心之食堂 (裝修中)

銅鑼灣新開了一間以創意的日本料理為賣點，最特別是營業時間直至凌晨02:00，最適合夜鬼一族。餐廳位置於樓上鋪，裝潢以簡單深色為主，牆壁上更掛上一架單車，相信老闆是熱愛單車之人，而且更發現原來餐廳新店開張有8折優惠。🏡🚲🍙🍣🍶最值得一提是餐牌是以過膠形式，只要用水筆點選菜式便可，省去用紙張的浪費，十分環保。菜式選擇不少，價錢屬於中價路線，最後點選了：「芝士炸雞$48」、「心之火焰鐵板牛柳粒$88」、「芝心海苔蛋卷$88」、「心動大板燒$68」、「三文魚壽司(2件)$28」、「甜蝦壽司(2件)$38」、「祝福戀愛系列(3件)$88」🧀🍗🍳🍝🍖🍣🦐🍙🍕「芝士炸雞」用上鐵板盛載，5件無骨的炸雞被芝士包圍，裡裡外外都是芝士，而且鐵板的熱力保持芝士的溶化感覺。味道不會太濃，芝士跟炸雞的味道配合得剛剛好。🧀🍗「心之火焰鐵板牛柳粒」以鐵板盛載，兩串樹立的牛柳，賣相相當吸引，店員隨即淋上酒精點火，兩串牛柳即時火光熊熊，而配菜就有菠蘿及薯角。牛柳串食落肉質鬆軟，而且配上青紅椒，可以中和油膩。薯角炸得香口脆身，菠蘿入口微甜不會過酸。🍖「芝心海苔蛋卷」表面上用茄醬畫上心の的圖案，配上沙律醬，食落蛋卷cream

餐廳想做到一間用心經營的日本料理店，必先要以食客為第一，希望每位食客入到餐廳都可以開心，帶著滿足的心情離開。今晚，我和男朋友到來，試試餐廳的食物。擺設簡單，做到日本樸素味道。可愛的家感覺。香芒炸蝦米紙卷。芒果鮮甜不帶酸味，炸蝦香脆炸粉夠薄，米紙略微過厚，有失口感，但沾上酸汁後味道也是滿意。香草黑豚肉。香草味道突出濃郁，肉汁豐富肉質入口爽嫩。紫薯餅。炸粉夠薄紫薯入口味道濃郁，加上栗子果仁香味算是突出。我最欣賞的炸物。海苔芝士蛋卷。濃濃芝士流心度極高，芝味突出雞蛋半熟出色。

呢座大廈大部分都為食店, 一到晚飯時候就會有好多人等升降機上去搵食, 位於十二樓既呢間日本食店, 一出升降機就見到店名, 包無去錯; 店子面積唔大, 以深啡色梳化, 牆上掛上單車作裝飾, 莫非店主好喜歡單車?餐牌上既菜式選擇都唔少, 分為刺身, 壽司, 小食, 沙律, 燒物, 炸物, 丼飯及主食等, 以水筆劃係過左膠既餐單上, 用完就以濕布抺掉就可重用, 夠環保呀! 芝士炸鷄 ($48), 一客5件, 濃厚既熱熔芝士包埋炸脆左既鷄件一齊食, 食到咸香味道, 都話芝士呢樣野好邪惡架啦!知心好友系列 ($88), 一客三件壽司: 包括有蟹肉, 青瓜, 牛油果,蟹籽既甜蝦卷; 洋風吞拿魚, 蘆荀, 京䓤配以日式辣汁沙律醬; 碎吞拿魚腩, 蟹膏, 海膽, 洋䓤粒配以芥末沙律醬; 個人黎講會比較喜歡甜蝦卷, 一來鍾意食甜蝦, 二來無論口感及味道都比較豐富, 食起黎比較有清新甜美感覺!汁燒牛肉飯 ($48), 一客一人份量, 偏甜既醬汁淋上係牛肉及洋䓤上, 兩者都煮得好入味, 想講就算撈汁都可以食到一碗飯, 日本米食落軟硬適中, 好味!原條鰻魚石鍋飯 ($98), 真係原條鰻魚比你無花假, 鰻魚燒

係新開餐廳個list度發現到依間位於銅鑼灣上樓嘅心之食堂，除左可以係openrice方便即book位之外，新開張期間仲有全單八折優惠㖭。餐廳座位唔多，裝修其實唔算靚或者有特色。Menu上食物嘅選擇唔算話好多好多，壽司刺身定價都偏貴。同朋友點左一個角切魚生飯，香草黑豚肉飯同大阪燒。魚生飯個人認為一般，飯溫較暖。香草黑豚肉飯就幾好，黑豚肉煎得幾香，而且個汁甜甜地。大阪燒就不過不失，大阪燒底有個炒麵脆餅墊底，可以一齊食，增加口感。服務黎講，比較唔好嘅係侍應唔會主動斟水，成日要叫先有水飲。明明叫香草黑豚肉飯，第一次送上枱得肉一碟餸冇飯，同佢講完我地係叫飯唔係齋餸，拎番入去之後再上枱依然係錯，冇飯，到第三次先正確。環境氣氛： ★★★☆☆食物質素： ★★★☆☆服務態度： ★★★☆☆

在銅鑼灣行街找好味的日本菜，又不想太貴，惟有上樓。這大廈在Time Square 附近的商業大廈，見樓下排隊等𨋢，又等埋一份。甫進來見裝修幾特別，幾可愛，看看Menu有什麼好吃的。 先來一個夜光墨魚，用Martini杯上桌，真令人眼前一亮，很有創意啊！ 漂亮可愛的外表，要看下有沒有內涵先？食落味道鮮得來好特別，原來是用漬物弄的，難怪咁好味啦。 心之靈感壽司，有炙元貝，三文魚，海膽，吞拿魚，甜蝦等等。很美味，又好看，魚生大大塊，只有一小小的飯團，絕對是好味道！跟住叫咗個日式串燒，有牛舌，牛肉蝦卷，和串燒和牛。沒有想過他們會點火，在我們面前著了火五分鐘左右。燒完之後才吃，最好吃是牛舌，和蝦卷。再來一客雞軟骨粒粒，和香芋頭煎餅。雞軟骨一般，特別是芋頭煎餅，很香，一件兩人分是有少許不夠喉了。 燒豚肉也十分出式。真是估不到這小店，有高級日式食肆的水準，卻是一般日式食肆的價錢。 最後還有熱鍋原條鰻魚飯。大大片的鰻魚肉蓋在石鍋的熱飯上，香噴噴！那鰻魚肉看上去以為很硬一點卻不是，很軟身和魚皮很有彈性，汁也與飯一起煮而不是淋在飯面。 由於現在剛開張仲有折扣添，2人食如此豐富大餐折實也不過55

昨晚往此餐廳吃日本菜。我們要了一客香味切角鱼生飯、螢光鱿鱼、心之火焰鐵'板牛柳粒、李小龍卷等等。近日此餐廳正在有/\折優惠的安排。環境和地方很乾淨整潔, 當時餐廳內電視機正在播放大台的劇集, 有聲有影的播放對我來說邊吃邊追看劇集真是雙重享受。

在銅鑼灣工作的好友說這段時間發現了時代廣場附近有間新的日式食肆,近日做八折優惠;便想約多幾位朋友一齊去試試,我便是其中一位;信得過此好友的眼光,便答應此邀;好友遂告知此店名叫--心之食堂,在時代廣場附近的耀華街的商廈內!這天放工後,搭地鐵到銅鑼灣站,走過漫長的道路來到A出口,再用Openrice大神的地圖功能,按圖索驥很快便找到餐廳所在的大廈;排隊等電梯直上12樓;一出電梯門就看到顏色柔和,似以櫻花圖案為背景的招牌,以現代畫風字體的設計,帶著點點的詩意,相當醒目!好友與其另外兩位朋友早已入座,我也趕緊入內就座;只見內裡裝修走的是明亮簡約設計路線,但有些細節位如鹿角型吊燈,牆壁上掛著似真疑假的單車,又有少少另類;餐桌椅雖然偏向略細一點,但鋪排合理,置身其中也感到相當舒服!這次依舊由好友來點菜;我就略略看過餐牌,食物種類選擇也不少;就看看由好友點選的菜式如何:第一道菜來的心之靈感壽司,上菜時分了兩隻小碟,一隻是三件魚類壽司,另一隻是三件非魚類壽司,如此ㄧ來的確有心思!這六件壽司先由四人各挑喜愛的一件,餘下的兩件我們用了猜枚遊戲誰來享用;幸運的我最後享用的是拖羅與甜蝦蟹籽壽司:只見拖羅腩的顏

這間日式食堂是舊年年尾才開業，店名寓意食物全部用心製作，因此才命名為『心之食堂』。鋪頭位於銅鑼灣百樂中心12樓，每逢夜市時段都會見到樓下有人龍排隊搭Lift到樓上食肆，因為餐廳價位普遍較地鋪經濟。 用水筆在過膠的餐紙上點餐就比較環保，填完以濕布輕抹就可以循環再用了。 心之療癒刺身 $288 總共有6款刺身，共12切，其中兩款魚卷中間夾了蟹膏及海膽，所以一盤三百蚊不到的刺身，用料也認真豐富。三文魚帶有濃厚魚香就不用說了，原隻赤貝亦爽口鮮甜。 芝士炸雞 $48 甫上檯芝士依然滾燙得在噗噗噗，雞件煎炸得香脆，內裡肉汁不少，芝士味道不會過濃而蓋過炸雞的味道。這款炸雞真的是必點! 製作得比韓式炸雞店更好! 日式煎餃子 $28 反觀這碟餃子就顯得較平凡了，外皮雖煎得脆口，不過餡料沒有驚喜。 燒雞軟骨串 $18 $18蚊有兩串雞軟骨是挺抵食的，在面頭撒上幾滴檸檬汁令味道更有層次，而且可以消除油膩感。 鹽燒雞翼 $18 『燒雞翼，我鍾意食~』，燒雞翼其實一點都不容易，遇見油火要即時避開，不然雞翼必定立即變黑，得左！而這串雞翼由上至下都金黃無比，肉質有點乾身不過勝在夠香口，沒有油淋淋的感覺。 三文魚壽司

一向喜愛四周圍覓食，由其新興的食廈，今次選了到百樂中心，因為咁啱路過派傳單新開張有8折優惠，而且又是我喜愛的日式小店，所以就上去試試。門口牆身用上櫻花圖案，店內裝潢有home feel 嘅感覺，menu 全部過膠好了，方便食客用marker 劃上之後再抹乾淨循環再用，方便又環保。由於有8折嘅關係，所以我地就決定叫多些食物品嚐一下。創作壽司-祝福戀愛系列你是女神：甘海老壽司，蝦肉爽口彈牙心動表白：帆立貝壽司，肉質鮮甜肉厚甜蜜幸福：三文魚加上三文魚籽，鮮嫩甜美，配上酸酸甜甜的芒果李小龍卷入面有炸蟹鉗，青瓜，牛油果，蟹籽，非常豐富，蟹肉鲜甜，青瓜爽脆，配合得恰到好處。厚燒牛舌心牛舌鮮嫩juicy , 咸度適中鹽燒雞翼皮脆肉嫩，加上少少檸檬汁，更能帶出鲜味帶子鵝肝包用紫菜包住鮮嫩帶子再加上微微煎脆的鵝肝，口感非常豐富，而且帶子鮮甜鵝肝味非常濃郁蘆筍海老牛肉卷牛肉鮮嫩多汁，海老彈牙芝士海苔蛋卷切開中間有芝士流心，蛋卷有濃濃蛋香味，夾著中間的芝士紫菜一起吃，非常美味日式炒什菜椰菜鮮甜，而且份量十足，味道普通燒汁牛肉拉麵牛肉用上燒汁炒香，牛肉味濃郁又嫩滑，而且湯底鮮甜，拉麵亦十分彈牙

今日又走到百樂中心食日本野，餐廳名字比較特別叫心之食堂，聽個名一D都唔似食日本野。見openrice話有八折優惠，就同朋友黎試下啦心之療癒刺身，呢個刺身盤賣相冇得頂，五顏六色非常吸引，而刺身夠哂新鮮肥美，有石蚌、三文魚、牡丹蝦、油甘魚和赤貝。香味切角魚生飯，上面鋪滿魚生包括三文魚、八爪魚、劍魚、吞拿魚和油甘魚，加上少許的紫菜芝士炸雞，將炸雞放在鐵板上送上黎的時候熱辣辣，炸雞撈埋芝士一齊食芝士濃郁，雞肉又夠嫩滑祝福戀愛系列有三款。甜蝦壽司，新鮮又彈牙，帆立貝肥美，另外一款由三文魚和芒果配合而成，但芒果就有少少酸璣煮鮑魚，鮑魚肉質柔嫩細滑又鮮甜，而拌碟的蘿白一樣美味，煮得夠淋日式煎餃子，外層煎得香脆

我特別喜愛支持小店 - ​今次試下銅鑼灣日本新餐廳! ​這間餐廳位於耀華街，全大廈差不多也是餐廳忻！地方雖然不大但係感覺非常舒服，一朋友來這兒起碼不會太嘈⭐️重點/必食: 1) 邪惡 !!!!!!!!! 燒帶子㚒鵝肝! 帶子和鵝肝竟然非常夾! 估唔到個燒帶子會令到個鵝肝變得冇咁oily! 而且突出左鵝肝個味道! 好正!! 2) ​火焰鐵板牛柳粒: 竟然非常​​嫩滑! 而且店員在你面前火燒牛肉，簡直是一流的呃like 相片！最底嗰個菠蘿簡直好味到爆!3) 非常新鮮的海膽杯，價錢一點也不貴而且兩個人一人一杯，先乾杯後食海膽，一流享受！4) ​祝福戀愛系列壽司三件- 個名好特別，是三種不同類型的壽司，有一款叫做"你是女神"，用甘海老蝦做了，味道特別！5) 牡丹蝦壽司-我是非常非常喜愛的！因為蝦的味道很濃而且非常新鮮！值得一試​

「深夜食堂」呢個名相信大家都可能聽過，話哂喺日本咁出名！今次嚟到呢間心之食堂，試下小店嘅平實味道。首先，叫咗一個香草黑豚肉飯，黑豚肉肉質爽脆，又唔肥，加咗香草調味，變咗一個西式日本菜！下一個就係汁燒牛肉拉麵，湯底好濃郁，牛肉好稔，仲有就係d拉麵幾彈牙，抵讚！呢個壽司好特別呀，叫李小龍卷，入面有炸蟹鉗、牛油果、魚子醬、蟹子同青瓜，蟹鉗好香脆，再加埋牛油果同青瓜，食起來唔會好膩，有心思！跟著就係我嘅至愛串燒，我叫咗一串厚燒牛舌心，牛舌厚得來唔會韌，又夠入味，大家一定要試！下一個係特色菜，明太子醬炸大蝦併銀鱈魚，脆卜卜嘅炸大蝦上面有明太子醬，好夾；重點係個銀鱈魚，好鮮甜，又冇骨，正！食為芝士迷嘅我，就一定會叫呢個芝心海苔蛋卷，咬落去全部係芝士醬，又有紫菜喺中間，好濃蛋香味，用嚟送飯好正！最後一個就係海膽雞肉炸豆腐，雞肉同海膽一齊同豆腐炸，好脆，啖啖海膽，好創新！呢間心之食堂真係用心去經營，野食又好，大家不妨多多支持小店呀！

老婆卒之考完試，雖然仲有份功課要做，但月尾先到死期，所以，趁個空檔同佢食餐好好哋嚟慶祝一下。日本嘢佢都好耐無試，故走咗嚟心の食堂，貪有八折優惠，哈哈。門面牆上畫咗好多櫻花，所以，一上到12樓就好易認。不過，初以為店家起名叫「食堂」應該內裡環境好有日式食堂感，但裝修卻頗摩登，有啲銅喉做裝飾，又掛上兩部單車，雖整體欠缺和風嘅感覺，但還是舒適好坐。枱上嘅擺設唔多，一隻小豬杯杯，用作擺紙巾及牙簽，倒幾得意。深啡色瓷餐具，印有少少櫻花圖案，算喺店內較帶有日式元素嘅嘢。餐牌簡簡單單就印晒落一小張餐單紙上，類別分為創作壽司、刺身、燒物、炸物、主食及一品料理。不過，點菜卡有另一套，依家睇番先發覺點菜卡嘅選擇喺多少少，好似我哋點嘅魚生丼晌餐牌紙喺無嘅。心の創作壽司（知心好友系列）$88創作壽司有祝福戀愛及知心好友兩個系列，以多樣化食材所組成，喺店家嘅招牌，我哋就揀後者，出嚟嘅賣相確喺幾靚幾有特色。歡聚喺以蟹柳、青瓜、牛油果、甜蝦及蟹籽所組成，甜蝦喺比較最主體嘅食材，蝦肉鮮甜爽口；而其他食材就捲入壽司飯內，外層黐滿蟹籽，故口感都豐富多變，因此取名歡聚？刺激刺激嘅元素在於用上自家調製嘅日式辣汁沙律醬，藏於壽

OT過後老公竟然接我放工，心情大好，去拍拖仔食個late dinner。揸住車過海黎到銅鑼灣，去到美食聚集的百樂大廈，見到有間新開的小店，店名幾特別就決定一試了。心之食堂門面已有好多心心，格調溫馨和諧。Menu上都見不少心思，食材同食物名稱都相當特別。店內亦是小小的溫馨居酒屋style。坐下後，不難見到店主的心思，座位旁邊竟然帶齊三款充電線！太夜的關係，同老公只點了好幾客壽司同小食。先來一客磯煮鮑魚，鮑魚十分軟身，係慢煮多小時的成果。醬汁甜甜地，入哂味，又鮮又甜。連伴碟的蘿蔔同樣精彩。壽司刺身都係大路的油甘魚、海膽、三文魚子、拖羅等等。但原來每一小件壽司刺身店主都好有誠意甘加入不同的素材。油甘魚刺身加入柚子同海鹽，仲有小菊花在中間，味道好有層次，唔駛再另點醬油同wasabi都已經好好食。另一款最抵讚的就是三文魚子軍事艦，三文魚子脆卜卜，粒粒圓潤滑溜，感受到店主處理食材的用心。老公唔想食生野，點左一客邪惡包。邪惡包原來係鵝肝帶子包，熱辣辣的紫菜包著煎香的帶子同充滿香油的鵝肝，果然十分邪惡。另一驚喜就是日式鹵圓蹄，估唔到居酒屋都有呢道小食。半肥瘦的圓蹄煮得十分入味，甜甜地，有少少油脂的香味

接近聖誕，多數西餐廰都會因節日而推廣聖誕大餐。 價錢當然會貴啲啦！為免浪費金錢，通常我會去食中餐，日式之類，要歡渡佳節，其實任何形式都會開心。今曰選擇了商厦內的日本菜餐廳。刺身拼盤少不了。色凙鮮透的刺身，每款都是新鮮無比。最得我心的大蝦，蝦膏滿瀉，濃郁芬芳，肉身還有彈性而漿口，好美味。蜆又是我喜愛食的海鮮之一。反傳統不是清酒煮，用了胡椒豬骨湯煮，可能胡椒太重手蓋過了蜆的鮮味，吐砂程序又不足，美中不足。串燒又如何呢？厚燒牛舌心有點臊味。燒雞腎爽口有嚼勁，但調味不夠。京蒽雞肉串最惹味，肉質嫩滑。燒雞肝過老，有點韌。豬軟骨中規中矩。最後點個芝心海苔蛋卷，蛋卷不過老，嫩滑有蛋香，絲絲的芝士滋味但有點腻。最後有點意見給店方，如作為日本莱路線的餐廳，最低限度要有杯日本茶，不知為何只得水。