悅滿軒

前幾天去饒宗頤文化館散步, 之後走入餐廳搵嘢食, 本來以為仲係以前既餐廳, 點知已經轉左手, 入到去發現餐廳好大轉變, 原來已經轉左西餐.  坐低左後發現梳化, 椅子都係藍白色隔住襯埋地下磁磚顏色加埋餐具, 撞得好靚.  當食物來後發現擺得好靚, 有酒店級數, 但點都要試真味道先講.  我地4個人(3大1細) 餐廳好貼心, 有小朋友餐具, 我地叫左2個泥蟹湯, 1個鵪鶉清湯, 一個煎鵝肝, 一個牛他他, 一個青口, 一個闊條麵, 一個羊架, 一個肉眼扒 share, 之後試埋個心太軟, 及梳乎厘.  真係飽到好滿足.  湯: 個泥蟹湯好重蟹味好好飲, 個鵪鶉湯有少少酒味吊晒D湯味出黎. 頭盤: 個牛他他好新鮮好好味.  青口個汁好正, 但青口細隻左D. 鵝肝煎得好香, 加埋個無花果乾有化學作用.  主菜: 闊條麵小朋友好鍾意食.  羊架都好好味, 但細份量左少少, 肉眼扒熟過我叫既5成, 但都好好味.甜品: 心太軟味道唔錯, 唔算太甜剛剛好, 但冇配雪糕.  梳乎厘係我食過咁多次最好食的一次.  總結好好味讚!!!  美孚終於有唔同既嘢喇!!!

饒宗頤文化館歷史可追溯遠在1887年（光緒13年），餐廳附近有酒店，文化館建築群更有「天光雲影」、舊更亭及古圍牆等景點，戶外則有九龍關地界碑石、學圃和爬山廊。鵪鶉湯和蟹肉湯入口鮮甜無比；意大利菜的標準牛肉他他很新鮮，配上蛋黃完全沒毛病；Parma ham配上提子和核桃十分別趣，最驚喜是竟然配上難以保存的土耳其無花果乾，果漿含量很高和較甜，和新疆的無花果乾有很明顯不同的口感；牛腹肉扒必需點3-5成熟，加上一點鹽已足夠了，旁邊的醬汁顯得有點多餘了；不得不說這裡的梳乎釐勁香蛋味，比外面的甜品店出色，看來店主都很重本呢，皆是誠意之作！在香港離開繁華的車水馬龍和買買買，在這裡享受鬧市中的寧靜悠閒也是一樂😽

一直想到訪饒宗頤文化館，最近因為training 終於有機會去，當然都抓緊機會試埋間餐廳啦！聽講前身係中菜館，最近先轉做西餐，連續幾三日都係一樣既set lunch menu, （嘿嘿 湯係會轉既！）不過都幾有驚喜呀！餐前麵包有濃濃蕃茄味，配埋黑松露牛油都幾香。至於個沙律無乜特別，但都難得加左紅菜頭。第一日飲南瓜湯最有驚喜，打得好滑，濃濃南瓜味而且好甜。至於主菜，三日training 食左燒春雞、燒羊架同辣肉腸意粉。 燒春雞份量好足，擺盤好靚，味道就一般啦。反而燒羊架做得好好，肉汗保留之餘，亦都無羶味，連埋配菜擺盤成件事好raw 好有森林感覺，連跟配既薯蓉都好滑，好有牛油香。最後一日食既辣肉腸意粉唔記得影相，不過都做得好好，個sauce好掛麵，辣肉腸唔太辣，反而好香好惹味。Set lunch 當然跟餐飲啦，享用完出返去荷花池曬太陽，散下步，真係世外桃源既享受呀！

好彩有三五知己一齊去，可以試多幾款唔同既牛 😛 大愛牛他他、斧頭扒叫左2個starter: 牛他他、鵝肝伴無花果。一上枱就有驚喜，擺盤靚之餘，仲要好好味。好彩我地多人食，如果唔係一個人食一個頭盤已7成飽。平時食既斧頭扒起碼過千，但呢到竟然$1000有找，超抵食，而且有酒店既水準，真係要讚一讚。仲有牛面肉長通粉，好香，好好味。有位食素既朋友出黎一齊吹水，可憐佢自己一人食一碟黑松露闊條麵啦 🤣🤣最鐘意餐廳既地方係，所有菜式上枱都仲係熱辣辣既

到朋友介紹新開的餐廳，第一次到饒宗頤文化館，原來就隱於美孚山頭，是別具文化氣息過百年歷史的香港三級歷史建築群，由美孚地鐵站B出口走10分鐘就到了。試業中的菜式選擇也多，行政主廚曾是港島著名型格扒房的主廚，簡單精硏的菜色更顯廚藝。餐湯法式蟹湯及鷓鴣燉湯美味香濃，是日精選美國野牛扒肉味勁濃份量十足，經典肉眼扒腍滑味美，法式羊架肉嫩多汁，原條香煎比目魚配檸檬牛油汁賣相與味道皆一流。甜品更是不容錯過，看似簡單的手功雪糕，伯爵茶法式焦糖燉蛋，法式soufflé，心太軟流心朱古力蛋糕，甜品控的我們都要encore 。經理對選酒標準很考究，餐廳服務貼心，環境雅緻充滿格調，更有2樓可作宴會。整體是很有Heart的餐廳。經理說早午餐有特色中式點心，下午有西式下午茶，一定會約朋友日間再來品味。