飲杯咖啡的。佢呢咖啡就稍嫌不夠香濃。咖啡出唻都無咖啡油喺面但係食物就真係好食有機會會再唻試其他早餐

女朋友生日 令人最煩惱嘅係 去邊度慶祝好呢於是乎我就問咗朋友意見 佢就介紹咗我黎House Of Joy 當日泊咗車 淨係計行上嚟嗰條路已經夠晒浪漫🌹 再加上啲建築物十分有歷史價值 環境絕對加分當一入到餐廳之際 比我嘅感覺係舒服嘅 無論環境 侍應 再加上適量嘅音樂 正🥳 坐低第一件事當然係睇吓餐牌先啦 整體來講所有嘅食物都好吸引 所以我就詢問左侍應 有什麼出色嘅菜式 後來佢同我介紹咗 泥蟹湯 鵝肝 黑松露闊條麵 同埋牛腹肉個湯對我來講好正 因為比較濃味 同埋真係有蟹肉 夠足料。鵝肝都唔錯 食落唔會覺得太肥膩。闊條麵就相對比較膩少少 因為個黑松露同忌廉汁比較濃味。牛腹肉對我來講係冇得輸嘅 因為我本身係一個牛控 五成熟啱啱好🤤後尾仲叫咗個法式凍奶同埋梳乎厘 即叫即正出到嚟熱辣辣 好耐都冇食過咁有水準嘅甜品食物反映價格質素 值得返轉頭

朋友約食飯，喜歡呢度坐得舒服，午餐點了燒春雞配橙汁，有湯、沙律和飲品，價錢少少貴，尚可接受。燒春雞配橙汁，想唔到橙汁又幾配搭，酸酸地開胃，雞肉質算嫩，平時唔喜歡食雞白肉，入口都可接受，可惜所謂燒春雞原來只的雞脾和小雞槌。讚賞呢度侍應好nice，坐耐也不會趕客。

美孚好去處噚晚同老婆及家人一行六個大人去左饒宗頤文化館入面既西餐廳House of Joy食晚飯， 餐廳內梳化櫈藍白配搭得幾靚, 環境唔錯。坐低後我地叫左好野食, 法國泥蟹湯, 燒牛肉沙律, 意大利托托蜆配昆布湯, 燒日本鮑魚配墨魚汁燴意大利飯, 烤西班牙乳豬配白蘭地蜜糖牛油汁, 澳洲M5和牛斧頭扒, 烤原條比目魚, 朱古力心太軟及梳孚厘. 各人飲左個泥蟹湯先, 個湯好重味, 唔算漏. 之後個燒牛肉沙律都唔少牛肉, 但有少少多油左. 個意大行托托蜆就好厚肉, 個昆布湯都好正飲埋. 鮑魚墨魚汁燴意大利飯好正, 鮑魚燒得好好味, 不過食完一定要抺咀. 個乳豬皮脆肉嫩, D唔使配菜都好味. 斧頭扒5成剛剛好, 好重牛味, 抵食. 條比目魚都好抵食好大條. 梳孚厘唔算太甜剛剛好, 心太軟就唔算出色.

第一次忍唔住留食評，因為呢間確實值得推介！價錢親民，但野食係十分高質。黑松露忌廉汁寛條麵 - 4/5 好穩陣既選擇，重黑松露味，麵既軟硬度岩岩好，不過好濟 share食會好啲油封鴨配焦糖蘋果** - 5/5 呢個十分出色！我本身麻麻地duck confit，因為無論香港定外國都好少食到好食既。佢呢度個皮係脆既，好香口之餘又入口即溶，有少少似乳豬但有鴨香味！烤羊架 - 4/5 相比之下，羊架就有少少遜色，都好食既，不過唔算太特別。煮到我地叫既熟度，肉唔"un"。反而伴碟既羊肉腸有驚喜最後係甜品！心太軟 - 4.5/5 我個人係十分鍾意食心太軟，呢度既唔太甜，食得出係用靚朱古力，同出面既甜品舖唔同。好好食！雲呢拿梳乎厘 - 我只係食左一啖 已經比人快速清哂呢間絕對值得一黎再黎呀！

朋友平時經過美孚饒宗頣文化館都無諗過入面會有乜野特別，都係古蹟啊…文物之款但我朋友話想試吓喺呢到入面食飯，我覺得好驚訝，乜入面有餐廳既咩～所以今年友人既生日就決定黎house of joy 試下😁一入到嚟職員會問你想要凍水定暖水，然後店員都好親切咁介紹當晚既推介同埋本身出名嘅菜式，照員工推薦，我哋叫左Italian clam 呢個蜆真係好好食，蜆肉夠大隻，啖啖肉，仲要勁新鮮再加上日式昆布湯的配搭，味道完全提升，特別鮮甜。原來昆布煮海鮮都唔錯🤣Japan abalone ink risotto呢個risotto 本身以為只係普通一碟加了墨汁的risotto ，但食落口會食到蕃茄甜味和淡淡既海鮮味，最驚喜的除左飯煮得好，上面果兩隻日本鮑魚仔，又新鮮又爽口～正😋Roasted spinach suckling pig 呢個乳豬仔不得了，皮脆肉滑切開多汁，仲可以叫廚師哥哥切細件小小，方便我哋鐘意開心分享的女孩😆再加上上面的酸菜和唔知叫乜嘅汁的配搭．值得一提的絕配👍👍因為今次係生日飯，所以同好姊妹來食，下次一定叫爹哋媽咪來試吓😋

朋友介紹我有間新既西餐廳幾好食而且係我屋企附近所以就諗住同屋企人一齊去試試啦一入到去餐廳環境比人感覺好舒服 藍白色既配合令到視覺效果唔會好單調乏味之餘又舒服我同屋企人睇左一陣餐牌就有waiter主動過黎介紹下有咩新菜式同埋有咩好食 佢地介紹左個燒日本鮑魚配墨魚汁燴義大利飯同埋蘋果木煙燻美國野雞 聽個waiter講野雞係真係野生飼養既雞黎要自己親身去捉先得而唔係我地平時食開果d農場飼養既雞d waiter有禮貌之餘會考慮到我地人數而介紹我地食乜唔會逼我地叫好多嘢食 抵讚！我同屋企人到最後叫左個鮑魚義大利飯、煙燻野雞、5成既牛腹肉、心太軟同埋梳乎厘個燒日本鮑魚配墨魚汁燴義大利飯冇介紹錯！勁好食但可惜有d漏所以食剩左少少不過佢鮑魚煎過所以好香而且墨魚汁味好重！食到我同我d屋企人成嘴都黑曬而蘋果木煙燻美國野雞真係冇得輸 個肉質完全同我地平時食開既農場雞唔同 當佢一上既時候waiter幫我地由個爐移過去個碟到果時超級壯觀 d煙噴出黎果下十分值得影相但可惜我遲左一步私心推薦野雞牛腹肉煎得好靚 一食落去又唔會好肥 係食完會想繼續再食果種真心超級好食最後甜品心太軟同梳乎厘waiter同我地講要等25-

今日下午同屋企人一齊去左饒宗頤文化館散下步 影下相 行完之後又熱又攰 開始肚餓 就去左裡面既西餐廳食晚飯 食完之後真係返唔到轉頭我地5個大人叫左3個法國泥蟹湯，2個鵪鶉清湯，法國油封鴨，蘋果木煙燻野雞，美國牛腹肉（5成），澳洲M5和牛斧頭扒（5成）泥蟹湯唔洗多講，一定要試！超級濃郁，好重蟹味，不過飲得多會有啲漏。鵪鶉清湯就好清甜，好適合小朋友同老人家飲。Main course方面，油封鴨都好入味，野雞就有個爐係你面前夾出黎，夠曬壯觀。 兩塊牛扒話要5成，佢真係煮到5成！岩岩好！ 牛腹肉就少啲脂肪 肉質嫩滑，而斧頭扒就好重牛味，入口即溶！最緊要係價錢一啲都唔貴！係出面比更高既價錢都食唔到呢啲質素！一定會再帶其他朋友黎食

朋友帶我嚟饒宗頤文化館行, 原來呢度係鬧市清泉, 有工作坊, 食肆, 酒店. 隨意行逛一下, 便到裡面的法國餐廳用膳.入口在餐廳最左位置, 用餐位置呈倒L形, 左邊是窗傍4人檯, 右邊是倚牆有軟座的4人或多人檯, 尾部有圓檯. 餐廳內沒有洗手間. 室內燈光悠和, 地磚亦有特色, 藍,白色為主調的花圖案, 簡潔!我們叫了1份芝士拼盤, 1客牛腹肉, 1客肉眼扒, 配意大利的紅酒. 點了的食物未來前, 來了有1客用厚木板盛著4片的切片麵包及1粒花形的香草牛油, 麵包皮脆內暖. 芝士拼盤就在同朋友傾吓食吓送上, 又是用厚木板盛著, 有芝士,無花果乾, 核桃和切片麵包, 當中3款芝士有羊芝士, 康堤芝士 同 莫爾比耶乾酪, 個人比較喜歡前2者, 剛好朋友偏好後者, 3款都各有粉絲.接著我們的主菜來了, 我的牛腹肉預先切成小片, 伴上一棵的熟蕃茄 以及1個烤過的蒜頭, 附上香草芥末及香草油點汁. 肉色睇落有啲紅, 可是沒有紅淋淋啊, 肉質鬆軟, 有入口融化的感覺, 回味! 朋友的肉眼扒就一塊的, 伴菜同牛腹肉相同, 點汁亦有2款, 試了一少部分, 反而覺得比較肥(莫非朋友比正肥膏位我?!),

朋友生日搵地方食飯，上網見到呢度都好似唔錯同埋幾特別，所以就係openrice呢度訂枱食飯。首先黎一個芝士拼盤 - 有幾款芝士喺度，有羊奶cheese，blue cheese，。。。👌🏻steak tartare - fresh & yummy帶子配牛油果沙律 - ok蟹肉湯 - 超超超好飲😋藍青口配白酒忌廉汁 - 👌🏻煎鵝肝 - 👌🏻 我哋叫晒四款扒，已經唔記得邊款打邊款，大致全部都好食 - 不過覺得最好食嘅係牛腹肉 😋😋😋😋😋慢煮和牛面肉配長通粉 - 通粉煮到剛剛好！味道亦一流😋😋😋麵包蟹肉燴意大利飯 - yummy 😋😋