影片
更多
2016-06-04
1509 浏览
荃灣區多食肆就人所共知，要搵平又正既野食一啲都唔難，今次就帶左屋企人一行三人黎呢間小巷中既潮汕菜「心夜來潮」，媽媽話個名古靈精怪喎，但就係咁先引起到人地注意架嘛！餐廳位於三坡坊，地鐵站行過去都要10到15分鐘，如果唔係住開荃灣應該要花費多少少時間搵，附近整排都係打冷店而且爆到要坐出門口。心夜來潮則位於角落頭既位置，客人相對較少，所以唔洗等位就可以坐低食喇。餐具都印有餐廳名同花花，與木製桌子配襯，極具心思。餐牌都好精美而且充滿特色，有啲似武林秘笈。由於太多唔同既食物可供選擇，所以只影左我有叫既食物。白果胡椒豬肚湯 忘了價錢熱辣辣上枱，胡椒味夠重，好香口。足料，湯內見勁多白果同豬肚，目測全部有洗乾淨，豬肚爽口彈牙。再辣多少少可能更好味！香辣魚仔炒蜆 $68啲豉椒炒蜆、乜乜炒蜆從來都係送飯一流既食物，呢個炒蜆炒得不錯，夠晒獲氣亦夠香。辣度屬於微辣且不會太咸，所以唔太食得辣既朋友亦都可以試。蜆肉新鮮，不過同一般炒蜆有同一弊病，就係有部份為吉殼，雖看似大碟但唔太夠喉。小米餃 $22黎之前已經做過功課，小米餃一早已成為我心目中既必點item no.1！第一，價錢平，$22有交易；第二，份量多，$2
餐廳位於三坡坊，地鐵站行過去都要10到15分鐘，如果唔係住開荃灣應該要花費多少少時間搵，附近整排都係打冷店而且爆到要坐出門口。心夜來潮則位於角落頭既位置，客人相對較少，所以唔洗等位就可以坐低食喇。
餐具都印有餐廳名同花花，與木製桌子配襯，極具心思。
餐牌都好精美而且充滿特色，有啲似武林秘笈。由於太多唔同既食物可供選擇，所以只影左我有叫既食物。
白果胡椒豬肚湯 忘了價錢
熱辣辣上枱，胡椒味夠重，好香口。足料，湯內見勁多白果同豬肚，目測全部有洗乾淨，豬肚爽口彈牙。
再辣多少少可能更好味！
香辣魚仔炒蜆 $68
啲豉椒炒蜆、乜乜炒蜆從來都係送飯一流既食物，呢個炒蜆炒得不錯，夠晒獲氣亦夠香。辣度屬於微辣且不會太咸，所以唔太食得辣既朋友亦都可以試。
蜆肉新鮮，不過同一般炒蜆有同一弊病，就係有部份為吉殼，雖看似大碟但唔太夠喉。
小米餃 $22
黎之前已經做過功課，小米餃一早已成為我心目中既必點item no.1！第一，價錢平，$22有交易；
第二，份量多，$22有8-10粒，去邊度搵？
第三，本人實在太喜歡餃類了。
小米餃跟平時所吃既雲吞水餃有啲唔同，佢既皮係偏厚且煙齗彈牙，感覺有啲似大粒版既魚皮餃。
餃裡面係豬肉，有少少少量汁。本身小米餃味不濃，但當點埋隨餃附上既蠔油即時變美味了。
雖每粒餃入面肉量不量，也不算超級美味，但也沒令我失望，畢竟是眞的性價比高，值得一試。
巨型脆香手打魚蛋 $32
切片上的大魚蛋，可想而知佢原本真係幾咁「巨型」外皮脆口，魚肉彈牙，帶有香香的胡椒味，再點埋特配既類似泰式辣醬，一流。
高湯燉潮式獅子頭 $34
今次係我第一次食獅子頭，整個菜式有啲似酒樓既原盅灌湯餃，不過餃變左做一粒大「貢丸」。呢粒貢丸球入面有冬菇粒及魷魚粒。雖高湯清甜可口，但肉球略嫌有啲硬及韌，比起其他菜式稍為失色。
潮式X.O.炒腸粉 $48
腸粉內加入大量芽菜，令外觀同口感都冇咁單調。炒得好入味，同屋企人不停一舊接一舊咁食，如果可以少啲油會更好。南瓜洛 $48
本來唔知南瓜洛係咩黎，純粹本身喜歡吃南瓜且照片影到金黃色一個煎餅好似幾吸引咁所以就叫左黎試下。其實係以南瓜茸整成一個煎餅，有紋理，賣相吸引，而且煎到外層香脆內層軟熟煙韌，相信都幾考廚師既功夫。
南瓜本身不太帶味，所以煎餅內含有粒粒糖冬瓜，食落味道好夾，亦多了一重口感。
不過，本人認為若糖冬瓜再分得細粒啲或打成茸混入煎餅中會更好，吃既時候就唔會出現一啖太甜一啖冇味既異了。但整體來說也是不錯的！
张贴
