必勝客 (已結業)

一行9人星期日搵食，見到Pizza Hut 人唔太多，又有大枱，唔洗考慮就決定入去食～我地7大2小叫兩個4人餐剛剛好。南瓜藜麥湯，唔太重cream, 味道不錯，藜麥只是裝飾，湯料有磨菇，整體上～喜歡。最近PH 推星級鬆厚批，我地試左至尊無雙，即是超級至尊，條邊多左茄醬&芝心。小朋友好鐘意食，味道都係好食ge, 不過當新批推，個人覺得有d 牽強啦～千島海鮮另外跟餐有一堆飯，意粉，小食，堂食黎講都係賣相企理ge~ 份量都唔錯，剛好夠飽，唔會太多造成浪費，PH 真係幾適合gathering~最後一讚waiter waitress 服務好好，要order 或者幫拎野，只要抬頭，總有一個喺左近～

同朋友想食個靜靜地嘅tea...揀尼到pizza hut 就無錯！地方闊落，下午茶時間又無乜人，唔洗等位之餘又可以靜靜地傾計，職員做野又會爽手啲，野食全部熱辣辣又好味，雖然價錢會比商場其他餐廳貴小小，但咁嘅環境同質素都抵返喺到！千島海鮮厚批，可以轉批底(芝脆底+ $22)，不過無論大批普通批迷你批轉批底都係果個價錢，迷你批轉好似有啲唔抵，都係留返下次食大批果時先。卡邦尼意大利粉一個set圍起$70-$80,包餐湯或餐茶/汽水，汔水仲可以有一次免費refill添

好耐冇食pizza hut,純粹因爲個新批朋友話好想試下，因為手拉薄餅，所以4人行一齊試試！先講講個環境....我好想反映東港城間pizza hut唔夠員工到不得了！我地食既時段大概係18:45左右，入面有好多位，但員工踢晒腳入到去個卡位入面有勁多倒瀉左既野食係個卡位下面...本身想叫人清理，但d員工得兩、三個周圍走...就忍忍佢...員工雖少，但我覺得態度唔係差...所以就算啦..但咁大間公司，真係冇可能晚市得幾個人囉...反映完環境後，就環讚下個pizza !!新出既三文魚芝士薄餅真係幾好食，以為會好少煙三文魚，點知又ok wo!!配d 芝士同火箭菜真係唔錯！值得試下～但4個人叫大批會足夠點！

嚟東港城行街，難得可以食tea，同朋友揀咗冇咩人嘅pizza hut，叫咗兩個tea set share食嘢飲嚟先，一杯柚子梳打，一杯青檸梳打柚子甘甜，青檸都幾酸幾刺激吓其中一個set係一人份嘅pizza，千島海鮮厚批雖然size細，但係用料好豐富，有好多魷魚，蝦仁，蟹柳，蜆肉，仲有菠蘿同青紅椒個批烤得好香脆，邊邊同個底都夠crispy第二個tea set係拼盤：肉丸，薯格拼沙律瑞典肉丸香草味濃，有4粒其中有2粒肉丸係孖生嘅，好得意沙律菜份量唔多，而且冇醬汁，食落好寡薯格好彩係新鮮炸，又香又脆

👭必勝客 Plzza Hut (將軍澳)👭1⃣酥脆魚柳拼盤(下午茶餐) $47拼盤有炸魚柳、炸薯條同肉醬焗薯。焗薯好creamy，入口好順滑，配上肉醬一d都唔單調😍薯條係新鮮炸出嚟，好脆身😋但係炸魚柳既炸粉厚而魚肉少，仲有少少腥味😵2⃣雜莓窩夫雲雪糕(下午茶餐) $62窩夫份量好大，可以兩個人share一份！表面烘得香脆可口，入面軟綿綿🤤窩夫上面放左一球雲呢拿雪糕同忌廉，配上唔太甜既士多啤梨醬，夾埋一齊食既感覺啱啱好❤3⃣熱草莓夢幻 & 凍青檸魅力 (跟餐)所謂嘅草莓夢幻其實只係將草莓醬加水溝埋一齊飲😂飲落有啲似紅桑子水，整體比較酸。而凍青檸魅力係青檸+凍梳打水，飲落超級酸😖酸到飲左一半都放棄左😔推薦度：6.5/10🏠將軍澳坑口重華路8號東港城2樓265號舖

必勝客是美國著名的pizza連鎖餐廳，是卡尼兄弟在1958年於創立。首間必勝客建立時，由於招牌位置只可容納八個英文字母，其中五個字為「pizza」這個字，因這間餐廳之外觀與茅屋相似，於是卡尼的家人建議加上「Hut」（茅屋）字，Pizza-Hut這名字便誕生了。香港首間必勝客於1981年開業，現在已有很多分店。而且全世界都有pizza hut連鎖店，去到世界各地都可以一嘗pizza hut的pizza。唔好講咁遠 ，今天就在坑口東港城的pizza Hut 嘗了一個超級至尊二人套餐。套餐有餐飲兩杯、還有磨菇忌廉湯、葡汁焗蔬菜、白汁海鮮火腿飯和一個超級至尊pizza。超級至尊pizza topping有火腿、辣肉腸、豬肉粒、牛肉粒、蘑菇、洋蔥、青椒、黑橄欖和香濃茄醬。個pizza熱辣辣，好好味。蘑菇忌廉雞湯次次都保持水準，夠曬多蘑菇忌同雞肉粒，又熱又好飲。另外用獎分換了一客蒜蓉包，蒜蓉包好香蒜蓉和牛油味，再配無限添加汽水，都算經濟抵食。

今日口痕痕，諗到pizza的鬆厚感覺，又經過pizzahut 就入口high個tea先！黎得pizzahut,一定食鬆厚批，雖然都要撞下彩數，不過人總要不斷挑戰。叫左個超級夏威夷大批。一上枱，我地立即拎起支pizza刀/剷，一切，係鬆脆的感覺，我地即刻開動，不消一陣就KO左個大批！之後點左個三文治，薯條新鮮，係d包就硬左少少，還好！小食拼盤就同平時差唔多，好夠熱！個甜點就差d 蘋果金寶d金寶係苦ge,真係失望，好彩後尾格仔餅都ok

之前睇電視見到廣告出左新pizza，好吸引😍今日難得齊人，一於試一試個新批✌🏻鹹蛋黃醬芝心批~軟殼蟹天王(普通批):個批裏面有好多餡，有軟殼蟹、大蝦、精選海鮮、仿蟹柳、黑橄欖、紅洋蔥、青椒同火箭菜。得好少軟殼蟹，完全食唔出鹹蛋黃醬味🤦🏻‍海鮮寬條麵:雖然係雪藏海鮮，但我好鍾意佢有好香嘅蒜蓉味，次次食意粉都會揀佢✌🏻芝士海鮮焗飯:都係用雪藏海鮮，食咗一啖覺得啲汁唔好食就無食到喇😂葡汁焗蔬菜:唯一嘅蔬菜，差唔多全部都係西蘭花🤣意式迷你腸(3件)拼脆薯格;原味雞翼拼意式迷你腸:脆薯格拎到番屋企淋晒，覺得雞翼有陣怪味，迷你腸無特別🤔蘑菇忌廉雞湯:有少少雞肉同蘑菇😊

見到廣告有新pizza推出，急不及待約齊朋友到屋企一齊食！我預先喺網上預訂再到分店自取，原先咁樣以為會快好多 點知去到分店先知道自己未攞到單。好彩收銀員即刻幫我重新落單好快就做好個order出嚟同埋佢有睇我會員分今日就到期問我要唔要換埋佢，佢話如果用唔切都唔緊要可以先換優惠券可以extend到下個月。黃金軟殼蟹pizza味道還可以但係蛋黃味唔算好濃，唔知係咪因為外賣軟殼蟹諗晒冇咁好食。海鮮闊條麵依然好好食，醬汁好香濃。但係個雞翼今日好似冇乜味道咁。

今日放假，中午在家懶得煮飯食，所以打電話去Pizza Hut叫外賣，可能都有一整年沒有吃pizza了。叫了一個薄餅套餐，套餐裏面有一個中pizza(共6件)，一盒意粉，一盒雞翼和兩罐汔水，足夠三人食用。每每吃pizza hut 都總會覺得和其他pizza 連鎖品牌比較起來更好吃。雖然快餐始終有點不健康，但偶爾吃一餐的確是很美味的。

見Pizza Hut 最近出咗最新鹹蛋黃醬軟殼蟹天王芝心批，好似好吸引咁，就想去試吓。今次六點鐘嚟到呢間分店，唔使排隊就入得。我哋由於剩係得兩個人，所以叫咗一個普通批，再加一張優惠券用$58加購一隻燒雞。兩個人食份量都算飽。軟殼蟹好食，但鹹蛋黃醬偏少，唔係好食到味，而且價錢都唔平，建議鹹蛋黃醬份量可以加多少少， 突出返個主題。但芝心批就好正，芝士批邊嘅份量對我來講好足夠。重點係隻燒雞，真係好好食，雞肉好juicy，燒得啱啱好，配上啱啱炸好嘅薯條，簡直一流。而且呢間分店嘅環境都唔錯，坐係窗邊位望住風景食情調一流。整體來講，我覺得隻燒雞完全超乎我想像，但係個新Pizza就冇我想像中咁好。🤔

Pizza Hut 其實不嬲都大食夾扺件，係性價比高的餐廳，平時食晚市都無乜問題，今次食下午茶就出事。下午茶叫咗兩個餐一個Pizza餐一個係俄羅斯沙律拼芝士條。點知呢個超級夏威夷Pizza好難食，最主要嘅原因係佢燶得滯。你睇下佢果幾塊pepperoni燶到呢，苦嫁大佬點食啊，除左個over cook 之外，都無咩大問題。但一個問題足以致命，食到我塊面都燶燶地。至於另外一個餐，我仲係好喜歡食俄羅斯沙律，不過果兩條芝士條就好hae，咪就係兩粒扭扭批果條邊，仲要又係燶燶地，不過都叫做好過果幾塊pepperoni。總體來說，今次可能係我唔好彩。

下午茶 諗唔到食咩好 就黎左pizza hut食tea 同埋順便用埋之前d會員積分叫左個千島海鮮pizza用積分換左個肉醬意粉 蒜蓉包 Pizza厚批好好味 個pizza 邊脆卜卜 中間就好軟蒜蓉包都係可以外脆內軟但係肉醬意粉個味道太酸呀 我就覺得麻麻地

由於今個月是小弟生日，亦都是必勝客的忠實粉絲，當然收到了他們的生日電子優惠券。自從老婆搬了寫字樓之後，好很勤力煮飯而我們也少了出外吃飯。難得有優惠券，當然要用盡優惠!! 老婆命我用積分換一個飯，好讓她明天午餐「有著落」。最後她選了葡汁雞皇飯，老婆事後說她覺得椒多雞少，而且有很多她不喜歡的雞皮。點了一個跟餐小食，很普通很普通的肉丸拼腸仔。試了「新」pizza，其實Pizza Hut的薄餅經常有很多新款推出，但萬變不離其中，都是千島醬配海鮮，另外一隻必然是肉類。這次都是類似的配搭，但這次的肉轉了是風乾火腿，以及多了很多芝士在扭扭批邊，所以很快會飽。

今日三點半左右去左Pizza Hut食tea😇見門口咁多人，以為有排等啦..，但原來全部都係等大枱。即刻有得入，叫左兩個tea set焗豬扒蕃茄湯天使麵湯底係羅宋湯配天使麵好開胃！豬扒分開上，唔會浸淋晒，抵讚！烤雞田園沙律 好味 驚喜在於個汁 唔係普通沙律醬，而係帶點泰國風味0既甜酸汁，帶少少辣配埋肉質好滑既雞肉，好味！好有新鮮感！下次要再去食