悅滿軒

星期六中午想搵間環境舒服嘅餐廳休閒食個午餐，上網見到呢間喺荔枝角附近，揸車過去好方便有停車位。餐廳周圍嘅環境好舒服好有文化氣息，好適合周圍影吓相，因為星期六關係需要等左一陣先有位。星期六有午餐選擇，包括沙律，餐湯，麵包，主菜一款和飲品，沙律餐湯不過不失，主菜亦沒有什麼驚喜，羊扒正常，意粉不見得特別好食，一般西餐嘅級數，唔知係咪因為星期六人多嘅關係等左好耐先上菜。總括嚟講周圍嘅環境唔錯，環境上好有休閒放鬆嘅感覺，但食物味道一般，星期六日過來午餐最好預先訂位。

上個月佛誕第一次來，食午餐，感覺很好，性價比高，食物質素好，環境舒服，價錢唔貴。父親節前一天來食個父親節午餐，這天沒有市集，沒有特別多人，餐牌也沒有因為父親節而變貴了，不過就和上個月有少許不同。上個月有少許不同。前菜有餐湯、麵包和沙律，賣相很好，味道也不錯。主菜最喜歡羊架，香軟嫩，有羊味 。牛扒也不錯，件頭十足，抵食。唯凍咖啡就麻麻地，淡淡的。食完再到外面走走，文化館的展館都很有趣，介紹這文化館前身的歷史，小朋友都很有興趣。環境也十分文青，打卡一流。

同兩個朋友想舒服d食餐飯傾下計, 最後決定去左呢間House of Joy, 舖內裝修簡潔, 顏色配搭舒適. 我叫了一個鵪鶉清湯, 一個法國泥蟹湯, 一個芝士拼盤, 一個慢煮和牛面肉配長通粉, 一個和牛牛扒我地三個人share. 鵪鶉清湯, 內裡有少少用酒做既啫哩調返啲清湯味出黎, 個湯有隻鵪鶉肶, 感覺有啲似中湯, 味道很不錯, 未飲過呢種西湯. 法國泥蟹湯, 內有蟹肉同埋味道夠晒濃, 通常出面都係龍蝦湯, 估唔到呢個蟹湯夠晒濃味又好味.個芝士拼盤難得有原件既, 夠芝士味好正!!!慢煮和牛面肉配長通粉個味道夠濃, 我個女性朋友好鍾意食, 平時食半碗飯既佢今次竟然食晒. 和牛牛扒, 我第一次食, 個口感入口嫩滑，都有入口即溶個感覺，同其他牛肉有D分別, 入面肉汁好夠, 及牛味好重. 不防一試

食物質素👍🏻，第一次去食時揀咗個野牛，幾好！最正仲有梳乎厘，同埋要encore嘅自家製雪糕😋😋😋！第二次再去食，又再有驚喜，餐廳負責人介紹食個dry aged beef，平時無論Dry aged or wet aged beef售價都比普通牛貴，但係佢地就保持番同普通Rib eye / Sirloin 嘅價錢，Dry aged 牛味濃，鍾意食牛嘅我，勁Like😍🤩🤩! 另外，同行朋友唔食牛，所以揀咗食鷄做main course，用蘋果木薫D雞，淨係送呢度菜上台時，見到呢味菜嘅賣相已經覺得好得意，點知食落仲幾好食，之後再點其它飯後甜品都一樣正😋😋😋！

朋友生日，諗唔到食乜，其中有一個朋友話美孚文化館樓上開了新餐廳，上網睇食評唔錯，於是上去試試一入到去，見裝修不錯幾舒服，好彩我們早去，見到人不多，因為當我們食完時，餐廳已爆場😮😮好彩✌️✌️講下食物先，我和朋友頭盤叫了個布袋芝士蕃茄沙律和蟹湯，首先個沙律好靚，個芝士成個波好得意🤣，蕃茄也好新鮮好甜，和芝士配合味道一流，而個蟹湯鮮味濃郁，如果唔係留肚食大盤差點想飲多個😝而大盤我們order 了個肉眼扒和牛面肉通粉，完全好有驚喜，因為塊美國肉眼好厚好大塊，而食落去成數剛剛好，好有肉味😍😍好正👍👍而跟牛的醬汁也很特別，而個牛面粉也好好味，牛面好滑好濃郁，超正，最後甜品order了個梳乎厘，不太甜啱我口味，而最後埋單都是六百零蚊🤩🤩🤩抵酒店質素，平民價錢，下次一定要拉大隊再去🤤

餐廳在饒宗颐文化館內，一個充滿文化氣息的地方，最驚喜的是食物質素也很好，餐廳開業至今已經去了三次，afternoon tea set 用雀籠上檯好精緻，再配上花茶，好特別另外晚餐的斧頭扒和蘋果木煙薰雞也做得好出色，值得一去！

一位好朋友介紹我去一間剛開業不久的餐廳，因為本身這位朋友對食物沒有要求，起初..對於他介紹的確沒有什麼期望😂餐廳位於饒宗頤文化館，環境寧靜，舒適，是我喜歡的裝修格局，餐廳距離美孚地鐵站A岀口步行大概只需5分鐘，亦算方便但食物才是重點，食物上的確感到驚喜,食材質素,性價比超岀我預期的高，能感受到餐廳是用心制作食材..特別是「泥蟹湯，白酒煮青口，美國野牛西冷，梳乎厘」都很Surprise！另外，即使餐廳人手不足，亦不忘留意客人需要，侍應主動性很高，為客人斟添水時，會主動問客人意見,閒聊說笑幾句，服務上我是相當滿意的👍🏻意想不到..我這位沒有要求的朋友，竟然叻番次，帶我去試了一間高質餐廳😋😋謝謝今次好友請客，下次再來到我請吧😊對Steak我很有要求—-熟成度Medium拿捏得剛剛好👍🏻很Juice羊架——不錯，要特別mention旁邊的香腸非常好吃，咖哩味的香腸😋泥蟹湯———蟹湯味道非常濃郁，必點👍🏻白酒煮澳洲藍青口——青口吃得岀不是急凍貨，非常好吃，我一個人可以食兩份😍👍🏻推薦Starter：帶子沙律+熱情果醬汁——沙律菜新鮮👍🏻餐前蕃茄麵包——不錯👌🏻友人的Cocktail——Mojit

初次到訪饒宗頤文化館，館內好似只有呢間西餐廳，抱住試下無防的心態就係餐廳坐低了。👇🏻👇🏻餐廳門面👇🏻👇🏻我和友人沒有預約，不過好彩都可以立刻安排到座位；建議有興趣食呢間餐廳的朋友都提早預約。👇🏻👇🏻Lunch Menu 👇🏻👇🏻我們點了兩個午餐Share食😊前菜的沙律🥗蘑菇湯和麵包🥯沙律無特別，都係菜啦；蘑菇湯內有打碎了的蘑菇粒，配上忌廉，令蘑菇味更香濃；麵包麵很好食！有種說不出口的味道.....哈哈就是好味道。叫了七成熟的西冷，老實說，很硬，又多筋....真的一點也不好吃...👎🏻相反呢個辣肉腸闊條麵味道同賣相都很吸引！推介一試！一個微微刺激味蕾的美味闊麵🤤最後的餐飲凍奶茶（其實係一杯凍咖啡）。話說我點的是凍奶茶，那位年長的伯伯侍應將飲品很用力地放下時講明呢杯係凍奶茶，我一飲就覺得呢杯凍奶茶非常有層次仲好好味！喔！最後發現自己原來飲緊凍咖啡.......🤦🏻‍♀️總結：希望下次係帶家人一齊黎呢個文化館行下😊如果呢間餐廳未結業，就再黎試下啦！

朋友之前嚟過呢度食早餐，佢帶我呢試吓。睇下早餐都有五六款，我揀咗什菜奄列。賣相都不錯，奄列有洋蔥，蘑菇，蕃茄，車打芝士配沙律。感覺清新好味。另配上熱咖啡。真是一天好的開始。

好耐冇做老公撐吓枱腳，趁住weekend去試吓新開嘅餐廳。剛巧饒宗頤內有好多手工制作的小攤位，成個地方好有文青feel。講番午餐先，個lunch set包是日南瓜湯，沙律面包前菜，賣相好靚。羊架好香，半熟剛剛好，內粉紅色軟淋淋，份量也很足，最後來埋餐飲。我只叫了普通咖啡，百鬆d一份set lunch絕對係夠哂誠意。老公叫了rib eye 也控制得剛剛好。我地老時仲見到有雜誌來映相。下次可以再encore試吓晚餐。

點解我用呢個標題? 這裡可說是一間西餐廳，不過在五一的假期，可能佢都冇諗過有咁多人，所以山連攞位的紙都未有安排。經理老老實實地將攞位的客人人數牢牢記住。佢亦都坦白講，做唔切。價錢唔貴，上菜時有心思地上牛油前菜，餐湯，主菜。磨菇湯方面，濃厚，但少了調味。沙律用的菜都算是新鮮的。期待的主菜終來臨，因都等了30min。 個燒蝦沙律係失望的，因【燒蝦】像是超市包裝的白蝦仁，烘兩邊。然而牛排，羊排就處理得好好，有炭燒味，有肉汁，上檯亦有餘溫。如果，不是撞啱假期，人頭湧湧，這裡是值得來坐下，食下。

今日舊地重遊再去饒宗頤博物館，換咗間新餐廳就入去試下。飲咗個泥蟹湯，食咗個白汁煮蜆，牛肉通粉同埋一份牛扒，最後仲有梳乎厘甜品。分量十足，味道拍得住五星級酒店。雖然價錢比一般餐廳貴，但食物水準高，服務一流。真係好想再返去再試試。

網上不少人給這開業不久的餐廳點讚，今天就和老公去一試這兒的早餐。這天不是假期，我們大約早上九時進入餐廳，裏面一個顧客也沒有。我們坐下後不久，侍應就送上餐牌。這兒環境寧靜，裝修優雅，是一個很舒適的地方。我們點了一客炒雞蛋配牛仔腸麵包多士及沙律，又點了一客雜菜奄列，餐飲則點了熱檸檬水和熱咖啡。我覺得牛仔腸好吃，雜菜奄列內的蘑菇很香，其他就一般，例如蛋味不夠香，咖啡也不夠香。由於網上點讚的人多數吃的是晚餐，有機會的話，我還會到這餐廳試試他的晚餐。

媽媽的生日，我們選擇到這間環境清幽的餐廳用膳。如果有揸車，其實位置也很方便，有免費停車場，而且也有巴士直達門口。先說服務生的服務態度很好，會時刻照顧客人需要。尤於我早到了，但其他人未到，服務生擔心麵包不夠熱，所以在人齊後他自動為我們換上熱騰騰的餐包。食物方面，他他牛很具特色，味道也不錯。蟹意大利飯味道濃郁，很有蟹味。牛排款式很多。但雞與羊架只有一種。建議可有更多樣化的菜式。菜式擺設具藝術感，相信也花了不少心思設計，很欣賞。最後餐廳沒有收取切餅費，而且服務態度很好。有機會一定會再光顧。餐廳前身是中菜餐廳，有註場歌手唱歌，希望這間餐廳將來也會有返。

走進充滿文化氣息的饒宗頤文化館，會找到這家頗有心思的西餐廳。食物賣相擺盤十分吸引，味道也很好。餐廳有多款酒精飲品選擇，跟朋友點了兩杯不一樣的cocktail也是很出色的。之後點了一份意大利飯，一份西冷牛排，一份炒雜菇和一份梳孚厘，跟朋友吃得很飽很滿足。食物種類不算太多，但每款也很有誠意，會想再試試其他的食物。環境方面，藍白色主題的裝修和擺設實在是令人耳目一新及有很乾淨的感覺，廚房是半open kitchen，可以看到餐點制作的過程。