必勝客 (已結業)

今晚在坑口晚餐，家人選擇了這家薄餅專門店。剛好自己有會員咭，可享九折優惠。選了一份二人餐再加配一份小食，應該夠三人享用。白酒青口鍋　　　青口來了！　熱辣辣的鍋內，多件青口，浸在紅色的蕃茄湯底之內，還有香草碎碎。　　青口外表好似藍青口般精緻，肉質有少少霉，鮮味欠奉。大集團，就預左是雪藏食材，不會祈求是新鮮靚青口。　紅色蕃茄湯不太酸，個人比較希望可以多加點蒜蓉。　如果餐廳能做到真正白色的＜白酒湯底＞就更好了。　　　　印象中，白酒煮青口，是以白酒配忌廉／奶油，蒜蓉，牛油，洋蔥煮出來，湯底是奶白色。但這個＜紅色蕃茄味的白酒青口鍋＞，湯底卻是紅卜卜！真的被餐牌的菜名誤導了！　也許是自己先入為主吧！以為一般的烹調方法＝所有餐廳的烹調方法。伴碟的二件蒜蓉牛油麵包，有如法包的硬掘掘。一於浸在湯內，讓其變軟，才慢慢享用。幸好這個＜紅色蕃茄味的白酒青口鍋＞只是加48元炸！　

好耐冇食pizza hut，見有二人套餐就食下～因為有會員卡，所以$278餐湯叫了周打海鮮湯，羅宋湯周打海鮮湯好足料，有唔少蜆肉，熱度足夠，但覺得比較結身。羅宋湯一直都唔差，但今次有點失望，因為唔夠熱，只是微溫。芝士七重奏-我們點了大蝦帆立貝批（普通批）個批Overall 幾清新，大蝦帆立貝好大粒。Pizza 皮冇平日的咁油，口感煙韌。每件Pizza上都有一球Cream cheese,但個人覺得多左少少，令到太漏。忌廉蜆肉薯蓉中規中矩，薯蓉算滑。個套餐本身送峰脆雞搥／雞翼。又熱又脆口，唔會太鹹。煙三文魚長通粉呢個我地覺得是敗筆，煙三文魚油水唔夠，仲好鹹。好奇怪既係仲有白汁吞拿魚，整體口感唔夾。😳吞拿魚又係好鹹，所以我地整碟只食了一半。甜品是心太軟心太軟好重麵粉，口感好糊。旁邊的忌廉缺乏誠意。

好耐冇食pizza啦，係屋企又懶煮就嗌左個pizza嚟食下，係家姐選嘅，呢個應該係菠蘿雞肉pizza？嚟到嘅時候都熱辣辣，不過其實天氣凍食完一舊第二舊就好快凍啦，另外用料都幾足，食落醬汁都好好食，好夠醬汁，味道都好甲，喜歡菠蘿都有好多舊，整體都好滿意，間中食下都幾開心，每人兩件都飽羅。吾錯吾錯！價錢方面吾記得了，大概都係百多元，所以都算好平，另外欣賞佢都好經常出新嘅pizza，可以有多d新意，不過新pizza就會更貴，吾係好值了。

服務態度超級差！看到顧客叫都不理。等晒整個鐘都等不到pizza。pizza底好似炸過一樣。非常之油。如果時間太多可以到這間店食野。因為真的太晒時間。總之超級不推薦！

話說pizzahut最近出左個批出面有好多粒粒芝士既。見細佬生日就成家人黎試。無諗過咁好玩。食之前waitress已經拎左個coupon同可樂黎話邊個食中左有辣椒就可以有呢份禮物。連奬品都預備埋，真心覺得佢有誠意！之後我地一家5口就開始你meet一舊我meet一舊咁。中間大家仲唇槍舌劍咁，不亦樂乎。個芝士粒mix左兩種芝士，比平時食芝心批再香d。加上佢每一粒外層都烤到好脆，熱辣辣既口感真係令人忍唔住口。我最喜歡係入面有ham既，薄薄既一片令個芝士粒味道無咁單一。重點係舊ham fake左我地幾次以為自己食到辣椒pizza上既料就一如pizzahut水準啦！今日食得好開心

我要推介的是<焗蘋果酥配雲呢拿雪糕>
這個蘋果酥的外形跟迷你Pizza相似以這個甜點作飯後甜品的話 份量已足夠4人一起分享熱烘烘的蘋果酥外層酥脆帶點牛油香,一片片的新鮮蘋果佈在面上,單説賣相已經相當吸引!吃落質感稔身帶玉桂香,味道相當討好!伴以幼滑的雲呢拿雪糕一同放入口中,一冷一熱的滋味真的一流!連平日不喜好蘋果批的我 都忍不住吃了半個喔!👍🏻*溫馨小提示:製作需時15分鐘❣

好耐冇試過堂食喇！好多時都係同fd嗌到會,但好老實，d 飯同粉俾d倒汗水焗住，D pizza皮又＂un"又唔好食～今次即叫即食熱鮮滾新辣又真係好食好多！今次叫左個2人餐（恒生卡優惠$314埋單）但份量係令我同屋企人三個捧住個肚走！

收工同朋友去左pizza hut 食tea ，其實都真係算吾錯，坐得舒服，服務又ok，價錢仲好平丫！食左個平價tea set,有薯格同薯容($20)，岩晒我呢d澱粉質怪，熱辣辣大大份，薯格好香脆，薯蓉上面仲有芝士加蕃茄係面，幾好食，包晒飲，凍飲都吾洗加錢！飲品好特別，有四款選擇，咖啡，紅莓夢幻，柚子蜜，青檸soda，我嗌左熱柚子蜜，吾太甜，幾好，同朋友坐下傾下，又冇人嗌我地走，傾下計一流。

我一向有d獨食習慣耐唔耐就會一條友去大食一餐！今晚就揀左去必勝客坐低後就叫左個意式風情薄餅，當中有雞肉、火腿、意式香腸、蘑菇同菠蘿，全部都係我鍾意食既配料，更重要係用千島醬汁，完全合晒我心意一陣後侍應就拎左黎，又熱騰騰又香噴噴，食落菠蘿勁鮮甜多汁，蘑菇又嫩香，火腿和意式香腸更是充滿口感，雞肉就唔太多，不過都OK唔"鞋"口，最好味反而係個千島醬汁，JUICE中帶點微甜，正合得胃口甚大食的我最終都係食淨2件，當然食等唔好晒，被我打包返歸做宵夜喇

我成日都會用盡借口去大食一餐！今日就正因為出左糧而又無咩想買，咁就不如又去大食一餐酷愛西餐的我，今晚揀左近屋企既必勝客開飯去屬雞翼粉的我，當然要食返辣味雞翼先得，叫左一陣後，終於有得食食落唔算好辣，好入味之餘，肉質都好嫩滑，當中更保留有水份在內，口感juice中帶點微微辛香，極之美味～另外雜菌意大利飯亦是同樣煮得出色，菌香濃郁撲鼻，意大利飯甚有嚼勁，加上忌廉醬汁下，口感極盡層次，確是美味得令我食完一啖又立即想食多幾啖！今餐食得好飽又好味，好開心喔

上次申請做會員時, 仲有幾張優惠劵, 一於盡快使用.所以今天又到PIZZA HUT下午茶, 實行用盡會員著數.選了2個茶餐: 香蒜肉絲意粉 & 車打海鮮焗飯香蒜肉絲意粉想食呢個意粉好耐, 今天終於可以食到.蒜味是來自打碎左的蒜蓉, 朋友食一口後, 表示蒜味頗濃.香濃的蒜味, 還有芝士粉, 2者是很常見的好拍檔,再配上彈牙的意粉, 一流!(唔計果D不規則小肉粒, 紅蘿蔔粒, 火腿條及蘑菇)香草燒雞半隻HKD58 (原价百多元) 配薯條及沙律燒雞表面有少量香草, 但估唔到係哪一款.先食雞胸, 唔算太乾, 仍有JUICY的肉汁, 咬落無渣, 雞肶果部份當然滑好多.香草的味道只在雞皮, 雞肉依然是單純的雞肉味燒雞整體OK.薯條: 金黃色, 唔算很硬, 中間仲軟棉棉, 而且好開心薯條係無落鹽(#我唔鐘意食硬掘掘的食物)沙律: 其實只是數塊青菜, 無任何沙律醬/油醋汁, 好寡英式奶茶(為何要另加3元??????)香濃奶茶&咖啡都曾經中伏, 今次飲英式奶茶(2個紅茶包及淡奶分開上枱)待茶壺內的紅茶放涼後, 再加淡奶.茶底就會香滑, 唔鞋口,朋友嚐了一口英式奶茶, 表示味道比港式奶茶較淡口.朋友點了港

今日不用返工，池起床，入來東港城已經二點了，呢度咁多餐廳，花多眼亂，真係諗食邊間都好頭痕好在平時收集埋好多coupon，不如看看袋中有邊間優惠劵先！搵到張必勝客會員優惠：下午茶買二得三再看查下會員咭係咪係度先！我地三位，叫三個茶餐，咁咪等於六七折！有著數喎！即刻去必勝客先！等左十几分鐘終於可以入座了我地點左二個飯餐及一個甜pizza茶餐香草白汁海鮮飯朋友想食紅蘿蔔，所以點左呢個我無食到，但見到有蝦，磨菇，魷魚，魚肉等配料朋友食曬全個，應該好好味車打海鮮焗飯呢個我筆左二試下，好juicy飯粒少少硬，配超多車打/周打醬汁白色醬汁似車打海鮮湯好喜歡呢個口感甜奶油迷你批好耐未食過，厚厚的批底，配金黃芝士再醮煉奶，咸甜交雜，正呀批已切好九格，外邊八件有脆邊，而中間果件最好味，我特登留到最尾食軟棉棉的芝士，少少脆的批底，試過就會明白我飲熱奶茶，但係中招了上枱時已經有部份濺左出碟聞落無茶香入口無茶味，無奶味已經無計劃再加四元添飲好在之前做左會員，今次買二得三仲有全單九折共一百廿几蚊餐廳環境靚，又坐得舒服，食物ok今次好開心

因為男朋友想食pizza 於是就去左附近既pizza hut六點幾去到 唔知要唔要等位就禁左飛 但等左陣都冇人理就自己入左去 一路都冇人帶位唔知係咪樓上鋪既關係 唔係太多客得六成滿叫左個二人精選套餐 $251包左2個餐湯，2個main course（夏威夷pizza/海陸空精選pizza) (肉醬意粉/白汁雞皇飯/意粉)，2杯餐飲我地揀左海陸空精選pizza 薄批同白汁雞皇意粉餐湯冇咩特別 唔作評論pizza：好快上枱 食落得微暖 好似一早整好左咁 個批邊唔脆 真係麻麻地意粉：冇咩味 分量又少 完全唔夠兩個人食餐飲：青檸梳打同草莓梳打 一個字：酸 味道奇奇怪怪咁結論：唔會再食

是日慶祝生日 本來想食豪d 但為了照顧請客者荷包 決定食老少咸宜pizzahut 食飯可以不求味美 只要食得開心 一樣ok 但係呢間餐廳要WAITER無WAITER 想叫WAITER 俾多隻碟既時候 佢竟然恍恍惚惚禁 好似遊魂一樣 經三催四請後 終於 佢的魂魄由火星回到凡間 但佢竟然樣子顯出十分不屑 我心想..... 回歸正傳,食評方面 炒飯唔熱 意粉落左一堆雞粉 豬肋骨 燒得唔夠喉 只有海鮮pizza過得去 唔會再黎

是咁的同屋企人聚餐有八成都係會去食Pizza Hut（因為呀爸中意XD之前都寫過不少pizza hut既review但今次就會講下一直未有提及既甜品部分！！不過有d就已經冇左相，將就下啦xddd蜜桃脆金寶我覺得呢個係Pizza Hut甜食最為出色既一款本身冇預過係大份同埋有攏盤以為又係細細份一兩啖果d表面既金寶酥脆帶奶香，甜度掌握得當下面水果既部分因為烤焗過，帶有果酸味，幾解膩既面頭既雲尼拿雪糕都幾大球，味道香甜自然，感覺creamy細滑金寶焗過既熱蒸氣溶化雪糕，稠度與平日所見既雲尼拿汁相約連埋一齊食一冷一熱、一綿一脆，仲要味道溫和配合甚至係好過專登去有d新開高人氣既甜品舖食威尼斯甜奶油迷你批呢個經典啦XDDD真係第一次食甜既pizza表面烤得微焦，食落香脆可口，仲有少少焦香味甜度剛剛好，亦唔會話太creamy批底係有少少似麵包，冇咩味道，係咬咬下有淡淡麵粉香甜味但就係因為佢冇咩調味，配上甜奶油，整體油膩度同甜度就可以平衡d麵包布甸麵包外面略脆，帶有焦香浸入布甸既部分軟身香口，又唔會話濕爛布甸感覺creamy，甜度適中，但略有膩感熱食加上半溶既雲呢拿雪糕（可算是雲呢拿汁），感覺反而係甜