德記潮州菜館

营业中

休息中

跟個朋友打完拳之後去左食中菜佢介紹我地黎食德記潮洲菜我都鐘意食佢同我地講呢間餐廳好出名 一到夜晚就好多客人 排隊都等勁耐位好在今次打完拳都係6點 未到正式食飯時間所以唔洗等就有位入得！ 不過食到咁上下 真係爆晒場！ 所以建議大家可以的話都早少少黎食第一道我好期待既係 蠔仔粥唔洗用湯匙攪就咁上檯一望就會見到蠔仔份量超多 個粥底因爲吸收左蠔仔既鮮味 再配上大地魚 真係好鮮甜 咸味調較適中 食完一碗又一碗另一道我好想食既係潮式糖醋伊面呢款我個人認為係潮州菜必點既菜式之一一放上檯 哇 好大塊好大件 金黃色 我最鐘意係加砂糖 香脆得黎甜甜地 一d都唔油 煎得好香另外有醋 等大家開開胃 個人覺得係其中一款推介菜！因為打完拳 天氣又熱 見到隔離檯杯咸檸七就已經好想飲！德記自家咸檸檬配上7up 夠凍之餘重要好鬼入味 飲完真係好想再飲 係離開餐廳果陣 見到有一樽樽既咸檸檬賣 買多樽第日係屋企飲 好爽呀我地重點左炸蠔餅 呢個超抵食！ 一上檯已經同朋友講明 問責制！ 邊個點邊個要清晒佢 因為 佢 真 係 好 大 份 呀！另外重點左冷滷水拼盤 韭菜豬紅因為太餓太攰 所以無影咩相