心之食堂 (裝修中)

前排男友去左日本，無假期既我就成日捉住家姐同我食飯，特別係Happy Friday既晚上，唔洗自己一個番屋企嘛。不過即興食飯，無Book枱係銅鑼灣又真係難搵位D，見到有個哥哥仔派宣傳單張，話試業中有8折。居酒屋的環境，餐廳人流唔算多，不過以試業來說有兩、三枱都叫做多人，成個環境好舒服，加上面門"心之食堂"的招牌好吸睛。最特別的係餐廳放置了大大架單車，我估店主應該是熱愛單車的一份子吧。也許還在試業階段，可是這裡的菜式比較少，但要讚真是挺特別，又夠創新，像是創作壽司、心之火焰鐵板牛柳粒、蘆筍海老牛肉卷等。坐位與坐位之間的空間足夠，可以悠閒地跟姐姐談天，不過也許現在是試業階段，只有罐裝飲品選擇，若果有更多選擇的話，分數會更高呢～上菜的速度很快，不消一會便有野食！海膽 HK$48在這裡點海膽一點也不貴，一份兩大楷的海膽只是HK$48，鮮美又甘甜，以青瓜混在一起吃，能減低膩的感覺。可以點刺身、壽司、手卷也可，價錢同樣無異！厚燒牛舌心 HK$58牛舌心每一片都非常厚又有份量，可是燒得剛好，一點兒也不會韌，真的非常好吃。小店以黑椒作調味，能帶出鮮美之餘又不會蓋過食材本身的味道，實在做得很不錯，很少吃

在銅鑼灣百樂中心時常出現排隊人龍，也是光顧樓上餐廳，所以沒主意時來走一圈，應該會有答案，排隊時收到日式照料店「心之食堂」的宣傳單張，新開8折優惠，就上去一試。可以用marker在膠片點菜，可循環再用，夠環保。可樂 $18，但是汽水機而不是罐裝，食水幾深，但店員自己就飲罐裝可樂。點了心之創作壽司 $88/3件你是女神：甘海老壽司，質感彈牙心動表白：帆立貝壽司，夠肥美滑身甜蜜幸福：三文魚，有三文魚籽增加口感，酸甜的芒果更有層次牡丹蝦壽司 $46/件牡丹蝦超級新鮮，彈牙爽口，上面有魚子添加鮮味，超值！蘆筍海老牛肉卷 $48牛肉卷好juicy，包埋蘆筍、炸蝦多了層次感。香草黑豚肉 $38咬開鬆化入味的黑豚肉，是濃郁露絲瑪利香草，燒得剛好肉嫩。這裡的壽司、燒物質素不錯，但選擇太少。

心之食堂－個名好有日本feel，上到黎都好有日本feel，環境佈置也夠心思特別，餐牌過左膠，用水筆點完餐擦掉可以循環再用，抵讚由於開業不久，未知口碑便隨便點了幾款食物試試，先黎個厚燒牛舌心，果然係厚燒夾大件，口感充足，肉質又腍，但略嫌燒得唔夠香，可以再燒燶小小香草黑豚肉，黑豚肉撈左香草，一路吃一路有香草既香氣，燒得也夠火喉，面層有小小焦，香口！京葱鷄肉串，表層塗左一層特別既醬汁，甜甜地幾好味知心好友系列3款壽司，賣相別緻，果然有心思，3款不同配搭與口味，食材新鮮，鮮甜。火焰鐵板牛柳粒，又係賣相相當有心思，而且火光熊熊，有得食又有得睇牛肉肉質頗腍，夠味，但都係可以再燒多D，會更香口更美味。菠蘿值得一讚，又甜又多汁👍🏻再黎海瞻壽司及呑拿魚腩壽司，海瞻鮮甜味美，呑拿魚腩味道就比較淡小小。最後甜品送上冰鎮菠蘿一客，果然夠哂冰係菠蘿冰！而且面層塗上糖漿，更潻美味！

朋友剛試過這新開張的心之食堂，覺得唔錯及好抵食，就介紹我來試試。來到食堂樓下，剛巧接到這張八折的傳單，真的開心不已。這裝修精緻又簡潔，坐得舒服。有點遠離繁囂，悠然稱心的感覺。油甘魚刺身＄38／３片，油脂豐而不膩，入口溶化。吞拿魚腩刺身＄98／２片， 肉質新鮮，味道鮮甜，只是有少許筋，但影響不大。 京蔥雞肉串 ＄２８／串，京蔥香，雞肉嫩滑 。海膽蟹味噌燒皇帝蟹脚＄138／隻，蟹腳肉纹呈絲絲狀，味道鮮甜，令人垂涎三尺！物有所值南瓜薯餅＄２８，外層吉列香脆，內層厚厚的南瓜薯蓉，既香且軟。 鐵板豆腐＄38，以小鐵板盛載，上桌時香濃的醬汁還吱吱地叫 ，豆腐兩面煎香，有一點家的味道。黑豚肉拉麵，爽彈的麵質吸收了滿滿以兩種麵豉餚製的湯底，味道濃郁，幾片薄薄的黑豚肉，肥而不膩，入口爆發肉香。枝豆粒粒漲滿，翠綠新鲜，夠稔又有豆香。親切有禮的餐廳經理說新張原故，大約月尾才有酒牌，這次就以冰凍的汽水來佐以這頓美食吧！心之食堂，用心、好食！ 會繼續支持！

今晚同小平去食飯，俾佢簡下，佢簡左食日本菜。呢度環境不大，而且唔難搵，個名係cafe，感覺西化，整体食物ok精緻兼有點創新，叫左食物如下：帶子鵝肝包68帶子幾厚身，全粒暖暖地，配上脂質丰盛既鵝肝，奢侈得黎一點都不貴，一大口一個自私食，經濟又滋味。李小龍卷58牛油果魚子醬蟹籽青瓜蟹肉等材料丰富，顏色靚，平飽有賣相。脆吞拿魚腩卷48蟹籽加上不少的魚腩蓉，同脆粒天婦羅，減低熱氣感覺，一淋一脆，不同層次。厚燒牛舌心58有嚼勁又唔un，燒得唔錯，不干身，鍾意食牛舌朋友mememe唔會放過。大大塊果然真材實料，黑椒味好香。芝士海苔旦卷88近來喜歡了吃旦卷，芝士更是大喜，二者加賣海苔夠惹味，玉子份量好足料。香芒脆蝦米紙卷48清淡卻精緻，健康好多菜得黎仲有香芒，蝦炸得脆卜卜。味淋魚干88比外面的價錢略貴，但其實也較一般的多量呀，燒得香又有魚味，仲有七味粉的辛，如用我最愛旦黃醬代替沙律醬，魚干被妹我一人立清。蘆薈海老牛肉卷48某人說喉嚨痛，照顧她所以點了一些菜吧，菜爽口無草青味，肥牛不肥仲又嫩紅有肉汁，海老炸得可口，三樣加賣精緻有口感。食後感：價錢幾抵呀，cwb黎講比較少有，餐牌選擇都幾多，而環境幾清靜

快樂的星期五就當然下班後孖住細妹出銅鑼灣覓好西，去到百樂中心見到一條長長人龍，而剛好接到張宣傳單張，我地就決定試試。上到去見到用膳的人不多，原來小店仍在試業中，所以環境乾淨企理，經過一輪超有耐性的介紹後，我們就點了燒物，刺身，熱食，壽司每款都試試總結食材新鮮，而且肯創新，跟其他日式小店不同，但略嫌選擇不多，價錢亦有少少偏高，不過值得一試。

無啦啦又想食日本嘢，搵到呢間新開嘅餐廳，就今晚嚟試吓。等咗好耐電梯之後終於上到嚟，細細但裝修幾得意嘅餐廳，牆上有原架單車咁得意嘅，光線充足坐得幾舒服喎又！唔係超級肚餓所以叫咗唔係好多食物厚燒牛舌心 ($58)三塊非常厚嘅牛舌心，燒得恰到好處，再加少少黑椒吊味，有嚼勁但唔韌，好難得咁厚嘅牛舌都做得咁好！海膽雞肉炸豆腐 ($58)炸得金黃色，上面有沙律醬；入面嘅海膽唔多，但撈埋雞肉及豆腐，口感都不錯！雖然係炸但啲油唔係萬年油，所以冇啲好核突嘅油味，但由於海膽嘅量唔算多，僅有嘅海膽味都被炸味蓋過咗，有啲可惜。如果呢道菜變咗係蒸嘅會唔會更好呢？蘆筍海老牛肉卷 ($48)神奇嘅配搭，加入平時較少嘅蝦，令整體嘅口感更加嫩滑，充滿醬汁嘅牛肉加上蝦嘅鮮甜仲有蘆筍嘅獨特味道，好好味啊！分甘同味 ($88)係一粒有碎吞拿魚腩、蟹膏、海膽、洋蔥粒及芥末沙律醬嘅波子壽司，賣相可愛吸引；層次勁豐富，首先食到海膽嘅鮮味、跟住就係蟹膏嘅濃郁味道、最後係吞拿魚腩嘅滑溜，再加上少少蔥粒點綴，鮮味更提升，如果全晚要搵樣食物encore，一定係呢樣啦牡丹蝦 ($48一隻)真係好大隻，厚肉兼彈牙，蝦味濃郁；蝦頭入面嘅膏鮮甜，

手卷 ($38-48)手卷司令試左油甘魚同海膽，油甘魚好肥美😚，好新鮮，而且份量比得多，食到落底都仲有。海膽更勝一籌，大大塊放係面之餘，入面都仲有，抵食過外面啲半板海膽好多😍！-芝心海苔蛋卷 ($88)蛋卷大大份，切開芝心超足，不過加左紫菜既關係，有時會成塊紫菜拉左出黎😂，如果加紫菜絲可能好啲。-火焰鐵板牛柳粒🔥 ($88)牛柳粒插係菠蘿上上枱，大家準備好手機影相之後，店員就會點著少少酒再淋落去，啲火燒到熊熊聲睇見到開心😂。牛柳粒份量唔多，食落牛味濃，韌左少少，不過有得睇表演，值回票價啦。-三文魚刺身🐟 ($38/4)刺身叫左兩份，一份比左三文魚腩，厚切既關係食落口超滿足，食得出好新鮮，抵食！

是日去到百樂中心本來想食炸雞, 點知電梯到該樓層門一打開就想放棄, 因為門外已經企滿晒人, 搭電梯回地面時剛巧有人派紙心之食堂新張期間八折, 亳無頭緒下即管一試.餐牌典型日式深夜食堂, 燒物炸物一品料理壽司樣樣有, 食堂新開張職員忙於打點裝修, 似乎有點冷落客人.既然沒有招呼, 自己點選食物好了.海膽雞肉炸豆腐新觧熱辣, 嗜到點點海膽味, 配菜加上醋味食味也不錯.燕麥豬扒感覺上比較健康, 燕麥滿佈表面, 豬扒較乾身.心之火焰鐵板牛柳粒上菜時點火, 噱頭十足. 配菜薯角即炸外面香脆薯肉軟滑, 牛柳底座的菠蘿清甜多汁. 蘆筍海老牛肉卷清爽惹味.日式鹵元蹄同中式差不多, 鹵得入味軟諗, 元蹄皮唔肥膠質重.海膽蟹味噌燒皇帝蟹腳嗜不到海膽味, 只有薄薄一層味噌, 蟹腳鮮味一般, 份量又較少, 試過就算了.李小龍卷有炸蟹鉗、牛油果、魚子醬、蟹籽、青瓜, 食材豐富. 脆吞拿魚腩卷用天婦羅脆粒除裝飾外也有脆口效果.食堂新開張只有罐裝飲品選擇, 與燒物炸物一品料理壽司唔夾, 清水又太寡口, 希望食堂增加選擇.

銅鑼灣有幾棟著名食廈。百樂中心最近又新增一員，樓下有穿著和式制服嘅侍應在派傳單……咦！有唔少矝貴食材提供，咁就試下啦！今晚點了厚燒牛舌心，厚厚嘅牛舌燒得恰到好處，肉質有彈性，韌中帶嫩，真心正！帶子鵝肝包看見大廚先用火槍燒至啱啱熟，再以紫菜包起上碟，趁熱食紫菜脆餡料正。明太子醬炸大蝦併銀鱈魚，配搭新鮮。明太子醬幾鹹，搽在天婦羅蝦上面，好味……銀鱈魚皮烙至香脆、魚肉滑嘟嘟。鉄板火焰牛柳粒上枱後再即席加火燒，當然相機食先，食完串燒仲有大塊菠蘿解解油膩，減低罪惡感。大阪燒用咗脆麪做底，口感更過癮。海膽豆腐炸雞，海膽釀埋落豆腐加雞肉再炸，海膽味唔夠突出，亦冇乜雞味，可說係呢餐裏面比較遜色嘅一道菜。本來想以清酒或啤酒佐餐，可惜店舖新張未有酒牌，唯有飲巨峰提子汁頂住先。

賽馬日開完OT原本諗住一枝公走去拉麵街食碗麵，點知途中居然撞到個冇見成年o既牌友，相請不如偶遇，兩口子就行咗去耀華街啲食廈度覓食。單憑喺百樂中心門口收到o既一張可享八折優惠o既傳單，我地就決定一試仍在試業中o既「心の食堂」。位於大廈十二樓o既「心の食堂」門外個靚靚招牌極之搶眼。門邊外牆以手繪櫻花點綴，和味極濃，明顯主理日式料理。店內並無花巧o既裝潢，天花一棧鹿角吊燈。架上除咗擺有書籍之外，仲加咗啲酒樽配襯，都幾搞野。小擺設中最可愛必定首選餐桌上o既小豬紙巾座。牆上貼出o既單車則好有大自然feel，似乎設計師有意道出唔同人有不同嗜好，一切隨心所欲吧。食堂面積唔算好大，不過勝在枱與枱間o既空間感足，唔迫之餘厚墊椅櫈都好好坐。樓面由友善健談o既哥哥仔主持，親切誠懇又落力。閒談間得知新店未攞到酒牌，現階段唔會收取開瓶費，XO仔就以極速走咗落去時代廣場，買咗樽日本清酒上黎飲，盡情享受歡樂時光！據悉，試業期間，店子會不斷更新菜式項目，故現有o既兩頁餐牌一半為手寫，自創嗰幾味仲附上彩圖參考添。眼見自己就坐喺壽司吧面前，所以就先點哂兩道「心の創作壽司」。心の創作壽司之祝福戀愛系列（$88）：祝福戀愛系

巧合地，近日好像成了百樂中心的粉絲，周一才來過，今日本來只在附近走走，好奇接了心之食堂的宣傳單張，見她強調創作料理，攜單光顧有八折，同伴認為合意及化算，就此決定了晩餐地點。心之食堂，也許在說自己花心思去做的意思，創作壽司，組合出人意表，看來吸引。居酒屋食堂之格局，簡約富活力的裝潢，以木為主暖色系列，設置壽司桌，吸睛的是這部真正單車的擺設，據說老闆喜歡這活動，根據同樣愛踏單車的同伴說，這部單車雖非頂級，亦是好貨式。只有一張彩色底面兩用的餐牌，貴精不貴多。主推心之創作壽司，有兩個系列共6款，我選了知心好友系列，似乎比較滋味。知心好友系列一客三件，各自有不同組合。好友歡聚首先這個好友歡聚，是蟹柳、青瓜、牛油果、甜蝦及蟹籽組成。甜蝦最當眼，蟹柳份量較少，牛油果豐富，口感集爽脆軟滑於一身。好味刺激饀料包括洋風吞拿魚、蘆筍、京蔥、日式辣汁沙律醬。但辣妹必定失望，因為除了京蔥之少許辛辣外，沒有期望的辣汁味道！和風呑拿魚是加了少許沙律醬的做法，赤身軟嫩好味，唯欠刺激！分甘同味見材料已知豐膄，有碎吞拿魚腩、蟹膏、海膽、洋蔥粒及芥末沙律醬，上乘材料每樣些少，加起來就是豐富，肥美。李小龍卷相信是以形取名，蟹