心夜來潮 (已易手) 新餐厅

突然想食潮菜,上網查下附近有乜好舖選擇,睇到心夜來潮評語不俗,就同朋友去試下。門口大排長龍,最終等左半小時入得。鋪內的裝修,好有潮州的感覺,用深木紋實木做枱及凳,食起野黎都會有風味好多。我地叫左抄聖子,聖子很乾淨食吾到有沙,亦吾会太咸,而且很肥美,食落啖啖都有彈彈口的肥聖子,真是吃了忘不了。亦叫左手打牛丸,無得頂,食入口牛味濃,咬落有根很有口感,而且非常彈口,超正,值得推介。另點左碟鵝,好有鵝味,入口吾「un」皮簿,小肥,吾多肥膏,只是要叫飯一起食會好D,因鹵水比較咸。總括黎講,想食潮菜,可到這裡,不妨一試。

進入生日月，又會周圍搵食了～想食潮州野，今次搵到了位於荃灣的心夜來潮就係呢碗茶菜吸引左我黎試，可惜，因為天氣太熱既關系，變壞左菜茶$36變壞左，無食到紅燒醬香骨$36好普通，就是豬肉上淋啲肉上去。醬鹵鴨$68其實幾好味，但好多骨一口餃又是天氣太熱壞了家常牙齒雞$26呢個超好食，必食推介豬油渣炒菜心$46普通的炒菜，沒特別巨型手打魚蛋$32普通，有啲骨，所以應該是手打的燒手打牛肉串燒$26普通炒蜆朋友話好好食總括：店鋪要好好保護食物既新鮮度

今日行荃灣千色店果邊行到肚餓就行到眾安街附近，系街邊見到個易拉架寫住《心夜來潮》個名甘型就試下新野。一行到去門口見到佢d裝修無諗過食打冷都可以甘舒適，望落去同舊式打冷店整齊乾淨很多！我地6:30pm左右到，間鋪已經坐到好滿，好在我地入去都仲未洗等位，好在早到，我見遲過我地黎既開始要輪台啦，下次黎醒啦，可以打黎book台我地三個女仔食得唔多，就叫左個招牌砂鍋粥，佢有大中小揀，仲有好以揀唔同海鮮放入去，可以跟自己口味選擇我地就揀左個中size膏蟹粥，就，個粥底好特別鮮甜，隻蟹雖然唔系好大隻，但好多膏。炒蟶子，我唔系好食得辣都食到，佢個辣唔會去蓋左蟶子鮮甜味，好厚肉，雖然唔系大蟶子，但佢啖啖有肉，最緊要係無砂！個菜開頭我地聽到個名都怕怕，但個侍應同我地講都多人叫可以試下，開頭以為會好油膩，但原來唔系，佢用左D豬油渣炒過既油炒菜，搞到個菜食落口好鬼香，一d都唔覺得佢肥膩！食完成餐返到屋企唔會覺得口乾，証明無落味精值得推介

本身唔係潮州人, 所以要食潮式野, 祗諗到去潮字牌酒樓. 朋友話荃灣開左間潮式野, 價錢唔貴, 所以放假特別過黎一試. 地點原來響楊屋道附近, 較少行呢邊, 所以無發覺有食店.入到黎木制枱凳, 古色古香, 連個餐牌都有design過, 幾特別. 而且圖片居多, 簡易明白.醬香骨, 個醬類似南乳既味道, 條條都沾滿, 非常濃郁. 肉質軟腍, 唔太肥, 夠入味食落無渣.脆炸獅子頭, 呢粒獅子頭夠大粒. 外表炸得好香口, 唔太油膩夠乾身. 里面有一粒一粒既魷魚粒, 食落有咬口, 煙煙韌韌. 點埋甜酸醬吊味更開胃, 做小吃很不錯.菜甫煎蛋, 煎得唔會太燶但又好香口, 掌握剛剛好, 菜甫多食落爽口, 仲甜甜地. 蛋唔會太薄, 所以送飯食一流. 唔洗特別調味, 本身蛋香已經足夠.

行過幾次呢間心夜來潮，都見到好多人無位，今次行過咁岩有位，就同男友坐低一試。呢到d餐具全部都係訂做既，每一件都有晒logo，幾有心思。手打牛肉餅：呢個牛肉餅既肉質好彈牙，岩岩好一啖一粒，肉餅上面有d味粉，2樣野既味道好夾。潮式薄餅卷：呢個薄餅卷既餡料有芽菜+椰菜+蛋+蝦米+菇，咬落去好爽口，個皮好薄，一咬落去成口都係餡料，個感覺都好滿足。路邊炒米粉：呢個炒米粉配料有蛋+蔥+豆+肉粒，d米粉唔會炒到一舊舊，味道唔會太咸，麵質有咬口唔會太淋，真係唔錯。整體黎講味道唔會太咸，雖然款式唔多，但睇得出d款式係有心思既，都幾多新款特別野既。

為母親慶生特意選擇了近期人氣強勁的心夜來潮, 結果卻出乎意料地。。。擂茶 - 一個新鮮的組合 (花生, 米, 雜菜) 口感味道都比較豐富牙籤雞 - 不是用上傳統的炸粉令菜式另有風味。但雞件的大小不一令受炸的程度不一樣, 所以出現炸過龍的情況出現生醃尿蝦 - 可見師傅的細心, 先將蝦殼除去方便客人進食。味道, 質感都十分不錯。小米餃 - 我自己最喜歡的一個菜式。粉果的皮加上豬肉的餡料, 感覺好滿足。炒米粉 - 正常炒米粉水準, 不過不失其實我還點了豬肚湯, 牛丸及螄蚶, 但忘記了影相。螄蚶跟瀨尿蝦一樣, 都是不錯的選擇。牛丸完全沒有牛味, 不彈牙不起筋。湯底亦都沒有任何調味, 白水一樣。豬肚湯我們是沒有品嚐到的, 因為有小強在湯裡暢泳！跟店員反映卻完全沒有任何表示及跟進, 只是默默地收走就作罷！最低限度都應該有一句對不起及重新遞上餐牌以供客人選擇其他食品。確實培訓不足！此外, 螄蚶, 小米餃及炒米粉是加單的。等了廿十五分鐘都沒有一樣上台便詢問店員, 她卻斬釘截鐵答到一定不同漏單。再過十分鐘我再叫另外一位店員查單先發覺原來沒有下單。白白等了足足三十多分鐘！

遲來的生日飯，去到荃灣嘅《心夜來潮》食潮州菜慶祝！8：30pm座無虛席，等了約10分鐘，終於有張細枱可入席。舖面雖不大，但勝在別緻、乾淨，讓人有舒適的感覺！點了多款美食，但我至愛是《潮汕砂鍋粥》，砂鍋煲已够特色，有個類似火爐一直煲著軟棉棉的粥，粥味鮮甜，因加了響螺片及膏蟹，配搭了一碟海膽醬汁，加入粥內特別甘香好味！而燒手打牛肉餅亦不得不提，牛肉餅表面燒至微微金黃，入口有小小脆口感，講明是”手打”，果然够彈牙，還留有少許牛香酥味，與真的在汕頭食沒分別，一樣咁好食，以後唔洗山長水遠去到汕頭食囉！最後要讚的是《白果胡椒豬肚湯》，湯煲至奶白色，胡椒味够香，辣味又適中，還有大量的白果及豬肚，材料十足！更要讚賞的是，職員服務態度甚佳，我們吃到一半時，竟主動幫我們更換大枱，令我們可以坐得更舒適，食得更開懷！

之前都聽聞荃灣區有(大陂坊、二陂坊、三陂坊、四陂坊)有不同美食，但係一直都搵唔到！朋友住係荃灣區，她特别帶我去三陂坊試下潮州菜點解叫心夜來潮？！深夜先食？哈哈！我哋叫咗一個擂茶～裡面有米仔、茶葉、芝麻、花生。傳統上，食飯前要食呢個擂茶先，味道幾得意，芝麻脆脆香香的，配上米仔綠茶，味道唔錯呀方魚炒芥蘭～絕不肥膩，又無味精！好有屋企 feel,芥蘭好嫩綠，又鮮甜！方魚又有魚香味！不會腥味！燒手打牛肉餠～牛肉味濃郁，又彈牙！賣相吸引，一串一串，懷舊餸變身時款餸

小時候貧窮，屋裡有幾伙人一起住！其中有一家人係潮州人，經常可以食到潮州菜！朋友話香港竟然有潮州小食！一於要去試試！地址原來係千色店附近！我曾經多次行過也不發現！店舖外面望入去，好似回到兒時，好有特色古色古香！好有味道講起 d 餸，真係好地道叫咗第一個，鹹酸菜門鱔～鹹酸菜係小小鹹，恰到好處！門鱔分量不少，有彈性！其實個湯係至吸引我，超靚第二個係農家肉末豆腐煲～豆腐好有豆味，肉碎分量幾多，加上煲內有葱，湯係鹹鹹的，辣辣的，味道濃濃的，最適合送飯或粥！第三個係牛雜鍋～簡直令我愛上了！用料充足！未試過牛味咁濃郁！又更乾淨，牛雜又彈性！肉質適中！d 湯越煲越濃！

今日同老公去荃灣買野，我突然好想食粥，上搵左好多間，見到呢度超級多好評，仲要係海鮮粥就來一試。兩丁友叫左幾樣野咋，呢個肉餅就咁食好咸的，所以我係送粥的！我地叫左一煲細粥，淨蟹，無加其他野，因為真係得兩個人點知來到好大的，我地每人起碼各分到四碗食。超足料，濃厚美味。仲叫左呢個牛肉丸串，作小食，味道整體很好，服務又好唔夠喉，有機會再來要試埋其他野食

成日响學校見到呢間餐館, 但又未試過喎! 難得媽咪今日接我放學, 於是我提議去試吓食呢間餐館.雖然餐館並非高級食肆, 但裝修都幾精緻呀!我點咗家常牙籤雞, 個樣幾特別咁, 好似好好味咁喎! 出邊未見過嘅! 好, 即管叫媽咪點嚟試吓先! 又真係估唔到, 好好味喎! 彈牙過食魚蛋呀! 係咪因為我鍾意食香口嘢呢? Hee! 另一個餸又係我未食過嘅, 叫菜茶, 媽咪話我成日食肉, 要我食多d菜, 所以點呢個餸比我食, 睇落又幾得意嘅! 車, 又話係茶, 點知係湯嚟嘅, 仲好, 正想食d濕濕地嘅餸, 食落都幾好味呀! 我叫媽咪响屋企煮呢道菜比我食, 咁我咪食多d菜囉! 佢話睬我都傻喎! 另一碟香口食物係, 巨型脆香手打牛肉餅, 好似炸牛丸咁, 成碟我一個人食晒, 正! 哈哈! 見到menu有椰汁飲, 以為係成個椰子上tim, 所以唔敢叫, 後耐見到隔離枱叫咗, 原來係罐裝椰汁喎, 仲係我最鍾意嘅正樹牌椰汁, 嘩, 家吓出邊都好難買到ga la, 我都係响d士多仔見過咋, 仲駛講, 即刻 lur 媽咪叫啦!今餐又食到飽飽, 聽媽咪講今餐都唔係好貴啫, 下次响學校打完波叫d同學仔一齊嚟食先!

傾開計原來有朋友同我一樣，俾啲食評引左黎食，點知大家都係嗰句"冇下次"，真係笑左出黎，佢話食物太鹹，我都覺得係！豬手雞叫左半隻，呢個好入味，最好食係呢個，不過冇影到相炒聖子，呢個冇乜特別話差，但又唔係話好正咁囉跟住等左好耐先再黎野食，呢個咸菜門鱔湯，都係一般呢個砂鍋粥，真係唔見得有幾好食，鹹到爆，完全浪費左隻蟹啲鮮味，得個鹹字，仲要$160 一個最後個菜心係最差，又苦又乾，老過我阿媽！總括：食物未見得好好食，唔知佢旺角分店係咪一樣，但一樣好肯定就係呢度員工服務態度差，眼見佢對啲客說話冇禮貌，客人唔明白咪解釋俾人聽囉，佢唔係架，完全唔憂用態度趕客走！所以冇下次

真係住在荃灣幾十年, 先知咩叫臥虎藏龍! 竟然有間咁隱蔽嘅餐廳煮嘢咁好味！朋友算唔話得，知我嘴刁，話帶我試吓呢間潮州嘢喎，果然同我平時食開個d好唔同，係另有一番地道風味嘅小菜！上次食過韓式醬油蟹，今次試吓呢間醬醃生蝦，都幾得意，不過可能因為我平時食嘢較咸，所以我覺得d醬味如果可以再濃d就仲正！ 再嚟一碟巨型脆香手打魚旦，好彈牙喎！ 好有咬感，果然潮州魚蛋係出名！無點錯餸！咁搞笑，豬油渣蒸水蛋，真係未試覺，點都要會一會你先！喂，好掂喎！蒸出嚟d水蛋竟然咁滑嘅！ Fantastic!!朋友，咩料呀？！咩叫南瓜洛呀？ 又叫咩新嘢比我試？咩東東先？！啊！都幾香喎！嘩！ 好好味，全場最愛，好香、好脆啊，甜甜地、咸咸地，正呀！至於呢碟方魚炒芥蘭，就似柴魚花生粥個d柴魚炒芥蘭咁，無咩特別，不過出邊又未食過咁嘅配搭！整餐飯都好啱我胃口，價錢又唔算貴，會再encore! 下次帶埋仔仔嚟食！

總算揾到一間未被本地荼化的潮汕菜，味道較濃、款式多樣化，份量比較少、都係汕頭菜的特色。經朋友推介去了心夜來潮一聚，三坡坊確實難揾一行8人等了10分鐘可以入座，眼見餐牌內大部分餸都係30-40蚊，的確低食，所以不由自主地點了十多個小菜，味道確實做到汕頭菜的風味，值得一再推介最後每人百一蚊找數，低食到暈

有朋友提議食潮州菜，心想打冷，未就係食韮菜，豬紅，唔多想去, 唉，又唔想掃興呢😔大約8點鐘到，裡面都唔算迫，D枱擺放得唔太擠迫，都坐得自在，一見餐牌，潮汕食堂，又唔似傳統D打冷，D餸名好新派，有D估唔到係咩黎添， 例如菜茶，經店員介紹，原來係多用多種菜切粒加落D飯度，湯底有蝦米，仲有脆卜卜花生，價錢又相宜，決定一試，wow, 簡直喜出望外，估唔到菜粒撈飯都咁清香，加埋蝦米湯㡳，花生，味道夾到呢😍正呀；仲有家鄉路邊炒米粉，沒有名貴食材，只有雞蛋，芽菜，蔥等，又係一個夾字，絕對有懷舊既風味同味道，童年回憶番哂黎，另一佳作👍