心夜來潮 (已易手) 新餐厅

潮州是我爸的家鄉，我註明，係我爸，不是我，因為我對呢個地方不太熟，只是記得要搭好耐巴士先到食黎食去都係凍蟹，鵝！今晚機緣巧合路過食潮州菜的，裝修都幾新式！潮汕砂鍋粥在Menu的第一頁，應該係好野吧小的$160起計，每樣配料計錢，配料唔係好貴，一般$20至$60都有交易，我們叫了蠔仔，九肚魚，黃鱔，泥鯭。粥一黎就睇下啲料，份量都唔少，唔會得幾舊就無，粥唔稀，唔會只得米水，因為有好多海鮮，所以好甜，魚的鮮甜味，蠔仔洗得乾淨，咬落唔會成口沙，九肚魚我平日都係食椒鹽，鮮九肚魚原來好滑，魚肉都好鮮嫩，不過塊皮有啲鞋。砂鍋粥要等大耐30分鐘先黎，建議一坐低就order粥醬滷鵝滷水味同一般的唔同，一般的我覺得好咸，呢個味道偏淡，反而可以食到個味。鵝肉係鵝切成一件件，唔係鵝片咁簡單！鵝肉肉同骨既分布平均，連骨咬更加有口感，就算肉的部份肥肉不多，但係幾多油，用花生/豆腐墊底可能更好！豬油渣炒菜心聽個名以為好油，但原來唔係，食落唔覺得成口油，菜心好甜，我喜歡食莖部，有野咬下，索索聲最後唔夠飽，叫多左個菜脯煎蛋$40貴左少少，但都值得，因為煎蛋煎得好香，而且唔會燶，蛋香又滑，菜脯份量多，口口都會咬到菜脯，好

平時同朋友都去開三陂坊個度食"打冷",咁岩今次朋友行錯方向,反而發現呢間潮州店幾特別,所以就叫我地轉場試下.大支裝啤酒 (藍妹):夜晚晚食潮州野點少得大啤一枝,一黎俾4隻碗?+枝啤俾我地,明明我地要4隻杯,睇清楚又唔似碗,朋友笑笑口話應該呢幾隻係杯黎,舊時飲酒個D...感覺好新鮮有趣.方魚炒芥蘭:方魚夠咸香帶少少骨,芥蘭炒得又爽又脆，兼且不油不膩.家常牙籤雞:雞肉炸到外脆內嫩,十分香口,而且無骨,可以放心咁一口咁食,再配埋甜酸泰式醬汁,味道更突出.紅燒醬香骨:醬汁香濃入味,肉質鬆化可口,而且唔"痴"骨,做得好出色.醬醃螄蚶:螄蚶鮮味十足,配上醬醃做法,鹹鮮甜美,好有海水味,真係令人回味無窮.菜茶:聽朋友講到唔食唔得,材料好豐富,有多種蔬菜,乾魷魚,蝦米,豬肉,臘腸,炒米和花生.食落味道比較清淡,加埋惹味蝦米同臘腸就令到個層次更為豐富,好特別既一道菜.小米餃:外皮煙煙韌韌,而唔"痴"牙,餡料既豬肉鮮嫩帶有香濃既魚味,點埋醬汁一齊食十分惹味.醬醃蠔仔:醃得岩岩好,唔會太咸,入口鮮甜而且無沙,肉質仲好肥美,配埋粥一齊食,無得輸.潮汕砂鍋粥 (小) -膏蟹 (中)+蠔仔: 份量十足,4個人食每

好多人都話好食，咁就專登去試一下！7點晚飯時段，興致勃勃去食好西！坐低後餐牌都唔比，問侍應拎時話因為其他食客仲睇緊，好！我等！以為岩岩開門無冷氣啫，點知成餐飯都係咁，有風扇叫好啲咋！大熱天時真係好焗！仲睇緊餐牌時，已經聽到隔離枱叫既菜式好多都無！一間餐廳難道唔會準備自己的食材供應嗎？仲要無的菜式唔係幫食客下單前已知？點解要每枱落左先話無？服務態度亦好差咁同食客講。無晒！南瓜洛多油都可以照鏡！價錢是平。但份量是少的！有湯的菜式味道都係一樣，一樣係滾水加調味粉的味！淡而無味！破壞晒成餐飯的興致，之後的菜式根本唔想再影相！一定唔會有下次！唔明點解咁多人都話好食抵食🤔

突然想食潮州野，近近地帶屋企人黎三陂坊，因為個度出名多潮州野。行到最尾發現新店，所以就揀呢間食。由於時間尚早，不用等位直接入座，裝潢帶有中國風格, 有木製枱櫈, 還貼心地提供紙巾.而且樓底較高, 吊燈也帶有中式味道. 應該沒有揀錯店食店。餐具乾淨夠新, 也印上店名.我地研究左一陣餐牌，發現食物好多款，份量不算多，但價錢平，所以我地叫左9樣野，加個粥。先來大支裝啤酒 (藍妹) $30，夠哂凍，最特式用細碗仔黎飲，有氣勢又特別。醬醃螄蚶 $36醃得岩岩好，鹹淡適中，螄蚶鮮味嫩滑，不過係細細隻肉少的款。醬醃蠔仔 $28，呢個用中size蠔，蠔肉大細適中，不過醃得過鹹，入口不雖不算好鮮，但蠔味濃，肉質嫩滑爽口。家常牙籤雞 $26好的骰，雞肉用牙籤吉住，一口一件食得方便。炸皮好特別，有一粒粒似米通既野，令個皮更脆口。雞肉唔乾炸得香口，蘸上甜辣醬更惹味。小米餃 $22，好似粉果但其實係汕尾的小食之一。外皮有如粉果皮，有煙韌有咬口，包著肉餡有肉感又彈性，肉餡原來用新鮮豬肉加大地魚粉和醬油，難怪肉餡味鮮肉濃帶點汁，蘸蠔油同辣油更好，好好味既小食，最快被我地食哂。紅燒醬香骨 $36，醬油味好濃，煮得夠入

潮洲菜又點止打冷，之前試過旺角的心夜來潮，覺得很回味。今日經過荃灣分店，見到唔算好多人排隊，就決定在此晚餐。等左大約15分鐘，終於有室內位。餐牌選擇很多，每道菜都不過幾十元。唔知係咪我們太晚去到，好多食嘽都已經賣光了。醬醃生蝦($48)每隻都只係得蝦米咁細，難剝殼，沒有什麼肉可以食得到。不過生蝦醃得好入味，最喜歡生醃之後蝦肉很Muddy的口感，味道偏咸，伴飯食一流。醬醃蠔仔($28)同樣醃得很入味，比較蝦仔冇咁咸，而且仲保留住蠔的鮮味。蠔仔都算大隻，每粒都好飽滿。醬醃海膽($28)用的是較流質的海膽，同蝦一樣偏咸。咸味更提起海膽的鮮甜。每一種都好適合伴飯，就算只係白飯，都變到非常好味。巨型魚蛋($32)大魚蛋外層稍為炸過，十分香口，而鮮魚肉打成，好鮮香。牙籤雞($26)雞翼剪成小份，方便進食。外層包裹著炸味，炸香以後保持嫩滑肉質。蒜蓉椒絲炒通菜($46)成餐飯最貴的一道菜之一竟然係炒通菜，也才不過是$46。通菜都幾幼嫩，炒得有鑊氣又唔老。再飯返支凍啤酒，解一下醬醃海鮮的咸味，風味一流。雖然每道菜份量都唔算大，但每一道菜都十分好送飯，2個人分都食到好飽。旺角的分店原來會搬到新之城附近，位

作為荃灣友，對於三陂坊應該不會太陌生。這裡有不少打冷店，今晚又與家人來幫襯。心夜來潮是其中一間環境比較好及乾淨的打冷店，店內的裝潢帶點古色古香。餐牌的封面很特別，摸上去很有質感。這裡的價格算親民，而且有很多地道而特色的潮州菜，質素不錯。認識豬油渣是因為以前吃過油渣麵，覺得豬油渣的口感及味道頗特別，不過由於比較肥膩，所以還是一舊起兩舊止。菜心加入豬油渣一齊炒後，更富油香味。而豬油渣帶點爽，很香口。香辣魚仔炒蜆夠鑊氣，十分惹味。蜆肉粒粒很肥美，值得讚的是沒有沙。蟶子一樣很厚肉飽滿，不過調味與炒蜆肉那碟沒有太大變化。醬鹵鵝的肉質非常軟腍入味，咸味剛好。還以為墊底的多數是肥膏，實質是真材實料的一片片鵝肉，份量算多。今晚的重點絕對是這鍋粥。配料點了中size的膏蟹、豬膶、海蝦、乾瑤柱及鮑魚。滿滿的一鍋粥實在令人流口水。膏蟹是名符其實的很多膏，很甘香。而海蝦及鮑魚亦很鮮美，整鍋粥都十分鮮甜。以往上大陸用餐，都喜歡飲天地壹號，蘋果醋酸酸甜甜，十分開胃。難得在店內遇見它，當然要來一罐。

天氣咁熱真係唔想出街, 放工諗住隨便響荃灣食飯就算數. 大人提議到三陂坊, 好耐無去, 一於去睇下有咩好食. 呢間心夜來潮個名幾特別, 原來係食潮式家常餸.入到去裝修幾特別, 好似入左村屋古舊大宅, 不過當然有冷氣吧.先要碟炒蜆, 微微既辣炒起更覺惹味, 粒粒蜆肉漲卜卜, 咬落煙韌彈牙, 最重要全部開晒口且無沙, 乾淨.小米餃價廉物美, 22蚊有咁多粒, 出去食個粉果都要幾蚊. 小米餃外皮煙韌, 軟腍腍, 餐牌寫入面由豬肉加大地魚乾粉同醬汁而成. 食落確係有魚乾味道, 唔腥帶有鮮味. 豬肉軟腍, 一口餃口感不錯.仲要左蒜蓉通菜, 蒜蓉炒得香口, 菜翠綠爽口.

早前，經好友兼舊同事女兒的推薦，因已約一起共進晚膳，便一起到來。先吃 香辣魚仔炒蜆，肉身比起外面的大了一截，調味的醬汁與魚仔 非常野味，又不會太咸太濃， 加上三色簽與洋蔥，觀感並不會應到非常單調。捻麵猴，大廚將麵捏成一片片，口感上，非常有咬口，加上小魷魚，蝦米及冬菇，湯底的味道，清淡中帶些少鮮甜的味道。牛雜鍋，鍋一上桌就已經嗅到一陣陣的香味，令人食慾立刻大開。所有牛的材料的口感，該彈牙的，爽口的，有咬口的全都有。蘿蔔切成條狀 方便食用，兼便林身。而且，湯底有一種很濃很濃的牛腩的香甜味，加上鍋底有小火一直煲，越吃越好吃。牛雜因為話湯底變得很入味，最後吃到一口都不剩。

上個月同朋友食過，報到影左d相比女朋友睇，佢話有興趣，味道又唔錯，所以就帶佢黎食多次。女朋友一睇到餐牌就話抵食想叫多d野食，鑑於呢個眼闊肚窄，我就只限佢叫3樣餸。香辣魚仔炒聖子睇個色水本來以為呢個聖子會好辣，點知原來唔太辣之餘，仲要好香好惹味。聖子雖然細細隻，不過勝在量多同埋好肥美。路邊炒米呢個粉米淨係面頭已經有好多女朋友唔喜歡既"綠色一條條"，上台果一刻女朋友面有難色，咁就唯有幫佢夾走晒，然後佢就食得好開心，有蛋有豆有芽菜，d米粉唔淋有咬口，仲好夠味。牙籤雞呢個形籤雞細細粒，一啖一粒，炸得好脆好香口，佢最特別係唔用炸粉，用類似細細粒粟米片代替炸粉，食落口感覺比炸粉更脆。

呢日夜收工，都成10點幾，同同事2個人隨便搵間餐廳宵夜，行過見到呢間餐廳裝修都唔錯，同事又話有興趣，就入去試下。呢間餐廳裝修都幾光猛，樓底仲有d中式吊燈，成個感覺都幾好feel，不過可惜無影相。叫左1個菜+1個粥（因為個粥好大煲）。象拔蚌砂鍋潮洲粥：呢個粥真係要讚一讚，粥底夠潮式，有少少咸菜，飯既軟硬度岩岩好，雖然1隻蚌仔要$30，但係完全無後悔叫左4隻，因為d蚌仔唔係迷你版，有返咁上下size，而且仲煲到個粥底好鮮甜。豬油渣菜心：呢碟菜心份量唔會太細份，菜心新鮮爽口，豬油渣脆口又唔會成口油。整體黎講，呢間餐廳最大既賣點係個粥，粥既材料選擇多，而且足料，仲要原鍋砂鍋上，真係好正。

由於有事要到伯父家中拿回一點東西，又記起早前朋友介紹心夜來潮又在荃灣，那我便跟媽媽來這裡嚐嚐他們的食物。甚少踏足荃灣的我，如果不是伯父家住荃灣而他又知那裡是三陂坊，我們都可能很難才找到位於三陂坊的心夜來潮。當我們一到的時候都已經滿座，加上天氣炎熱我們都不想坐在外面用餐，所以等了一會兒才被安排入座灰色磚牆配上木制枱和椅子，還有一些茶具擺設，很有中國古代風味，相當特別。家常牙籤雞 $26牙籤雞外形小巧很可愛，雞肉炸得香脆又不油膩，肉質嫩滑又不失雞味，還帶微微的辣味，相當滋味，作為餐前小食適合不過。蒜蓉椒絲炒通菜 $46未吃通菜已被它陣陣的蒜香味和它那翠綠的顏色吸引了， 吃上去果然是蒜香味濃，口感還十分幼嫩，很美味呢。對於我這個蔬菜控來說真的想多點一碟，但心想我還是給肚子多留一點空間吃其他的東西。牛雜鍋 (小) $98母親大人一向都喜歡吃牛雜，所以她看到餐牌上有牛雜鍋不得不把它點下來。喜歡他們把牛雜鍋放在火爐上，那便不怕牛雜凍了而影響味道。其實我們對這個牛雜鍋的期望都相當大，但它卻令我們有點失望。整個鍋的味道都偏淡，而且蘿蔔比牛雜多很大，比例上真的有點不平均。慶幸蘿蔔清甜非常，而最後我們讓這

同老公到三陂坊覓食，行到最尾終於有間唔係食雞煲的食市⋯⋯裝修好鄉村祠堂feel，幾特別，之後叫了幾味試下～1／牙籤雞$26 ～是小吃輕食，一啖一口，炸得好脆，配泰式醬，惹味，不錯～2／香辣炒蜆$68 ～不是很辣，但好夠味，送飯一流堆介3／醬鹵鴨$68 ～鹵水好入味，鴨肉很嫩不老，真心不錯4／菜脯煎蛋$40 ～又是好味小菜，完全不油，又是送飯伴侶

我家婆婆祖藉潮洲, 所以由細到大接觸潮洲菜機會很多, 而潮洲話更略懂幾句.是晚跟媽媽來到一直都想試的心夜來潮.之前有旺角店的時候已經想去, 後來得知荃灣也開了分店, 捨遠就近, 就來了新店啦.當晚食飯時已經是晚上9點, 但店內仍然有好多人餐廳環境及佈置很有農家味, 枱櫈都選用木材質料就連餐牌也很古色古香,整個給人的感覺就像在農村人家吃飯餐牌內的款式選擇不多, 但潮州特色菜茶、肉丸、醃蟹、生蝦都會有.小米餃 HK$22這個米餃size細細, 剛好是一口一粒. 外皮煙煙韌韌, 而內里包住新鮮豬肉和大地魚乾加上特製醬做成的肉餡, 味道有點像魚皮餃, 鮮味十足, 回味無窮.土魷蒸肉餅HK$28還記得小時候婆婆常常要做這個肉餅, 土魷的鹹香加上豬肉的厚實口感, 是佐飯的開胃菜.這個土魷蒸肉餅口感很糊口, 而且入口就知道粟粉很多, 不結實, 味道雖然不錯, 但口感真的很一般.紅燒醬香骨 HK$36用上一字排, 肉質比較爽口有嚼勁, 而醬汁內有濃濃的南乳香, 其實就是南乳燜排骨. 味道濃郁, 略厭醬汁收得不夠乾身.香辣魚仔炒蜆 HK$68選用花甲, 蜆肉肥美鮮甜, 份量也不少.不過辣味偏重, 如果不

健康飲食已成大多數人的飲食指標，但今次真不能不放下這原則一次！經朋友極力推廌下，原本是抱著嘗試的心態去一趟！吃過後，下次要約朋友再來！該店以潮州食物為主，環境舒適清潔，新裝修，有點復古懷舊的特色，服務亦不錯！坐下時，發覺是一張懷舊的大排檔木長椅，有特色！然後先叫了罐啤酒，是用似碗似杯的酒杯嚐的，夠豪氣！特別要提的是粥品，可自選食材，如魚、虾、蟹……今次只選了中蟹一隻，可選大、中、小蟹，朋友們都已吃得津津有味！如再另配其他，真是不得了呀炒聖子和炒蜆是不錯的選擇，聖子又香又肥又大又多又新鮮，夠鍋氣，味道確不錯，要吃要吃！牛肉球好彈牙，有根，超正勁爽，吃落有口感！下次要與朋友再來再來

荃灣區都有好多飯店，但依間飯店是吃潮式風味的飯店，感覺比較有特色，店員推介了幾味餸「豬油渣蒸水蛋」蛋質嫩滑清香調味得宜細碎的豬油渣沒有油膩的感覺👍，「三色辣椒炒蜆」蜆肉大大隻入囗鮮甜,辣味啱啱好.「小米餃」薄薄的粉果包上豬肉餡料實在恰到好處😉這間並非一般吃潮菜"打冷"的菜式，試過之後，覺得值得推薦比大家試試。